نقطة لقـاء

part 19

اشواق : احد قالت ابي ؟ ماني بحاجتس لا انتي ولا ريان
سعاد: ايه على راحتس
ومشت من قدام اشواق اللي ردت سكرت غرفتها وفتحت الستاير وبخرت غرفتها وبدت تسوي لها قهوه بالاله
بعد مدهه طق باب الجناح
اشواق : منو؟
ريان افتحي
قامت وفتحت الباب : هلا ؟
ریان :جبت فطور ماتبين؟
اشواق : لا
ريان : بكلمتس بموضوع
اشواق : وشهو ؟
ريان : عند الباب ؟
اشواق بعدم اهتمام: ايه
ريان : بنحجز شاليه جدي قال يعني ونبي لنا 4 ايام فيه
اشواق : ايوه؟
ریان : جهزي اغراضتس
اشواق : ايه اوكيه
ريان تقدم لكن استوقفته يد اشواق
ريان : شفيتس
اشواق ببرود جدا : انا مابيك اطلع برا
ریان: سلامات اشواق
مسك يدها لكن قاطعته وهي فاكه يده ومسكره الباب بوجهه وهنا عصب ريان وراح للغرفه ينام
بحكم انه وراه دوام ونامت اشواق بعد تعب
-
ببيت الجد مطلق "غرفة فارس تحديدا "
فارس : امانه انقبلت؟؟؟
هادي : اي بالله بعد ما قدمت اوراقها ارسلوا لي موافقه وانقبلت دكتورة جراحه
فارس : ماشاء الله بتستانس بقوم ابدل واروح اقولها واجي المستشفى
هادي : من الاسبوع الجاي تبدا تداوم
فارس : اوكيه يلا اقابلك بالمستشفى
هادي : يلا مع السلامة
سكر فارس وهو فرحان لاشواق
قام وحلق لحيته ورجعت شخصيته القديمه اللي صارعها والحمد لله انتصر وبدل
وطلع لبيتها على طول
ووصل بعد مدهه
وطق الباب وهي كانت صاحيه لانها ما قدرت تنام الا كم ساعه وفتحت له
فارس : هلاا
اشواق : هلا فيك
فارس : بنبقى واقفين هنا ؟؟
اشواق : لا طبعا حياكك
ودخلت عمها وجابت القهوه له
اشواق : ايه شصار على الاوراق
فارس : مبروك يدكتوره
اشواق بعدم تركيز : هاه؟؟؟
فارس : انقبلتي دكتوره
حضنته اشواق على طول وقام وبادلها الحضن
وكانت فرحانه جداا
فارس : مبروكككك يحلوههه
اشواق حضنته وهي تضحك ودموع الفرح ما وقفت
فارس : افا تبكينن؟؟
اشواق : يخسى البكاء بس فرحانه
حضنها وفر فيها وهي تضحك بين احضان عمها اللي اشتاقت لشخصيته القديمه والمقربه منها باختصار اشواق : اشتقت لك يعمي
فارس : تقدرين تقولين فارس؟
اشواق : يعني خلاص؟؟؟
فارس هز راسه بنعم
كملت حضنته وقالت : اشتقت لك والله خلاص دامك نسيت الماضي تزوج يالفارس وافرح وابشر باللي ترضيك يعيوني "كانت الميانه قبل بين اشواق وفارس كبيره جدا ولا بينهم رسميات لكن اثرت عليه وفاة زوجته وتغير "
نزل ريان وكان يشوف احضانهم لبعض وسوالفهم وعرف انه عمه بدا يتغير وانبسط من جهه لكن احترق من الجهه الثانيه اللي تخص علاقة اشواق بعمها والاحضان والميانه
تنحنح : السلام عليكم
وناظرت له اشواق وجلست جنب عمها
فارس واشواق : وعليكم السلام
ریان : ماشاء الله شفيكم
فارس: اشواق انقبلت دكتورة جراحه وجيت ابشرها
ريان ابتسم: مبروك ماشاء الله
فارس : بتبدين تداومين الاسبوع الجاي
اشواق : ايه ان شاء الله
قام فارس
ريان : على وين؟؟؟
فارس : والله عندي شغل بس جيت اشوفها واقول لها
ریان : متى تخلص دوامك؟
فارس ناظر للساعه وكانت 9 : اخلص 2
ریان : اجل غداك عندنا تراا والعيال بيجون
فارس : ان شاء الله
طلع فارس واتجهه ریان لاشواق
اشواق : نعم ؟
ريان : لا حبيبي شخصيتس ما تتغير علي بس
شالها واتجهه لغرفتها
اشواق : نعم ريان!!!!
