نقطة لقـاء

part 37

عند الرجال
كانوا مجتمعين احفاد الجد مطلق وهذال وليث وبتال
بتال : اي تو ود ديم للمستشفى
ليث فز وقال : ليه شفيها؟
ناظر له هذال وسكت ليث واستوعب
بتال : حرارتها مرتفعه مرهه وودوها
عساف : بروح لها
مسكه بتال وقال : ريوف وهتان معها تطمن
عساف : تمام ورجع يجلس
هذال ناظر لليث : شفيك فضحتنا؟
ليث : انا بروح لها الحين
هذال : اقول انثبر
ليث : تكفى يهذال بس بتطمن عليها واجيكم
هذال : تمام
وفعلا قام ليث بدون لا ينتبه احد ومشى للمستشفى
-
بالمستشفى
الدكتوره : حطيت لها مغذي وبصرف لها علاجات
هتان : تمام يعني زينه؟
الدكتوره : اي بخير ماعليها
دقت ريوف على العمه نوره وطمنتها
دخل ليث وشاف هتان وصد على طول
طلع هتان برا المستشفى يجيب لهم اكل بما انهم مطولين
وريوف انشغلت مع الممرضه
طق الباب وسمع صوتها التعبان وهي تقول : ادخل
ليث دخل وشافها ،التفتت له وابتسمت
ليث : ماتشوفين شر اخر الاوجاع ان شاء الله
ديم بهدوء : وش تسوي هنا
ليث : جيت اتطمن فيتس شي؟
ديم : لا بس حراره اطلع لا احد يشوفك
ليث :بطلع انتبهي لنفستس واشربي العلاجات
هزت راسها بالايجاب وطلع دون ملاحظة اي احد
-
الساعه 12
بالمستشفى
هتان سجل خروج واخذ ريوف وديم لبيت الجد مطلق
بعد مدهه وصلوا
العمه نوره : ماقصرت يروحي
هتان : ولو يعمه اختي ذي
عساف : ماقصرت
جاء فهد من ورا عساف
هتان : هلا والله
فهد حضنه وقال :هلا فيك
هتان :الحمدلله على سلامتكم وماتشوف شر
فهد : مايجيك
تقدم فهد لديم وحضنها وقال : شلونتس؟
ديم :بخير الحمدلله
باس راسها وحضنها
العمه نوره : يمه اكلتي شي؟
ديم : ايه هتان جاب لنا اكل
العمه نوره ابتسمت وقالت : اجل يلا بنمشي البيت
ريوف : وين خواتي ؟
العمه نوره : هذول الحين يجون بلبس عبايتي ونطلع
هتان : فهد تجي؟
فهد : لا يحبيبي وراي بيت
هتان : اللي يشوفك يقول  متزوج 4 روح بس
ضحك فهد وقال : توكل
بيان جت وقالت : وش جاب طاري الزواج
هتان : يلا انا بمشي
فهد : تعال ياحيوان نكبتني
هتان : تراه بيتزوج 
بيان : ماشاءالله ومين سعيدة الحظ
فهد : والله يمزح معتس ويني وين الزواج بعدين انتي الاربعه
بيان : اي صح نسيت ، بس يويلك تفكر
ضحك وقال : ابشري
طلعوا عايلة ساهر والعمه نوره وديم
فهد : يلا سرينا؟
بيان : اي تعبت والله بنام
فهد  : اجل انا بالسياره جهزي اغراضتس وتعالي
بيان : يلا وفعلا دخلت تتجهز
هديل :فهيد وصلني البيت معاك
فهد : ليه وين زوجتس
هديل : راح من بدري وراه دوام
فهد : اجل اركبي يلا
ركبت هديل وجت بيان واتجهوا كل واحد لبيته
-
عند بطلتنا ببيتها
اشواق : ريان قوم بنسهر اليوم
ريان : مالي خلق خليها بعدين
اشواق : تصدق جتني صيحه
ريان : اهجدي
اشواق قامت وجلست ع الكنب وجلست تفكر باهلها كذا وتبكي وهي تحس بشوق
قام ريان وشافها وابتسم وقال : انتي فيتس شي مهبوله
اشواق وهي تبكي : قلت لك بصيح وانت ماهتميت خلني
ريان ضحك وحضنها وقال : حيوانه والله صايره تجيتس حالة
اشواق حضنته وكملت تبكي
حضنها وجلس ينتطرها تخلص
مرت ربع ساعه وهو يناظر لها
ناظرت له هي وهي تمسح دموعها
ضحكت وقالت : نعم؟
ريان : احبتس انا
اشواق : اوكيه
ريان قام وشالها وسدحها ع السرير واعتلاها
اشواق : لا
ريان : مب كيفتس
بدا يبوسها وو....
