نقطة لقـاء

part 21

~بعد مرور اربع ايام من الحادثه ~
انسجن سلطان واستقرت سعاد ببيت ابوها وحلف ابوها يزوجها اول واحد يطق باب بيته ورعد وسحاب ما تقابلوا بعد السالفه قرب عرس فهد وبيان ماصار اي لقاء بين اشواق وريان ابدا
-
"بالصاله"
اشواق : هيه اصبروا
ديم : وش نصبر انتي قايله بتطلبين لنا الفساتين والحين ما باقي على العرس شي صرخت اشواق عليها وقالت : قاعده اراسل الحرمه تجيبهم الله ياخذ اللي يفاجئكم هديل ضحكت وحضنتها وقالت : اسفين بس ورينا الفساتين
اشواق ضحكت وقالت : روحي بس مافيه بيوم عرس بيان بوريكم
روان : خييييرر يمكن مو ماقسنا رزان : اي والله ذا اللي خايفه منه
اشواق بحده : هيههه كم مرهه رحنا وشرينا مع بعض اعرف
المقاسات اهجدي
ليان : تكفين بس قولي الالوان
ديم : اي امانه احس تحمستتت
اشواق بتهديد : ان وحده عارضت بهفها بالجوال
البنات بصوت واحد : تم
اشواق اشرت على ليان : بما انتس اخت العروس اخترت لتس لون نيلي
ليان : اوف يمكن اول مره البس كذا
اشواق : هديل اخت المعرس الكبيره اخذت لها لون احمر وديمي فستقي
هديل : اختيار موفق يدكتوره
دیم قامت ودقت تحيه وقالت : كفوو مع اني ما عرف ذا اللون بس شكله حلو
اشواق ضحكت وقالت : اخضر فاتح تقريبا
ديم : يحماره تشنجت قولي استريحي ديم : يحماره تشنجت قولي استريحي
اشواق : اها مسويه صايده جوهم استريحي يبنت العمه
ديم اخذت نفس وقالت: انفداتس
روان : كمليي !
اشواق ضحكت وقالت : عاد انتم اللي مستحيل يليق عليكم
الغامق
رزان : اوف كان بخاطري البس غامق واجرب
اشواق : ولا يهمتس جبت لتس اسود
رزان : صدق؟؟؟
اشواق : اي والله ورواني جبت لها اصفر
روان : الله وصفيهه
اشواق : قلنا الوصف بعدين
روان : امانه
اشواق : من فوق ابيض وماسك على جسمتس ومن اليمين
له فتحه لين الركبه وفيه تركيبه ورا من عند خصرتس
روان : شلون ذي ما فهمت
اشواق : وقفي
وقفت روان وقعدت اشواق تشرح لها انه من يمينها ويسارها زي الوشاح اطول من الفستان بشوي
روان : يجننن احسس
اشواق : لا تحسين تخيلته عليتس يموووت
هديل : خير اوصفي فساتينا
اشواق : اقول قومي انتي وياها باقي بس اوريكم الفساتين ان
شاء الله بالعرس تشوفونهم
__________•••________
بعيد عن بيت الجد مطلق
بكوفي هادي جدا
منيره "صديقة سعاد المقربه " : احمدي ربتس بالقوه يلا رضاء  ابوتس
سعاد يبنت ما علينا منهم
منيره : طبعا مو مهتمه انتي اللي ببطنتس اهتمي به!!
سعاد : ما عليه بجهضه
منيره : سلامات خاف مايصير تجهضينه باي شهر انتي ؟
سعاد اشرت لها بمعنى "الثاني"
منیره قامت وعدلت لبسها وقالت : بكيفتس
سعاد : وين الضيفه
منيره غمزت لها وقالت : افا عليتس موجوده بجيبها
سعاد اشرت لها بمعنى "فهمت"
راحت منيره وجابت الضيفه
قامت سعاد واستقبلتها وقالت : هلا والله
"طبعا لحس ما فقدناه ابدا ولا توقعنا ظهوره "
ام بدر : هلا والله فيتس يبنتي
سعاد : كيف جبتي رقمها يمنور ؟
منیره نفضت شعرها وقالت : خبره يحبيبتي
ام بدر : بنظل جالسين انتي وهي ؟
سعاد ابتسمت وقالت : لا تفضلي
جلسوا كلهم وطلبوا لهم قهوه وحلا
سعاد : ايه والخطه ؟
ام بدر : نفس خطتي اللي خططت لها من تركت ولدي
منيره : ووش هي ؟
ام بدر : عرس فهد الجاي بنحضره
سعاد : كيف احضره ما يصير !
