صباح اليوم الثاني ببيت الجد مطلق
الساعة 4 العصر
رعد: جدي الذبايح
الجد مطلق :اصلخهم انت والعيال
رعد :ابشر
راح الجد مطلق
لف رعد عليهم : يلا انت وياه بسرعه
فيصل : تعرفني ماحب الدم
رعد: اقول قم وانت ساكت
قام ريان : يلا يعيال تراهم 4 ذبايح انا وحده ورعد وحده باقي اثنين عاد
فارس : وحده علي
رعد: يلا اخلصوا
عساف : يلا الباقي لي
فهد : اجل انا بروح لخالي
سلطان : ابوي؟
فهد: ايه
سلطان : عن اللي امس ؟
فهد: ايه
فيصل : طيب خذ راي عمتي اول
فهد: اعرف امي انا
ريان : تتكلمون بالالغاز؟
عز : وشو جاني فضول
رعد: فهد طلب ايد بيان واليوم بيكلم ابوي
مشاري : الله عاد مشتاقين للعروس
ريان : بسم الله ترا توني متزوج
ذيب: بالله عليك سعيد بحياتك؟
فارس : مبتلش تلقاه
ريان :لا الحمد لله بس مالهم دخل ببعض وهذا شي مريحني
رعد :اقول انت وياه اخلصوا
ريان : يلا بسم الله
فيصل : انا بدخل
ذيب : تحتاجون شي يعيال؟
رعد : لا ما شاء الله تبون تذلفون
ذيب : لا
مشاري : ترا جدي مستعجل اخلصوا
وفعلا كل واحد منهم اتجهه يصلخ خروفه
-
بالجهه الثانيه
فهد : يخالي مدري شلون ابدا
ابو رعد: امر وانا خالك محتاج شي تبي شي؟
فهد : لا يخالي بس ..
ابو رعد : شفيك تكلم يولدي
فهد: انا طالب القرب منكم يخالي
ابو رعد : الساعه المباركه يولدي ياهلا والله
فهد : هلا فيك يخالي
ابو رعد : اجل كلم الشيخ يجي اليوم تصير بدال الفرحة فرحتين
فهد: صدق خالي ؟؟؟ يعني موافق؟؟
ابو رعد: اي طبعا يخالي انت ولدنا والنعم فيك بس ماقلت لي من تبي؟
فهد : ابي الكبيره بيان
ابو رعد : زين ماخترت يولدي زين ماخترت
فهد باس راس خاله : يعطيك العافية يخالي ما قصرت
ابو رعد : ولو
-
ببيت الجد مطلق
بغرفة رعد تحديدا كانت غرفته تطل على الحوش كانت واقفه
سحاب ومعها اشواق يناظرون لرعد وريان وفارس وعساف
اشواق : وربي لو انه بس مو ماخذ سعاد
سحاب :ما عليتس حبيبتي
اشواق: والله لا عيشه عيشه هنيه وخاليه من مشاكل ومعاتب وهواش
سحاب ضحكت
اشواق : حيوانه انتي اشكي لتس انا
سحاب : شوفي شلون مبتلشين
ضحكت اشواق : لو رعد وريان بس نروح انا وانتي نساعدهم
سحاب قامت
اشواق : وين
سحاب : بجهز اغراضه عشان يجي يتروش
اشواق : اجل بنزل انا
سحاب : لا روحي جهزي اغراضه
اشواق : وليه ما تجهزهم سعاد
سحاب : انتي غبيه ؟
اشواق : ياخي مابي
سحاب : اقل اص وروحي جهزي اغراضه وخليه من يصعد يجي لغرفتس
اشواق : تقولين كذا ؟
سحاب : ايه
اشواق : يلا ان شاء الله بروح اجهز له
سحاب : اي حبيبتي
اشواق : بسم الله يويلتس اذا صار لي شي
سحاب : اصبري اصبري
اشواق : شفيتس
سحاب اخذت عطر من عطورها : تعالي
اشواق جتها : هاه شفيه
سحاب حطت لها عطر
اشواق : يحيوانه ذا ريحته تجذب
سحاب : اي انا ابيه يجيتس
اشواق : انقلعي رايحه ابدل
سحاب : والله يويلتس
اشواق : اقول اذلفي
سحاب : تروح ريحته بسرعه معليتس
اشواق : احلفي بالله