-
عند هذال
وصلت هديل
هذال : بدري ؟
هديل : تو جابني فهد بعدين لو تبيني تجيني
هذال : انتي تدرين وش فيني
هديل : هذال يعني وبعدين
هذال : ليه تمنعيني الناس بدت تحمل وانتي رافضه
هديل : كان عندي عذر شرعي ارتحت؟
هذال : وش يعني عذر شرعي؟
هديل بتوتر : ابحث عنه
هذال : لا قولي لي انتي
هديل : تجي للحرمه كل شهر واذا جتها ماتقدر تصلي ولا تصوم فهمت؟
هذال : انا شايفتس امس تصلين
هديل : صليت العصر والمغرب لا
هذال : طيب يعني متى تخلص
هديل : لها مدهه معينه اقصى حد 15 يوم
هذال : يعني 15 يوم انتي ؟
هديل : انا اسبوع بس
هذال : هم واجد
هديل : عاد اصبر شسوي
هذال انسدح وقال : خلاص طيب تعالي بننام
هديل انسدحت وفعلا ناموا
-
عند ليث
دق على عساف
عساف : هلا والله بالليث
ليث : هلا فيك يخوي
عساف : شعندك داق الحين فيه شي
ليث بضيق : عادي اقابلك؟
عساف : متى تبي ؟
ليث: الحين امرك تقدر؟
عساف : تمام انتظرك
ليث : جاي
بعد مدهه
وصل ليث وركب معاه عساف
عساف : السلام عليكم
ليث :وعليكم السلام
عساف : هاه شعندك؟
ليث : هنا؟
عساف : يولد مانبي كوفي وسوالف عادي قول اختصر
ليث : عساف انا ..
عساف بهدوء : انت ايش كمل
ليث : انا شفت اختك ديم بالشاليه كانت تركض ورا اختي وشفتها
عساف : ايوه؟
ليث : وابيها على سنة الله ورسوله
عساف : انت رجال والنعم فيك وابد ابشر بكلم ابوي تعال لنا وعطني خبر قبله
ليث بفرحه : يعطيك العافيه وربي شايل هم
عساف : ولو رح الحين نام اليوم تعبنا
ليث : اي والله
عساف نزل : يلا فمان الله
ليث : فمان الله
وفعلا دخل عساف واتجهه ليث لبيته
-
عصر اليوم الثاني
ببيت ابو داليا
داليا : يبه بروح مع بنات عمي ساهر للمول
كامل : منو يوديكم
داليا : مدري قالوا بنشوف هتان وعنده شغل وقالوا بنشوف عساف ومادري
كامل : خلاص روحي واذا تبين شي ارسلي لي
داليا : طيب
-
قدام بيت ساهر بالسياره
كانت ريوف قدام وديم ودارين وكيان وجنان ورا
دارين : عسافوه ترا بنمر داليا
عساف : طيب
ديم بصوت مبحوح : عساف
عساف : عيوني وش بغيتي
ديم : امي وصتني ع دواء من الصيدليه
عساف : تبين الحين ولا لو رجعنا؟
ديم : الحين عشان ماننساه
عساف : ابشري
واتجهه عساف لداليا بما انها الاقرب للبيت
بعد مدهه
عساف : يلا وينها طولت
دارين : تلقاها تتكشخ
عساف : هو مول وش تتكشخ له قولي لها تنزل بسرعه
ريوف دقت ع داليا
داليا ببرود : هلا
ريوف : وين انتي؟
داليا : قاعده اتمكيج
ريوف : حنا تحت وعساف يقول مب لازم تتكشخ لمول انزلي بسرعه
داليا : انا اسوي اللي ابيه لو صار زوجي خل يتحكم
كانت ريوف حاطه سبيكر
عساف سكت وصد عن ريوف
