نقطة لقـاء

part 10

صباح اليوم الثاني
ببيت الجد مطلق الساعة 11:30 الظهر
الجد مطلق :دق عليهم شوفهم وين تاخروا الناس بدت تجي
ریان :ابشر
دق ريان على رعد لكن للاسف مغلق
ریان :مغلق
الجد مطلق: ينومه ذا روح شوف الحريم خل يدقون على حرمته
ریان: ابشر
وراح للحريم
ریان :یولددد
وكانت سعاد قريب من الباب
سعاد :هلا ريان
ريان ابتسم : هلا فيتس اخبارتس؟
سعاد : بخير دامك بخير
ريان: ناديلي امي او وحده من خواتي
سعاد : تبشر
اشواق كانت وراها
اشواق :سعاد
لفت عليها سعاد : هلا
اشواق : على اي اساس طالعه هنا وبالمظهر ذا
كانت حاطه شيلتها على راسها ومو مغطيه فستانها وطالع شعرها *
سعاد: عادي عندنا وبعدين ريان نادا وجيته
اشواق : ما شاء الله فرقتي بينهم انتي هنا ضيفه وما يحق لتس تجين بها المكان وتكلمين العيال ولو كان ولد عمتس
سعاد :ومن قال ما يحق لي
اشواق : البيت هذا له انظمته وقوانينه واللي يكسرها ماله قعده فيه
سعاد: شقصدتس
اشواق :افهميها انتي
سعاد غارت ومشت
وكان كل اللي انقال يسمعه ريان ومبتسم
اشواق : نعم ياريان
ريان: افا نعم ليه
اشواق : ماني فاضيه لك اخلص وش تبي
ريان بعصبيه : تكلمي عدل
اشواق : اي طيب وش تبي
ریان :رقم زوجة رعد عندتس ؟
اشواق : اي
ريان :دقي عليها وقولي ترا جدي معصب خل يجون بسرعه
اشواق : طيب
وسكرت الباب بوجهه وخلته واقف وهو يفورر من حركتها
ودقت على سحاب ووصلها الرد
سحاب : هلا
اشواق : هلا فيتس قعدي رعد وقولي له تاخرنا
سحاب :على وش ؟
اشواق غدا عند جدي بسرعهه ترا جدي معصب
سحاب : مادريت والله
اشواق : استعجلي انتي وياه
سحاب بضحكه: ابشري
اشواق : يلا بروح عندي شغل وسكرت
-
بالفندق
سحاب : رعد رعد
رعد: هممم
سحاب :غدا جدك متاخرين ترا
رعد :شوي
سحاب : وين شوي الساعه 12:30 قالت كذا عشان يقوم *
فز رعد :وليش ما صحيتيني
سحاب :ماكنت ادري انه فيه غدا
رعد : طيب تجهزي
سحاب : طيب
راح رعد ودخل ياخذ له شور على السريع
وسحاب راحت وسوت شعرها ولبست فستان لونه بني فاتح ولبست اكسسواراتها وتمكيجت
طلع رعد من الحمام والمنشفه على خصره
سحاب : وين ملابسك ؟
رعد: شفيه؟
سحاب : ملابسك وين
رعد :هذول اشر على السرير
سحاب : انا بطلع للصاله
رعد: شفيتس
سحاب :بروح خلصت
رعد: اي طيب
وراحت للصاله ولبست عبايتها وتبخرت وتعطرت وجهزت البخور الرعد طلع وهو يعدل بشعره ولبس طاقيته وشماغه وتبخر
رعد: يلا مشينا ؟
سحاب : يلا
وطلعوا واتجهوا لبيت الجد مطلق
-
ببيت الجد مطلق
سمع الترحيب الحار عرف انه للرعد
الجد مطلق: طلع على طول
رعد : هلا بكم من يرحب يبقى محارمنا يرجال
والكل صد ودخل للدوانيه الا عيال عمه
نزلت سحاب واستقبلتها اشواق بكل حب ودخلتها
ريان: لك فقده وانا اخوك
رعد: طبعا ما تقدر بدوني
ریان: ادخل بس
دخل وسلم على الكل وجلس وبدوا يقهوون