سحاب وهي تستغفر بداخلها : والله
اشواق : اجل بجهز ملابسه
سحاب : يلا جايين وحنا تاخرنا
اشواق طلعت واتجهت لغرفته اخذت اغراضه لغرفتها
كانت حاطه ثوبه على صدرها ومسك من ريحة عطرها
بانت اصواتهم، طلعت عشان تناديه يجي
شافت رعد دخل غرفته وفيها سحاب
وعساف وفارس اتجهوا لغرفهم
وريان كان متجهه لغرفته لان غرفته وغرفة اشواق متقابلات
طلعت سعاد من غرفته
اشواق ناظرت وطلعت من غرفتها وانتبه لها ريان،سعاد كانت بتقول له تعال لكن سبقتها اشواق
اشواق : ريان تعال هنا جهزت لك كلشي
ريان دخل غرفتها تحت انظار سعاد
ريان : اي شفيتس شفتي سعاد واستعجلتي بي
اشواق : ابدا مانتبهت لها
ريان : واضح
التفتت له اشواق : دامك تدري ليه تتعمد تسوي فيني كذا
ريان : ما تعمد
اشواق قلدته : واضح
ابتسم : فيه ريحة حلوه وغريبه علي
اشواق تذكرت عطر سحاب : ايه حقي
ريان : طيب حقتس شجابه لثوبي
اشواق : لاني شلته صار عليه
ریان : اشواق بسالتس وجاوبيني
اشواق وهي تشغل نفسها على تسريحتها : هاه قول
ريان : احد قالتس جهزي لي الاغراض ولا من نفستس ؟
اشواق : بتستفيد شي لو عرفت؟
ريان : لا
اشواق : اجل خلاص
ریان : انا ابي اعرف
اشواق : ولا احد انا جهزتهم
ريان اتجهه لها وكان كل ما يقرب تزيد ريحة العطر وتخليه ما يحس بنفسه
اشواق وهي تتهرب : ريان ترا للحين ما تروشت
ريان : ليه اتروش مرتين؟
اشواق وهي تكلم نفسها " يارب مو اللي ببالي " : روح تروش وخل عنك الكلام يريان
ریان : لمتى ي اشواق
اشواق قامت على طول : لين ما تطلقني وافتك
ريان : هذا شي مستحيل
اشواق : ليه تعلقني فيك وانت مو لي ؟؟
ريان : ليه مو لتس انا ؟
اشواق : ايه مو لي طالما فيه انسانه ثانيه بحياتك
ریان مسك يدها : لمتى تضلين تبعدين !
اشواق : قلت لك انا
ریان : ما بقتنع باللي قلتيه !
اشواق : ريان وخر عني ولا اسمح لك تقرب
ریان قرب منها : بقربي اشواق تراتس حلالي ولا تنسين ذا الشي
اشواق وهي تحاول تفكه : ماني حلالك دام فيه بحياتك سعاد ولا تقرب مني غصب عني يريان
ریان تخدر بعد ما قرب منها وكانت المسافة بينهم معدومه
اشواق : ريان لا تعاندني ووخر جدي ينتظرك تحت "قالتها عشان يوخر عنها بس "لكن للاسف ما فادتها كذبتها بشي
ریان بلل شفايفه : اسف يعيوني
اشواق دمعت على طول وعرفت انه ماراح يبعد ابدا
اشواق ببكي : تكفى وخر
ريان : اقبلي اعتذاري وسلمي نفستس
اشواق : ما بسامحك
ریان : اقبليه
اشواق : مابي
ریان : يعني تعاندين ؟
اشواق : ايه
ريان : عنادتس ما بينفعك الا انه بيزيد عليتس
اشواق : لا والله
ريان : اي والله
اشواق : وخر لا اصارخ
ريان : فيتس خير سويها
اشواق : والله اسويها وخر
ريان : انا قلت لتس فيتس خير صرخي
اشواق جهزت صرختها لكن سبقها وسندها على الجدار وسد شفايفها بشفته كانت تحاول تفكه لكن ثبتها زين
- نتركهم ~
———"
عند الحريم
الجده حصه: غسلوهن عدل يلا تطبخون
العمه نوره: ابشري يمه
