بعد مرور شهر ونص
وبعد ماتم عرس "فارس وغيداء ، ديم وليث ، سلطان وروان ، رزان وفيصل ، هتان وامتنان ، عساف وليان "
وبعد ولادة ابتهال ببنت كانت تشبه لها وسمتها "رهف "على ام يزيد وكانت قمررر البنت
وولادة بيان بولد يشبه جده سمته "مطلق" على اسم جدها اللي كان رافض الاسم لكن حلفوا الا يسمونه
-
واليوم ولادة هديل بتوأم بنت وولد
بالمستشفى
ابو هذال دخل وراح ينادي هذال
ركض هذال لابوه وحضنه
ابو هذال : مبروك يولدي مبروكك يتربون بعزك ودلالك
هذال والدمعه بطرف عينه : الله يبارك فيك
ام هذال : مبروك وانا امك
باس يدها وراسها
ابو هذال : تبكيي ؟؟ افاا يولدي !!
هذال مسك دموعه بكمه وقال : دموع الفرح يبه دموع الفرح
الجد مطلق دخل ووراه ابو رعد وابو ريان وفارس وعز والعمه نوره وساهر
اتجهه هذال للعمه نوره وباس راسها
العمه نوره : مبروك يولدي
هذال : الله يبارك فيك
العمه نوره : وشلون بنتي ؟
هذال : بخير الحمدلله بس منومه الحين
العمه نوره : ايه زين يتربون بعزك يولدي
الكل بدا يبارك لهذال وابو هذال
ابو هذال : الله يبارك فيكم الجميع
واليوم عشاكم عندنا بمناسبة سلامة هديل
الجد مطلق: كثر الله خيرك
-
بالليل بالبيت
كانت امتنان ترتب بيتهم هي وسحاب لان ابتهال تعبانه والعشاء عندهم
امتنان : خلاص سحاب بس باقي البخور للصاله اجلسي
جلست سحاب وبخرت امتنان البيت وجلست امتنان وهي تناظر لسحاب الي كانت تتأمل بنايف
امتنان : تو تشوفين ولدتس انتي
سحاب : قاعده افكر
امتنان : بوش تفكرين
سحاب : معقوله اللي جمعني انا ورعد حادث اشواق ؟ وكيف تجمعت العايلتين صرنا قريبين من بعض
امتنان : قولي ما شاء الله
سحاب : ما شاء الله بس اقصد كيف حادث قربنا من بعض لهدرجه ذي تعرفنا على ناس وكلنا صرنا منهم والله ماندمت على لحظه معهم عايله حلوه ماشاءالله وعلاقتهم ببعض تجنن ماكنت افكر ابدا اننا بنجتمع بعايلة زي عايلة ال مطلق وصرنا منهم وفيهم الاعراس الخاصه فيهم بس حنا نحضرها العرس العائلي حنا فيه وهم بس واشوف ابوي وامي معهم ويستانسون على طاريهم وشوفي ليث الحين متزوج ديم وهذال كذلك وابتهال وانا متزوجه رعد حرفيا رجال بمعنى الكلمه محد الحمدلله يشكي منهم وهذي اخلاق جدهم وسلومه وطريقته وكيف كان معودهم على نفس حياته قبل تدرين رعد يسولف لي انه جده قبل يصحيهم من الصبح وكرف لين الليل والنوم بدري زي حياته بالضبط صح كانوا يسهرون لكنهم منضبطين بقوانين جدهم استغرب بعض مرات يعني انه مايشكي ابدا تعودو يكتمون بداخلهم ولا يبينون لاحد اهم شي العايله ماتبين اسرارها اشواق قبل كانت تغطي اذا سألنا عن شي ويبينون انه مافيه شي ابدا وانه حياتهم ماشيه لو مشكله عاديه مايقولونها
امتنان : اي والله صح ان حياة هتان واخوانه تفرق عنهم لكن قاعده اشوف ان العمه نوره تربيهم نفس ما ابوها ربى عيالها والحمدلله مافيه لا مشاكل ولا شي
طق الباب
سحاب : وصلوا قومي افتحي الباب
قامت امتنان وفتحت
دخلت اشواق ومعها البنات
امتنان : هلا حياكم الله
اشواق : جينا نساعدكم بس شكلنا تاخرنا
امتنان : ماتقصرون والله خلصنا تو
اشواق : تبون اسوي قهوه شي؟
امتنان : لا ارتاحوا
دق جوال امتنان
سحاب : امتنان هتان يدق
ابتسمت امتنان وخذت الجوال
امتنان : هلا حبيبي
هتان : هلا فيتس يروحي
امتنان : امر يعيوني تبي شي ؟
هتان : لا يروحي بس بتطمن عليتس اختفيتي بسرعه من نزلتس
امتنان : رتبت البيت وكذا الناس بيجون
هتان : ايوه شوي وبجيب خواتي عليكم
امتنان : ابد حياهم البيت بيتهم
هتان : عيوني انتي تبين شي ؟
