نقطة لقـاء

part 23

اليوم الموعود زواج ابطالنا فهد وبيان "الكوبل اللطيف " الساعة 1 الظهر عند البنات
روان : يبنات مو لازم ناكل هنا نطلع بدري ان شاء الله بعدين ناكل
اشواق وهي تقصقص حب وواقفه فوق روسهم : لا حبيبتي ما تصبر لين ما نرجع
اطلبي لنا غدا على حسابتس
روان : اي حساب يعيوني شايفتني قاعده على بنك
اشواق نفضت شعرها بغرور وقالت : حبيبتي زوجي يحول لتس شهريا 1000
ريال وانتي قاعده وينه يلا وش سويتي فيه؟
هديل ضحكت وقالت : وش الكلمه اللي بعد حبيبتي ؟
اشواق ناظرت لها وقالت : لا تصدقين كذا قلتها اسم بس
روان : راح بالمطاعم آخر الليل
شهقت ام ريان وقالت : يالسلقه كم الساعه تنامين ؟
ضحكت اشواق بقوه وقالت : علمت على نفسها الخبله
روان ضحكت معاهم وقالت : يمه اكذب عليهمم طلبيتي بتجي ابتسمت ام ريان وقالت : بمشيها لتس
اشواق ابتسمت وقالت : الحين منو يدفع حساب الغدا خلصوني كلهم بصوت واحد قالوا : انتي
ناظرت لهم وقالت وهي تقلد روان : شايفيني قاعده على بنك ضحكوا الكل وقاموا يتجهزون راحت اشواق لغرفتها وسمعت صوت بغرفة ريان جاها فضول
وفكت الباب وهو منسدح على سريره تو صاحي
اشواق ناظرت له وقالت بحده نايم هنا ؟ ناظر لها وقال : اي يعني وين
اشواق : والبيت ساحب عليه
ابتسم وقال : اذا نمتي عندي نروح هناك ضحكت وقالت : تحلم رد بهدو : اجل ليه جايه
وقفت عدل وقالت : جاني فضول من الصوت اللي بغرفتك وجيت استغرب وقال : اي صوت
اشواق قالت بحده : شدراني المهم يعني ابي فلوس
ريان : مو ميته علي جايه على الفلوس
اشرت براسها بمعنى "ايه " ابتسم وقام وهي عبالها بيجيب الفلوس لكن سحبها له وعاكسها وقفل الباب وسند عليه ناظرت له بهدوء وقالت : طلبت فلوس ماقلت
ابيك
ابتسم على جنب وقال : بس انا ابيتس
تنحنحت وضحك بقوه وقال : كم تبين
ناظرت له وقالت : كم تتوقع؟
ناظر لعيونها وقال : 10 الاف؟
ابتسمت ولعبت بشعرها وقالت : صح كثير بس استاهل
ضحك وسحبها للسرير واعتلاها وقال : اخذ الي ابيه بالاول ناظرت له بصدمه وقالت : نعم ريان خيرر الناس تنتظرني ماعاد ابي شي وخر
ضحك وقال : اجل كيف بتدفعين ؟
طلعت صرافة جدها وهزتها باصابعها اشواق ناظرت له وقالت : وخر بقوم وخل فلوسك لك باس مبسمها وثبتها زين وماتركها ابدا الين ما بدت تضرب فيه تطلب النفس
ابتسم على جنب وقال : اوهه صرافة كبيرنا
فكها وابتسم وقال : يوصلونتس الان قامت وعدلت ملابسها ووصلتها رسالة
ناظرت وابتسمت ابتسم من ابتسامتها وقام بهدوء باس راسها ناظرت له وابتسمت وحست بداخلها شعور الحب يتجدد له ابتسم وطلعت بسرعه تتجهز قبل يقومون عليها البنات
...
