نقطة لقـاء

part 9

اليوم الثاني الساعة 5:00 العصر
الكل جالس تحت بالصاله
رعد: يجدي
الجد مطلق :هلا
رعد: نويت اعرس انا
الجد مطلق: ماشاء الله
ام رعد: الساعه المباركه من سعيدة الحظ ؟
رعد: سحاب بنت ابو هذال
الجد مطلق: والنعم فيهم وببنتهم
ام رعد :بس هي غير عن مجتمعنا
رعد: اميمتي لو غير عن قبيلتنا باخذها باخذها حطيتها براسي عاد
ام رعد : تبشر وانا امك
رعد باس راسها : جعلني فداتس
ابو رعد : كلمهم وقول جايينكم اليوم عاد انت قولهم خطبه وكذا
رعد : ابشر بطلع اكلمه الان
وطلع رعد ولحقه ريان
ریان : استعجلت احس؟
رعد: لا بالله زين
دق على هذال
وصله صوت هذال : ياهلا بالرعد
رعد: هلا بك يبعدي
هذال : اعلومك
رعد: الحمد لله بخير بكلمك بموضوع
هذال : امرني يالرعد
رعد: طالبين القرب منكم واليوم بنجيكم انا وجدي وابوي
هذال: الساعه المباركة ياهلا بكم
رعد: اجل يلا نتقابل الليله
هذال : مع السلامه
سكر رعد
ریان :نقدر نقول مبروك؟
رعد بضحكه: استعجلت انت
حضنه ريان : مبروك يعيون اخوك
رعد يبارك فيك عقبالك
ريان : اميين
ببيت ابو هذال
هذال نزل من فوق : السلام عليكم
الكل : وعليكم السلام
ام هذال: شفيك مبتسم
هذال: محد يبتسم؟
ام هذال: لا وانا امك بس ابي اعرف
هذال: خبر بيصدمكمم
ابو هذال: شصاير
هذال : لا تراه حلو يعني
ليث : ايه قول شفيه
هذال: الرعد بن نايف ال مطلق جاي يخطب من عندنا اليوم
ابو هذال: صادق انتتت؟؟؟
هذال: اي والله دق علي اليوم
ام هذال :بس هم غير عننا
هذال :بوش غير عننا
ام هذال بضحكه: اقصد انه كيف وافقوا وحنا غير عن المجتمع حقهم
هذال :اهم شي جايين يخطبون من عندنا
سحاب: ومين بيخطبون
هذال والحلا بفمه : امتنان صبي لي قهوه
امتنان : ابشر
ليث :مين يعني وانتي اكبرهم
سحاب :لا يشيخ بكل برود كذا
هذال :عندتس شي؟
سحاب: لا بس توتر يخوي
هذال: عادي معليتس
ابو هذال: موافقه يبنتي؟
سحاب: مدري يايبه
ابو هذال : انتي شفتي رعد من قبل
سحاب: اي
ابو هذال: وشلون شفتيه
سحاب رجال والنعم فيه
سحاب : اللي تشوفه يايبه
وقامت لغرفتها على طول
هذال اوففف احس كذا شعور غريب
ابو هذال : وانت بتفاهم معاك
هذال : شسويت
ابو هذال: شفيك منبسط كذا
هذال :الصدق ولا ولد عمه؟
ابو هذال : الصدق
هذال :حاط عيني على وحده من بناتهم
ابو هذال : منهي
هذال : لا ماقدر اقول الحين
ابو هذال: طيب ليه فرحان هالكثر
هذال : عشان يصير اسهل اني اخطبها وكذا
ام هذال: ماشاء الله اذا تقدر تقول منهي قولي متى ماقدر
هذال : ابشري
ابتهال : مدري على وش معجبينكم
هذال: بدينا
ابتهال: وهذا الصدق
هذال :يبه تفاهم معها
ابو هذال: اصعدي لغرفتس
قامت ابتهال واتجهت لغرفتها
-
الساعه 7 الليل
طق باب بيت ابو هذال معلن وصول الجد مطلق
فزوا هذال وليث يفتحون الباب
الجد مطلق: السلام عليكم
ابو هذال : ارحب يبو نايف
الجد مطلق : البقى
ابو هذال : ارحبوا يا هلا والله
الجد مطلق: هلا بكم
هذال : تفضلوا تفضلوا
جلسوا وتقدم لها رعد رسمي وقالوا انهم موافقين وكان رعد جدا مبسوط
—-"
مر شهر على خطبة رعد وكان زواجه قريب والكل يتجهز لعرس رعد وكان الكل فرحانن لانه بيصير لهم فرح بعد فترهه طويله من الحزن واشواق اللي اعترف لها ريان بحبه وبادلته نفس الشعور لكن تخفيه عنه الافضل لها وواعدها بعد زواج رعد بيخطبها رسمي ويملك وعند هذال اللي كان منتظر متى يخلصون عشان يفاتحهم بموضوع اللي بيخطبها وعزام اللي راح وخطب فاتنته لكن انرفض لانه مو من المجتمع حقهم ولا نفس القبيله كان جدا حزين بسبب ذا الموضوع وكان يقنع بالفاتنه انها تكلم ابوها لكن للاسف ابوها كان صارم وجدي مرهه
