نقطة لقـاء

part 7

الجد مطلق: وشهووو ؟؟
ابو بدر : والله اني مادريت الا تو
الجد مطلق :رعد جهز السياره
قام رعد ولحقه ريان
رعد: شتبي انت
ریان : والله ماغير اركب
رعد: اخلص امش للسياره
طلع الجد مطلق ويزيد وابو ريان وابو رعد ورعد وريان واتجهوا للشمال على طول
-
عند اهل هذال
ام هذال : ذبحني الولد من امس ماجاء
ابو هذال : خلاص قالك انه مشغول
ام هذال: وسحاب معاه مشغول؟؟
ابو هذال: شفيك يمرهه
امتنان : يمه هدي معليك بتصل الحين على سحاب وبتقول لي شصاير
دقت امتنان على سحاب
سحاب : هلا
امتنان : اخلصي شفيه امي تحاتي
سحاب : فيه ناس مسوين حادث وساعدناهم ومن أمس وحنا عندهم
امتنان : ببيتهم؟؟؟
سحاب : بقره انتي ؟ اروح للناس ببيتهم بالمستشفى حنا
امتنان: طيب طمنينا
سحاب : طيب
-
وصلوا اهل الجد مطلق بعد مدههه
وراحوا للمستشفى دخلوا
ابو بدر : شجابك يمطلق
الجد مطلق :وين اشواق
ابو بدر نزل راسه بضيق : مايدخلون احد عليها
الجد مطلق: جلس على الكرسي
ریان همس لرعد : انا بدخل
رعد: صاحي انت
ريان والله عاد مالي دخل بدخل بحاول بالدكتور
رعد: بكيفك،راح ريان
هذال : السلام عليكم
رعد: وعليكم السلام
هذال : انتم اهل البنت؟
رعد : ايه
هذال : انا اللي اخذتهم لهنا وللاسف اختي اللي شافت الحادث
سحاب : احم
ناظر رعد لها وكانت جميله جدا وملامحها هاديهه
سحاب : السياره كانت فيها البنت والولد هو اللي طلع منها لانه دريشته مفتوحه
رعد: ايوه وبعده؟
سحاب : بعده اخذناهم هنا انا وهذال
هذال: هذي سحاب اختي
رعد: عاشت الاسامي
سحاب : عاشت ايامك
رعد: انتم من هنا ؟
هذال : لا بالله من الرياض
رعد: اجل بس نرجع عشاكم عندنا ان شاء الله ومعنا اشواق
هذال :اشواق البنت؟
رعد : ايه
هذال : عاشت الاسامي
رعد: عاشت ايامك
-
عند ريان
ريان :يدكتور حلفت ما بسوي شي
الدكتور : ما قدر ادخلك اعذرني
ريان: طيب شلون الحين
الدكتور: انتظر خبر
ریان :بدخل
الدكتور: بس ماراح تسوي شي
ریان :ابد
الدكتور: اذا صار اي شي تعال خبرنا
ریان: ابشر
دخل ريان على اشواق وكان شعرها متناثر على المخده وجروح بكل مكان
ريان: يجعله فيني،جلس عندها
ريان :مسك يدها بيدينه وقربها لفمه وحس انه بيبكي من منظرها ونزلت دمعته
على يدها
وحس بحركه منها قام على طول : اشواق؟
فكت عيونها وضلت ساكته لفتره
ریان: اشواق
اشواق استوعبت وعلى طول قامت : بدرر بدررر بدرر
ريان مسكها : اشواق مافيه شي ارتاحي
اشواق : بدر كان طايح
ریان: اعرف كلشي انسدحي
اشواق هدت وانسدحت: وينه بشوفه
ریان :ما عليك بروح للدكتور عشان يجي يشوفك
راح ريان وقال للدكتور
الدكتور: متاكد
ریان روح صاحيه شوفها
الدكتور راح لها، ریان راح لجده
ريان: جدي جدي
الجد مطلق: شفيك
ریان :صحت اشواق
يزيد: وانت شدراك
ریان: مالك دخل انت
يزيد : شلون مالي دخل انا
قاطعه الجد مطلق: يزيد اسكت وبكره بتطلق اشواق
يزيد :يجدي
الجد مطلق: كلمتي اللي بتمشي
یزید: ابشر
راحوا هم وضل رعد سرحان
ريان : يهوه
رعد: هاه شتبي
ريان : شفيك
رعد: ولاشي
ريان :علي؟
رعد: قرب بقولك
ریان :هلا
رعد: شفت اللي جالس بالكرسي اللي قدامنا
ريان: ايه شفيه؟