امتنان : سلامة قلبك انتبه لنفسك
هتان : ابشري يروحي يلا فمان الله
سكر المكالمه وراح لخواته عشان يوديهم
-
عساف وليان
ليان : عساف تاخر الوقت قوم يلا
عساف : زين
ليان : وش زين الوقت تاخرر قومم يلاا
عساف قام ودخل الحمام وقال : جهزي ملابسي
طلعت ليان تجهز ملابسه ورجعت تتجهز للعزيمه
طلع عساف بعد ماخذ شور سريع ولبس
عساف : البخور وين ؟
مسكت ليان المبخره وحطت عليها عود وبدت تبخره
عساف لبس شماغه وقال : بخريه
ليان : ترا بتأخر والسبب انت وتهاوش تقول يطول بالكم
عساف اخذ المبخره وقال : روحي تجهزي يلا
راحت ليان وكملت مكياجها ولبست فستان ناعم اسود وانهت مكياجها بالروج الاحمد وتزينت بالاكسسوارات وتعطرت واختمت كشختها بالبخور
عساف : يلا خلصتي؟
ليان : بس عبايتي حبيبي
قام عساف وباس خذها وقال : يحظي فيتس والله
ليان : ويحظي فيك انت
ضحك عساف وقال : امشي يالله
اتجهوا للسياره وعلى طول لبيت ابو هذال
-
ديم وليث
اللي كان بالمحل ويختار حلا وهي معاه
ليث : وصلنا 10 صياني يأمي خلاص
ديم : بزران اختي ترا
ليث : تراه هم اخوي
ديم : اجل خلني اختار على كيفي
ليث : سمي
ديم : لو سمحت عطني هذول الصينيتين فوق العشر اللي مشوين ووحده كبيره فطاير
العامل : اوكيه ماما
ليث : اهجدي ولا تتكلمين معاه لا افصل عليتس
ضحكت ديم بهدوء وقالت : اوكيه
اخذ الصياني واتجهه لبيت ابوه على طول
اجتمعوا الكل وطلعت هديل من المستشفى مع اطفالها
دخل ريان ونادا اشواق
اشواق : هلا يعيوني
ريان : السرير نزلته ادخله تبين
اشواق : ايه حبيبي
باس راسها وراح يدخل السرير
هذال : ليهه الكلافهه يابو ثامر
ريان : لا كلافه ولا شي تستاهلون
دخلت ديم مع ليث اللي كان منهلك منها ومن طلباتها
ضحكوا على شكله
نزل الصياني وسلم على هذال وقال : المفروض انا اول واحد ابارك بس شوفة عينك
هذال ضحك اول ماتخصرت ديم وقال : ماعليه ماعليه اهم شي اهجد لا تفصل عليك
ضحكوا ودخل رعد وسلم على هذال واعطاه طقم كامل للولد
هذال : شدعوه مابينا خليتوها رسميه
رعد : انا علي الولد وام العيال البنت
ضحك هذال وقال : ماقصرتوا
هتان نزل باغة ورعد وطقم كامل للبنت وجلاسه
وقال : هذي مني ومن امتنان يتربون بعزكم ان شاء الله
هذال : ماقصرتوا لا خلا ولا عدم
دخل عبدالعزيز بيده باغة ورد وكيس
باس راس هديل وقال : مبروك ويتربون بعزتس ماجيب لبزرانتس انا شوفي اني مقدرتس
هذال : هيه لا تحتك
عز : توكل
ضحكت هديل وشكرت عمها
دخلت غيداء مع فارس مع باقة ورد وفلوس منها ومن فارس
الجد مطلق: الكل قدم هديته وانا هديتي خليتها اخر شي
جاء بيقاطعه ابو هذال لكن قال الجد مطلق والله لا تتم الهديه
ابو هذال : لا تحلف يبو نايف
الجد مطلق: حلفت وخلصت التمايم يوم السبت الكل معزوم القبيله كلها الرجال ببيتي والحريم بالاستراحه والذبايح مني ومن عيالي
ابو هذال : يبو نايف استهد بالله
الجد مطلق: خلاص صارت
ابو هذال : اللي تشوفه ، يعطيكم العافيه الجميع ماقصرتوا حساكم على العشاء
الكل بصوت واحد : الله يحييك
-
عند اشواق وريان ،الساعه 3 الفجر
اشواق : ريان
هزته خفيف فز ريان وناظر لها وقال : شفيه
اشواق : بطني توجعني مرهه ماقدر انام خل نروح للمستشفى
ريان : يالله
قام عطاها عبايتها وشغل السياره واتجهوا للمستشفى
وبعد مدهه وصلوا ودخلوا
الاستقبال : عندها موعد هي
ريان : مواعيدها كلها راحت لها تأخر بالولاده
الرجال : خلاص لازم تجلس بالمستشفى الين تجيها الولاده بنعطيها ابره
اشواق : مابي اجلس
مسك يدها وهداها وعطوهم غرفه
وبعد ساعات من المحاوله معها وبعد ماعطوها الابره
