ريان : مسك يدها ودهنها ولفها بشاش
اشواق : توجع والله
ريان باسها وقال : انتبهي يعيوني
اشواق : سم
ريان : خلاص ؟
اشواق : ايه ناد العيال يشيلون حق الرجال
ريان : سمي يعيونه،راح ينادي العيال
رعد: يلا يعيال
قاموا كلهم
اشواق : هذي الجهه كلها انتم خذوها
عز : ليهه ماسويتي السلطه اللي ابيها
اشواق بمزح وبحده: تمشي ولا؟
عز ضحك وقال : سمي
ريان : النفسيه يولدد اتركها
اشواق : وانت معاه
ريان : اعقبي يحيوانه
اشواق ضحكت وقالت : خلصوني يلا
امتنان جت ووقفت عند الباب وعينها ع هتان
ناظر لها هتان وابتسم
جاء بيطلع بتال ودفها بشويش عمد
امتنان : ماتشوف؟؟
بتال : المعذره
هتان : بتال امش
رعد وهو عند الرجال : يولددد شعندكم طولتوا خلصونا
هتان : تعورتي؟
امتنان : لا
هتان : امش خلصني
مشى بتال متجاهلهم وهو يحترق من داخله
ذيب :فيه باقي شي نشيله ؟
اشواق : الخبز اخذتوه؟
ذيب : ايه فيه
اشواق : خلاص مافيه شي
ذيب : يعطيتس العافيه
اشواق : الله يعافيكم بالعافيه
طلع ذيب وهو ينفض بثوبه وطلعت رزان قدامه وصدمها بالغلط
ذيب : اسف
رزان : لا عادي تعورت؟
ذيب : مافيني شي انتي تعورتي ؟
رزان : لا
ذيب مسك يدها لا ارادي وقال : شفيها يدتس ؟
رزان : انجرحت من الشبك
ذيب طلع فاين من جيبه وحطه ع الجرح وقال : لفيها لا تنسين
رزان : ان شاء الله
ابتسم وراح ياكل معهم
اما رزان راحت تلف يدها واخذت ملعقه واتجهت عند الحريم
-
الساعه 9 الليل
الجد مطلق : ساهر مابتقول لاخوك يجي يتونس ويطلع بنيته شوي مع البنات
ساهر : لا والله ماشفته بدق عليه الحين
ابو رعد : اي شوفه خل يغير جو هنا
رفع جواله ساهر يدق على اخوه كامل
ورد بعد ثواني ...
ساهر : الوو السلام عليكم
كامل : هلا وعليكم السلام
ساهر : طالعين لمزرعه عمي ومعانا الشله كلهم ماتجي انت وداليا وام داليا؟
كامل : من قالك ؟
ساهر : عزمك عمي تعال عشان تغير جو وانت وعايلتك
كامل : على خير بكره ان شاء الله
ساهر : ان شاء الله فمان الله
كامل : فمان الله
وقفل منه ، الجد مطلق : وش قالك؟
ساهر : بكره يجي ان شاء الله
الجد مطلق: ان شاء الله
فارس : يعيال امشوا يلا
ريان : وين ؟
فارس : نجلس هناك؟
عز : اي يلا
وفعلا اتجهوا عند الاسطبل
هديل كانت واقفه هي وسحاب عند الخيول
هديل : الحين جايتنا مناسبات لين الليل ورمضان بعد باقي له كم شهر
سحاب : صادقه وبنصرف واجد من ملابس وقاعات ودتس كلشي يصير خاص
هديل : فارس وسلطان خاص يمكن اما عساف وليث ماتوقع
اشواق دخلت : داخلين هنا بدوني؟
هديل : انتي مدري وين رحتي
اشواق : وين اروح يعني رحت لخيمتي
سحاب : اشواق نبي فساتين للعروس الجايه
اشواق : فيه عندي حلوات والله اخذ ايباد ريان بعد شوي عشان كلنا نشوفهم
هديل : اي زين ماتحسون ملل؟
اشواق : مرههه مو شوي والعيال تو شفتهم جاينن من بعيد مدري ع الاسطبل مدري غيره
سحاب : تبدا جلستهم الحين يشبون نار ويقصدون لين الصبح
هديل : احب جلستهم اللي كذا بس مايخلونا معاهم
اشواق : ودي مرهه بس تعجبهم لعبه من العابنا ويقولون بنلعب معكم مافيه
هديل : بروح انادي البنات نجلس هنا احس اشتهيت اشم ريحة نار
سحاب : شهيتيني يكلبه
اشواق : بشب لكم انا
هديل : وينتس ويين الشبه انتي بنادي احد من العيال يشب لنا
سحاب : يلا اجل بروح اجيب فرشه وعزبه
اشواق : الاغراض علي يلا قوموا
وقاموا كلهم وكل وحده اتجهت تجيب لها اللي تبيه
-
عند العيال
جت هديل : السلام عليكم
الكل بصوت واحد: وعليكم السلام
هذال : شفيه فيه شي ؟
هديل : نبي احد يشب لنا نار
ريان : خوذوا الدفايه شالطاري نار ؟
هديل : انا واشواق وسحاب اشتهينا نشب نار عندكم اعتراض ؟
رعد : يالليل والسالفه ذي
هديل بحده : انتم السبب يلا قوموا!
رعد : اخوو العيال لا تصيحين علينا
هذال : اهجد ي اخو العيال
فهد : روحي وبنجي نشب لكم
جت اشواق : مو تصريفه هي قوموا !