رعد: ذا هو اللي جابهم للمستشفى
ریان: طيب شدخله بذا
رعد: شفت اللي جنبه البنت
ریان ايوهه سالفتك كذا
رعد: تخسي اسكت
ریان: الحين منو ذولا
رعد : هذال واخته سحاب هم من الرياض
ریان: ماشاء الله حتى اسمها عرفته
رعد: ريان بتسكت ولا بهفك قدامهم
ریان: اقول اسكت انت لا اهفك
رعد: اعقب
ریان : امش وانت ساكت
هذال: احم
رعد: هلا ي هذال
هذال بضحكه : ما عرفت شسمك وتنحنحت
رعد : انا الرعد وذا ولد عمي ريان والي جالس هنا كان جدي وجنبه ابوي والي
هناك ابو ريان والولد اللي كان جنبه يزيد زوج البنت
ضربه من ورا ريان لما قال زوج البنت
رعد: اعقل لا اهفك وربي
ریان: محد قالك تقول زوجها
هذال ضحك ع مناقرتهم : اجل وين ابوها ماشوفه هنا
ریان نزل راسه بضيق
هذال: مب قصدي انا
رعد: اهلها متوفين بحادث
هذال : معليش بس اذا اللي هنا زوجها اللي راكبه معاه منو
رعد: اللي راكبه معاه كان زوجها السابق بس خطفها وجابها للشمال
هذال: الله يبعد عنكم المصايب
ريان: اللهم امين
هذال : عاد حنا نستاذن من امس والله صاحين وتعبانين وبنمسك خط للرياض
اعذرونا
رعد: معذورين ويعطيك العافية ما قصرت انت واختك
هذال : ولو
رعد : هاك رقمي
هذال : بسجله دقيقه
رعد: خذ راحتك
هذال: كذا سجلته
رعد دق عشان اسجل
هذال : دقيت شوفه
رعد : ايه خلاص سجلته
هذال: يلا مع السلامه
رعد: مع السلامه انتبهوا للطريق
راحوا سحاب وهذال
ریان: ماشاء الله رقم وكذا
رعد: جب وامش
ريان بضحكه : دخلت عندها
رعد: ايه وشصار
ریان صحت وشافتني
رعد: يويلك الحين تعلم عليك
ريان: اي والله ما فكرت فيها
رعد: امش قدامي
-
ببيت الجد مطلق
الجده حصه :يويلي ماقدر اصبر ماقدر دقوا قولوا لهم شصار
العمه رهف: ابشري ي يمه بس هدي
دق جوال ام ريان
ام ريان: هلا امي
ريان: يمه ابشرك اشواق صحت ولله الحمد بس فيه جروح بسيطه
ام ريان: الله يبشرك ببالخير يعيوني
ریان: يالله بسكر طمني الكل
ام ريان: يلا مع السلامة
قفلت المكالمه
ام ریان: عمه ابشرك اشواق صحت ومافيها الا العافيه بس جروح بسيطه
الجده حصه: الحمد لله
-
وصلوا هذال وسحاب للشقه وسولفوا لامهم وابوهم كلشي هذال : وهذي هي السالفه ولا كذبت بشي
ام هذال: عفيه ولدي ما قصرت
ابو هذال :رفعتوا راسي والله وبيضتوا وجهي عند الناس
هذال :ولو ي يبه
-
عند بطلتنا
يزيد: اشواق سامحيني
اشواق: مسامحتك بس ابي الطلاق
يزيد :بطلقك بس نرجع للرياض
ابتسمت اشواق لريان الل كان ساند على الباب ومعطيهم ضهره ويسولف مع رعد
الجد مطلق: تبين شي بعد
اشواق : لا بس شصار على بدر
الجد مطلق: الحين اخلي رعد يروح يشوف
أشواق :طيب
الجد مطلق: يالرعد
رعد : هلا يجدي
الجد مطلق :روح شوف ابو بدر شصار على ولده
رعد : ابشر
راح رعد لابو بدر
ابو بدر : هلا يولدي
رعد : هلا بك يعم
ابو بدر: امر
رعد : جاكم خبر عن بدر
ابو بدر : لا والله بسال الدكتور الحين
رعد : يدكتور
الدكتور : هلا
رعد: صار شي على بدر
الدكتور بضيق : عظم الله اجركم
ام بدر : نعم؟؟؟
ابو بدر : قصري حسك يمره
ام بدر ؛ ما سمعته شيقول
ابو بدر بضيق : بشوفه
رعد : قو قلبك يعمي
ابو بدر : الحمد لله على كل حال
.