انتظروا الين مانزلت داليا بعبايتها اللي تلمع وشعرها البني ومكياجها اللي تحلف انها طالعه عرس وريحة عطرها اول ماركبت
عساف اشر لريوف وقال : شنو هذا؟
ريوف : مدري خلاص اسكت عنها
داليا : مرحبا
ريوف : هلا والله تاخرتي علينا
داليا : معليش
تحرك عساف واتجهه للصيدليه
وبعد ماوصل
عساف : هاه ديم تنزلين ولا انا اجيبه ؟
ديم : بجي
وكانت ديم بينها وبين الباب داليا
فكت الباب داليا ونزلت ونزلت وراها ديم
داليا : انا بشتري لي كم شغله
عساف هز راسه بمعنى اوك
ومسك يد ديم
اتجهوا للصيدليه وكانت داليا جنبهم
عساف بهدوء : ديم حاطه عطر؟
ديم: لا ليه
عساف : فيتس ريحة عطر
ديم : من كيان وجنان اللط حاشريني عند ذي
داليا : شفيه؟
ديم : ولا شي
-
بالسياره
ريوف : اي شفتي كيف عصب الحمدلله انه عساف مو فهد
دارين :هتان لو يشوفها مايقول شي
ريوف : لان هتان شايف ناس كثير زي كذا ، اما هم ماتوقع
دارين : الله يهديها كتمتنا حاطه عود
كيان : يمه الرجال ذا يخوف
دارين : يمه يضخمه
ريوف : هي اهجدي انتي وياها
جنان: الحين يدعس ديم من قصرها
ضحكوا البنات
كيان : حتى داليا قصيره
دارين : من الكعب اللي لابسته صايره اطول من عساف
ضحكوا كلهم
-
بالصيدليه
دخل الرجال وسلم
ردوا السلام وكانت داليا تختار مقشرات لبشرتها وكريمات
صدمها الرجال
طاحت داليا والتّوت رجلها
عساف : هيه وين عايشين ماتشوف
الرجال : اي ماشوف
عساف: انت تبي المشاكل امش لا اتصل على الشرطه واكوفنك هنا
داليا بالم : رجلي يز••وبدت تسب فيه سب قوي
عساف بقوه وصراخ : داليااا! ولا كلمه قومي يلا
داليا بالم : ماقدر رجلي توجع
عساف دفع حساب ديم وداليا ووخر الرجال عنه
وعطى ديم العلاجات
وبدون لا يهتم شال داليا
كانت تناظر ديم بصدمه وسكتت واتجهت للسياره
اما داليا كانت تناظر لعساف وسانده راسها عليه وحست بحب داخلها له
عند عساف اللي طار فكره عند ليان وكيف يقنعها اذا عرفت وهو مايقدر على زعلها
ركبها السياره واتجهه للمستشفى
-
ببيت ابو هذال
ليث : جمعتكم لاني بقول شي
ابو هذال : قول وش عندك
ليث : انا ابي اعرس
ام هذال : ابشر وانا امك بسويلك عرس يتكلمون عنه كل الجماعه انت ليث الغالي
هذال : لا والله وهو ليث وانا هذال مالي شي
ليث : يالغيور
ام هذال : عاد عندي هذيك البنت اللي تقط الطير من السماء
ليث : يمه انا ببالي وحده
ام هذال : منو يامي ؟
ليث ناظر لهديل وسكت
هديل : ودك بديم؟
ابتسم ليث وقال : اي كلمت عساف وقال تعال لنا اليوم
ام هذال : احلى من اخترت
هديل: عمه الصراحه الصراحه منو كنتي بتخطبين له
ام هذال : كنت بخطب ليان
هديل : اجل زين قال يبي ديم