الجد مطلق همس للرعد : بدري كان نمت اكثر
رعد: والله نسيت يجدي
الجد مطلق :خل نومك خفيف ما ينفعك الثقيل
رعد: سم ولف على ريان
ريان: شفيك
رعد: والله مادريت لين جت زوجتي وقالت الساعة 12:30 فزيت
ضحك ريان وسكت
رعد: شفيك
ريان :الساعه توهه 12:00
رعد : اللي تقوله صدق؟
ریان: اي والله بس اترك البنت بحاله اكيد انه تبيك تقوم وتستعجل
رعد: ياكرهي للحركه ذي
ریان :خلاص قولها مو تبدا تهاوش على طول
رعد: احس فيك شي
ريان : والله عصبت مشوين من حركة اشواق
رعد: شسوت ليه
ریان: اجتمعت هي وسعاد عندي
رعد: يوهه على ذي السالفه ولا يكون هاوشتها
ريان: لا ماهاوشتها بس كانت متضايقه وسكرت الباب وانا واقف
رعد: تستاهل والله
ريان: والله الشرهه على الي يقولك
رعد بضحكه: تخيلت شكلك
ریان: ترا قسم بالله كاتم بصدري هواش بس خل يخلص الغدا
رعد: يويلك والله ان رحت
ريان : اي تمام
-
عند اشواق وسحاب
سحاب : كذا حلو ؟
اشواق : اي يجنن هاتي عبايتس
سحاب : طيب وفستاني
اشواق : حلوه
سحاب بضحكه :ومكياجي ؟
اشواق: يهبل
سحاب :وكلي ؟
اشواق: ملكه
سحاب بضحكه: اوفر
اشواق : لا مب اوفر يلا تاخرتي وهاتي عبايتس ادخلها هناك
سحاب: لا خير
اشواق: جب عادي ترا هاتيها
سحاب: هاك
اشواق اخذتها ودخلت مع سحاب والكل فز يسلم على سحاب وجلست جنب الجده حصه وام رعد والبنات يقهوون وقلطوا الغدا وتغدوا وبعده بوقت بدت الناس تمشي وما بقى الا اهل سعاد واهل سحاب وعايلة الجد مطلق
-
عند الرجال
مافيه احد الكل مشى الا هذال وليث عشان امهم وخواتهم والجد مطلق راح ياخذ غفوه هو وابو رعد وابو ريان والعيال راحوا للمقلط
وكانوا جالسين يسولفون هم وهذال وليث
رعد: فيصل سو شاي
فيصل : مالي خلق والله وتعبان
رعد : اجل قم وقولهم يصلحون لنا دفاية شاي وقهوه وحلا
ریان: انا بروح عشان اسلم على خالتي وبوصيهم
رعد : طيب
وفعلا اتجهه ريان لقسم الحريم
ريان : يولددد
هديل: هلا يريان
ريان: فيه احد ؟
هديل : خالتك وحنا واهل سحاب
ريان : اجل نادي لي خالتي وجهزي لنا قهوه وشاي وحلا
هديل: طيب
وراحت لخالته
هديل: خاله ريان يبيتس
ام سعاد : اي طيب هاتس يسعاد بروح اسلم واجيتس
سعاد: لا يمه خل نمشي
ام سعاد: بس ما دقيت على ابوتس
سعاد :شدعوه يمه مع ريان
ام سعاد : يلا اجل
وقامت سعاد ولبست عبايتها وخلت الشيله بس على راسها
وطلعت مع امها
ريان :ياهلا
ام سعاد : هلا فيك يولدي
ریان باس راسها: اعلومتس
ام سعاد : بخير والله
ريان بابتسامة: اخبارتس سعاد
سعاد : بخير الحمد لله
ریان: دایمه هاه على وين اشوفكم طالعين
ام سعاد : والله بنمشي ونبيك تودينا
ريان :ابشروا يلا
واتجهوا مع ريان للسياره
تحت انظار اشواق ودخلت بعد ما راحوا
ریان :تبون شي قبل البيت
ام سعاد : لا يمه يعطيك العافية
ريان: الله يعافيتس
ووصل للبيت بعد مدهه