باس مبسمها : اسكتي
كمل طريقه لغرفتها تحت صراعها
ووصل جناحها ودخل غرفتها وسدحها على السرير
اشواق شافته ببدلته ومعتليها وهي ميته في شكله لكن قالت عكس اللي داخلها : نعم ؟؟
ریان باس مبسمها بقوهه : نعامه للعدو
اشواق : ريان خير شتبي
ريان : ابيتس تسوين غدا وتضبطينا بندور شاليه بعد ما نخلص ونجي على الساعه 2 ابيه جاهز
اشواق : سعاد موجودة مابي اسوي شي
ريان : اممم انتي احسن وطبختس احلى عفيه سوي الغدا
اشواق متعمده تستفزه : بسويه عشان فارس يستاهل
ریان : سلامات وحنا ؟؟
اشواق : خلاص بسوي روح لدوامك
قام ريان
وجلست اشواق على سريرها واخذت نفس لكن قاطعها مسكت ريان لفكها وباس مبسمها بقوهه وطول شوي
اشواق ضاق النفس وحاولت تفكه الين مافكها وقال : اههه مسككك تجننين
اشواق وهي تتنفس وتبي تصرفهه : دوامك تاخرت
فز ريان وطلع بسرعه الدوامه
قامت اشواق وراحت تجهز الغدا
-
ببيت رعد
سحاب : رعدددد
رعد فز : وجع
سحاب : يوجعك
رعد : سلاماتتت!!!! مصحيتني وتغلطين
سحاب : دوامك تاخرت
رعد: لا تغلطين مره ثانيه
سحاب بدون نفس : طيب
رعد استغرب تغير نفسيتها المفاجئ وقام وراح لدوامه على طول
-
عند اشواق
سكرت المطبخ عليها وهي تعشق الطبخ طلعت خضره وبدت تسوي انواع سلطات
دقت على عز ووصلها صوته : هلا والله يا مرحبا
اشواق : هلا فيك يعز اخبارك؟
عز: تمام الحمد لله بخير والله
اشواق : دوممم ماشتقت لطبخي؟
عز : الا والله مشتاق
اشواق : اجل تعال مع ريان انت والعيال هو قال بيقولكم بس عاد مو تسحبون والله ضبطتكم
عز : ابشري نجي ان شاء الله
اشواق : يلا ماطول عليكم
عز : يلا مع السلامه
طقت الباب سعاد
اشواق: منو؟؟
سعاد: انا
فتحت اشواق الباب : نعم؟
سعاد : وش تسوين ووين ريان ؟
اشواق : المطبخ لتس؟
سعاد: لا
اشواق : اجل مالتس دخل
سعاد: ريان وين؟
اشواق : انا بالمطبخ والساعه 12 ريان وين بيكون؟
سعاد: بالدوام
اشواق صفقت لها : يلا توكلي
وجت بتسكر الباب لكن صدمتها سعاد اللي دفته عليها وتعورت يد اشواق وهنا
قلبت اشواق وحمر وجهها وعصبت
صرخت اشواق بوجهه سعاد : انا تدفينه علي؟؟؟؟
سعاد : ايه عشان مره ثانيه تعرفين مع منو تتكلمين وتكلمي عدل،اشواق هنا جن جنونها على كلام سعاد وجرأتها انها قالت كلام زي كذا سرعان ما اشواق مسكت رقبة سعاد وهي ماتشوف شي قدامها وخنقتها على الجدار وهي تصرخ : انا ما تقوليننن لي ذا الكلام
سعاد وهي تتألم وتحاول تفك اشواق لكن ما قدرت لان فعلا اشواق انجنت وبدت ضرب فيها الين ماطاب خاطرها وسعاد كانت تبكي وتحاول ترد الضربه لاشواق
