نقطة لقـاء

part 12

سحاب: اصبري مو تمشين
اشواق : ليه اصبر
سحاب : مدري مو مستعده
اشواق مشت فيها شوي شوي
سحاب : يمه يخوف
اشواق : عادي شوي شوي تتعودين
-
بالطرف الثاني
رعد: من ذول
ريان وهو يحاول يشوفهم
هذال :اللي قدام سحاب
رعد: طيب منو اللي وراها ماذكر عندنا بنت تعرف للخيل
ليث : ماشاء الله
ریان : متلثمه
هذال: مب غريبه يعني ماحس اول مره اشوفها
رعد: الادهم فرس احمد
هذال: احمد منو
رعد: اخو اشواق
هذال: يعني اللي ورا سحاب اشواق ؟
رعد: قوموا بنروح لهم
قاموا واتجهوا للاسطبل
———
الخيول

خيل احمد سابقا وحاليا لاشواق * الادهم * شديد السواد وشعره طويل شوي

فرس الرعد * الاصيله * لونها بني فاتح

خيل ريان * الأشهب * لونه ابيض

فرس عز * عبيه * لونها بني جاي على الاشقر

فرس احمد الثانيه * اصايل * لونها بني غامق

فرس سلطان الغيد ويناديها الغيده * لونها ابيض على رمادي

خيل فيصل * الهمام * لونه بني محمر

ذيب يتدرب على خيل رعد وصارت له سهاج لونها ابيض

مشاري ماخذ خيل ريان الثاني * النهات لونها رمادي وابيض

فارس * الكحيله * لانها تذكره بزوجته المتوفيه لونها ابيض وبني

يزيد هاجس * لونها بني قريب للاسود
-
دخلوا عليهم
رعد: ماشاء الله خيالات
اشواق بضحكه: خذ الخوافه
رعد: منو
اشواق : سحاب
سحاب : لا تقولين خوافه وانا تعودت
رعد: قرب من الخيل ومد يده السحاب
سحاب مسكت يده وشالها ونزلها
اشواق : جايين هنا بتجلسون؟
ريان :ايه
اشواق نزلت من الخيل : خلاص بنمشي انا وسحاب خذوا راحتكم
مدت الخيل لرعد : تقدر تاخذ اصايل والادهم لاخوان سحاب
رعد: من علمتس على الخيل
اشواق : احمد
رعد : الله يرحمه
اشواق مسكت يد سحاب : يلا نستأذنكم وطلعت من الاسطبل مع سحاب،اما العيال بدوا يتحدون بعض وكانوا اللي ماخذين الانظار ريان ورعد مع فرسهم الاشهب والاصيله وهذال اللي كان ماخذ الادهم وليث ماخذ اصايل وكل
واحد على الفرس حقه ومعهم يزيد مع هاجس الخيل حقته
-
فالمزرعه الساعه 9 الصبح
الجد مطلق : ما قعدوا العيال؟
ابو هذال : خلهم تلقاهم نايمين متاخر
ابوریان: امر يبه وش بغيت
الجد مطلق: الفطور وين
ابو ريان : ام ريان وام رعد يجهزونه
الجد مطلق: ايه زين
ابو هذال: لا تستعجل بهم خلهم على كيفهم
ابو ريان : لا بس بشوفهم
قام ابو ريان واتجهه لقسم الحريم
ابو ريان :يولدد
ام ريان: هلا
ابو ريان : وين الفطور
ام ريان: هاك هذا والخبز ارجع خذه
ابو ريان: يلا يلا عجلوا
ام ريان: يلا ان شاء الله
راح ورجع اخذ الخبز وراح
والحريم افطروا
-
بخيمة العيال
رعد: اسكت انت وياه محد ينام يعني
عز :اصحى الساعه 11 الظهر الحين
يزيد بنعاس : انطم انت وياهه بنام انا
ذيب : عاد انت خيشة نوم
يزيد : وان قمت عليك ماتسوى اسكت
ريان بنعاس : انطموا لا اقوم واطردكم
هذال: هيههه نبي ننام
سلطان : المفروض تستحي على دمك وتقوم الساعه 11 وحنا نايمين
هذال :مانمت الا الساعه 5
فيصل : كله من رعد وريان اي احد يجي سهروا به
رعد قام : فيصل انطم وانتم انطموا ما تبون تنطمون برا
هذال : كفو يالرعد
رعد بعين مغمضه وعين مفتوحه : كفوك الطيب
فيصل: انا عن نفسي بنام
ذيب ومشاري: بنقوم حنا
ليث: جاي معاكم انا
سلطان : بنام
وطلعوا ليث ومشاري وذيب وناموا العيال
-
عند البنات
كانوا ينظفون الخيام واللي تسوي شعرها واللي تصلي واللي تكف الفرش واللي تكنس
