نقطة لقـاء

part 14

اليوم الثاني ببيت ريان
اشواق كانت صاحيه بس منسدحه تفكر
دخل ريان
اشواق ناظرت له وتغطت
ريان: قومي يلا
اشواق ماردت
ريان: قومي نروح نفطر سوا قبل الدوام
مطنشته
ريان: يعني زعلانه؟ خلاص قومي اراضيتس بس امشي انتي
اشواق : مابي اروح
ريان: ليه ماكلتي من امس نروح نفطر عندتس دوام اليوم؟
اشواق : لا عندي محاضره بس ولا بحضر
ريان: ليه ؟
اشواق : كيفي
ريان : يلا قومي وعيني من الله خير واتركي عنتس السوالف
اشواق : شرايك تطلع مع اللي تتسمع عند الباب ادخلي ترا اشوفتس
سعاد : نعم من قال اتسمع جيت تو
اشواق : واضح ماله داعي الكذب
قامت من فراشها وراحت غسلت وجهها
اشواق : اطلعوا ببدل
ریان: يلا عشان نطلع
اشواق : من قال بروح؟
ریان: بتروحين
اشواق : بروح عشاني مشتهيه اطلع مو عشانكم
ريان: الله يصبرني
اشواق : طيب اطلعوا ببدل
طلع ريان وسعاد وراه
بدلت ملابسها وتجهزت للطلعه
برا عند سعاد وريان
سعاد: عادي حبيبي لا تتضايق
ريان: يحظي فيتس
سعاد باست خده : ويحظي
طلعت اشواق وكانت تسمع وفيها غيره
قالت في نفسها " حتى لو تعشقها كله كم شهر وتمل وتبين خوافيها واظل لك انا على وش انقهر وهي مبسوطه؟ والله لاقهرها "
اشواق : يلا مشينا
نزلوا واتجهوا للسياره وراحت سعاد قدام
اشواق : بسم الله على قلبتس ماني جالسه فيه
سعاد تفشلت : اذا تبين تعالي
اشواق : لا خليته لتس الحمدلله ورا اجلس على راحتي وانتي اجلسي قدام
ريان: ليه ماتجين
طنشته وركبت ورا
واتجهوا يفطرون
عند سحاب ورعد
كانوا ببيت ابو هذال
ابو هذال : شصار على اشواق
سحاب : بخير الحمدلله ببيت ريان الحين
ابو هذال : ماشاءالله الله يوفقهم
رعد: انا استاذن بروح للمقر
هذال: ليه ماتجلس
رعد : جيت انزل سحاب واسلم عليكم واروح
هذال: موفق
رعد: يلا مع السلامة
عند سعاد واشواق وريان كانوا جالسين ينتظرون الطلب
سعاد:
حبيبي متى يجيبونه جعنا
اشواق تناظرها : وعع انتي هيه استحي مني تقولين حبيبي حبتس برص ان
شاء الله
سعاد بابتسامه: شدعوه تغارین؟
اشواق بضحكة: ماله دخل آغار آغار شايفه نفستس آغار منتس على وش لا
شكل ولا اسلوب ولا اخلاق ولا كلشي ورخيصه آغار ليه؟
ریان: خلاص انتي وهـي يكفي
سعاد: ریان شفتها هي تطول لسانها
اشواق سندت على الطاوله : الحين تشكين لريان بيضربني يعني ؟
سعاد: لا ماقصد كذا بس ثمني كلمتس
اشواق : اقول اسكتي مالي خلق للسوالف
سعاد: ریان تشوفها شلون....