لكن تعرفون حرة الانسان
اشواق : الحين طاب خاطري انقلعي لغرفتس جعلتس ما تطيبين ،دخلت اشواق المطبخ وقفلت وشربت مويه وجلست شوي عشان تهدا ودقت على ریان
ریان : هلا باللي له الخافق يهلي هلا باشواقي
اشواق : متى تجي؟
ریان : هاه طالع انا والعيال جايين
اشواق : ابي اغراض للغدا
ريان : سمي
اشواق : جيب زبادي وغازيات لكم
ريان : والغدا وش سويتي ؟
اشواق : مقلوبة لحم وسلطات
ريان : اففف مشتهيها تسلم يدينتس
اشواق : الله يسلمك كلم فارس يجي
ريان : من عيوني يعيوني انتي
اشواق قفلت بوجهه
وهو عصب على حركتها لكن سكت عشانها تعبت
-
عند المقر
فهد: انا وعز بسيارتي وانت بسيارتك ورعد بسيارته
ریان : عزوز دق على فارس شوفه وين
عز رفع جواله ودق على فارس
فارس : هلا والله
عز :وين ؟
فارس : توني طلعت من دوامي متجهه على بيت ريان
عز: ايه تمام نتقابل هناك
فارس : تمام
سكر فارس واتجهوا الكل لبيت ريان
-
عند اشواق جهزت الغدا وصبته وحطته بالصاله والسلطات حوله وكان شكله مرتب صورته وراحت بدلت ملابسها ولبست دراعه عاديه وفوقها شيلتها ونزلت
وجلست تنتظرهم وصل الفارس ودخل البيت ورحبت فيه اشواق وجلس يسولف معها عن الدوام
طق الباب وفتحت الباب اشواق وكان فهد وعز وسلمت على عز ورحبت بفهد
وبعده بالرعد وريان جاء معاه الاغراض
ريان: يعطيتس العافيه
اشواق : الله يعافيك
اخذت الاغراض منه وعدلتهم على السفره
وغسلوا كلهم وريان راح يبدل لكن شاف سعاد تبكي بغرفتها وهي تكلم
سلطان : هدي معليتس منها
سعاد: عورتني الكلبه جعل يدها الكسر
دخل ريان وسكرت سعاد المكالمه
ریان :شفيتس منو عليتس؟
سعاد :عشان تبعد الشكوك بكت على طول وحضنت ريان اللي انصدم من بكاها
وقال بهدوء : اشواق ؟
سعاد: ايه ضربتني وانا ماسويت لها شي
ريان : غسلي وانزلي تحت وانا اوريها بعدين الحين عمامي وعيال عمي عندي
سعاد : وعد تاخذ حقي؟
ريان: وعد
سعاد ابتسمت وراحت تغسل وراح ريان بدل ملابسه
ونزلوا اثنينهم
رعد: تسلمم يدينتس
فهد: اشتقنا لطبختس لكن خذاتس ريان وصار محظوظ وسحب علينا
عز : بسم الله على بنت اخويي
فارس : اقول اسكت انت وياهه يحظ ريان فيتس ي اشواق
اشواق ابتسمت : بالعافيه عليكمم
جلس ريان وبدا ياكل معاهم وهي يناظر باشواق بنظارات مرعبه ،قامت وسوت لهم شاي وخدرته
خلصوا بعد مدهه وبدت تصب لهم شاي وعطتهم ولا احد اهتم لوجود سعاد
وسؤال اشواق المعتاد بعد كل طبخة تطبخه : تقيمكم للطبق
ضحك رعد وقال: انتظر تسالين قلت خاف تغيرت بعد الزواج صارت ماتسال
اشواق ضحكت بهدوء : ما يغيرن لا الزواج ولا غيره