-
عند عزام
اللي كان واقف عند بيت اهل فاتن للمره الثانيه بيخطب وكان ينتظر ابوه يجي
فاتن : كانت تراقبه من ورا الباب
كان يدخن وكانت تتأمله وتشوف كل حركه يسويها كان حاط يده على الدريشه وشماغه على كتفه وعقاله وطاقيته على راسه وزقارته اللي متوسطه شفايفه كان شكله معذب فاتنته وكانت سرحانه فيه وزعلانه بنفس الوقت كيف ابوها يرفض واحد زي عزام تجرأت ونادته
التفت عزام ونزل عندها على طول
عزام: شتسوين هنا
فاتن وهي حاطه الشيله على راسها : انت وش تسوي هنا
عزام :يعلم الله اني مارتحت ورجعت اخطبتس مره ثانيه وثلاثه ورابعه الين ما يوافق ابوتس
فاتن ابتسمت بضيق: يمكن خيره
عزام: انا ابيتس جيتس وانا مهزوم لحبتس هزمني ابوتس برفضه وقال لي بالحرف الواحد ماعطي بنتي للبعيد رجعنا وحلف ابوي لو ارجع ماني ولده ولا هو ابوي م علينا من ابوي اقدر اقنعه يا فاتن بس ابوتس تكفين لا يدفني حي و يبعدتس عني يا فاتنه اقنعت ابوي ورجعت لتس وابيتس تقنعين ابوتس
فاتن: بحاول اقنعه قد ما قدر بس لا تخليني اتعلق وتتركني عزام: مب عزام اللي يعطي وعد ويخلي واوعدتس ماني لغيرتس
فاتن ابتسمت ورفعت اصبعها الصغير بمعنى عهد بينا
ضحك عزام :وش
فاتن: توعدني ؟ عزام سوا نفس حركتها من بعيد
فاتن: خلاص تعاهدنا
ضحك عزام على تصرفاتها
فاتن؛ بدخل لا تنسى العهد اللي بينا
باس اصبعه عزام : ما بنساه اوعدتس
فاتن :مع السلامه وانتبه لنفسك
عزام: وانتي بعد ابتسمت ودخلت
-
عند احفاد الجد مطلق
رعد: بكره عرسي وبفتك منكم وبسكن لحالي
ريان :ضايق صدري
رعد: افاا
ریان :عشانك بتروح
رعد :تراني قريب من هنا وبعدين كليوم بقابلك عشان الشغل ونروح نفطر ببيتي سوا وكذا
عز :شرايكم نطلع
رعد :يويلنا من ابوك لو طلعنا
عز: تراه جدك
ذيب: خل ناخذ فرشه وحطب ونروح ورا البيت ظلام وهدوء
سلطان: لا ورا الممشى ناخذ راحتنا
فيصل: بقوم اجيب فرشه
رعد: روح معه ي مشاري وسلطان جهزوا معاه وانا ريان وعز بنروح نشغل السياره وننتظركم
ذيب : يلا يعيال قمنا
قاموا وجهزوا اغراضهم وركبوا واتجهوا للبقاله ياخذون كم غرض
عز :وجع يسلطان عزبه مافيها قهوه ورايح جايب كل ذي الككاوات
سلطان: كيفي
ذيب: يعيال جبت اكواب الشاي وسكر
رعد:والله انك الفاهم يالذيب
ذيب : افا عليك يالرعد
وخلصوا واتجهوا لمكانهم وشبوا النار وجلسوا جلسه وسط الظلام والقمرا
-
عند عزام
عزام: يعم الحب ما يعرف لا قبيله ولا عمر ولا مجتمع ولا شي
ابو فاتن: مازوج بنتي لرجال غريب
ابو عزام: طيب حنا جينا لكم من الباب ولا هو راح سوا نفس اي ولد وكلمها جاك من الباب يبو فاتن لا تتعب الولد
ابو فاتن : هذا كلامي ولا راح اغيره
قام ابو عزام: اي الله يهنيها
عزام : لا يبه انا جيت هنا وانا ابي فاتن وماراح اترك هالمكان الا اذا اخذتها ،طلعوا وكان عزام ضايق وراح ابو عزام لبيته ودق عزام على رعد
رعد: هلا والله بعزام
عزام بضيق :وينك فيه
رعد: افا وشفيك
عزام: وينك وبجيك
رعد: طالع برسلك الموقع وتعال
عزام : معاك احد ؟
رعد: عيال عمي واخواني ما عليك تعال
عزام : جاي
واتجهه للموقع عند رعد
-
الساعة 1:00 الليل
كانوا مجتمعين حول النار وكلن يقول وش همه ويقصدون
عزام : اسمعوا اسمعوا
رعد: عطنا يلا
عزام :
"حاكني لبى معاليق الفواد ولبي
كل شي ودك اضيفه قله واضيفه