طبعا من بعد ما عرفوا بوفاة بدر عائلة ابو بدر انهارت كونه ولدهم الوحيد وراح تصير عداوه بين ام بدر واشواق بسبب انها حاطه اللوم على اشواق واشواق بتنهار بعد الخبر لانه ام بدر حطت اللوم عليها ولانه بدر بالفتره الاخيره اهتم فيها وكانت جدا منهاره ورجعوا الكل للرياض وخلصت ايام العزا وكانت ثقيله على ابو بدر بس قاموا احفاد الجد مطلق بمساعدته ووقفوا معاه وطبعا بطلتنا تطلقت من يزيد ورجعت لجامعتها
-
صباح مشرق ببيت الجد مطلق وتحديدا على طاولة الطعام كان الكل مستعد لدوامه
الجد مطلق: يرعد قلت لي عن الناس الي ساعدوا اشواق بتعزمهم؟
رعد: طبعا يجدي
الجد مطلق: بارك الله فيك وبعد بنتعرف اعزم عايلتهم كله رعد :هو كذا قلت بعزم عايلتهم كله
ابو ريان : يبه بتسويه هنا ولا بالمزرعه؟
الجد مطلق: والله مدري الي يريحكم
ابو رعد : انا اقول هنا واذا يعني منا عليهم ومانوا علينا نسوي لهم مرهه ثانيه بالمزرعه
الجد مطلق: خلاص عشاء عشان سلامة اشواق ولهم واعزموا اللي تبونه
اشواق: تسلم يجدي
ابتسم الجد مطلق لانها رضت على طول بدون اي شي
الجده حصه: متى تعزمونهم
الجد مطلق: متى تفضون يعيال
فيصل: اليوم يجدي خل نسويه ونخلص
ریان :وانا اقول كذا
الجد مطلق: خلاص اللي تبونه
الجده حصه: اجل يبنات ما فيه نوم بعد الدوام
هديل: يجده تعبانين اذا رجعنا
الجده حصه: يعني انا انظف؟
ليان: لا يجده هي تقصد انه ناخذ غفوه
الجده حصه : لا لا من تجون تتغدون ونبدا شغل ان شاء الله
ام رعد :ولا يهمك عمه محد راح ينام
اشواق : ابشري يجده
الجده حصه: العشاء لك ما بتنظفين شي بعدين توك للحين تعبانه
اشواق: ابد ما فيني شي رايحه للجامعه
الجده حصه : ارتاحي ي امي
اشواق: سمي
رعد بهمس : تراك واضح خفف النظرات ذي
ریان: انت شكو الحين
عز :وهو صادق خفف النظرات
ريان: انت بعد شكو
عز : احترمني لا اهفك
ریان : اقول قوم تاخرنا
وقاموا الكل توجهه لشغله
الجد مطلق: اشواق يبه قبل لا تروحين تعالي معاي
اشواق :هلا يجدي
اخذها الجد على جنب
اشواق : هلا يجدي امر ؟
الجد مطلق: ناقصك شي يبه تبين فلوس؟
اشواق : لا يجدي ما تقصر معاي
الجد مطلق: لا هاك يبه ذي خذيها فسحه
اشواق : يجدي والله ما تقصر بس ماحتاج
الجد مطلق طلع من بوكه مية ريال : هاك ي يبه
اشواق باست راسه : يعطيك العافيه
سلطان: يلا يجدي خل تجي بتاخر على شغلي راحت اشواق واتجههوا للجامعه
-
بعد ساعه بالجامعه
هديل: اي ما عليك انا كلمت الدكتوره وخذت لك عذر
اشواق : اي طيب اسمعوا اي وحده تخلص ترسل انه خلصت ونجتمع بصالة الانتظار
الكل: تم
-
بالمقر
رعد: انا اقول لا تكلم جدي الحين
ریان: هو انا ماني مكلمه والبنت تو ارتاحت يعني بعدين ان شاء الله
رعد: قولي انا وش اسوي
ريان :انت لا يصير لك نفس ماصار بي
رعد: شلون
ریان :رح اخطبها وخلاص
رعد: مابي يولد اللهم انها عجبتني بس بكلم خواتي اذا جت للعزيمه يشوفونها وكذا
ريان بضحكه: تكفى سالفة انك تقول لخواتك لا
رعد: ليه ان شاء الله
ریان : لو اتكلم عن بنت قدامهم غيورات كذا