رعد: كفووو
اشواق : كفوك الطيب
عز : انا تقيمي للطبق 8 | 10 ليه ؟
اشواق ضحكت :لاني مكثره بصل بالطبق
عز : الله عليتس فاهمتني
فارس : انا اعطيتس كامل الاكل ما شاء الله لذيذ
اشواق : بالعافيه
فارس : الله يعافيتس
رعد: وانا و ليه؟
اشواق : عشان الزبيب
رعد ضحك : صحح
اشواق : من كثر ما اطبخ لكم قبل عارفه ترا
ريان : انا 9 ونص
اشواق : عشان الكشنه مكثرتها
ريان مد يده وضربتها اشواق مسك يدها وباسها
فهد: انا 10000
اشواق ضحكت :عافيه عليكم كلكم
الكل بصوت واحد : الله يعافيتس
-
بعد مدهه تحديدا في بيت رعد دخل البيت وهو مو طايقه بسبب نفسية سحاب اللي تغيرت مرهه وهو جاهل السبب
رعد دخل الغرفه ولا شاف فيها احد : سحابي وينتس
سحاب وهي منسدحه تقرا كتاب : هلا
رعد تقدم وجلس جنبها : اخبارتس؟
سحاب: الحمد لله رعد اخذ الكتاب من يدها ونزله
سحاب : خير يرعد !!!
ابتسم وهي تنرفزت ومدت يدها بتاخذه لكن ما حست بنفسها الا وهو معتليها
سحاب : خيررر يرعد سلامات !!!!
رعد: صوتس ووجع
سحاب وهي متقرفه منه : يوجعك
رعد : هذي للمره الثانيه وربي الثالثه ما تسلمين اعقلي سحاب عفست وجهها وقالت : انقلع ياخي
رعد سحب يدينها وثبتها : وبعدين يسحاب وبعدين؟؟؟ مو يعني زوجتي تمونين وتغلطين
سحاب وخرته بكل قوتها : تراك مقرففف ولا قادره اتحملك اكثر انا بروح لاهلي
انصدم رعد وناظر لها وقال : ترا تعرفيني عدل واذا صديت عنك مستحيل ارجع لتس
سحاب ضحكت: لا ترجع ان شاء الله صده بلا رجعه
ناظر رعد : قدها ؟
سحاب: ايه
رعد: جهزي اغراضتس ودقي على اخوتس يجيتس
انصدمت سحاب انها تساهل مرهه وراحت تجهز اغراضها وهي ببالها انه بيرجع لها ويموت فيها بعد كلامها لكن عند رعد فعلا اذا صد لو يكلفه الشي حياته مستعد يخسرها ولا يرجع
راح رعد ولبس لبس مريح وراح انسدحه وهو ما لتفت لسحاب تقدمت له سحاب وقالت : رعد مارد عليها
ورجعت تناديه : يالرعد
رعد بدون ما يناظر لها قال : نعم؟
سحاب : زعلت؟
رعد ابتسم وقال : بالله عليتس ؟؟
سحاب : خلاص اسف
رعد: ما تكفي ذي تراتس زودتيها اعقلي
سحاب حضنته على طول وقالت : خلاص اسفف ما عاد بقولك كذا
رعد ابتسم : وش سبب التغير ؟
سحاب ضحكت وقالت : مدري يمكن تبي تصير اب
فز رعد وقال بفرحه: اسالتس بالله؟؟؟
سحاب هزت راسها بمعنى اي
حضنها بقوهه : يبعدي يسحابي واخيراااا
سحاب ضحكت ودمعت على فرحته
مسح عيونها ووجهها : خلاص مبروك لنااا
ضحكت هي بفرحه وهي كانت تنتظر من زمان انها تحمل وقالت : يبارك فيك وانا اسف على النفسيه بس تعرف
