ديم : بس... سكر بوجهها
ليان : سمعته ترا لا تخفين روحي بيجيني فيصل
ديم ما يقصد شي
ليان : مالي دخل انا روحي
اخذت اغراضها ديم وراحت مع عساف
حست ليان بضيق لكن طنشت الشعور ودقت على فيصل واخذها من الجامعه
...
ببيت الجد مطلق الساعة 1 الظهر
دخل يزيد عند الرجال ودخلت وراه ابتهال
ناظر لها على طول وقال : على وين ؟
ابتهال : شدراني وين اروح
يزيد : اذلفي من هناك
طلعت ابتهال وطنشته ، دخل بعدهم هذال ومعاه هديل
-
~ بالمطبخ ~
دخلت اشواق وكانت موجوده هديل توها جايه جلست بضيق
هديل : شفيتس؟
اشواق : مافيني شي
هديل : علي انا السوالف؟؟ تكلمي بس
اشواق اخذت نفس وقالت : ريان
هديل : شفيه ريان
اشواق : عنده مهمه
هديل : طيب اكيد ضابط وش تبين يسوي
اشواق : احس خايفه عليه ولا ودي يروح ويصير شي لا سمح الله
هديل : لا ان شاء الله بعدي الافكار ذي من راستس
اشواق : اي والله شلونتس مع هذال
هديل : بخير الحمد لله ، الا ماشفتي ابتهال
اشواق : الا جينا على جيتها يزيد زعلان وهي وراه مطنقره الله يعينه لازم يعرف
لها
هديل : اي والله
دخلت ليان وقالت : اخباركم ؟؟
اشواق : وينتس انتي
ليان : توجيت من الجامعه
اشواق : غريبه شفت ديم من مشوين ولا ما داومت؟
ليان : الا مداومه بس ماجيت معها
اشواق : ليه ؟
ليان : بعدين اقولتس
بيان دخلت وقالت: هاي شلونكم
اشواق : بخير الحمد لله
بيان : شكلي بنام هنا اليوم
هديل : ليه صاير شي؟
بيان : لا فهد عنده مهمه ويروح اليوم
اشواق : حتى ريان
ليان : الله يحميهم
البنات كلهم بصوت واحد : امين
قامت اشواق وقالت : بطلع للحوش شوي
هديل : مو تطولين
اشواق طلعت بعد ماردت على هديل
-
~ عند الرجال ~
كانوا ريان ورعد يسولفون وجت اشواق لكن تراجعت وسمعتهم
رعد : قلت لها ؟
ريان : ردة فعلها ما ساعدتني والله وبس عطيتها خبر وقلت لها انها مهمه عاديه
رعد : فهد مفهم بيان ليه ما تروح تقولها
ريان بضحكة ضيق : ما تتقبل ولو بتقولي روح وعادي وكذا بداخلها زعلانه
ومتضايقه
رعد : بس انت مو ضامن رجوعك لها
ريان : بس برضوا لازم اجي معكم
رعد : المكان مره خطر والمبنى مليان بقنابل واشياء يريان تراجع
ريان : الحافظ الله ، بعد ما سمعت كلامهم بكت بهدوء لكن للاسف كانت قريبه ،
تقدم ريان وشافها وراح رعد للرجال
ریان : وش تسوين ؟
ناظرت له ودمعتها على خدها وقالت : ماسوي شي
صدت بتمشي لكن لفها له وقال: اشواق !
اشواق مسحت عيونها بهدوء وقالت : هلا
ريان : شفيتس ؟
اشواق بكت ومسكت يده وقالت : صدق الي قاله رعد ؟
ريان ناظر عيونها وقال بهدوء : اي
اشواق : وانا ؟
ريان : ادعيلي
اشواق بكت وحضنته بقوه وقالت ببكي : تكفى لا تتركني تكفى يريان والله
اخاف عليك ولا ودي تروح ويصير فيك شي لا سمح الله تكفى اسمع كلامهم وضل عندي تكفى لا تعاند ابيك والله مابي تتركني ويصير فيك شي واضل على يدين احد مابي افقدك نفس ما فقدتهم تكفى
حاوطها وضمها له وقال : ادعيلي وما بيصير شي ان شاء الله مجبور اروح لاني وقعت ، بكت زياده ودخلت بحضنه أكثر واكثر
ريان : لا تبكين وتعورين قلبي كوني قويه مو اي شي يهزمتس
اشواق : بكون قويه بكل شي الا شي يخصك ريان تكفى والله ما تخيل حياتي
بدونك اول مره احس فيه شخص ماودي اخسره واول مره اعترف لك واقولك كلام
يبين ضعفي ريان انت نقطة ضعف والله تكفى
ريان مسك يدينها ومسح عيونها وقال : انتبهي لنفستس وان شاء الله راجع لتس بنمشي بعد الغدا
شهقت من البكي ، صد عنها ومدت يدينها تحضنه لكن حست بضعف وانها
يتجاهلها ومابي يودعها سحبت يدينها وركضت داخل ، تلثم بشماغه وخانته
دمعته من شهقتها وطلع زقارته وولعها
اتجهه له رعد وشافه من بعيد قرب وقال: هاه شفيك ؟
ريان بضيق : مافيه شي
رعد : اقتنعت؟
ريان : لا والله وقاعده تبكي داخل رعد : ليهه ؟
ریان: سمعتك وانت تسولف عن المكان لكن مو بيدي خلاص وقعت وبنطلع بعد شوي
رعد : تبي اكلمها اطمنها ؟
ريان : لا اصلا ماكنت بقابلها ولا كنت بقول لها
رعد : اجل شلون
ريان : كنت بدخل اسلم عليها عادي واعلم امي واطلع رعد : لا زين انها درت ريان: الله يعين
ناظر رعد لعيونه وقال بضحكه : دمعتك تطيح عندها بس
ريان : ماقدر عليها
رعد : اجل عطنا شعر من زمان ماجلسنا الجلسه ذي ريان : لا جاي البراد وبنطلع للمزرعه وابشر بالجلسات الزينه
رعد : هات يلا
زفر وقال بضيق :
فارقته مجبور وانا خاطري فيه
واقفيت عنه ودمعتي وسط عيني
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