حست بمغص قوي
الدكتوره : ولاده
-
وبعد مرور يوم كامل من المعاناه
جابت اشواق بنت تشبه ريان وسمتها "فاطمه "على اسم فقيدتها
ابتسم ريان اول ماشاف بنته وسمى عليها وبدا يقرا باذنها ويحصنها
-
ببيت الجد مطلق بعد استقبال اشواق كان الكل مبسوط والكل ماقصر بالهدايا التزيين والجمعه وتمايم فاطمه تمت مع تمايم "اسر - اسيل " اطفال هذال وهديل
كانوا مجتمعين الكل من رجال بالدوانيه
الجد مطلق: بما اننا مجتمعين والله يتمم افراحنا
الكل بصوت واحد: اللهم امين
الجد مطلق ناظر لابو داليا وقال : اطلب ايد بنتك داليا لولدي عبدالعزيز على سنة الله ورسوله قام ابو داليا وقال : والله انها الساعة المباركه واتشرف بنسبكم
الجد مطلق: شوف راي البنت ورد لنا خبر
ابو داليا : الان
اتجهه لقسم الحريم بعد مادق على ام داليا وقال اطلعي انتي وبنتس
-
بالحوش
ام داليا : علامك صاير شي ؟
ابو داليا : ما صار الا كل خير
داليا : هلا يبه
ابو داليا : فيه رجال تقدم لتس
داليا بهدوء : منو ؟
ابو داليا : عبدالعزيز بن مطلق
داليا توترت بداخلها وكان شعورر جميلل وكانها امتلكت الدنيا
ابو داليا : وش قلتي يبنتي
داليا : اللي تشوفه يبه
ابو داليا : يعني موافقه؟
ابتسمت داليا
ابو داليا : الله يتمم على خير
دخل ووصل الموافقه للجد مطلق
الجد مطلق: اجل العرس عائلي وانا اخوك
ابو داليا : تم اللي تبونه يصير
ابو رعد : الله يتمم على خيرر
-
عند البنات
داليا دخلت وهي طايره من الفرحه
هديل : وشفيه؟؟؟ فرحينا معتس
داليا : بطيرر
روان : شسالفه
داليا : عبدالعزيز عمكم خطبني ووافقت
رزان : متى صار هذا كله!!!
داليا : توو
هديل : الله عمي اخر العنقود بيتزوج واخيرا قعد على قلوبنا
ضحكوا وسلموا على داليا وباركوا لها
-
الحب المجهول وهوذيب لدارين من يوم شافها و حب دارين لذيب اللي كان يفتن بكل شي كان وسيمم وفيه بياض وشعرهه كاسيه اللون الاسود وشنبه المحدد وشامته اللي توسطت خده وغمازاته الهاديه كان جميلل
"قبل اسبوع "
دارين : وخذا اللي صار
هديل : يعني تحبين ذيب انتي؟ والله مالومتس ذيب ينحب ماشاءالله عليه
دارين : ايه بس ابي ابين له ماقدرت
هديل : عندي لتس خطه
دارين : تم
هديل : روحي كلميه
دارين : تستهبلين ؟؟ الحين قلت عندها خطه خطيره مايمدي مرهه اكلمه الزين لو قلت له انا احبك يمكن يحب احد
هديل : خلاص كلمي احد من اخوانتس
دارين : وش اقول يعني والله احب ذيب ؟
هديل : خل يجسون النبض اذا هو يحب ولا لا !!
دارين : طيب بحاول اكلم بتال لان هتان مستحيلل
ضحكت هديل وقالت : الله يقويتس
"نرجع للحاضر"
ذيب ابتسم وقال : انا جيتس بعترف بحبي
دارين ضحكت وقالت : بعد الحب وشو؟
ذيب : بعد ماعرفت انتس تحبيني بجي اخطبتس على طول مالعب بمشاعر احد ولا انتظر الرسايل
دارين ابتسمت وقالت : انتظرك
ذيب : نخلص من عرس عزو وابشري بالخير فمان الله
دارين : فمان الله
-
بعد مرور شهرين
من تجهيزات عرس عبدالعزيز اللي كان المفروض عائلي لكن عز رفض رفض تام وكان الكل فرحان والكل فرح ووقف بعرس عبدالعزيز لانه ماقصر معهم ابدا من اخوان او احفاد وماقصر بحق والدينه ابدا
-
بقسم الرجال
رعد بحدة : يعيال الفرقة وصلوا !
ريان صف جنب رعد وتم صفهم من النص اللي كانوا واقفين فيه ابو رعد وابو ريان وفارس والباقيين انقسموا من يمينهم وشماالهم ومقابلنهم
والفرقة دخلت الزواج واصوات الطق والاهازيج معتليه في اذن كل حاضر وهم
يقولون :
ليلة ما يقدر يعيد الكون هدبها
لليلة اهل مطلق انور نورها زود
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