ریان قاطعها : اسكتوا الاثنين
اشواق صدت
جاء طلبهم وريان بدا ينزله على الطاوله وكانت اصناف اشواق ماتاكلها
اشواق: can I get a pizza "هل يمكنني الحصول على بيتزا
الموظف : of course"بالطبع"
اشواق : thank you "شكرا لك "
كانت المحادثه كله تحت انظار ريان كان غيران مرههه بسبب انها سولفت مع
رجال كان يشتعل : اشواق لا عاد تسولفين مع رجال ماقد طلعتي معي وبطوفها
لتس لكن لو شفتس مره ثانيه مابتطوف
اشواق ماردت عليه وجلست على جوالها
مرت ربع ساعه
جاء الموظف : This is your request "هذا طلبك"
اشواق : thank you
ناظرها ريان : وبعدين ؟
اشواق : يجنن شكلها
ریان بعصبيه : لا عاد اشوفتس تردين لا قسم بالله اكب ذا فوقتس
سعاد: خلاص حبي
-
ببيت ابو هذال
هذال جالس : سحاب ابيتس بموضوع
سحاب : هلا تكلم شفيتس
هذال: امتنان خذي اختس وروحوا
امتنان : نعمم ليه ماتقولي
هذال: اذا صار بقولتس
امتنان مدت يدها له : وعد ؟
هذال مد يده: وعد
ابتهال: وانا؟
هذال مارد عليها لانه زعلان منها
ابتهال : هذالوه خلاص لا تزودها بينا اسفه
هذال: اخلصوا روحوا
ابتهال جت وحضنته بدون اي مقدمات وبكت
هطال ساكت بعدين استوعب حرارة انفاسها وكيف تبكي
هذال: ابتهال منجدتس ؟
بكت زیادہ
هذال: خلاص خلاص مسامحتس بس لا تبكين ماله داعي
مسح دموعها وحضنها
امتنان وسحاب : وحنا؟؟
هذال : ترا حضن مايضفكم ثلاثتكم
سحاب : خلاص لا يضفني
هذال: اي طبعا ضافتس حضن رعد
سحاب : اص خلاص
هذال: دامه كذا بقول موضوعي
جاء ليث : افا شفيها ابتهالي
سحاب : بس تراضت هي وهذال وبكت
ليث : واخيرا
جلسوا كلهم وجابت امتنان حب وشاي وجلسوا يسولفون عن العرس وكيف كان
هذال: انا الحقيقه بقولكم شي بس ياويلكم يطلع
الكل بصوت واحد: وشو
هذال: النظره الاولى لي صح؟
الكل: ايه
هذال: شفت وحده ومن يوم شفتها وانا افكر فيها شكلها من احفاد الجد مطلق
سحاب : اخلص وش لابسه تحمست
امتنان : وانا بعدد
ابتهال: كلهم كانوا حلوات وياخذون العقل بسم
هذال: سبحانه مغير الاحوال قبل ماتحبينهم
ابتهال قالت في نفسها "لو شايف منهو غيرني كان قلت مالومتس "
ابتهال :تعدلت عشانك وعشان نفسي
هذال: يسلم شانتس كفو
ابتهال: كفوك الطيب منهي البنت؟
هذال: ماعرفها بس لابسه لون اصفر
سحاب: ماذكر منو لابس اصفر
امتنان: ولا انا
هذال: لا يكون من الضيوف؟؟؟
ابتهال شهقت : عرفتها
هذال: منهي؟
ابتهال: كم لي
هذال: اها يعني ماديه؟
ابتهال: ايه حبيبي
هذال: من بنات الجد مطلق؟
ابتهال: ايه
هذال: لتس 50
ابتهال : لا قليل
هذال:100؟
ابتهال:هم قليل
هذال: طيب هـي متزوجه ولا؟
ابتهال :مافيه احد متزوج غير اشواق
هذال:150؟
ابتهال:قلليبييل
سحاب:اخلصي منهي ؟
هذال:كم تبين؟
سحاب : تتشرط ذي
ابتهال:500 وماتقل عنها
لیث:500 على اسم بس
ابتهال:مالي دخل
هذال:يرجال بس بعرفها
ابتهال:500 شقلت؟
هذال: واجد
ابتهال: خلاص ماعلم
هذال:خلاص قولی
ابتهال:تعطيني؟
هذال:ان شاء الله
ابتهال مدت يدها :وعد؟
هذال :يبنت وعد
ابتهال:لا مالي دخل مد يدك
هذال مد يده :خلاص وعدتتس
دخلت ام هذال :شفيكم مجتمعين ؟
ليث:يعني مانجتمع؟
ام هذال :ماقصد كذا وانا امك بس يعني
هذال :وراي شغل بس انتظر ابتهال
ام هذال:ماشاءالله تراضیتوا؟
