وفعلا قاموا الكل على اشغالهم وقاموا البنات يجهزون الحلويات والفعاليات
~ بعد نص ساعه ببيت اشواق ~ بدت تجهز اغراضها ومرت مكتب ريان ابتسمت اول مادخلت لقت شماغه على كرسي المكتب مسكته بيدها وفاحت ريحته حضنته وحطته على كتوفها مدت
يدها على الكتاب اللي كان على المكتب وخذته وطلعت سوت حلا والعاب عندها اخذتهم وقهوه وشاي جهزتهم عند الباب ولبست عبايتها
وشيلتها ونقابها ولفت عمامه بشماغ ريان ، ضحكت بهدوء من شافت شكلها
وقالت : طحت على وجهي بس يستاهل والله شالت اغراضها بعد مادق عليها عز وطلعت له
-
ببيت ساهر
العمه نوره : جهزوا اغراضكم يلا
ريوف : وحنا شكو نجهز ؟
العمه نوره : تروحون معنا
دارين : والله صدق عمه؟؟
العمه نوره : ايه يلا تجهزوا وحطوا جاكيتات وفراوي الدنيا بارده الليل
كيان : وسلمان ؟
العمه نوره : سلمان جهزت اغراضه لا تشيلون همه خلصوا وراكان وزياد جهزوا
اغراضهم
جنان : ابشري يعمه
كيان : عمه سويت حلا للقهوه ناخذه؟
العمه نوره : وين حطيتيه ؟
كيان : بالثلاجه
العمه نوره : خلاص انا اجهزه واجهز القهوه بس لا تطولون
قاموا الكل يجهزون وفعلا راحت العمه نوره وجهزت القهوة والشاي والحلا
وطلعوا بعد ما خلصت ديم وخواتها واخوانها
عساف : انا بمر الباقي من بيت جدي
هتان : يبه بسيارتي انا ؟
ساهر : خذ بتال معك
ريوف : انا ابي مع هتان
ساهر : خلاص روحوا ريوف وديم ودارين مع هتان
ديم ناظرت للعمه نوره واشرت لها العمه نوره انه عادي وفعلا مشت معهم وضلوا كيان وجنان وسلمان والعمه نوره وساهر وزياد وراكان مع ساهر
طلع عساف لبيت الجد مطلق وليان اللي عيت تطلع معاهم بعذر التعب
-
~ ببيت الجد مطلق ~
دخل عساف وشاف البيت فاضي وتوجه فوق وسمع صوتها ونور غرفتها دخل
وحصلها جالسه
عساف تنحنح
انتبهت له ليان وقالت ببرود : شجابك
عساف : من غيرتس بالبيت ؟
ليان : محد شتبي
عساف : البيبان كلها مفتوحه لو داخل احد ؟
ليان : احسن وش يفرق ؟
عساف : ليان شفيتس قبل كنتي تواسيني وتقولين بترجعون عايله وببيت واحد
وحنا رجعنا الحين وزعلتي
ليان : طيب ؟
عساف : طيب قومي البسي بنطلع للمزرعه
ليان : ما بغي
عساف : ما توقع انه كيفتس قومي وبعدين عندي خبر يسرتس
ليان : وشهو ؟
عساف : بالسياره اقولتس يلا جهزي اغراضتس انتظرتس هنا ليان قامت على طول وجهزت اغراضها وطلعت معه
~ بالسياره ~
ليان : تضحك علي ما عندك شي
عساف : انتي اول وجده تدرين بالموضوع بعد امي
ليان : وشهو الموضوع
عساف : كلمت جدي على موضوعنا
ليان : والله ؟؟؟ احلف
عساف : والله تكلمت وقلت له بس ينتظرون رجوع فهد ورعد وريان بالسلامه
وبعده نعلن
ليان حضنت ذراع عساف بوناسه وقالت : يالله وربي استانست
عساف ضحك وقال : جعله دوم وفيه بعد موضوع
ليان : قول
عساف : عمي فارس
ليان : شفيه عمي ؟
عساف : بيخطب وحده معاه بالدوام وان شاء الله عرسي وعرسه بيكونون بنفس
اليوم
ليان : احلف ؟؟؟
عساف : والله العظيم والله يديم افراحنا ويرجع عيال خالي وفهد بالسلامه
ليان : اللهم امين
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