بعد ربع ساعه بالسياره
رعد جالس ينتظرهم بالجيب ووراه سحاب وهديل وروان ورزان وديم و جنبه جالسه بيان جت اشواق ومعاها ليان والصراخ والهواش ممليين المكان ناظرت اشواق وقالت : خير ارجعوا ورا اخر شي عشان نركب حنا
صرخت ليان وقالت : والله لو اركب فوق السياره ماني راجعه ورا
هديل : يبوي دزي انتي وياها تراتس صغيره يلا ورا
افتحوا الباب واللي تنزل بالثانيه وتصعد وبيان ورعد قدام بیان حاطه سماعه ورعد مسكر اذانه الين ما صرخت سحاب وهجد الكل لكن للاسف رجعوا يتهاوشون
~ بعد ربع ساعه ~
الترتيب :
رعد وبيان قدام ورا رعد سحاب وجنبها هديل وجنبها أشواق وبعده روان وبعده
ديم وورا اخر شي رزان وليان
ركد الوضع بالسياره واتجهوا للصالون
-
عند منيره
دقت على سعاد ووصلها صوته : هلا منور جاهزه؟ منيره بابتسامه جانبيه : طبعا جاهزه
ابتسمت سعاد وقالت : برسل لك الموقع وروحي لهم ضحكت منيره واشرت على خشمها وعبالها سعاد تشوفها وقالت : على ذا
الخشم بس كونوا جاهزين الليل بنمركم انا والسايق وقولي لام بدر ضحكت سعاد وقالت : بنحضر انا واختي وامي وام بدر وبناتها بندمرها الخايسه
ضحكت بقوه وقالت : معكم طبعا
بنات ام بدر يدرون لكن ما يقدرون يعلمون على امهم "
بعد ساعه البنات جالسين بيطلبون اشكالهم جدا عفويه حاطين الكريم على وجيهم وينتظرون
جت منيره وقالت: اوهه احس اني شايفتكم من قبل
ناظروا وابتسموا لها وقالت اشواق : وانا بعد يمكن بالجامعه ناظرت لها منيره
وقالت : يمكن
ابتسمت اشواق وقالت : حياتس معانا جلست وبدت السوالف
مسكت ليان بطنها وقالت : يلا يبنات خل نطلب
ناظرت لها اشواق وقالت : تم بطلب لكم بس هاتوا طلبكم ناظرت منيره وقالت : حسابكم علي
الكل صرخوا وقالت اشواق : حنا مجموعه وانتي وحده اسكتي بس حسابتس علي
ابتسمت منيره وقالت : يروحي انتي من وين بتطلبين
ناظرت اشواق وقالت : قريب من هنا عشان يوصل اسرع ناظرت منيره وقالت : فيه واحد اعرفه حلو بطلب لكم منه وجبتي المفضله مطعم برجر
ابتسمت اشواق وقالت : وريني طلبتس
ناظرت لهم منيره وقالت : تايستي تشيكن
ناظروا لها البنات وقالت هديل : عادي اطلبي لنا
اشرت اشواق وقالت : انا مابي ذي اطلبي لي كرسبي دجاج "وللاسف ساعدت
اشواق منيره بخطتها بطلبها غير عنهم كلهم " ابتسمت منيره بوسع ثغرها وطلبت من جوال اشواق ودفعت منه وجلسوا يكملون شعورهم
عند العيال طلعوا يحلقون مع فهد وكانوا هادين عكس البنات اللي قلبوا الصالون مرقص
عند بيان كانت فرحانه وتناظر لفرحتهم وهم يرقصون والعاملات يشتغلون عليهم
ضحكت اشواق وقالت : جاء الاكل منو يجيبه
اشرت منيره على نفسها وقالت : انا دامني بعبايتي
ضحكت ديم وقالت : ما تقصرين
راحت منيره واستلمت الطلب لاحظت الوجبه المختلفه وافتحها وفعلا كانت وجبة اشواق حطت داخلها شي وسكرتها وراحت لهم وعطتهم الوجبات وعطت اشواق
حقتها وبدوا ياكلون وحست اشواق بدوخه لكن طنشت وتجهزوا كلهم وقبل لا
تطلع العمه نووه قالت لمنيره : برسلك موقع القاعه تنورينا يبنتي
ابتسمت منيره وقالت : ان شاء الله طلعوا البنات واتجهوا لبيت الجد مطلق يتجهزون
...
الساعه 7 الليل
دقت العمه نوره على عساف وطلبت منه انهم يجيهم يوديهم للقاعه وفعلا جاء ووصلهم للقاعه وهم بكامل كشختهم وبدوا الحضور يجون
" تلميح بسيط "
سحاب : فستان موف ماسك لين تحت صدرها وعليه زي اللفه بيضاء عليها كريستال بنفسجي رافعه شعرها ومسويته ويفي ولابسه عقد فضي مع السوار والحلق
اشواق : لابسه فستان اسود على الجسم من فوق مزين بالفضي ماله اكمام ابدا ماسك على صدرها وبارز لنا مفاتن جسمها ومن تحت عند خصرها مكسر على جنب الين نهاية ساقها فاكه شعرها ومسويته ويفي مرفوع من قدام لابسه سوار هادي جدا وحلق
هديل لابسه فستان احمر ماسك على صدرها لين خصرها وعليه كرستالات
حمر غامقه وله حزام رافعه شعرها من قدام والباقي مفتوح ويفي
ديم لابسه فستان فستقي على الجسم من تحت عليه كرستال فضي وعلى جنب
تركيبه مغطي على كتفها الايسر ومطلع لنا الايمن فاكه شعرها بالكامل مسويته
ويفي ولابسه عقد فضي هادي وناعم
روان لابسه فستان اصفر من فوق ابيض مغطي رقبتها بالكامل وماسك على
جسمها لف فتحه من اليسار الين الركبه وله تركيبه ماسكه على خصرها رافعه
شعرها ومسويته ويفي ولابسه حلق كبير وجميل وسوار هادي مع خاتمه
رزان لابسه فستان عنابي على بنفسجي غامق ماسك على رقبتها ومطلع لنا
كتوفها ويدينها ومن عند خصره له تركيبه على جنب له اكمام تركيب مليانه
كرستال فضي
لبست عليه حلق فضي كبير وشعرها ويفي عليه تاج ملكي فضي
ليان لابسه فستان نيلي ماسك على صدرها لين خصرها وبارز لنا كتوفها