ابتسم وقال : فدا فدا روحي رتبي اغراضتس
ناظرت له بصدمه : يعني اروح؟
رعد ابتسم وهو يبي يلعب عليها : يعني لا يكون حضنتس وكذا خلاص رضيت دقي على هذال خل يجيتس
دمعت سحاب على طول وضحك رعد وسحبها لحضنه
-
ببيت الجد مطلق
يزيد : يجدي انا عرفت خطاي وبديت امشي بالطريق الصح وتركت كل صديق سوء لي بس ابي اعرس يجدي وابيك معاي
الجد مطلق: ومن تبي ان شاء الله ؟
يزيد : جدي بنت ابو هذال
الجد مطلق: على خير ان شاء الله
يزيد : ودي اليوم نروح ونطلبها يجد
الجد مطلق: ان شاء الله بناخذ نايف وثامر وفارس وعز ونروح
يزيد ابتسم وهو ما توقع جده يوافق قام وباس راسه وقال : تبشر
دخل فارس : السلام عليكم ورحمة الله وبركاته
الجد مطلق ويزيد : وعليكم السلام ورحمة الله وبركاته
فارس : شلونك يبه عساك بخير
الجد مطلق: الحمد لله وين كنت
فارس : عند ريان تغديت انا والعيال
الجد مطلق ايه زين
فارس : شلونك ي يزيد ؟
يزيد : بخير الحمد لله
فارس : شعندك
يزيد : بنروح اليوم نخطب
فارس : لمنو ؟ لك؟
يزيد باستغراب : ايه ليه؟؟
فارس : لا ولا شي من بتخطب
يزيد : بنت ابو هذال
فارس : الله يتمم على خير
يزيد : امين
-
ببيت ريان والصراخ مملي المكان
اشواق : بدال لا تشكرررنيي !!!!
ريان مسك فكها بقوه : صوتس اقصر يييه
اشواق وهي تحاول تفكه : فك جعلك الكسر يريان
ريان وهو ميتتت من العصبيهه بتطلع عيونه من مكانها وعروقه البارزه ووجهه الاحمر قال: انا تدعيننن عليييي بالكسررر !!!! يبنت الكلب
اشواق بحده : انا تقوللل عننيي بننتت كلللبب يريان انااا
ريان : وستيننن كلب بعد
دفته بكل قوتها وعطته كف بان صوته بكل ارجاء البيت وقالت :انا اعلمك الان تحسب ماوراي سند !!!!
ريان قام ورجع لها الكف بكل قوته ونحلف انه مال فكها منهه وقال : سعاد ما تقربين لها فاهمه !!
اشواق ودموعها بعيونها بس ثابته وقالت : طلقني اذا تبيها !!!
ریان بحده : تخسين !
اشواق : بتطلقني وغصب عنك !
رفعت جوالها ووصلها صوته النايم وقالت : الحق اختك !
فز من مكانه : شفيتس !!!
اشواق ببكي : ريان ضربني الحق
ريان كان واقف ومنصدم وش اختك هل احمد باقي عايش ولا لا ؟ وكيف عايش وهم دافنينه قدام عيونهم ذبحه الفضول وبنفس الوقت تفكير انه يختار بين اشواق وسعاد وللاسف ماكان عارف ان اخو اشواق بيخليه يطلقها بعد
ما ستفزعت فيه
قفلت المكالمه واتجهت لفوق تجهز اغراضها وتودع غرفتها وتودع البيت كله ونزلت وهي تنزل بثلاث شناط كبارر مرهه
ناظر لها بهدوء : ليه شايله كلشي
اشواق بحده : ورقة الطلاق بتوصلني والله يهني سعييد بسعيده !
