اشواق : مالي خلق انا
روان : تحركي يامي بتموتين الولد صرتي عجازه
اشواق : انثبري لا اعلم ريان
روان : خوفتيني يعني
اشواق : توكلي
جت هديل بفستانها الوردي الناعم والذرب وبطنها المنتفخه
اشواق : يجنن عليتس اهم شي مرتاحه فيه؟
هديل : ايه زين بس احس بطني اوفر
ديم ضحكت وقالت : لا يشيخه
ضحكوا الكل
اشواق : اصلا ذا للحوامل ويجنن ماعليتس منهم
ديم : الحين يقعدون يعززون لبعض
ابتهال : اي يحبيبتي مصيركم تكبرون تعانون نفسنا
ليان : اللهم لا شماته بس مايمدي ترقصون
اشواق : احسن من اللي مغصوب على الرقص
ليان : حيوانهه
ضحكت اشواق وقامت تتقيس الفستان
طلعت لهم اشواق وكانت لابسه فستان بيج ملكي
ديم : يجنن يحيواننهه
اشواق : طيب ليه حيوانه
ديم : ترا مدحه على فكره
اشواق : بمشيها
رزان : ياحظظ اخوي
روان : اي والله
اشواق : يمدي البس مشد؟
هديل : هاه شفتي
اشواق : جبته عاجبني بس بطني مخربه الكشخه
سحاب : لا يروحي حلو مافيه شي مخرب
اشواق : ايهه شفتوا شلون يروحي وانتي تقولين حيوانه
ديم : ومن الحب ما سب
ابتهال : ماتجي
ديم : مشوها عاد
دخلت الجده حصه : هاه قاعدين هنا
اشواق : ايه
الجده حصه : هذا فستانتس؟
اشواق : ايه
الجده حصه: حلو ماشاءالله بس بكلمكم بموضوع
اشواق : وشهو فيه شي ؟
الجده حصه جلست وقالت : انا كلمت مطلق وقلت يعني انتم كثير بسم الله عليكم والتكاليف واجد ف ياريت اغلبكم يسوون عائلي ومطلق عادي انه يدفع بس يامي الناس بتحط عيونها علينا وانتم ماتضمنون احد
روان : انا وسلطان تكلمنا بالموضوع
الجده حصه: وش صار يامي ؟ لا تخلون شي بخاطركم سوو اللي تبونه لا تضغطون على انفسكم
روان : حنا بالبدايه قلنا نبي عرس عائلي بس اتفقنا انا وياه اننا خلاص ملكه بيننا وخلاص حتى ثوب عرس مابي
الجده حصه: مقتنعه باللي تقولينه؟
روان : ايه يجده اسألي سلطان حتى
الجده حصه : زين الله يوفقكم يعيوني ، وبعد عندي شي ثاني
اشواق : سمي يجده
الجده حصه : الفساتين اذا العرس خاص البسوه واذا عام برضوا البسوه لان الناس مو شايفته
اشواق : ابشري
الجده حصه: نوفر احسن صح؟
الكل بصوت واحد: ايه
الجده حصه: اللي بخاطره شي يقوله
هديل : لا يجده مافيه شي
الجده حصه طلعت وتركتهم
اشواق : صادقه جدتي
ابتهال : انا اقول يعرسون كلهم كل واحد يتمنى يسوي ويحط خل يجربون
بيان : جدي ماعنده مانع بالدفع بس مو كل شوي عرس
اشواق : خلاص عندي راي انا
ليان : تكلمي
اشواق : بالليل كل وحده تقابل خطيبها وتتفقون ليان وعساف وروان وسلطان ورزان وفيصل وليث وديم
ديم : خلاص حددنا
اشواق ضحكت وقالت : واللي يقولكم اني نسيت
ضحكوا الكل
ديم : خل نتعاون وان شاء الله بننجز
هديل : الله يتمم على خير
الكل بصوت واحد: امين
ريوف : بنات
البنات بصوت واحد: هلا
ريوف : دقيت على داليا تجي ماقلت لكم المعذره
بيان : شدعوه عادي
اشواق : استحي على وجهتس ماعليه البيت بيتس اعزمي اللي تبين
ليان : كأني فاقده وحده
جنان : اكيد انا
ليان : موجوده وافقدتس غبيه انتي؟
هديل : منو؟
ليان : امتنان
ابتهال : ببيتنا
بيان : ووجع ليه ماقلتوا لها تجي
ابتهال : مدري
اشواق: دقي عليها
ابتهال : تمام
دخلت داليا : السلام عليكم
الكل بصوت واحد : وعليكم السلام ورحمة الله وبركاته
سلموا عليها وجلست
بيان : اخبارتس؟
داليا : بخير الحمدلله وانتوا؟
بيان : تمام الحمدلله
اشواق : بنات
هديل : شفيه؟؟
اشواق : اشتقت مشاوي عاد اليوم عشانا مشاوي مالي دخل
بيان : ومن يجيب لتس
اشواق : اكلم ريان الحين
روان : وين اللي زعلانه
اشواق : ايه صح
هديل : ليه زعلانه اصلا
اشواق : كذا قال لي شي وزعلت
بيان : بكره يطلع ولدتس فيه شي بس عشانتس زعلانه
اشواق : لا ماعليتس
روان : انا اضبطتس
اشواق : لبىى رواني
روان رفعت جوالها ودقت على ريان
ريان : هلا والله