رعد: يعني منو اكلم الحين
ريان : والله مدري بكيفك
رعد: لو اقول لخواتي ولا بنات عمتي يقولون للبنات كلهم
ریان : ويدرون خواتك
رعد : بكلم اشواق
ريان : حلوه ذي
رعد: ماني خاطب اشواق بكلمها تشوف لي البنت
ريان :كيفك
دخل عليهم عز :جايين هنا تسولفون؟
رعد : ايه
عز :يعيال شوضعهم يحطون سكرتيره يقهرن هنا البنات
رعد: والله انا شايلها ومريح نفسي
ریان: انا اللهم طلباتي اذا احتجت شي اقولها غيره ماعطيها وجهه
عز : وربي مدري كيف ماستحملهم
ريان :الله تدرون وش طرا على بالي
رعد: وشو
ریان : احمد
رعد: اي والله له فقده
عز: لا تذكروني
ريان :والله كان دايم معنا ونسوي الاجتماع بمكتبه
رعد: الله يرحمه
فهد: ماشاء الله مجتمعين ومو عازميني
رعد: فاضين واجتمعنا
فهد : ليه ما نطلع دام مافيه شغل ومخلصين
رعد: قدام امشوا
عز :بناخذ قهوه ونفر لما يخلصون البنات واحد مننا يروح لهم
طلعوا من مكتب رعد
عزام: هلا والله بالرعد
رعد: هلا بك وينك مختفي
عزام : ظروف والله
رعد : الله يعينك طالعين نتقهوى تجي ؟
عزام : تم اصلا جاي مع ولد خالي وراح عنده شغل منها تقطوني على البيت
واتجههوا للكوفي وجلسوا يتقهوون
-
بالجامعه
اتجهت البنت على اشواق
البنت : السلام عليكم
اشواق :وعليكم السلام
البنت : انتي اللي سويتي حادث مع الولد اللي اسمه بدر
اشواق بضيق : ايه
البنت : ماكان قصدي اذكرك
اشواق : لا عادي اعرفك على نفسي اشواق
البنت : وانا سحاب
اشواق : تدرسين هنا ؟
سحاب : لا جايه مع اختي قالت تبيني اجي اليوم معها
اشواق : متخرجه؟
سحاب : ايه بس ماودي اتوظف ف تقدرين تقولين ربة منزل
اشواق : ماشاء الله وين اختك
سحاب بضحكه : مخليتني ودخلت عندها محاضره
اشواق وهي تاشر لهديل
سحاب :من ذي
اشواق : الحين اعرفك عليهم
جوا هديل والبنات
اشواق : ذي سحاب اللي ساعدتني بالحادث،سلموا عليها
اشواق : ذي هديل وهذي اختها ديم يصيرون بنات عمتي واللي جنبها ليان واختها بيان وهذي روان وهذي رزان خوات
سحاب : وانتي؟
اشواق بابتسامه ضيق : انا ما عندي خوات وخواتي بنات عمي بالنسبه لاهلي متوفين
سحاب : اسف والله مادريت
اشواق : لا تهتمين
ليان : رعد برا
اشواق : يلا اجل
ناظرت اشواق لسحاب : نتواجهه اليوم الليل
سحاب : وين؟
اشواق : ببيتنا وتعالوا كلكم جدي عازم هذال وعايلتكم
سحاب: ايه ان شاء الله
-
عند رعد بالسياره ومعاه عزام
رعد : اففف مية مره اقول اذا انا برا يطلعون بسرعه
عزام بضحكه : للحين ما غيرت طبعك
رعد :وماني ناوي اغيره
بيان : يبنات فاتن ترسل لي
اشواق : شوفي شتبي
بیان :تقول تروحين مع منو؟
ليان : قولي مع رعد
بيان: تقول خالي ما يرد وبتجي معنا
هديل: خلاص وينها يويلنا من رعد تاخرنا
بیان دقت على فاتن
فاتن: هلا
بيان: وينك تعرفين رعد انتي ما يحب التاخير
فاتن : انا عند البوابه تعالوا
سكرت بيان المكالمه
اشواق : يلا مع السلامة مو تنسين تعالوا كلكم
سحاب : ابشري
واتجهوا للسياره
-
بالسياره
كان عزام يناظر لبنت واقفه عند الباب