امتنان :ايه وتطلبه 500 عشان اسم بس
ام هذال:اسم منو؟
قرصتها سحاب
امتنان حكت رجلها : شغل يمه
ام هذال: آيه زين انا بروح لجارتي
هذال:الله معاتس انتبهي
ام هذال: ان شاء الله مع السلامه وطلعت
هذال:اخلصي منهي؟ تاخرت
ابتهال:هديل
سحاب:اي صح لابسه اصفر
هذال: طيب سحاب انتي عايشه معاهم وتعرفين يعني لو ابي اخطبها
سحاب : والله البنت من ناحية جمال تاخذ العقل واخلاق واسلوب وتجنن
ماشاءالله بس فيها عيب اذا شافت من الشخص موقف يعني يضل ببالها لو
الشخص يعتذر
هذال: ابيتس تمسكينها على جنب وتقولين لها بينتس وبينها وابي اشوف رايها
يعني اذا مو موافقه سكري الموضوع والله يعينني
سحاب: اوكيه
هذال: بمقابل؟
سحاب : اي صح نسيت المقابل
هذال رفع جواله : الحين اقول لرعد انه سحاب محتاجه 500
سحاب : خلاص قسم بالله مابي منك شي بس لا تقول لهه توني ماخذه نص
اللي بالصرافه
هذال: بمقابل؟
سحاب : مابي منك شي
امتنان : انا ماعطيتوني
ليث : كم تبين ؟
امتنان: نفسهم
ليث : اوفرر شوي نزلي
امتنان : مافيه غير الخمس ميه
ليث طلع من جيبه البوك وقعد يحسب : هاتس ذول 450 باقي 50
امتنان : ماسامحك لو ماجبته
هذال: يالطمعع يالله هو عطاتس بدون مقابل اهجدي
امتنان :اقنعتنی خلاص مسامحتك ي ليث
ليث بضحكه: بالعافيه
امتنان : الله يعافيك
هذال : يلا عاد صدق تاخرت
قام وطلع على طول للشغل
بالمقر
رعد:ذا وينه تاخر
عز : شدراني عنه
جاء ريان: السلام عليكم
رعد: وعليكم السلام وينك متاخر
عز: قلنا تزوجت اثنين بس مو كذا
ریان: طلعنا افطرنا ورجعنا عاد باخذ اجازه بنسافر
رعد: اي زين شصار على اشواق
ريان: لا الحمدلله تمام بس بلشه شوي بينها وبين سعاد
رعد: تستاهل قايلك
ریان: اقول اسكت عني انجلطت اليوم
رعد: يولد وربي الله يعينك لجه وهواش وواضح الثانيه شرانيه ترا
ریان: اقول اهجد ولا تتكلم عنهم
رعد: اقول اطلع لا اهبدك ماتسوى عليك
طلع ريان وتركه
فهد: ذا شفيه؟
عز: بسلامته خلوهه بيطفش ويجي
رعد: كم باقي ونطلع
فهد: شوي
عز: انا استأذنكم وراي شغل
رعد: اذنك معاك
فهد: موفق
عز :فمان الله
طلع عز واتاحت الفرصه لفهد انه يتكلم مع رعد
فهد:رعد ابيك بموضوع يخوي
رعد:هلا شفيك
فهد: الموضوع يعني مب ذي السهوله بس انا
رعد:شفيك انت محتاج شيء تبي شي؟
فهد:انا ابي اختك بيان على سنة الله ورسوله
رعد: الساعه المباركه يخوي خلاص بكلم ابوي بالموضوع ونرد لك خبر
فهد ابتسم :ان شاء الله انتظر ردكم
رعد: ان شاء الله قريب
وخلصوا شغلهم ورجعوا للبيت
الساعه 7 الليل عند بطلتنا كانت جالسه تفكر كيف تروح للتدريب
ريان: السلام عليكم
اشواق : وعلیکم السلام
ریان: هاه اخبارتس
اشواق : الحمدلله
ريان: محتاجه شي؟
اشواق : لو بحتاج مابطلب منك
ريان: ليه؟
اشواق : على اللي سويته
ریان: اهوه ردينا
اشواق : بقولها لك باختصار
ريان: قولي
اشواق : انا داخله مسابقة فروسيه ونقلت ادهم للتدريب ويوم بالفندق كنت
طالعه اتدرب
ریان: ماشاءالله انا آخر من يعلم؟
اشواق : المسابقة بعد بكره وبعده حفل تخرجي وانا بشارك فيها وجيت اعطيك خبر بس
ريان :ومن قال اني موافق
اشواق :"اعطيك خبر"
ریان :على خير
:::::::::::::::
توقعاتكم بالجاي؟
ادعموني بنجمه وعلقوا قراءة ممتعه قدروا تعبي❤️❤️