نقطة لقـاء

part 38

عند ليان ببيت الجد مطلق
كانت تبكي بحرقه من الغيره اللي فيها ووسوس الشيطان براسها وكانت تحاول وتصارع نفسها انها تنساه
طق باب غرفتها وكانت رزان
رزان : ليان شفيتس صار لي ساعه عند الباب
ليان بصراخ وبكي : رزان اتركيني مابي احد بحياتي صرخت وبجنون قعدت تضرب كل شي قدامها واخذت الصندوق اللي كان يحمل كلشي بينها وبين عساف ورميته بكل قوتها على الارض ، انتثرت كل صور عساف ورسايله ورسايلها له قدام عيونها جت بترمي الصندوق برجلها لكل طاحت على ورا بالضبط على حافة السرير وفقدت الوعي والدم سال بارجاء الغرفه
-
عند رزان
كانت جالسه تحت ماكان فيه احد بالبيت الكل مشغول ، اللي بالسوق واللي بالشغل واللي يتعلل
دخل عساف بيت الجد مطلق وتنحنح من شاف رزان
تغطت رزان وقالت بهدوء: هلا
عساف : وين الناس
رزان : جدي راح يتعلل عند واحد وجدتي مع عمي بالسوق ومعاهم عماتي والباقي عندهم اشغال ونصهم ببيوتهم
عساف : ليان وين؟
رزان سكتت شوي وبعده قالت : ليان جت تعبانه وطقيت بابها وكانت تبكي
عساف : انا بروح لها
رزان : لاحد يشوفكم وين تروح
عساف : معليتس ، تعالي شوفي لي سبير الغرفه
رزان : طيب بجيبهم واجيك
اتجهه لغرفتها وكان يحاول يسمع شي لكن كان هدوء
رزان : هذا مفتاحها
مسكه عساف بهدوء ودخل المفتاح وبدا يفتح بالباب
رزان : طيب بشوفها يلا تدخل انت
ضحك عساف بخفه وبضيق وقال : تمام ادخلي
دخلت رزان وانصدمت من المنظر الي شافته واكتفت بانها تصرخ بقوهه
دخل عساف وشاف ليان منسدحه والدم حولها ركض لها وشالها على طول
والتفت حولها وشاف رسايلهم وصوره اللي كانت ممليه المكان
عساف : رزان  شيلي الصور والرسايل بالصندوق واغسلي الغرفه واذا احد سالتس عن ليان قولي عند بيان ولا تجيبين طاري لاحد
رزان : كيف تبيني اكذب
عساف : ماتكذبين بس عشان مايخافون عليها سوي اللي قلت لتس عليه
رزان : طيب طمني عليها
عساف : ابشري ، فمان الله
وطلع من الباب الخلفي للمستشفى على طول
-
عند ساهر اللي كان يتصل على عساف عشان يحضر الخطبه
رد عساف بهدوء: هلا يبه
ساهر : لا بدري ، الناس جايه تخطب اختك وانت مدري وينك
عساف بهدوء وبضيق : لا تنتظروني بتاخر انا عندي شغل مهم
ساهر : لا والله والشغل اهم من خطبة اختك ؟
عساف : يبه بتال وهتان وفهد يسدون مكاني ماقدر احضر
ساهر : طيب وش الشغل اللي عندك
عساف :ي يبه لو جيت بقولك فمان الله
ساهر : انتبه لنفسك
عساف : ان شاء الله وسلم على ديم
ساهر : ان شاء الله
فهد : هاه يبه وينه؟
ساهر : مايجي عنده شغل
فهد : وش الشغل ذا؟
ساهر : مدري يقول لو جيت اقول
فهد: انا بتصل عليه الحين
ساهر : ياليت لو يجي
فهد : ان شاء الله
طلع فهد ولقى اتصال من عساف
رد دق عليه
فهد : غبي انت ماتبي تحضر؟
عساف بضيق : فهد انت اللي تفهمني سد مكاني وخلاص
فهد باستغراب : صاير شي ؟
عساف بهدوء: ليان
فهد : شفيها ؟
عساف بضيق : وديتها المستشفى وتعبانه بسببي
فهد : ليه وش مسوي
عساف : داليا يوم وديتهم للصيدليه طاحت والتوت رجلها وماقدرت تمشي وشلتها بدون لا احس والله بس ابي اخلص
فهد : اي؟
عساف : ليان كانت تدق ومارديت عليها ودقت على ديم وديم قالت لها كلشي وماكانت تدري باللي بيني وبين ليان
فهد : اي؟
عساف : وباكيه وطايحه بغرفتها على الحافه والحين مدري تو دخلوها بس قلت لرزان تقولهم انها عند بيان ابي اكلمها لحالي لو صحت تكفى يفهد افزع لي
فهد : خلاص ابشر لا تتضايق وتفاهم براحتك معاها بس دق طمني
عساف : الله لا يحرمني منك يعيون اخوك انت
فهد : ولا منك يلا قوو نفسك وترا بيجون خوالي كلهم وجدي والبنات
عساف : وشلون لو سألوا عن ليان
فهد : بمشي انا وبيان بدري وبقول انها تعبانه ببيتنا
عساف : واذا سألوا عن التعب
ضحك فهد بهدوء وقال : حراره ماعليك بقول لبيان
عساف : يلا جاء الدكتور فمان الله
سكر فهد وتنهد
هتان : فيه شي؟
فهد : عساف
هتان : شفيه عساف ؟
فهد : مابيحضر ولازم نسد مكانه
هتان : مو مشكله بس فيه شي هو؟
فهد : لا ماعليك بسيطه
هتان : جوا الضيوف امش
وفعلا دخلوا كلهم وبدوا يقهوون وعايلة الجد مطلق كلها حاضرباستثناء عساف وليان
-
عند عساف
عساف : هاه شصار دكتور ؟
الدكتور : تحتاج متبرع
عساف : اتبرع لها بقلبي لو تبي
الدكتور : بس نشوف فصيلة الدم
عساف : نفس فصيلة دمي خذ اللي تبيه
الدكتور : تعال معي
وفعلا اتجهوا وسحب دم من عساف وتبرع لليان
-
عند فهد
تنحنح والتفتت له بيان وقالت : اهلينن وينك اختفيت
فهد : تعالي ابيتس
مسك يدها ودخل غرفة دارين
دارين : نعم انت وياه
فهد : توكلي برا شوي
ضحكت دارين وقالت : ابشر
وطلعت
بيان : شفيك خوفتني
فهد : تعرفين ان عساف يحب ليان ؟
بيان : اي اعرف وهي تحبه بعد
فهد : اليوم ليان ماحضرت صح؟
بيان : اي سألت البنات قالوا ماندري وقالت رزان انها تعبانه فيها حراره
فهد : بيان اسمعيني للاخير بتتهورين بتهور معتس انا اسمعيني
بيان : شفيه شصاير
فهد : ليان اليوم باكيه بسبب عساف ومغمى عليها بغرفتها وطايحه ونزف راسها
شهقت بيان
مسكها فهد وثبتها ع الجدار وقال بهدوء : انا قلت تسمعيني للاخير بدون تهور فاهمه!