ام هذال : ليه وشفيها ليان؟
هديل : مو قصدي شي بس ليان لعساف
ليث : الله يتمم على خير
هديل : شرايك نسوي عرسك وعرس عساف بنفس اليوم
ليث : ماعندي مشكله
ابو هذال : بنروح لهم المغرب عشان نرجع ومانكلف عليهم بالعشاء
هذال : اجل خلاص
-
بالمستشفى
الدكتوره : مافيها شي بس التواء ماعليها ذا العلاج تدهن رجلها وبتطيب ان شاء الله
عساف : ماقصرتي دكتوره
الدكتوره : ولو ، طلعت
وكانت داليا منسدحه وعساف واقف
دقت ديم
عساف : هلا
ديم : وينكم خلاص ماعاد نبي مول رجعنا البيت تاخرنا
عساف : طيب
سكر المكالمه وناظر لداليا وقال : تعرفين الرجال اللي طيحك
داليا : لا ماعرفه
عساف بهدوء : قومي يلا بنمشي
داليا بتكاسل : ماقدر
عساف مسك العكاز وقال : بذا تقدرين تمشين
دقت ليان ع عساف ، ناظر عساف للجوال وشاف اسمها وعطاها مشغول
اتجهوا للسياره
_
بالسياره
ديم : ليان شفيتس قلت لتس بالمستشفى
ليان بخوف : ليه بالمستشفى فيه شي هو ؟
ديم : لا بس كنا بنطلع للمول واخذنا داليا معانا
ليان : ايوه؟
ديم : واحتجت الصيدليه وهي نزلت معي وصدمها رجال والتوت رجلها وشالها عساف وداها المستشفى
بالاثناء هذي فتح عساف الباب لداليا
داليا : شكرا عساف تعبتك معي
عساف بهدوء: ولو
ليان اكتفت بهذا الحدث وقالت بهدوء : ديم انا بنام تصحبين على خير
ديم : وقت نوم هو
ركب عساف وناظر لديم وقال : منو اللي بينام الحين
ديم : ليان
سكت عساف وعرف انها متضايقه من قالت "مع السلامه"
اتجهه لبيت داليا ونزلها ،ورجع لبيتهم وكانوا يجهزون بعد ماجاهم خبر من ابو هذال
ديم : شفيكم ؟
عساف : انا بصعد غرفتي قولوا لي لو جوا
بتال : شفيك عساف
عساف : مافيني شي
وصعد فعلا تحت استغراب الكل
ديم : ليه تجهزون؟
بتال : جايتس عريس
ديم : منو؟
هتان : ليث ولد ناجي
ديم بداخلها كانت فرحانه لكن بكل جمود قالت : على خير وركضت لغرفتها
وكملوا يجهزون البنات مع العمه نوره
-
عند ليان ببيت الجد مطلق
كانت تبكي بحرقه من الغيره اللي فيها ووسوس الشيطان براسها وكانت تحاول وتصارع نفسها انها تنساه
طق باب غرفتها وكانت رزان
رزان : ليان شفيتس صار لي ساعه عند الباب
ليان بصراخ وبكي : رزان اتركيني مابي احد بحياتي صرخت وبجنون قعدت تضرب كل شي قدامها واخذت الصندوق اللي كان يحمل كلشي بينها وبين عساف ورميته بكل قوتها على الارض ، انتثرت كل صور عساف ورسايله ورسايلها له قدام عيونها جت بترمي الصندوق برجلها لكل طاحت على ورا بالضبط على حافة السرير وفقدت الوعي والدم سال بارجاء الغرفه
:::::::::::::::::::
توقعاتكم للجاي ؟
(ادعموني بنجمه ولايك قراءة ممتعه ❤️❤️❤️)