اشواق : سحاب غريبه رعد ماجاء امس
سحاب : طاردته انا تلقينه زعلان
اشواق وهي تسوي شعرها : ليه شسوى
سحاب : جاء الساعه 5 الفجر وانا مالي خلق نايمه معكم يبيني بخيمتنا قلت مابي وزعل عاد
ابتهال دخلت : وعع كيف عايشين
اشواق : وش وعع يزين العيشه هنا
ابتهال: عندتس بس
اشواق فلتت اعصابها لانها تحملتها
هديل سكتت اشواق
ليان: والله عاد حنا عزمناهم وانتي جيتي وما نرضى تقولين كذا عن مزرعة جدي
ابتهال: لا والله شقصدتس عزمناهم وجيت
ليان: افهميها على كيفتس
ابتهال: اي طيب انا رايحه اقول الكلام لخالتي ام رعد
ليان: روحي
سحاب قامت ومسكت ابتهال وطلعت
ابتهال: شتبين
سحاب : اقص لسانتس لو رحتي
ابتهال : شايفتها شتقول
سحاب : قاعده تسبين مزرعة جدهم شتبين يكون ردهم
امتنان :شفيكم
سحاب : سابه مزرعة جدهم وقالوا لها انه عزمنا اهلتس وجيتي انتي
امتنان: بتفشليننا انتي
ابتهال: وهذا الصدق
امتنان : تنثبرين وبعدين ي ابتهال اخوتس الحين ما يكلمتس بسبب انتس تسبين كلشي خلاص يكفي
ابتهال: اوهه خلاص اسكتوا عني
ذيب: يولدد
سحاب : يويلي ذا ذيب ادخلوا
امتنان : ماشاء الله تبارك الله
ابتهال: اي والله ماشاء الله
سحاب : على وش؟
ابتهال وامتنان بنفس الوقت : ما تشوفين ذا
امتنان : شتبين واضح اصغر منتس
ابتهال: لا بس جميل ما شاء الله
سحاب : انطمي انتي وياهه
ذيب دخل ووراه مشاري
وليث واقف ينتظرهم
امتنان : واحد احلى من الثاني
سحاب : هيهه نعم انتم زودتوها
ابتهال: تشوفين ما شاء الله
امتنان : انا اصلا من شفت زوج اختس قلت ما شاء الله لو اشوف الباقي بموتت
سحاب طلعت وخلتهم وراحت لليث
ليث: هلا والله
فك يدينه
سحاب حاوطته
ليث : هلا بتس شلونتس
سحاب : طيبه والله
ليث : شلون رعد معاتس
سحاب : تمام الحمد لله بس وينه؟
ليث : يعني كل ذا عشان رعد مو عشاني
سحاب : لا بس عشانه زعلان
ليث : ليه زعلان
سحاب : لا عادي مو شي بس وينه يعني اسال
ليث : نايم لا تحاتين
سحاب : اي الحمد لله اذا صحى قوله سحاب تبيك
ليث : ابشري
يزيد من وراه : يولدد اخلص بمشي
ليث : طيب اصبر على ما تدخل
ودخلت سحاب اقرب خيمه
يزيد دخل لقسم الحريم
امتنان : افف شذا لا يكون الكريهه ذاك
ابتهال : الله يجننن يبنت
امتنان : اهجدي
سحاب جتهم : وبعدين معاكم
ابتهال : بالله من دخل تو
سحاب : يزيد ذا
ابتهال: ماشاء الله هم كذا كلهم حلوين
سحاب بعصبيه : اطلعوا ولا عاد اشوفكم تسالون
ابتهال: طيب طيب لا تاكليننا
طلعوا امتنان وابتهال وراحوا عند البنات
سحاب حست بشي وراها ناظرت له
رعد : نعم شتبين قايله لليث تبيني
سحاب : شدعوه كل ذا زعل
رعد مسوي نفسه مو مهتم ومستعجل: شتبين بسرعه
سحاب ؛ بقولك شي
رعد: اخلصي تكلمي
سحاب : ليه كذا شفيك
رعد: طاردتني امس كيف تبيني اعاملتس
سحاب : خلاص اسف حبيبي
رعد : لا لا مافيه اسف ولا شي انا ماشي
سحاب مسكت يدهه : خلاص يالرعد اسف بس نايمه يعني ومالي خلق عشان كذا طردتك
رعد: طيب
رفعت رجولها وباست خده
ابتسم ابتسامه جانبيه
سحاب : خلاص كذا ؟
رعد : طيب بشويش وبعدين خليني زعلان عليتس شوي
سحاب : ما يطاوعني قلبي
رعد انحنى وباس قلبها : بسم الله على قلبتس
سحاب ابتسمت
رعد: خلاص بمشي انا
سحاب: لا توضى هنا وصل بعدين روح
رعد: يلا جهزي المويه
سحاب : دقايق واجيك
راحت وجابت له المويه وتوضى وبدا يصلي
-
الساعه 3 العصر كان مغيم الجو وبراد
