مرت الايام ورجعوا لبيتهم وجاء اليوم الموعود وهو زواج بطلتنا عند اشواق كانت كاشخه ومخلصه والساعه 7 الليل لابسه الفستان الابيض الفخم مرهه وهي محليته على اللبس كانت جميلة جميله جميله وجماله متعب الكل اما عند سعاد ما كانوا بيزفونها وبعدين بيقولون عرس عائلي بس كانت كاشخه عشان تقابل اشواق وفعلا كانت هي واشواق يوم فرحتهم هذا اليوم وام سعاد علمت الناس اللي تعرفهم عشان يفرحون معها لبنتها وما كانوا اهل الجد مطلق يدرون انهم يعرفون السالفه
-
هديل لابسه فستان اصفر وكانت تجنن وفاتحه شعرها
دیم لابسه فستان وردي منفوش شوي ورافعه شعرها
بيان لابسه فستان رمادي ولونه شوي غريب بس كانت محليته ومسويه كل شعرها ويفي
ليان لابسه فستان موف هادي ومن تحت شوي نفشه شعرها مرفوع من قدام ومن ورا ويفي
روان لابسه فستان احمر فيه لمعه وشوي منفوش شعرها رافعته من قدام ومن ورا كله ويفي
رزان لابسه فستان اسود فخمم مرهه ويجنن عليها مسويه شعرها ويفي على جنب
سحاب لابسه فستان نيلي وهي محليته هادي مرهه شعرها من تحت فير ومن فوق رافعته
ابتهال لابسه فستان سماوي حلو ومسويه شعرها فير
امتنان لابسه فستان بني بس درجته حلوه وغريبه مسويه شعرها ستريت
-
عند الرجال بالبيت
قسم الرجال كانت السماعه شغاله ويعرضون
عرضتهم والكل فرحان بزواج ريان زفوا ريان من البيت للقاعه وبدوا يعرضون
الجد مطلق :خلاص دامك سلمت تقدم واعرض معاهم
ريان تقدم ومسك ذراع رعد وهذال وبسيوفهم يعرضون ورفعوا اصواتهم الكل مع هالبارت
لا بكت نجد العذيه تهل دموعنا
بالهنادي قاصرينن شوارب قومها
صعبة افعالنا لا بغاها غيرنا
وكلمة التوحيد حنا عمار رسومها
وحنا هل العوجا نها الملاقي عيدنا
والجزيره كلها مدبين قرومها
مرخصين ارقابنا لا زهمنا شيخنا
والقبايل كلها شيخنا قيدومها
في تواريخ العرب راسمين علومنا
وعادة الدنيا تزول وتدوم علومها"
كانت الانظار كلها على احفاد الجد مطلق وخصيصا ريان ورعد كانوا منبهرين من الشبهه اللي بينهم وكيف انهم هيبه بشكلل كان هذال نفس طولهم لكن ما يشبههم ابدد
-
عند اشواق بالبيت
كانت تجهز نفسها عشان يزفونها وكانت ترجف
بقوهه لانه محد كان عندها جتها سحاب
اشواق : يمه خايفه
سحاب : ما عليتس بس سمي بالله
اشواق اخذت نفس وقعدت تسمي وتستغفر وتهدي عشان يروح التوتر
سحاب : بسم الله عليتس تجنين
اشواق : بالله حلوه؟
سحاب : تجننين يحظ ريان
اشواق : يبنت الحين شلون احس مرهه يخوف
سحاب : ما عليتس انا بمشي قدامتس وانتي ناظري لي وانتبهي شوي شوي لا ترجفين ولا شي طيب؟
اشواق : ان شاء الله
سحاب : استودعتس الله بسم الله عليتس
دخلت الجده حصه وام رعد وام ريان ومعاهم حريم ودخلوا يهلهلون اشواق منزله راسها من الخوف سلموا عليها وقعدون يباركون لها ويذكرونها بامها ويشجعونها
الجده حصه مسكت يدها وقومتها طلعوا الحريم
اشواق : جده الحين ؟
الجده حصه :ايه يامي
اشواق : بس ماقدر
الجده حصه : شلون ما تقدرين
سحاب : اشواق يحياتي هدي الحين بنادي البنات وكلنا بنوقف قدامتس راحت سحاب وضلوا شوي منهم على البست عشان يستقبلونها وجتها هديل وروان وسحاب
هديل : ما عليتس انا بوقف جنبتس وروان قدامتس وسحاب وراتس
اشواق : طيب
هديل دقت على ديم
ديم : هلا
هديل : يلا خل تشغل
ديم : هاه شتقولين ماسمع
هديل : خل تشغلل بسرعه بنجيب اشواق
ديم : اي طيب
اشواق اول ماسمعت الاغنيه توترت أكثر وجتها البكيه
بدوا يمشونها وطلعوها قدام الكل وكانت مرهه متوتره وترجف وكانت تسمع الاغنيه كيف توصف الي هي فيه الحين
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