رعد :هذول جوا ،وكانت البنت اللي لافته انتباهه معاهم
رعد: اخلصوا علي بسرعه
ركبوا وسلموا
عزام: عليكم السلام
رعد: لا عاد اشوفكم مطولين كذا
ليان: كله من فاتن نقولها رعد برا اخر شي واقفه برا
عزام بصوت واطي : اي والله ماخذه من اسمها نصيب
رعد: منهي؟
عزام بضحكه: سوق وانت ساكت
رعد: فاتن معانا ولا للبيت؟
ليان: تبي البيت
واتجهه رعد لبيت عزام عشان ينزله
بعد ما وصلوا للبيت الكل نزل الساعة 2 الظهر
رعد :اشواق
اشواق: هلا
رعد خلك شوي بكلمك
اشواق : امر؟
رعد: خل نجلس بالحوش
اشواق : تمام
واتجهوا للجلسه
اشواق : شفيه؟
رعد : بكلمك بموضوع بس مابي احد يدري عنه
اشواق : تمام وشهو
رعد: تعرفين الي ساعدتك بالحادث؟
اشواق : سحاب؟
رعد: شدراك؟
اشواق بضحكه : قابلتها اليوم
رعد :وين؟
اشواق بالجامعه
رعد :تدرس هي هناك؟
اشواق : لا جايه مع اختها هي تقول انها متخرجه يعني وربة منزل
رعد: تمام كذا
اشواق : شفيك تسال
رعد: اسمعي البنت عاجبتني وانا جيتك عشان ما تقولين لاحد
اشواق : اي طيب ليه قايل لي
رعد: ابيك تقيمينها اذا جت اليوم
اشواق : كيف اقيمها
رعد: يعني اسلوب كلام شكل كذا
اشواق: تم
رعد : قلتي لها تجي ؟
اشواق : ايه قلت كلكم تعالوا
رعد: كفو
اشواق : كفوك الطيب
ريان وهو جاي من داخل : ماشاء الله شتسوون هنا
اشواق قامت
رعد: ابيها بالموضوع اللي كلمتك عنه
ریان: اهاه حق البنت؟
رعد: ايه
اشواق : ان شاء الله بشوفها لك اليوم يلا استاذنكم
ريان ورعد : اذنك معاك
راحت اشواق
ريان :شكلي بتزوج
رعد: اهجد مو الحين قلت لك
ريان: لا مو ذي
رعد: مين اجل
ريان :يولد كذا اليوم بعد مانزلتني رحت وديت امي لخوالي وشفت بنت خالي يولد ولا فارقت عقلي
رعد: صاحي انت؟
ريان: اكذب يعني؟
رعد: واشواق؟
ريان: الشرع حلل اربع وبعدين انا وبنت خالي ذي حب الطفوله بس تركنا بعضنا يوم بالجامعه
رعد: اصحى وانسى موضوع انك تاخذ اشواق دامك تبي بنت خالك
ریان :روح بس انا انسان حر
رعد: يريان لا تسوي حركه وتندم عليها
ريان: اي طيب
رعد قام: ترا انت متت الين م اشواق تطلقت وعاشت حرهه رحت التفت لغيرها ريان لا تدمر نفسك ولك خيار واحد ي اشواق ي بنت خالك
ريان :يولد وربي مالي خلق
رعد: انا قلت وانت كيفك
مشوا داخل عشان ياكلون
-
بعد 3 ساعات عند البنات
بالحوش
هديلل: وجععع الارض ذي ليه ترشين علي
روان :احسن عشان تعرفين تمسحين عدل
ليان :يربي انا شجابي ليتني رحت مع اللي ينظفون داخل
روان : امسحي وانتي ساكته
-
عند بيان والباقي
بيان :لمعي عدل جدتي ترا بتهاوش لازم تلميع عدل
ديم :خلصت انا وش الباقي
رزان : وانا خلصت تلميع التلفزيون والدرايش والطاولات
ديم: وانا كنست المجالس وسويت بروش للكنب
بيان :باقي غسيل الارضيه والتبخير عاد التبخير بعدين
بیان :وين العيال ؟
ديم : راحوا يجيبون الذبايح
رزان :يلا خل نغسل
وبدوا يغسلون
-
عند بطلتنا
كانت تكتب بدفتر كل اللي بخاطره
طق الباب
اشواق : ادخل
سلطان : ادخل؟
اشواق : امر
سلطان : فاضيه؟
اشواق : ايه
سلطان : نبي تكوين ثيابنا
اشواق : ابشر
اخذتهم