بيان : ليان شفيها
فهد : عساف اخذها للمستشفى لا تخافين عليها
بيان : ولو يدري رعد تعرف وش يسوي بعساف
فهد مسك ذراعها وقال : رعد يعرف ان عساف مايسوي حركات ورجال والنعم فيه
بيان : اتركني شفيك انت
فهد : الحين بنمشي الساعه 11 وينقول ان ليان عندنا تعبانه بالبيت وحراره ومثلي انها مافيها شي بس تبي ترتاح
بيان : تبي اكذب على امي !
فهد: ماقلت كذبي بس عساف وليان بيتفاهمون حطيني انا وانتي بدالهم ماتبين تتفاهمين معي لو كان نفس سالفتهم
بيان : الا
فهد : عشان خاطري وخاطر ليان سوي اللي قلت لتس عليه
بيان بهدوء : ابشر بس نروح نشوفهم
فهد : لو تفاهموا وخلصوا من عيوني
بيان باست خده وركضت
فهد : شوي شوي انا برا
بيان : يلا جايه
لبست وطلعت بعد ماعطتهم خبر وطمنتهم ان ليان مافيها شي وعندها بالبيت
-
عند عساف
دخلوا ليان بغرفه ودخل عليها وهو ينتظرها تصحى
كان يتأملها وكان راسها ملفوف بشاش ابيض
الدكتور : شوي وبتصحى
عساف : تمام يعطيك العافية ماقصرت
الدكتور : واجبي
طلع الدكتور وترك عساف وليان لحالهم
ليان كانت تتحرك لكن ماكان منتبه عساف
حست وبدت تستوعب اللي صار وفزت اول ماشافته عندها
عساف : اهدي
ليان : اطلع برا
عساف : ليان بفهمتس بعده بطلع افهميني بس
ليان : مابفهم احد اطلع يعساف
عساف مسك يدينها وقال : مابطلع الا لما تسمعيني
بكت وبدت تتهور
مسكها بكل قوته وقال بصراخ : افهميني لا تقسين كذا فجأه
ناظرت لعيونه وكانت ساكته
عساف : ليان انا احبتس واموت فيتس وانتي تدرين بذا الشي لا تتهورين بتصرفاتس ذي مستعد اسوي اللي تبينه بس ماتتركيني وحنا قربنا
ليان : بس انت تحبها
صرخ عساف بعصبيه وقال : اكرهها ماواطنها ماحبها انا ابيتس انتي احبتس انتي داليا ماتسوى ظفرتس والله انا شلتها عشان برجعها البيت وارتاح من الهم اللي انا فيه اسنديني ي لياني تكفين هذي اشواق وريان عانت اشواق من ريان وشوفي الحين شلون ماشاءالله ،انتي لا تستسلمين بسهوله لا تتركيني لها
ليان ببكي : انا احبك واموت فيك بس انت احترم مشاعري
عساف مسك يدها وباسها وقال : بنبدا بدايه جديده بخطبتس من خالي بكره
ليان ابتسمت بهدوء
قام عساف وباس راسها
تنهدت بتعب
ضحك بهدوء وقال : احبتس ي لياني
ناظرت له واكتفت بالابتسامه
دق جواله وفتح ورد
فهد : هاه شلونها؟
عساف : بخير الحمدلله هذي هي قدامي
فهد : بيان تبي تكلمها
عساف : تبشر
وفعلا كلمتها بيان
ليان : هلا
بيان : هلا فيتس شلونتس فيتس شي ؟
ليان : الحمدلله بخير مافيني الا العافيه
بيان بمزح "وهي تدري ان عساف يسمع": انا قايله لتس الحب مو حلو بس ماسمعتي كلامي
فهد : لا يشيخه ؟
عساف : لا تسمعين كلام اختس
ضحكت ليان بهدوء وقالت : ماسمعته من اول اسمعه الحين
فهد ناظر لبيان وقال : خلتس تستاهلين
ضحكوا كلهم وجلسوا يسولفون عن الخطبة
::::::::::::::::::::
توقعاتكم للجاي ؟
(ادعموني بنجمه ولايك قراءة ممتعه 🥹❤️)