ام بدر : لا يصير بحضر انا وانتي بدون علم اهلتس واشواق
هناك من تشوفتس بتجي وعاد تبدا خطتنا وبدت تسولف لها كل الخطه
___________•••________
عند باب بيت الجد مطلق
اشواق واقفه ووراها هديل وديم ورا الباب
عساف : فضحتونا ادخلوا
اشواق : الحين حنا ورا الباب هات الطلبيه من المندوب
عساف : طيب ماجاء للحين شسوي
اشواق : يرسل انه عند الباب جيبهم
عساف : ماشوف انا يعني مب موجود اقولتس
هديل : عسافوه جيبه لا افصل عليتس
طلع عساف وقابل المندوب اخذ الطلبيه وجاهم
عساف : اعنبوكم ذا وش
دیم : باقي فيه روح جيب
عساف : وش طالبين ليه كل ذا
رجع ياخذ ما تبقى من الطلبيه وحطها عندهم
هديل : لو سمحت دخلها
عساف رفع ثوبه وشمر اكمامه ناظر له ديم وقالت : عفيه اخوي دخلها
عساف ناظر لها وقال : من قال بشيلها ؟ اشواق : شيلها ثقيله
عساف وهو ياشر على اصابعه وقال : يعني مقعديني من النوم وطالع له وجبتهم وتبوني اشيله داخل وش ذا الطمع انقلعوا من
وجهي لا اقوم عليكم
هديل : اقول هيه الثاني عريس بس انت الموجود شيله ديم : وهي صادقه ؟
عساف : وين تبون اشيله ؟
اشواق : لغرفتي
عساف رفع طرف ثوبه وقال : انا اعلمكم كيف
ركضت اشواق ووراها ديم وهديل وعساف وراهم وهو يقول : ان كان فيكم خير وقفوا
ركضوا وماردوا عليه ووقف عساف بتعب واخذ نفس وقال : والله
اوریکم
مسك كتفه ريان التفت له عساف وقال ريان : شفيك؟
عساف : يبوني اشيل لهم الطلبيه لغرفة اشواق وهم مصحيني
ريان ابتسم وقال : وينها ؟
عساف ناظر له وقال : منهي؟
ريان : الطلبيه
عساف ابتسم على جنب وقال : انا اوديها غرفة اشواق لا توصلها انت ريح
ريان طبطب على كتف عساف وقال : لا تنسى انها زوجتي
عساف وخر يد ريان وقال : اسم بس ولا هي تبي الطلاق
ريان : مستحيل اطلق قلت ؟
لف عساف جسمه بالكامل مقابل ريان وقال : انت قايل لها تم
وانك بتطلق !
ریان : لحظة غضب
ابتسم عساف وقال : لك آخر محاوله وانتبه اذا جت تشتكي منك
كلشي بيوصل لجدي وهو حذرك
ريان صافح عساف وقال : اي بس لا تهدد
طلعت اشواق وناظرت لهم اتجهت للطلبيه بتشيلها لكن استوقفتها
يد ريان وسرعان ماعطته كف ابتسم لها ومسك يدها وقال : يحق لتس ما يحق لغيرتس
اشواق وخرت يدها ودخلت اما هو شال الطلبيه ووداها لغرفتها
..
بعد ساعه بالضبط بغرفة اشواق ~
~
اشواق وهي تحاول تسكر الباب : يحيواناتت شقايله انااا قلت
بالعرس تشوفونهم انقلعوا
هديل : اهب يقوتها سته ما قدرنا عليها
ديم صرخت وقالت : احتزمييي
دفوا الباب وركضت اشواق : ماني ما بتفتحونها
ليان : الا تكفيينن
اشواق بعصبيه : اطلعوا
بيان:يبنت وريهم
أشواق تنهدت وبدت تفتح الطلبيه وتطلع الفساتين وتعطيهم
__________•••_________