اشواق : يمهه اول مره احس اني خوافه
ريان باس خدها وقال : ماعليه بس خلتس بحضني اوكيه؟
اشواق : احس اني بطيح
ريان عدل جلستها وضمها له : بنمشي بشويش لا تخافين
اشواق : وش بشويش مابي
ريان : عشان ولدنا يغبيه
اشواق : صح نسيتت ، ضحك ريان
ركب عساف بفرس فارس الكحيله ومعه ديم
ويزيد بخيله الهاجس هو وابتهال
ليث بفرس احمد اصايل ومعه امتنان
وهذال بفرس احمد الثانيه ومعه هديل
فيصل بالهمام ومعه ليان
وكل منهم ركب ومعه اخته او زوجته وكانت لليله مليئه بالاحداث الحلوهه والضحكات والسوالف
-
اليوم الثاني الساعه 10 الصباح
عند عايلة كامل
داليا : بابا الوقت بدري وش يقولون عنا
ام داليا : هو مخيم يعني حلاته الصبح
ابو داليا : ركبتوا الاغراض ؟؟
ام داليا : خليت الشغاله تركبهم ناخذها ولا؟
ابو داليا : اي يعني تضل هنا؟ عجليهاا
ركبت داليا مع ابوها وام داليا نادت الشغاله
وركبوا متجهين لمزرعة الجد مطلق
-
بالمزرعه
الجد مطلق: اكيد انهم بالطريق
ساهر رفع جواله ودق على كامل
ساهر : الوو
كامل : هلا والله
ساهر : وين ؟
كامل : بالطريق جاي تبون شي ؟
ساهر : سلامتك
سكر ساهر بعد ماجاه الرد
الجد مطلق : نوره روحي صحي العيال عشان الذبيحه
ساهر : لا يعمي ليه التكليف ذا
الجد مطلق: جمعه ولمة اخوان ليه مانذبح
العمه نوره : ابشر يبه
وفعلا قامت واتجهت لخيمة العيال
دخل ابو هذال وقال : صباح الخير
الجد مطلق ؛ صباح النور علامك ابطيت ؟
ابو هذال : على ماتوضيت وصليت
ابو رعد: الا يبه متى بتعرس لفارس
ابو ريان : لو موجود يقول مابي اتزوج
الجد مطلق: لا كلمني على وحده معاه بالدوام
ابو هذال : ايه زين خل يعرس
الجد مطلق: بتشوفها اشواق وبعده اذا وافقت تممنا واذا ماتبي براحتها
ساهر : عساف ليه مانخليه مع ليث عشان التكاليف
ابو رعد : شكلكم نسيتوا سلطان
ابو ريان ضحك وقال : مو قالوا يبونه خاص بس اللي موجودين مع كامل وعائلي بينا وخلاص
ابو رعد : ايه احسن خل يعرسون عساف وليث مع بعض والباقي خاص اذا يبون طبعا
ساهر : الا عز مو ناوي
دخل عز وهو ماسك راسه من ضربة نوره وقال : مو ناوي ع وش
ساهر : الزواج
عز : ابي اعرف ماعندكم موضوع غير ذا
ابو رعد : لا ماعندنا شوف لك وحده وخلصنا
عز : غصب يعني مابي اتزوج بعدين ببيت ابوي انا نفسكم ولي اغراضي وانا اصرف على نفسي عندكم شي ؟
ابو ريان : اقول اعقل
عز : ان جبتوا السيرة ذي تدرون وش اسوي
الجد مطلق: انا اعرف وش اسوي فيك امش ناد لي رعد
عز : سم
-
الجهه الثانيه عند العمه نوره
العمه نوره : قوموا يلاا !
ذيب : خاله تكفين خلاص
العمه نوره : والله اجيب مي !
