نقطة لقـاء

part 15

تدربت اشواق وتجهزت للمسابقه كانت الساعه 12 والمسابقه الساعه 3
عند بطلتنا
كانت تتجهز ومتحمسه مرههه طبعا بالمسابقه معها هذال وفيه حضور لها
صديقاتها وبنات عمها والجد مطلق ورعد وريان وسعاد وابو رعد وابو ريان
والعمه نوره وعز وفارس
اشواق كانت تسولف مع جدها قبل لا يبدا كلشي
سعاد انسحبت من بينهم
الجهه الثانيه
سعاد شافت الادهم واتجهت له
مسكت اللجام حقه وطلعت المقص وقصته شوي بحيث اذا اشواق شدت تطيح
محد كان منتبهه لسعاد كان ادهم نظره عندها ضربت بطنه وكانت الضربه
مؤلمه للادهم ورجعت بينهم
الجد مطلق: يلا يبنتي انتبهي لنفسك
اشواق : ان شاء الله
طلعت ووقفت مع المتسابقين
طبعا بدوا السباق وكانت بالمقدمه وينافسها هذال
هذال كان يناظر لها وكيف منتبهه قدام ولا معطيه احد فرصه كان معجب بثقتها
بنفسها وبشخصيتها
لكن شتت انتبهه اللجام وكيف كانت تشد عليه وانتبه انه بينقطع صرخ باسمها
وشدت اكثر وانقطع اللجام وكانت بتطيح لكن ميل خيله عليها ورفع ضهرها
هذال: امسكي بالادهم بسرعه
اشواق مسکت بالادهم وكملت السباق
ولا زالوا بالمقدمه هذال واشواق وكان اللي يصير كله تحت انظار ريان المشتعل
كانت عروقه بارزه ووجه احمر ويتحلف
فازت اشواق وهذال وراها بالضبط والمركز الثالث سعيد
اعلنوا المراكز
المركز الاول: اشواق بنت ناصر ال مطلق
المركز الثاني : هذال بن ناجي ال قايد
المركز الثالث: سعيد بن محمد آل احمد
بدوا يكرمون وطلعت اشواق مع الادهم واتجهت لجدها بعد التكريم
وقفت قدام جدها وحولها الكل يصفقون
هاج الادهم اول مانتبه لسعاد ناظرت وحاولت تهدي الادهم وهدا بعد معاناه
هذال: اشواق الكاميرات
اشواق : جايه اسبقني وبجي انا
سعاد سوت نفسها تكلم
اشواق التقت لها : ترا بجيتس انتظريني
سعاد سكتت
ریان: شقصدها شسويتي؟
سعاد: شسويت يعني ولا شي لا تشيل هم اشواق وين راحت ؟
ريان : تشوف الكاميرات عشان اللجام
سعاد: هاه؟؟
ريان: وجعاه قصري حستس شفيه؟
سعاد: ريان امي تعبانه بروح لها
ریان: ننتظر اشواق بعدين نمشي
سعاد: ريان امي تعبانه حيل ولا بي حيل انتظر بسرعه خل نروح
ریان: شفيها امتس
سعاد: تعبانه مره مدري شفيها
ريان: يلا اجل بوديتس وارجع
سعاد: يلا
طلعوا واتجهوا لبيت سعاد
عند اشواق وهذال
هذال: ذي منو؟
اشواق : دقیقه انتبهت مدري
هذال ركز فيها
شهقت اشواق
هذال: شفيتس؟؟؟
اشواق : بنت اللذينا
هذال :منو؟
اشواق : سعاد
هذال: طيب الحين وش بتسوين
اشواق : بتكلم معها
هذال : دقیقه
طلع جواله وصور اللقطه
اشواق ابتسمت
هذال: اي كذا عندنا دليل
اشواق : يلا مشينا
هذال : هاتي الادهم بوديه ينقلونه للمزرعه
اشواق : يعطيك العافيه ماقصرت
هذال: ولو
اخذ الادهم منها وراح يوديه
واتجهت اشواق لريان ولا حصلته
اشواق : جدي وين ريان؟
الجد مطلق: راح يودي زوجته
اشواق : ليه شفيها
الجد مطلق: يقول امها تعبانه
اشواق : وتكذب بعد
الجد مطلق: تعالي يبنتي
راحت اشواق واتجهوا للبيت
وصلوا البيت بعد مده وكان معاهم ابو هذال وعايلته
الجد مطلق: ماتمشون الين ماتتعشون بمناسبة فوز اشواق وهذال
اشواق وهذال بصوت واحد: تسلم
هذال ابتسم ودخلوا داخل
وبدوا الحريم يطبخون الاكل والبنات يقهوون
اشواق : جدي
الجد مطلق: هلا
اشواق : ترا بكره تخرجنا من الجامعه انا وروان وهديل
الجد مطلق:ماشاءالله مبروك عليكم يبناتي
وبدوا يباركون لهم
دخل ريان : شفيكم؟
الجد مطلق: بكره تخرج البنات
ریان: ماشاءالله الف مبروك
روان : يبارك فيكم جميعا
اشواق : الله يبارك فيككم
هديل: الله يبارك فيكم وعقبال البنات الباقين
ریان: اشواق تعالي ابيتس
اشواق ببرود: طیب
اتجهه ريان لغرفته ببيت الجد مطلق واشواق وراه
دخل الغرفه