ام سعاد : يمه نزلي اغراضي وتعالي
سعاد : ابشري
ونزلت ام سعاد ودخلت على طول سعاد سوت نفسها مبتلشه
ريان : شفيتس
سعاد : ذا معيي يفك تقصد الحزام *
ريان بضحك: ماشاء الله منضبطه
ونزل لها وراح من عندها حاط يده على مرتبتها والثانيه على الحزام وكانت سعاد ميتهه من هالحركه وبرضو ريان اللي كان ميت من ريحة العطر
ريان : اي كذا انفك
سعاد: شكرا
ريان :ولو
نزلت سعاد وكانت تناظر فيه ومبتسمه وهو كان مبتسم وتاكد انها دخلت واتجهه للبيت
-
عند العيال
رعد : والله انه ما عنده سالفه
هذال :بس يعني ليه منفرد كذا
سلطان :عادي شي طبيعي هذا عندنا احسن لنا وله ذا اخوه واساله
ذيب بضحكه: وانا مع سلطان
ليث: اجل كذا
هذال قام
رعد: على وين
هذال: والله بمشي تعبان وباخذ اختي
رعد: من اختك
هذال: اختي مع اهلي بس يوم واحد يكفي لك نشتاق ترا
رعد: توكل
هذال بضحكه: سم
رعد: ما تتقهوى؟
هذال: بس والله بمشي
رعد : الله معاك
ومشوا عائلة ابو هذال وضلوا بس اهل الجد مطلق ودخلوا داخل وكانت الجده والعمات وام ريان وام رعد رايحين ينامون غفوه وضلوا جالسين سحاب واحفاد الجد مطلق من عيال وبنات وكانوا يسولفون عن العزيمه وكذا
رعد همس لريان :شمسوي
ریان :شسويت
رعد :يوم طولت مشوين وين كنت
ریان :وديت خالتي وبنتها لبيتهم
رعد: سعاد ؟
ريان: ايه
رعد: وانا اقول
ريان :شفيك
رعد :اشواق ابدا ما ناظرت لك ولا اهتمت لوجودك عكس دايم
ریان: ما عليك بشوفها
رعد: طيب
قامت اشواق وكانت فعلا متضايقه وصعدت
سحاب شافتها وكانت بتقوم بس شافت ريان قايم وجلست على ما يروح
رعد : شفيتس وين بتروحين
سحاب :كنت بقوم لاشواق
رعد: لا عادي خليها
سحاب :بس متضايقه البنت
رعد : خليها بعدين اقولتس ليه
سحاب :طيب
-
عند اشواق كانت تمشي متجهه لغرفتها
ریان: اشواق
التفتت له وشافته ومشت
راح لها ريان وصار قدامها
اشواق: شتبي
ريان :بكلمتس
اشواق :اخلص شتبي
ریان : شفيتس انتي شايفه حركتس اليوم معاي ومدري شفيتس زعلانه
اشواق : ماشاء الله ابدا م يزعل بنت خالتك طالعه بفستانها
قدامك وحاطه الشيله شكل على راسها
ريان: غرتي ؟
اشواق : على وش اغار يعني بس قلة ادب
ريان: واذا هي قلة ادبها انتي ليه تزعلين
اشواق بارتباك : كذا انت شتبي
ومشت لغرفتها
ریان :اشواق
التفت له اشواق
ريان: بكلم جدي اليوم واخطبتس
اشواق ابتسمت ودخلت غرفتها وريان نزل يكمل مع العيال
رعد: يلا انا استاذنكم
سحاب :وين رايحين
رعد: معليتس اجهزي بس
ريان: على وين
رعد ورانا تجهيزات
ريان : الله معاكم
رعد : تعال ابيك شوي
ريان : طيب
وطلع هو وريان
ریان: هلا
رعد: شقالت لك
ریان: غیرانه بس ماتبي تقول
رعد: اي وبعدين؟
ریان :بكلم جدي اليوم
رعد :وسالفة سعاد نسيتها
ريان : لا نفس ماقلت
رعد: والله بتندم بس كيفك
وجت سحاب
ريان : يلا موفق
