نقطة لقـاء

part 20

ريان : بس انا ورعد مادري ماشاءالله
فهد: وبعض البنات بس
رعد: ذا الشاليه امش نشوفه
فارس : اوهه اسمه انقليزي شكله فخم
عز: وش اسمه
فارس : the park "الحديقه"
عز : وش يعني ؟
فارس : هيه هذا كبرك ما تعرف انقليزي
عز : دز عساس يهتمون فيها بالمقر
فارس : يعني حديقه
فهد: حديقه ليه وهو شاليه ؟؟؟
فارس : انتم شكو خلوهم يسمون الاسم اللي يبونه
رعد : دقیقه باخذ رقمه
خذاه ودق على صاحبه
رعد: الوو ؟؟
العامل : هلا
رعد: انت عامل شالیه the park
العامل : اي
رعد: اذا موجود حنا برا بندخله ونشوفه وبعدين نتكلم عن سعره
العامل: ايه موجود الحين اجي
رعد: يعيال الحين بندخله ونشوفه
ريان وهو يطفي الزقاره عدل لبسه ونزلوا كلهم دخلوا وشافوا المكان وكان
مناسب جدا لهم
ببيت الجد مطلق
دخلت اشواق ومعاها عساف يشيل باغراضه
اشواق تقدمت وحضنته بكل قوتها وببكي قالت : احبك يجعلني مافقدك نفس
مافقدتهم
حاوطها وجلس يواسيها وقال :وش ودتس به ؟
اشواق بقلة حيله : انت تعرف اني اخذته لاني احبه وهو يحبني بس هو
صدمني يوم اخذ سعاد علي بنفس الليله حتى ماجرب يوم واحد معاي يسالني
وش فیتس وش ناقصتس انا وضحت له كثير انه يطلقها ويشوف مني كل خير
قاطعها وهو يقول : خلاص لا تخلينه لها
اشواق : بس هو قال تم على الطلاق وانا كرامتي ماتسمح رجع ناظر لها بهدوء وقال : اللي تشوفينه
اشواق :البنت احس وراهـا بلا بس ماني عارفته ودي اكشفه واوريه لريان
عساف : لا تدخلين نفستس بمشاكل
اشواق : تخيل هـي يوم بالسباق هي اللي قصت اللجام وهذا التسجيل موجود من الكميرات
عساف : مابيقتنع بذا
اشواق : بس بكشف اللي وراها اليوم قبل بكره وانا بنت ناصر
عساف ضحك وقال بعلو صوته : والنعمممم
اشواق وهي تضحك وقالت : ماعليك زود
رفعت جوالها ولقت رعد مرسل :
السلام عليكم ياهلي شلونكم وعدنا بكره بالشاليه برسل لكم الموقع الساعه 2
الظهر الكل متواجد هناك
الردود اكتفت بكلمة "ابشر"
-
"الساعه 1 الظهر"
تحديدا غرفة اشواق كانت متزينه بفستان اصفر على جسمها بارز لنا
تفاصيلها مسويه شعرها ويفي وحاطه ميكب خفيف
دخلت سحاب : يلا وينتس
اشواق دارت وقالت :شرایتس بس؟
سحاب : تجنين يبخت ريان
اشواق : ذا لا عاد تجيبين طاريه عندي
سحاب : افااا خطتنا اليوم بتوضح كلشي وان شاء الله نفتك منها
اشواق ركضت لها تحضنها وقالت : احبتس
سحاب بادلتها : اموت فيتس
اشواق : يوهه اليوم آخر وحده انا ماجهزت بدري
سحاب : اقول اخلصي رعد ينتظر تحت والكل مشوا
اشواق : .: سمي الان
ركضت ولبست عبايتها وشالت شنطتها
سحاب : فديت بنتي
اشواق : هيه هيه ترا مو يعني حملتي خلاص
سحاب ضربت ضهرها وقالت : امشي الشرهه علي
اشواق مسکت بطن سحاب وقالت : افف يزين النونو كم باقي لتس ويشرف
