بعد مرور شهر
وجاء اليوم الموعود وهو زواج ابتهال ويزيد وهذال وهديل خلصت سحاب عدتها ورجعت لبيتها مع رعد ومتعب ، تزوجت فاتن عزام وكان عرسها بسيط وخاص لكن جمالها هو اللي شعل الجو تزوجها بهالسرعه ينقذها من تصرفات ابوها وقرر يعيشها عنده في منطقه ثانيه بعيده عن اهاليهم والمشاكل وعاشوا حياه سعيده بقربهم لبعض وهنا تنتهي حياة عزام وفاتن بكل حب وسعادة وهنا
...
اليوم الموعود زواج الرباعي البنات بالصالون وبيت الجد مطلق خالي من الناس كان فاضي واللي يحلق واللي بالصالون واللي بالقاعه يضبط الاشياء
.. الساعه 7 المغرب
الكل اتجهه للقاعه من احفاد وعيال الجد مطلق
عند الحريم
ام رعد كانت ماسكه متعب وتلبسه
سحاب : بنات بالله وحده منكم تجي تسكر السحاب
جتها ليان وساعدتها بالسحاب
دخلت اشواق وهي بكامل زينتها لابسه فستانها الاحمر اللي بارز لنا تفاصييل جسمها ومطلع لنا ساقها الايمن عليه خرز بسيط وفاك اكمام يدينها فاتحه
شعرها بالكامل ويفي وقالت : هاه شرايكم
روان : يجنننننن والله اهنيتس والله ما شاء الله فوق حلاوته حليتيه
اشواق حمر وجهها وقالت : انقلعي لا تمدحين
رزان وهي كانت تصورها ونزلت جوالها وقالت : ارسلتس لريان حرام مايشوف
اشواق : يكلبههه احذفي لا اجيتس والله
رزان : مع السلامة بروح البس
ركضت لها وكانت بتمسكها لكن للاسف قاطعها اتصال ريان وقفت وقرت الاسم
بيان : ردي ردي
اشواق وهي تتحلف فيها قالت : والله اعلمتس
ردت على ريان وقالت : هلا
ریان : هلا والله بشوقتي
اشواق : هلا فيك
ريان : وش اللي شفته ؟؟ حلوه بزياده غطيتي عليهم !!
اشواق : شدعوه مو لهدرجه
ریان : لهدرجه ونص الفستان حلو وانتي الي لابسته كيف بيطلع ؟
اشواق التزمت بالصمت
ريان : انا عند الباب تعالي
ريان : انا عند الباب تعالي
اشواق : مافيه وقت
ريان : اللي بين الرجال والحريم تعالي
اشواق : بعدين
ريان : يويلتس ان ماجيتي
اشواق ابتسمت وقالت : خلاص اوكيه
سكر منها وطلعت له
عند ريان طلع على طول للمكان وشافها جايه
ابتسم وكانت المساحه كبيره وواسعه بينهم فتح يدينه لها وابتسمت اول ما شافته اشرت على فستانها وانها ماتقدر تركض ضحك وركض لها تقدمت له وحضنته ابتسم ورفعها عشان توصل لطوله وقال : شوقتي حبيبي وش ذا الجمال؟؟ موتن حمر والله اشواق ابتسمت وسكتت وهي محاوطه رقبته
ابتسم وقال :
يافاتنا بالحب قلبي قد ملك
هل أنت من حوا وادم أم مَلَك؟
عيني إذا نظرت لحسنك سبحت
سبحان من خلق الجمال وجملك
اشواق ابتسمت بوسع ثغرها وحمرت وجنتيها وقالت ريان خلاص
ریان : تبين مني شعر ؟
اشواق ابتسمت وقالت : هات يلا
حط عيونه بعيونها وسرح شوي ثم قال :
لونها عسلي وشفتها جمر
والعيون سود والرمش الظليل
بختصار الزين هي موتن حمر
الردف راهي مع خصر نحيل
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