رعد: انتبه لنفسك واجي ان شاء الله اكلم جدي معاك بس ارسل لي متى بتكلمه
ريان: طيب
رعد: يلا يسحاب اركبي
سحاب : طيب
وركبوا واتجهوا للبيت
سحاب : ايه وش تقول لي عن اشواق
رعد بابتسامه: خل نوصل اول
سحاب ابتسمت
رعد وقف عند بيت : يلا انزلي
سحاب وشذا
رعد: بندخل وشوفي
سحاب طيب ونزلت واتجهوا للباب
فتحه رعد ودخلوا كان بيت دور واحد وكبير 8 غرف و 6 حمامات ودوانيه ومقلط وحمام قسم لحال ومجلسين وصاله للحريم بقسم لحال ومطبخ
سحاب : وش ذا يرعد
رعد: بيتس
سحاب : صدق ؟؟
رعد :ايه شفيتس مو حلو ؟
سحاب : لا والله يجنن ما توقعت ابدا نطلع ببيت لحال
رعد: يعني تحسبين نضل ببيت جدي
سحاب: ايه
رعد بضحكه: تعالي اوريتس
سحاب : يلا
رعد: ذا الاستقبال اول ما يجونتس حريم وبعدين ذا المجلس وفيه ذابعد وذي الصاله
سحاب : ماشاء الله
رعد: وذي المغاسل والحمامات الله يكرمتس
سحاب : حلو للحين يعني
رعد :طبعا بيت مني شنو متوقعه
سحاب ضحكت
رعد: نجي هنا ونسكر على قسم الحريم
هنا الغرف كلها عاديه اثثتها اذا احد بينام عندتس او لعيالنا مستقبلاً وهذا جناح كامل لي ولتس
سحاب دخلت الجناح وكان حلو ويناسبهمم جدا
سحاب : يجننن والله يعطيك العافيه
رعد: يعافيك يلا اجلسي عشان اسولف لتس
سحاب : طيب بس ابدل عشان اخذ راحتي ونجلس
رعد: طيب انا بروح للصاله اذا خلصتي ناديني
سحاب : طيب
وفعلا طلع وهي راحت بدلت ولبست بجامه ومسحت مكياجها ورطبت وجهها ربطت شعرها
سحاب بصوت عالي شوي : رعد وينك؟
رعد: هلا
وجلس على الكنب عندها
وجلست جنبه وبينهم مسافه شوي
رعد: هذا يطويلة العمر ريان يحب اشواق من سنه الى سنتين تقريبا
وقالي وقلت له لا تستعجل مرت الايام وشهور وجاء لاشواق بدر وكان هو نادم انه ما عترف لها الزبده انه حب بنت خاله واشواق ويبيهم مع بعض
سحاب : شلون؟؟؟
رعد : شفيتس
سحاب : طيب اذا يبي بنت خاله لا ياخذ اشواق
رعد : والله حاولت فيه بس مافيه فايده
سحاب: طيب اشواق تدري؟
رعد : لا تقولين لهاا انا سولفت لتس ولا تطلعين الكلام
سحاب :طيب كيف يعني بياخذهم
رعد: مع بعض
سحاب :ما يصير طيب
رعد : والله مدري حاولت فيه بس ماش
سحاب : الله يعينها
رعد انسدح على رجلها
سحاب بابتسامه : شفيك
رعد: خلاص بنام
سحاب : بتخدر رجلي وانت ماقمت
رعد: لا بس شوي ان شاء الله
-
ببيت اهل عزام
عزام ي يبه كلمه وقول له انو طالبين القرب منكم مب كل مره انا اتكلم بعدين انت وياه عشرة عمر يمكن يسمع منك
ابو عزام : رحنا مرتين وشفته شلون صارم ومعيي
عزام : يبه حاول فيه انت ما بيرد لك طلب تكفى ي يبه
ام عزام والبنت اللي شفتها لك
عزام: محد له دخل بمستقبلي انا اللي بتزوجها مو انتم
ابو عزام: مستقبله يمرهه وهو حر
عزام : يبه كلمه
ابو عزام : يصير خير
:::::::::::::::
توقعاتكم؟
ادعموني بنجمه وعلقوا قراءة ممتعه قدروا تعبي❤️❤️