ريان : اي خذتني
رزان : وتقولها كذا بعد خلاص زعلنا ولازم تراضينا
ريان : بعد بكره او بكره باخذكم انتي وروان
روان : واشواق ؟
ريان : اسحب عليها شرايكم
روان : ايه جمعه عائليه وهيك
ريان : ان شاء الله يلا تمشون معاي ؟
رزان : ايه
وفعلا كلهم ركبوا السيارات
اشواق : ريان
ريان وهو يمشط شنبه : هلا
اشواق : بطني توجعني وجع غريب
ريان : معليتس مافيه شي
اشواق سكتت وماتكلمت من بعدها
-
عند يزيد وابتهال
يزيد مسكها وهو ينزلها بشويش
ابتهال : شدعوه يزيد ترا توني بالثالث
يزيد : اقول شوي شوي
ابتهال : بركض عناد فيك
وفعلا جت بتركض لكن سرعان ماحاوط يده على خصرها وسحبها له
ابتهال : يمهه عبالي بطيح دخت
يزيد : اعقلي بس
ابتهال : بينامون؟
يزيد : مادري والله ليه
ابتهال : اذا ينامون ماننام نرجع
يزيد : ليه؟
ابتهال : اخاف يعني شلون
يزيد : ماعليتس بحضني مايضرتس شي
ابتهال : لاعت كبدي تصدق !
يزيد : امشي قدامي
ابتهال ضحكت وقالت : سمم طال عمرك
يزيد : ادب حبيبتي انتي
-
الساعه 4 العصر بالمزرعه
اشواق : خل ناخذ غفوهه عشان بالليل نسهر
الجده حصه: شنو؟
اشواق: اقول خل ناخذ غفوه عشان نسوي العشاء
الجده حصه : العشاء عليكم اليوم وانا وعماتكم مانشتغل
أشواق : جده استهدي بالله
هديل : حنا شكووو هي تسويه
ليان : ايه هي
اشواق: شف الحيوانه
روان : انا اسوي السلطات
اشواق : عشانهم اسهلل شيي
رزان : انا معتس ماعليه
سحاب : وانا بعد
بيان : انا والله تلوع كبدي من الروايح ولا والله ساعدتس
اشواق : معذوره معليه
ليان :انا وامتنان وديم ودارين بنلعب كيرم
اشواق بمزح : الحين اقول لريان ياخذها عشان ماتلعبون
ليان : عسافي يجيبها
اشواق : اصهه
عم الصمت لثواني
اشواق : الجبللل
هديل : اعقلي ريان مابيرضى نركض
اشواق استغربت : ليه؟
ريوف : يخبله حامل
اشواق وهي تضحك : والله نسيت تصدقون
ابتهال : العيال يلعبون هناك خل نروح معهم
هديل : اي تكفون فعالياتهم حلوه
روان قومت اشواق وقاموا كلهم للعيال
"بالجهه الثانيه "
عند العيال
كانوا يلعبون لعبة اسمها صيد الغزلان
عز : جوكم الحين يويل اللي يقول العبوا معنا
وفعلا وصلوا البنات
العيال بصوت واحد : خيرر
اشواق : بسم الله
هديل : بنلعب معكم
هذال : لا مايصلح
ليان : الا بنلعب
رعد : قلنا لا خلاص
اشواق : ريان بخاطري
ضحك ريان : ماقدر
سحاب كانت متخصره وتناظر لرعد
رعد : خلاص يعيال خل يلعبون
هديل : هذالوه اذا مالعبت ترا يعني ازعل
هتان : يع يزين العزوبيهه
هديل : بدال ماتوقف مع اختك
فهد : بيان ماتلعب
بيان : وليه ان شاء الله
فهد : فيها ركض واللي ببطنك يعني
بيان : والله مالي دخل
ريان : اشواق وبيان مايلعبون
رعد : وابتهال وسحاب
هذال : وضيفو هديل
ضحكوا الكل
هديل : انقلع كنت بسوي مفاجاة لهم
هذال : اصه واجلسي
عز : يعع متزوجيننن
رعد : قريب انت ان شاء الله