روان : اسمع تعال بالحوش ابيك
ريان : طيب
سكرت وقامت للحوش وهو كذلك
روان : ليه مزعل اشواق ؟
ريان : وانتي شكو ؟
روان : انا اختك ولي شغل باللي يصير
ريان : لا والله مالتس شغل
روان : المهم اشواق مشتهيه مشاوي اطلب عشاء للكل
ريان : لا يشيخه 5000 ماتكفيكم وتكفي الرجال بعد
روان : والله عاد مالي شغل جيب لنا
ريان : لا مابجيب كولوا من اللي يطبخونه
روان : واشواق ؟
جت رزان : اقول جيب وانت ساكت
ريان : طيب يعني كم صينيه تكفيكم
رزان : حنا الصراحه كثير
روان : جيب مشاوي واشياء يعني معها
ريان : وش يعني اشياء
روان : جيب صينية كباب كبيره دجاج ولحم للحريم ثلاثه وللرجال ثلاثه اكبر شي وجيب ببسي بعد
ريان : اخذ من مصروف اشواق
رزان : يحيوان ماخبرتك بخيل
ريان : مو بخيل بس هي هم مزعلتني
روان : جيب لها وانت ساكت ومو من مصروفها تراهي اشواق
ريان : ناديها
رزان : طيب
ركضت رزان ونادتها
جت اشواق بهدوء وقالت : هلا
ريان : مسويه اني ماعرف انتس قايله لهم روحوا
اشواق : روان قالت بروح وقلت روحي بس
ريان : ترا مزعلتني ماودتس تعتذرين
اشواق : لا ماودي
ريان : مافيه مشاوي
اشواق بهدوء: طيب ، وهي ناويه تمشي وتخليه
مسكها وقال : بجيب لتس اللي تبينه وانا اسف يعيوني
روان : شف عشان تعرف انك خفيف قدامها
ريان : انتي للحين هنا امشي داخل
ضحكت روان ودخلت
اشواق :وخر مابي
ريان : يالزعوله
اشواق : طيب انا زعوله
ريان باس خدها وقال : خلاص يعيوني
ابتسمت اشواق خفيف وقالت : طيب
ريان : اي ادري بعد الاكل ترضين
اشرت اشواق بيدها بمعنى صح
ضحك ريان باس راسها وبطنها واتجهه للسياره بعد
مابلغ الكل ان العشاء عليه
-
عند البنات
دخلت اشواق وقالت : ضبطتكم بالعشاء
الكل بصوت واحد: كفوو
اشواق : كفوكم الطيب بنات الجو برا يجنن الجلسه الخارجيه وقتها الحين امشوا
قاموا البنات واللي واخذوا القهوه والحلا والشاي والفصفص
كان الحوش واسعع وكبيرر وفيه بيبان واجد منها لقسم الرجال ومنها لقسم الحريم وللمطبخ وللحمامات الله يكرمكم
جلسوا البنات واخذتهم السوالف
داليا : يبنات وين الحمام
ليان : هذيك الفتحه فيها بابين الاسود لقسم الرجال اللي على اليسار للحريم
داليا : شكرا
ليان : ولو
مشت داليا للحمام وقضت حاجتها وبدت تعدل شكلها بالمرايه
جت بتطلع وشافت عز
داليا : الله جابك
عز بالظلام حاول ينتبهه لكن ماقدر: نعم ؟ منو انتي ماشوفتس ؟
داليا باحراج : انت عبدالعزيز ؟
عز : ايه داليا؟
داليا : ايوه
عز : اامري وش بغيتي
داليا : من سمح لك تحذف كلشي من جوالي
عز : نسيت السالفه وانتي باقي!!
داليا : ماقدرت اواجهك الا الحين ليه تحذف؟
عز : هذي الاشياء تنحذف من بالتس وجوالتس اتركي الخرابيط ولا عاد اشوفتس فاتحه حساباتس
داليا : كلمت الدعم ورجعت حساباتي
عز بعصبيه : ومن سمح لتس!!
داليا : جوالي انت شكو !!
عز : مسك يدها ولفها بالكامل ولزقها فيه بحيث ماتتحرك
داليا : خيرر!! عبدالعزيز فك
مد يده لشنطتها وطلع جوالها وفتحه ببصمة وجهها
داليا جاولت توخره لكن كان ماسكها بقوه وكأنها حاضنها لفت عيونها وكانت تناظر له ولتفاصيله وتتأمله كان لابس بدلة الدوام وشعره مغطي على عيونه رموشه الكثيفه والشامه الي توسطت خشمه وشنبه المحدد الكثيف كان جميلل من قريب ماقدرت انها تبعد عيونها عنه وعن ريحة عطره اللي جذبتها
عز كان ماسكها بقوه ويفتش بالايميلات حقتها ومالقى اي شي كانت بتستفزه فقط لا غير
ناظر لها وتلاقت عيونها بعيونه وشافها سرحانه
قرب فمه عند اذنها وقال : اهجدي يحلوه ولا تحاولين تستفزيني وتكذبين لانتس ماتقدرين
استوعبت داليا ووخرت بسرعه
ابتسم ابتسامه جانبيه
داليا : مالك دخل فيني تسمع!
عز بهدوء : طيب
:::::::::::::::::::::::::
(ادعموني بنجمه ولايك قراءة ممتعه 🩵)
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