دخل عز : رعد ابوي يبيك
رعد : اي زين شوي
فارس : نوره ان ماطلعتي تدرين وش اسوي ؟
العمه نوره : فارس انا الكبيره احترم نفسك
يزيد : طيب اخوان اطلعوا وتهاوشوا تتهاوشون عندنا ليه ؟
رفسه فارس وقال : ووجع
ريان بصوت ثقيل : هيههه امشوا انقلعوا خلوا الواحد ينام
هذال : طردتك حرمك وابتلشنا فيك
ريان : طالع منها يعني كلهم طردونا والحين تلقاهم بسابع نومه ماينكرفون
العمه نوره جلست تفكر وش يقومهم وقالت: يزيد تدري حرمك جاها طلق ؟
فز يزيد وقال : احلفي ؟
ليث : صدق ؟؟
طلع يزيد ووراه ليث وهذال
العمه نوره : ريان وحرمك ترا تعبانه وخايفه لانها شافت وقاعده تبكي
ريان : عبالك بتضحكين علي ؟
العمه نوره : ووجع يقليل الادب
قام رعد ومعاه البطانيه
دخل الجد مطلق : ووجع انت وياه للحين نايمين؟؟
رعد : قايمين
الجد مطلق: والبطانيه ؟؟
رعد تركها وقال : بوديها للخيمه الثانيه
الجد مطلق: واضح ! عجل صل الفجر اذا مو مصلي وجيب الذبيحه
رعد طلع وقال : سم
فارس : يبه ماقومم لا تحاولون
الجد مطلق كان يعرف فارس اذا قال الكلمه مايتراجع عنها وقال : انت ادري فيك لكن ان جت الساعه 2 الظهر وماصحيت اعرف وش اسوي
فارس : زين
الجد مطلق: يزيد قوم انت وذيب ومشاري !
قاموا وطلعوا ع طول
العمه نوره : هتان وبتال وفهد وعساف يلا بسرعه!!
قاموا وطلعوا
جت اشواق وقالت : ريان صحى؟
الجد مطلق: لا يبنتي
اشواق : المعذره صباح الخير
الجد مطلق والعمه نوره : صباح النور
اشواق اتجهت لريان
ريان حس عليها وطلعوا الجد مطلق والعمه حصه
اشواق : شفيك تعبان؟
ريان ابتسم وحضنها له : تعبت بعد طردتس
اشواق ضحكت خفيف وقالت : مدري البنات اتفقوا كذا
ريان بتعب : مو مشكله اهم شي استانستي ؟
اشواق : ايه شفيه وجهك تعبان
ريان : مدري
مدت يدها ولمست رقبته وقالت : عليك حراره
ريان ابتسم وباس يدها وقال : بنام شوي
اشواق حطت راسه ع رجلها وبدت تلعب بشعره
ريان باس يدها وبدا يتخدر جسمه مستسلم للنوم
باست اشواق خده بهدوء وغطته
-
الساعه 2 الظهر الكل كان قاعد وبدو يستقبلون عايلة كامل
الجد مطلق: الله حيهه
كامل : الله يحييك ويبقيك
ابو رعد : الحريم الجهه الثانيه
كامل سلم عليهم كلهم من احفاد واولاد الجد مطلق وكذلك ابو هذال وعياله
هتان اتجهه للسياره وسلم على مرت عمه
ام داليا : هلا فيك شلونك؟
هتان : بخير الحمدلله داليا اخبارك ؟
داليا : بخير الحمدلله
هتان ركب السياره واتجهه فيها عند جهة الحريم
الجده حصه : يبناتت جو وينكم
اشواق : موجودين جده
ام ريان : وين ام هذال
ام هذال طلعت من المطبخ وقالت : هنا موجوده
دخل هتان بالسياره ونزل ع طول واتجهه لقسم الرجال
الجده حصه : حياهم الله اقلطوا
ام داليا : الله يحييك
سلمت عليها الجده حصه وبعدها بناتها وام هذال وبعده البنات واحفاد الجده حصه