اشواق وهـي عند الباب : شتبي
سحبها ريان وقفل باب الغرفه
اشواق : شفيك انت انهبلت
ریان: ايهه تبيني اشوفتس تكلمين هذال واسكت
اشواق : هذال نفس اخوي ومابينا شي
ريان: عندي مو نفس اخوتس ولا عاد تكلمين احد غريب
اشواق : مابقى الا انت تتحكم
ريان فقد اعصابه ومسكها بكل قوته : بتسمعين الكلام
اشواق بصراخ : ماني سامعه شي ووخر عني
ريان: تبيني اشوفه يلمستس واسكت؟
اشواق : ايه الدينا دارت عليك نفس ماحرقت قلبي بزواجك من سعاد
ریان حاوطها وشدها له : بس مايصير كذا
اشواق :وخر عني لا تلمسني
ریان حط راسه على كتفها وكان منحني بسبب قصرها ووجه عند رقبتها كان
ميتت فيها
اشواق : ريان وخر لا تغلط معي
ریان طنشها وشدها له اكثر
اشواق ببكي : ريان خلاص وخر
رفع راسه : وغيرتي؟
اشواق مسحت دموعها : سوا اي شي ثاني
ريان بتعب وهو يناظر لمبسمها :
"ليت يحصلي قبلة من شفاياك
تحيي عروق القلب لاينشفنا
اشواق دمعت على طول : ريان لا
ریان شدها بقوه: ماقدر
قرب منها
حست بحرارة جسمه وانفاسه
وهـو حس برجفة جسمها وانفاسها السريعه
ثبتها وتلامس مبسمها ومبسمه
كانت منصدمه ولا قادره تتحرك لانه مثبتها طول وحس على نفسه لكن ماقدر انه يفكها ولا يخليها تفكه حس انه ارتاح وطفت النار المشتعله فيه يحسها فرصه
ثمينه ولازم يستغلها بثوانيها داهمها شعور غريب لكن مريح وعاجبها
راجعت نفسها بسرعه ووخرته بسرعه :ریان شسویت؟
ريان وهو ياخذ نفس :خلاص
اشواق دمعت
ريان قرب لها وسحبها لحضنه :خلاص اسف يعيوني
اشواق بكت على طول
حط وجهها على صدره :خلاص مايستاهل
رفع راسها ومسح دموعها:يلا الحين ننزل ولا فيه شي ولا صار شي
اشواق مسحت وجهها وشفايفها
ریان بابتسامه :بخليها عاجبتني
اشواق : خلاص اص
عدلت شكلها ونزلوا تحت
الجد مطلق:العشاء جاهز اقلطوا بدوا ياكلون
الساعه 1 الليل كل من اتجهه لغرفته ينام
ريان: يمه انام هنا انا مالي خلق اروح للبيت ومنعس
ام ريان: وين سعاد؟
ریان: بتنام عند امها تقول تعبانه
ام ريان : ايه زين يمه
ابو ريان: ماخلصت من امك ترا هم حنا نبيها
ریان بضحكه : خذها خذها
دخلوا واتجهه ريان فوق
شاف اشواق بتدخل غرفتها
ریان: اشواق
التفتت له
ریان: سعاد مو موجوده تعالي نامي
اشواق : ومن قالك اذا مو موجوده بجي؟
ريان: اعقلي وتعالي
اشواق : ماراح اجي
ریان: اي يلا كيفتس ودخل الغرفه وسكر
دخلت غرفتها
راحت للمكتب حقها وفتحت دفترها وبدت تشوف كلامها
إنه منتصف الليل والوضع يزداد سوءاً والحرب مستمرة بداخلي كنار لا تُري
أن تنطفئ وأنا اتارجح بين الف معركة تقتلني في عقلي والف كسر يعذبني في
قلبي وأكابر وأردد لا بأس أنا بخير وأنا لستُ بخير لستُ أدري كم روحاً لديّ
كي أتحمل هذا المنتصف اللعين الذي لا يريد أن يتركني و شأني لم أنم حتى
لأن من شدة لذع ووخز حرارة أفكار هذه الليلة اللعينة أشعر بـ فوضئ برأسي و
صداع يقتلني و يمزقني إلى أشلاء مبعثرة لا أستطع جمعها أنا متعبه وأصارع
نفسي في كل ليلة.
رجعت تحس بشعور الفقد وقلبت على الصفحه الثانيه
تقبلت فكرة عدم استمرار الأشياء معي والتشبث ليس إلا محاولة ضعيفة مؤذية
غير مجدية لإبقائها في حين أنها تموت أنا اختصرت الطريق بأفلات يدي عن
كل من لا يشد عليها وأصد بوجهي عن كل من لا يبادلني الرغبة في البقاء أنا
التي ربيت قلبي على إحتضان نفسه بعد كل خيبة وعودت يدي اليمنى أن
تسارع الإمساك باليسرى لكي تمنعها من السقوط أنا اعرف جيدا متى أكون
عمود نفسي أنا حقا جيدة في النجاة بنفسي بعد كل حرب
سکرت دفترها وقامت مسحت دموعها وصلت ركعتين وبدت تجهز عبايتها لحفلها وبخرتها ونامت
:::::::::::::::::::::
توقعاتكم وش يسوي ريان لو درا بسعاد؟

قدروا تعبي ودعموني بنجمه وعلقوا قراءة ممتعه