ريان ابتسم على جنب وقال : تم
تحت صدمة اشواق لكن اخفت الشعور اللي داخلها وداست على قلبها وقالت : مع السلامه
طلعت ودخل بهدوء اخذ اغراضها تحت صدمة ريان كيفف اخته!!! كيف ماقال لنا طول السنين ذي !! هل معقوله بالرضاعه ؟ هل يوم جدي يقول يقصد به اشواق !
مشت واتجهت لبيت جدها معاه وهي تنتظر ورقة طلاقها ونهاية تعب
طلع ريان مع رعد وفارس وعز وفهد يدورون شاليه حلو ويليق لهم كلهم
ريان وهو سرحان يفكر
رعد اشر لهم ينتبهون له والكل انتبه وضحكوا على جلسته ويدخن بهدوء زفر كمية كبيرة
فارس : كتمتنا الله يكتمك قل امين
ريان : سد حلقك
فارس فز : ورع احترم نفسك
رعد: شصاير يريان
ریان : شفت شي ما بتصدقونه
عز : شصاير ؟
ریان : اشواق طلبت الطلاق وانا قلت لها تم بلحظة غضب
ناظر له فارس : وانت ليه ما تمسك نفسك
ريان بحده : شسوي يعني انا تعبت وانا متحمل مسؤوليه
فهد نفس الحده : محد قالك تتحمل مسؤولية اثنين ما يواطنون بعض معليش يريان تراك مخطي على اشواق واجد
ريان : كل تبن انت محد قالك تتدخل
فارس : ولد وربي ان ماحترمت نفسك يويلك وجع يوجعك شقايل للبنت عشان تزعل وتطلب الطلاق اليوم وحنا نتغدا مافيكم شي لا يكون ضاربها يريان ترا يويلك !
ريان : ايه ضربتها لانها ماده يدها على سعاد
عز : وانت ليه ما تعدل بينهم !!
ریان : حاولت بس ما قدرت وحده اعوب من الثانيه وانا تعبت منهم
رعد : طلق سعاد وانتهينا لاهي مننا ولا نعرفها اشواق من الصغر وحنا نعرفها وهي الزوجه اللي تصلح لك
ريان بتعب والزقاره بين شفايفه زفر بملل : اسكتوا بفكر
فارس : على طاري تخيلوا وين بنروح بعد شوي
فهد ورعد وعز : وين ؟؟
فارس : بنخطب ليزيد
رعد ابتسم: الله يتمم
عز: احسه عقل الحمد لله
ریان وهو تاكي على الدريشه : من بنته ؟
فارس : بنت ابو هذال
فهد : يوههه يدري بماضيه خوفي ما يوافق
رعد : اذا ما وافقوا بسلامتهم يكفي انه من احفاد ال مطلق
فارس : احفاد القايد
رعد : بس من احفاده هذا المهم
ريان : من بيروح
فارس : انا ويزيد وابوي واخواني
ریان : ما تاخذون حريم ؟
فارس رفع كتوفه بمعنى مدري
عز : الا لازم بناخذ رهف ونوره وعاد وحده من البنات
فارس : اجل دق على رهف وقولها تتجهز من نرجع بناخذهم ونمشي
عز : تمام
دق عليهم وعطاهم خبر
ريان : يعيال
فهد فز : شفيه؟؟
ريان : عنده اخت بالرضاعه
فهد: دريت؟
رعد: نعم؟؟؟ وش تقول انت
عز وفارس بصوت واحد : من زمان ندري
رعد: خيررر وشسالفه
فارس : اشواق اخت عساف بالرضاعه
ريان : توقعتتت
رعد: يمههه ليه ماندري
فهد: تعرفون هي مو داريه وقالوا لها من زمان
رعد : طيب ؟؟ ليه ما تكلمت هي
فهد: هي مدري صارت تعامله زينا بس بين فتره وفتره تجيه لحاله بغرفته ويتكلمون وضحك وسوالف ولا كانت بتقول لاحد بس شكلها استفزعت فيه يوم زعلت من ريان
:::::::::::::::::::::::::::
ادعموني بنجمه ولايك قراءة ممتعه ❤️❤️