وداليا كذلك
الجده حصه: القهوه يبنات
روان : ابشري
واتجهت للمطبخ ووراها البنات
اشواق : انا اسوي القهوه وخذوا الحلا وروحوا يلا
روان : لا انا اسويها
اشواق : اجل ببدل واجي
رزان : الفناجيل وين
ديم : عمى ماتشوفيننهم
رزان ضربت كتف ديم وقالت : انطمي
ديم مسكت كتفها بالم : يدفشهه الضربهه تعور
رزان : عشان ماتقولين للدفشه عمى
ليان : يعع بزران اسكتوا
ناظروا لها ديم ورزان وقالوا بصوت واحد : منو البزران
ليان : انا يالله اسكتوا
ديم : ادبب
فيصل من باب المطبخ : يولدد
روان : دقيقهه لا تدخل
تغطوا كلهم
رزان : وين شيلتي ؟
روان : شدراني خلصي الولد بيدخل
ليان : خذي حقتي يكلبهه مع انتس ماتستاهلين
رزان: حيوانه اعلمتس
اخذت شيلة ليان ولفتها
ليان : ادخل
دخل فيصل : السلام عليكم
الكل بصوت واحد: وعليكم السلام
فيصل : القهوه
روان : ليه ماسويتوا هناك
فيصل : قالوا يبون من هنا
روان : رزان سوي لهم وانا باخذ الدله يلا يبنات الحلا
اتجهوا البنات واخذوا الحلا والمعاميل ومشوا
رزان : هات الدله
فيصل مدها لها وقال : اعجلي ينتظرون
رزان : لا تنافخخ ، وبدت تسوي
فيصل : الا شماغي وين
رزان : مدري
فيصل : يحيوانه الجديد
رزان : تستاهل
فيصل : طيب انا اعلمتس
رزان تركت القهوه وصدت وقالت : يلا خل احد يسوي لك
ماحست فيه الا وراها
ناظرت وحست برجفة يدهه والقهوه اللي عليها
رزان : فيصلل!!
فيصل مسك يده وقال : انتبهي يغبيه
رزان مسكت يدهه بخوف وقالت : تعورت
فيصل بحده : ماتشوفين القهوه انتي!!
رزان : والله مانتبهت اسفف
فيصل : لو مو موجود كان منكبه عليك يهبله !
رزان دمعت وقالت :انا اسفف
جابت الطحين بسرعه وحطت يده فيها
فيصل : يغبيه وش تسوين !!
رزان : عشان تهداا لا تقول يغبيه
ابتسم وسكت
وخرتها وغسلتها بهدوء وقالت : تعورك الحين؟
فيصل : شوي
رزان جابت ثلج ومشتها على يده بشويش "واثنينهم ناسين اللي ينتظرون القهوه"
-
الجهه الثانيه
الجد مطلق بعصبيه : شوف البارد وينه!!
رعد : بقوم اشوفه
ابو رعد : لا سو قهوه هنا خاف يطول زياده بعد
رعد اتجهه يسوي قهوه وذيب راح يشوف فيصل
ذيب دخل القسم وقام ينادي فيصل
فيصل وهو داخل المطبخ : هلا
ذيب : ترا سوينا قهوه خلاص لا تجيب
فيصل : يلا روح بلحقك انا
وفعلا اتجهه ذيب لقسم الرجال
فيصل : هاه ماخلصتي ؟
رزان: يعورك للحين ؟
فيصل : اي باقي اصلا يحرق
رزان : روح لا تتاخر عليهم وبعد شوي تعال انتظرك ورا الخيمه عشان احط لك كريم
فيصل : وش ابي بالكريم انا
رزان بحده : عشان يدك
فيصل : سمي تبين شي ؟
رزان : سلامتك
فيصل : انتبهي مرهه ثانيه
رزان : انت اللي انتبه
ضحك وطلع
::::::::::::::::::::::::
(ادعموني بنجمه ولايك قراءة ممتعه 🧡🧡)
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