وكانوا 10 ثياب
جابت اشواق الكاويه وقعدت تكوي ملابسهم
ودخلوا البنات عليها اللي انسدحت على سريرها واللي جلست على مكتبها،واللي قابلت المرايه
اشواق بضحكه : شفيكم
هديل: لا تسالين نصيحه
ليان: وش نلبس
اشواق : فساتين ناعمه
هديل : قوموا نبدل جدتي قالت خلال عشر دقايق الكل تحت
اشواق :بخلص واتمكيج والبس واجيكم
الكل اتجهه يلبس
اشواق خلصت من الملابس وراحت تتمكيج وتلبس
-
بعد ساعه الكل كان تحت
عند اشواق خلصت تو وكانت جميله جدا لابسه فستان اصفر وضيق شوي
وطلعت من غرفتها
لقت غرفة ريان مفتوحه وهو فيها
اشواق : السلام عليكم
ريان :وعليكم السلام
اشواق : ثيابكم جاهزه بغرفتي خليته لكم مفتوحه
ریان : يعطيتس العافية
اشواق : ولو
-
ببيت ابو هذال
هذال :يلا وينكم؟
ام هذال: البنات مخلصات بس ابتهال باقي
هذال :يلا ي ابتهال اخلصي
ابتهال: شفيكم يعني لازم نروح بدري
هذال بعصبيه : اي بدري الساعه 9
ابتهال: طيب خلصت
واتجهوا كلهم لبيت الجد مطلق
-
عند العيال
سلطان: مدري وين اشواق بسالها عن ثيابنا
ريان: الحين انا اجيبهم قالت لي انها خلتهم بغرفتها
واتجهه ريان لغرفة اشواق
وشغل النور وشاف دفترر مفتوح على المكتب حقها
ریان انتابه الفضول وراح يشوف وش فيه
وجلس يقرا كلامها كان مكتوب :
رائحة الموت لا زالت عالقة في ذاكرتي ألم الفقد ونظرة الشتات وحزن وبكاء وارتعاش النبض أشعر بحزن يعتصر قلبي جسدي يتداعى من شدته شيء يحيرني ويقلقني أتساءل ما هو ؟ أشعر بفراغ كبير في قلبي مكان سيهجر لأيام
وربما لشهور وربما إلى يوم القيامة وإن لم يحن وقته بعد لكنه إحساس بدأ يتسرب إلى أعماق ذلك القلب العليل إحساس بالخوف والحزن حزن لفراق الأهل وخوف أن أكون سائرة أسيراً وحيداً على شاطئ الذكر والتسبيح وقيام الليل من يذكر ومن يعين و ها انا اصارع مخوافي حتى باتت حقيقه
.
قرا كلامها وكان في داخله شعور غريب مسك قلمها وكتب تحت كلامها
" وزعي عمري لك اخوان وقرايب بس لا تشكين من قولة وحيده "
ابتسم واخذ الثياب وطلع
-
عند الحريم
كانت الجده حصه ترحب باللي يجي وامتلت المجالس اشواق : تخسين مستحيل اضل جالسه بين الضيوف وانتوا تفرون بعدين مالي خلق للسوالف
هديل: يبنت ما يصير توزعين
اشواق : خلاص بسوي القهوه واي وحده تخلص دلتها تجي عندي اعبيها
روان :لا اجلسي عند سحاب
اشواق تذكرت رعد : انقلعوا خلاص بروح لها
وقضوا طول اليوم كرف وتعب
-
الساعة 2:30 الليل
بالجلسة الخارجيه  تحديدا
رعد: ايه وشلون شفتيها
اشواق : والله الصراحه البنت حلوه ومثقفه واخلاق واسلوب
رعد: يعني تشوفينها مناسبه
اشواق اي تجنن البنت
رعد: يعطيتس العافية ريحتيني الحين
اشواق بضحكه: دوم
رعد: امین
اشواق : يلا استاذنك
رعد: اذنك معاك
وراحت على طول لغرفتها
ودخلت وسكرت بابها وشغلت المكيف وبدلت ملابسها وراحت للمكتب حقها وشافت الكتابه وابتسمت وهي ما تعرف منو صاحبها وصلت لها ركعتين ورمت نفسها بتعب ونامت بعد يوم متعب
:::::::::::::::::::::
ادعموني بنجمه ولايك قراءة ممتعه 💗💗✨