اللي ببطنتس
سحاب قعدت تحسب : تقريبا انا بالسادس
اشواق : ماشاءالله الله يتمم لتس اذا طلعت بنت سميها اشواق علي بتطلع سنعه
سحاب : شرايتس تذلفين ؟
اشواق ضحكت وقالت: سمي يبنت ناجي
نزلوا لرعد اللي معصب ويفور
رعد بعصبيه : بدري شرفتوا سحاب واشواق
اشواق كاتمه الضحكه : الشرف لنا
رعد بحده : اقسم بالله انزل لتس اعقلي
اشواق ضحكت وقالت : سم
سحاب بحده : لا تصارخ
رعد ناظر لها واستغفر مسح وجهه وشنبه ومشى متجهه للشاليه وعم الهدوء بالسياره
-
بالشاليه عند البنات
هديل : الله ذوقهم حلو مرههه
بيان : اي وربي يجننن وكبير وهم طسوا عننا بعد احسن
فهد من وراها : منو اللي طسوا ؟
بیان انخرشت وراحت و را هديل اللي قالت : هيه ترا زوجتس انا شكو
فهد سحبها وقال : ايه اخبار بیان
بیان : بخير الحمدلله شرايك؟ تطس معاهم
فهد هز راسه بنفي وطلعت هديل خلتهم على راحتهم
تقدم وباس خدها بقوه وقال : ايوه متى تبين العرس يبنت نايف
بيان : اللي ودك متى ماتبي
فهد ابتسم وقال : اذا جاهزه اسویه بعد اسبوع
بیان : طاير انت اصبرر
فهد: انتي تقولين اللي ودك وانا ودي اليوم بس ماينفع
بیان ابتسمت وقالت : ايه خلاص بنروح نشوف لنا قاعه انا اغراضي جاهزه
فهد : يحظي فيتس
بيان بغرور : ادري
ابتسم وقال : يويلي الثقه اللي بمحله
بیان حضنته بقوه وقالت : احبكك للحين مو مستوعبه انك لي باقي بس العرس
ناظر لها وشاف طرف ثوبها وقال : ماشاءالله کاشخه؟؟
بیان هزت راسها بنعم
فهد : يلا وريني قبل الكل
بيان ابتسمت وبدت تنزل عبايتها وكانت لابسه فستان احمر ماسك وبارز لنا تفاصيل جسمها
ابتسم وشدها له وقال : ايه والله يحظي والله انتس موتن حمر يحلوتي
ابتسمت بيان وقالت بغرور وغنج :ادري
ابتسم وهو يشوفها جميلة جدا عيونها الوسيعه وشعرها الي كساه اللون الاسود
نطق وهو يقول :
اي والله يحق لتس يا ام العيون الوساع
الزوم والغطرسه والهيمنه والكبر
..
حاوطته بحب وقالت : صح لسانك
يحبيب
حضنها وبادلته بحب وهـي فعلا تعشقه عشق وهو يبادلها نفس الشعور بالضبط
لا اكثر ولا اقل نهاية حبه الصادق والشريف اخذها
دخل رعد : ماشاءالله شعندهم الحبيبه
فهد : شرايك تذلف هادم لذات انت ؟
رعد : مدخل اختي عند قسم الرجال يحيوان
فهد باستفزاز لرعد : ايه امشي ناخذ راحتنا هنا
رعد مسكه : بياني ادخلي
ضحك فهد بقوه : يالغيور زوجها
رعد: بعدين ان شاء الله
راحت بیان متجهه للبنات
-
"عند البنات"
يتهاوشون على الترتيب عشان التصوير
اشواق بصراخ :الفلينه هنا تعطي شكل احلى
ديم : اي صحح حلوه هنا
هديل بعناد : عاد الا هنا
اشواق : طيب بصور ورجعيها
انتهت فقرة البنات ذي بعد هواش
*تلميح بسيط *
سحاب لابسه فستان ازرق ماسك لين تحت صدرها وبارز لنا بطنها