عز : ماني ناوي ولا افكررر اتركوني
بتال : يلا نلعب
عز : قووو
قاموا البنات
ديم : وش طريقة اللعبه بنفهم
ريان : انا ورعد الصيادين وانتم الغزلان
اشواق : انشهددد
ريان : اهجدي لا بالكره
اشواق : سم
ريان : هذي الدائره الميدان وانتم تركضون برا اللي تضربه الكوره يخسر ويطلع برا اللعبه
قاموا البنات "ريوف، دارين ، جنان ، كيان، اشواق ، هديل ، سحاب ، ابتهال، امتنان ، رزان، ليان . روان ، ديم ، بيان، "
العيال"ريان ، رعد ، مشاري ، ذيب ، يزيد ، فيصل، سلطان، ليث، هذال ، هتان ، بتال، زياد ، فهد ، عساف ، فارس ، عز"
رعد : هيه الحوامل اهجدوا
اشواق : طيب ملل بس نناظر
رعد : تحملوا
ريان : كيف تركضون وفيه ببطونكم بزران
اشواق : عادي
ريان : لا مو عادي اجلسوا
وفعلا انسحبوا هديل وابتهال واشواق وسحاب وبيان
ريان : يلا ادخلوا الميدان كلكم
وفعلا دخلوا
رعد : الكره الثانيه وين ؟
اشواق بمزح : ببطن حرمك
رعد : تعقبين
اشواق : ريان شوف
رعد : اشواقوهه اعقلي لا اخلي ريان بتصرف معتس
اشواق بملل : اوكيه
ريان : اهجد لا اهفك بالكرهه مو ع حرمي
رعد : توكل
زياد : هذي الكره
مسكها رعد وقال : واحددد
ريان : اثنينن
رعد. : ثلاثهه
والكل ركض من الميدان وكانوا يحذفون بالكور عليهم
رعد : ريان هتانن قريب منك
ريان : امتنان اقرب
رعد : اللي هو
جاء بيحذف ريان لكن ركضت امتنان ورا هتان
ضحك وقال : مايصيرر
امتنان : بطيح لو ضربني
هتان : لا يشيخه وانا مابطيح يعني
امتنان : انت عادي انا بنت
هتان وخر عنها
امتنان : بوجهككك
هتان حماها وجت الكوره عليه
ريان صفرر وقال : هتان برا
ضحك هتان وقال : يلا دوري احد يحميتس
امتنان : عادي اطلع بدال هتان؟
رعد : اطلعي انتي وياه
ضحكت وقالت : سمم
طلعوا اثنينهم
ريان : الخسرانين بالجهه ذي
اتجهت امتنان مع هتان للجهه الثانيه
فارس : يلا نكمل وفعلا ارجعوا يركضون ويلعبون
"عند هتان وامتنان"
امتنان : بتطيح الغبيه
هتان كان يتاملها وقال بهدوء : اذا جيت اخطبتس توافقين؟
امتنان ناظرت له بصدمه
هتان : ماعندي يمين ويسار توافقين؟
امتنان بهدوء : كلم ابوي
هتان : ابي الموافقه من عندتس انتي
امتنان : انا ...
بتال : هتانن
هتان : هلا
بتال : بسرعه تعال
اتجهه له هتان بعد ماقال لامتنان تنتظره
هتان :هلا
بتال : ليه تجلس معها
هتان : وانت شكووو
بتال : هتان انت اخوي المفروض تحترم مشاعري ياخي انا اول من تكلمت عنها واعترفت لك اني احبها لانك الاقرب لي
هتان : اقول اترك الحب وخرابيطه وركز بنفسك ومالك دخل فيها
بتال : هتان مابتاخذها وان اخذتها مابسامحك
هتان : يرجال روح بس
بتال : لا تكسرني وانا اخوك عشان وحده طيب انا اول من قلت لك ورحت ركزت عليها
مسك هتان بتال من ياقته : اهجد انا اخوك الكبير ومهما اسوي ماتحاسبني انت
دفه بتال : الاخو مايسوي باخوه كذا
ركضوا العيال لهم
فهد : شسالفه!!