عساف : خلاص بقوم اشب لهم اسكتوا
اشواق : عاششش اخوي مافيه مثلك
ريان : وانا احسن منه صح؟
اشواق خزته ومشت
هتان : هاردلك
ريان قام وقال : انا اعلمهم
رعد مسك ريان وقال : اهجد
اشواق : عسافوه الحطب وين
ليث : ورا الخيمه حقتنا تلقاها
عساف : مشاري جبها والحقني
مشاري : زوجة ريان مو زوجتي؟؟
ريان : اعقب يحمارر قم جبها
مشاري بمزح : توكل يرجال
ريان ضربه بخفه من رقبته من ورا : قم بس
مشاري : روح انت لا اقلبها مصارعه هنا
قام ريان : تحداك يلا
اشواق وهي اول مره تشوفهم كذا : هيه مزح انتم شفيكم اخوان وتتضاربون
ضحك عساف وقال : ماعليتس مو صاير شي
اشواق : هذولا منجد بيتضاربون ؟
عساف : ايه
رعد : ابعدوا شوي
هذال : واحددد ، اثنين
هتان : ثلاثههه
هجمم مشاري ع ريان الي كان اعرض منه بشوي
وبدوا يتضاربون
اشواق ركضت لريان لكن استوقفتها يد عساف
اشواق : صاحي انت؟؟ بيموت مشاري ع يده وخر بس
عساف : اشواق هم رجال واخوان ويعرفون وش يسوون
اشواق وخرت يد عساف وركضت لريان اللي كان جالس ع مشاري وماسكه
مسكت كتف ريان : خبلل انتت وخر عنه مب مزح !
وخر يدها ريان بقوه ، مسكها عساف
اشوان : ريان والله ان ماتركته ماتشوف...
ريان بحده : ماشوف وش ؟
اشواق وهي تستغفر : اتركه كلها شبة نار وحطب انا بروح اجيبهم مابي منك شي
مشاري : خليه مايقدر علي
ضربه ريان وقال : قدرت؟
اشواق : دفت ريان عن مشاري
ابتسم ريان ومسح شفايفه
اشواق : خلاص انا اجيبه منتم بزران
رعد : خلاص يبنت مزح
اشواق ناظرت له ومسكت وجه ريان وقالت : مو مزح ذا شوف وجيهم الحين
قامت اشواق ومسكت ذراع ريان بشويش
نزل ذراعه ريان
اشواق : قوم بشوف وجهك
ريان : مافيني شي
مسكت يده وقومته بشويش
اشواق : عساف اجلس بنشبه حنا
عساف : روحي بشبه انا للبنات
ابتسمت اشواق من ورا النقاب وراحت لخيمتهم
اشواق : ماتتوب وش تسمي اللي سويته
ريان : مزح ي اشواق عادي انتي كبرتيها ترا
اشواق : وجهك كذا مزح
راحت للحريم
الجده حصه : هلا امي تبين شي ؟
اشواق : صندوق العلاجات وين ؟
الجده حصه: ليه فيه شي
اشواق : لا مصدعه بشوف حبة راس
الجده حصه: بخيمتي تلقينه
ابتسمت اشواق وطلعت تجيبه
-
عند العيال
هتان : يولد تنزف انت
رعد : مشاري روح عند ريان
فهد : ايه خل يشوف جرحك
مشاري : مافيه شي ماعليكم
بتال : وين مافيه شي وجهك كله كدمات ودم روح بس !
قام مشاري واتجهه لخيمة ريان
مشاري : يولدد
اشواق تغطت وقالت : ادخل
ريان ناظر لمشاري
مشاري : زودتها شوي صح ؟ تعورت انت؟
اشواق : انت شوف وجهك ،مدت له المرايه
مشاري ناظر وقال : بسيطه
ريان : طلعت حيلي كله فيك
ضحكوا الاثنين
اشواق مسكت فك ريان وبدت تمسح الدم
ريان : انا اقول يمشاري صد
ضحك مشاري وقعد ع جواله وصد عنهم
رفع نقابها ريان
اشواق : شتبغى
ريان : زعلتي ؟
ابتسمت اشواق وهزت راسها بنفي ومسحت شفايفه
ريان عفس وجهه
اشواق : تعورت؟؟ اسف بسوي شوي شوي اذا عورتك قول حبيبي زين؟
ريان : فداتس يروحي انتي
اشواق ابتسمت : شنو هذا حاجبك الا فيه ندبه يعني كل هوشه كذا
مشاري وهو صاد : نتفته لتس
اشواق : الا ريان يويلكم
ريان ضحك وقال : تستاهل اصهه
اشواق اندمجت وهي تتسوي جروحه
ريان حط يده ورا رقبتها وقربها له
اشواق : شفيه ؟
باس مبسمها بقوه
وخرته بالقوه وضربت يده عشان ماينتبه مشاري
ضحك ريان ، اشواق : قوم خلصت
ريان : دور مشاري هاتي انا اسويله
اشواق بمزح قالت : شرايك اسويله انا
ريان خزها وقال : شرايتس بكف يجيتس
اشواق ابتسمت وتغطت
ريان : تعال يلا
جاء وبدا يضمد ريان جروح مشاري
::::::::::::::::::::::
(ادعموني بنجمه ولايك قراءة ممتعه ❤️❤️)
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