دخلت رزان : السلام عليكم
الكل : وعليكم السلام
الجده حصه: يلا رزان
رزان : لا جده تكفين تعرفيني ماحب ريحة اللحم
الجده حصه :نادي البنات وتعالي بلا دلع
رزان : لازم؟
الجده حصه: ايه
رزان : شرايتس انادي الخريجات الجده حصه يويلتس رزان : سمي
-
نرجع لابطالنا
فكت نفسها غصب من ريان وكانت تبكي ریان استوعب على نفسه
اشواق وهي تبكي بقوه : اكرهك ولا راح احبك بيوم وورقة طلاقي توصلني يكفي اني تحملتك ولا محد حبيبه يتزوج عليها بنفس الليله وتسكت عنه يكفي يريان يكفي والله هديت حيلي ماقدر اتحمل أكثر من كذا ماقدر فكته وقامت بتعب
صرخت ببكيه : اطلععع برااا
ريان اخذ اغراضه واتجهه للباب بدون اي كلمه وطلع قفلت الباب وراه وبكت
عند ريان راح يتروش وكان يفكر في الي سواه وكيف ماحس بنفسه وسوا فيها كذا غصب عنها وكيف بتقتنع انه ما يطلقها كان مشوش عقله وكانه حس على نفسه
-
عند اشواق كانت تبكي وتتروش وتتكلم بينها وبين نفسها
" والله لا يطلقني وما يقرب مني ولا يتهنى مع سعاد والله لا ابعد عنه واخليه يندم على اللي سواه "
طلعت ولبست المنشفه ونشفت شعرها ولبست وقعدت تسوي شعرها بالاستشوار عشان العزيمه
-
طق الباب
اشواق : منو
ريان : انا
اشواق : ريان ما بينا تفاهم وبعد العزيمه توصلنيي الورقه والوجه من الوجه ابيض
ريان : تراني ريان ولا نسيتي طلاق مستحيل اطلق
اشواق كانت تعرف ريان عنيييييد جدا واذا حط شي براسه يجيبه يجيبه
اشواق عكس اللي داخلها : ريان ولا غيره طلاقي بيتم والله يهني سعيد بسعيده
ريان : خلتس قد كلامتس
ماردت عليه اشواق وكان هذا الشي يفور ريان
مشى وتركها،طق الباب
اشواق : قلت ماراح افتح
سعاد : انا سعاد
اشواق قامت وفتحت الباب : نعم
سعاد: نعامه ترفستس ليه تنادين ريان قبلي
اشواق : هيه هيه انتي اول شي احترمي نفستس واعرفي مع منو تتكلمين يروحي انتي وبعدين ادخل ريان ولا اطلعه انتي مالتس دخل فهمتي ولا ما فهمتي ؟؟؟
سعاد: ما بفهم
اشواق : لا تفهمين بس يروحي للحين ما طلعت فضايحتس عند ريان
سعاد :ليه وش فضايحي ي اشواق
اشواق : تبين اقوله انه انتي الليي فكيتي اللجام بنادي الفروسيه
سعاد :من قالتس انا ؟ وشدخلني فيتس اقرب لتس ترا ابدا ما تهميني
اشواق طلعت جوالها : نسيتي اني راجعت الكاميرات وشفتس
سعاد سكتت
اشواق : ما همتس سبحان ربي
سعاد: طيب وش تبين وتمسحين الفيد
اشواق : سلامات رشوه يعني مابي شي منتس الحمد لله عندي كلشي لكن ابيتس تعرفين اني مستحيل اسكت عنتس اذا قربتي بس اوكيه يروحي ؟ وترا ریان بالنهايه بسلمه لتس والله يهنيتس
سعاد وهي تبي تقهر اشواق مسحت على بطنها : قريب تطلع يروح امك
اشواق انصدمت : انتي حامل؟؟؟
سعاد : ايه حبيبتي
اشواق ماستوعبت : من منو؟
سعاد :يعني من منو من ريان
اشواق بينت لها مو مهتمه : ايه الله يهنيك وكملت تسوي شعرها
-
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