بتال : قولهم يلا !
هتان : مافيه شي سوالف خاصه
فهد : شفيكم! قول بتال وش صاير
بتال كان يناظر لهتان وقال بهدوء : مافيه شي بس قهرني شوي بكلامه
فهد : اخوان انتم اهجدوا خلاص
ردوا يلعبون ورجع هتان لامتنان
امتنان : شفيك مع اخوك
هتان : ماعليتس منه ايوه انتي وش ؟
امتنان : كلم ابوي وان شاء الله مابيصير الا كل خير
هتان : بكلمه قريب بعد مايخلصون سلطان وفارس وليث وعساف
امتنان ابتسمت وقالت : خلاص
"بالجهه الثانيه "
اشواق : مليتت بقوم اجهز اغراض العشاء
سحاب : جايه معتس
ابتهال : وانا معكم
هديل : انا وبيان بنجلس
اشواق : متعب هذا انتبهوا له من الكرهه
هديل : تعال حبيبي
متعب مشى لها مسكته هديل وجلست تلاعبه
-
الساعه 7 بالمطبخ
اشواق : الحمدلله انه مو لحم ولا كان ابتلشت
ابتهال : وش بتسوين
اشواق : دجاج شوي ورز ومرق احمر واصفر وتشريبه والسلطات اللي بيدينكم
سحاب : الروب والببسي موجودات
اشواق : احس اوفر الرز كذا
ابتهال : لا ياكلون تراهم عادي حطيه
بدت تسوي العشاء
سحاب : انا خلصت من السلطه بقوم اشوفهم
اشواق : يعطيتس العافيه حبيبي ابتهال اذا تعبانه خلاص يعيوني روحي
ابتهال بضحكه : وين تعبانه وانا جالسه وتجيبون لي كلشي ماعليتس بضل معتس ماني تعبانه
اشواق : حبيبي ماقصرتي
ريان : افف افف حبي هنا
اشواق : ماني حبك ماخليتني العب
ريان : اصير لتس لعبه
طلعت ابتهال تخليهم ع راحتهم
اشواق : مابي تصيرر لي
ريان : وين البنات شالطاري تسوين عشاء
اشواق : جدتي حارشتها وقالت الا تسوينه
جلست تسولف مع ريان ومانتبهت لحراره القدر
حطت يدها بتشيل القدر وولذعتها حرارته
اشواق صرخت بالم
ريان : حماره انتي؟
اشواق : شدراني يوجعع جيب طحينن
ريان : وين الطحين
اشواق : بالسطل ذا بسرعهه
ريان ركض وجابه وحط يدها فيه
اشواق : يوجعع
ريان : انتبهي مره ثانيه
اشواق : كلهه منك زين
ريان : لا يشيخه شكوو انا
اشواق : اشغلتني
ريان وخر الطحين وشاف يدها : بسيطه حبيبي بسيطه
اشواق : نفضت يدعا من الطحين وكملت تشتغل وهي تلذعها يدها من الالم
-
بالجلسه
الكل كان جالس من حريم ورجال
ريان : السلام عليكم
الكل بصوت واحد: وعليكم السلام
ريان : احد عنده دهن للحروق
الجد مطلق : عسى ماشر
ريان : لا مافيه بس اشواق تعورت من حرارة القدر
الجده حصه : يويلي كلهه بسببي
ريان : جده والله مافيه شي اجلسي
الجد مطلق: خليهم ع راحتهم
ابتهال : انا اجيب الحين دهون دقيقه وفعلا راحت تجيب الدهون واعطته لريان
جاء لها ولقاها نصب بالاكل
ريان : مسك بدها ودهنها ولفها بشاش
اشواق : توجع والله
ريان باسها وقال : انتبهي يعيوني
اشواق : سم
ريان : خلاص ؟
اشواق : ايه ناد العيال يشيلون حق الرجال
ريان : سمي يعيونه
:::::::::::::::::
ادعموني بنجمه ولايك قراءة ممتعه ❤️❤️
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