اشواق مقابله الادهم بالاسطبل
اشواق ببكي : اخخ يالادهم كان ثالثنا ليته ماراح قابلة الجدار وابتسمت اول ماشافت كتاباته كان يحفزها ويكتب لها كلام وسط التدريب ،طلعت الادهم وقاعده تمشي وتمشيه معها
*^
فلاش باك
اشواق : بطيح والله هاج ذا
احمد : معليتس بس لا تشدين معليتس يبنت
اشواق طاحت من الادهم : هاه شفت
احمد مد يده : قومي انا معتس بتتعودين
**
اشواق : شقاعد تسوي
احمد وهو يضحك : اكتب
اشواق :وش تكتب
احمد : كتبت فارسه قويه تقبل المواجهه
اشواق : ومنهي ؟
احمد : انتي
اشواق : بس لسا باقي
احمد : فيه مسابقه عشان كذا قاعد ادربتس ابيتس تدخلينها اول ما نرجع من الشرقيه بتكون بكره هي
اشواق : بس اخاف كذا
احمد : مافيه شي يخوف انا معاتس
اشواق: طيب من كاتب ذي
احمد: ذا تحفيز كل ماشفتيها تذكريني واستجمعي قوتس
**
ام احمد : وش ذا اللي بيدينتس
احمد: معليتس يمه طاحت بالغلط وانجرحت جرح عادي مب عميق
اشواق : اي كذا
ابو احمد : انتبهي يبنتي
**
احمد : ايهه كذا كفوو
اشواق : شرايك بس
احمد : اي كذا تمام لما ارجع بعد كم يوم بدربتس ونكمل الحين لازم نرجع للبيت ونتجهز بكره بودي امي وابوي للشرقيه
اشواق : خلاص انتظرك
_
حطت يدها على كلامه وبكت
هذال تنحنح
اشواق التفتت على طول: هذال؟
هذال وهو يشوف دموعها : اسف بس نسيت امس شماغي هنا
اشواق : هذا اللي على الادهم ؟
هذال: ايه شكرا
اشواق : العفو
هذال : سمعتس وانتي تقولين اشياء مو مفهومه
اشواق : معليش
هذال: اشوفتس فارسه ماشاء الله ومدربه من دربتس؟
اشواق : اخوي
هذال : طيب حرام تضيع موهبه كذا تبين تشاركين بمسابقه؟
اشواق ايه بس انتظر احمد
هذال باستغراب : كيف تنتظرينه؟
اشواق : هو قال بعد مارجع بدخلك المسابقه
هذال: انا بدخلتس عندي صديق يعني يعرف بذي الامور بكلمه لتس
اشواق : بس مدري جدي يوافق ولا لا وزواجي ما باقي عليه شي
هذال رفع جواله : اصبري
اشواق كانت تناظر له وتشوفه زي احمد
هذال :الو سعيد
سعيد : ياهلا والله
هذال : هلا بك علومك
سعيد : تمام والله اعلومك انت امر ؟
هذال: الحمد لله ما يامر عليك عدو بس سباقات الخيول متى تبدا
سعيد : ليه بتشارك
هذال: لا عندي موضوع ثاني
سعيد : فيه مسابقه بعد كم يوم
هذال : لا مابيها اللي بعده؟
سعيد: قبل حفل الجامعه بيومين او يوم والله ماني متاكد
هذال: احجز لي مكان واحد بس واذا ما قدرت بقولك تعطيه احد بس اسمع مو تحجز باسمي بعدين بقولك
سعيد : تبشر والله
هذال: يلا فمان الله
سكر المكالمه
هذال: قبل حفل الجامعه بيوم او يومين
اشواق بابتسامه : شكرا مرهه بس بقنع جدي اول
هذال :ولو متى ما اخذتي الموافقه قولي لسحاب او امتنان توصل لي خبر
اشواق : ما تقصر
هذال :انتي اخر سنه جامعه؟
اشواق : ايه خلصت الحمد لله بحضر الحفل وان شاء الله المسابقه
هذال: الله يوفقتس
اشواق : ترا بروح مع الادهم
هذال: تاخذينه؟
اشواق : ايه
هذال : ماشاء الله
اقتربت اصوات العيال
هذال : انا بطلع معهم وانتي كملي
اشواق : يعطيك العافية
هذال: الله يعافيك واعتبريني اخوتس
اشواق ابتسمت
طلع هذال معهم
ترك اشواق تفكر بالموضوع
-
جلسوا العيال حول النار ويسولفون
رعد : يقول الشاعر
هذال : الله جوي ابهرونا يلا
رعد :
"تبقى وليف القلب لو صار ماصار
وتبقى نظر للعين لو ما تشوفك
وتبقى سلاح الروح ولو منك اضرار
وتبقى عزيز وعزتك من وصوفك
اسمك نقشته بين الاضلاع تذكار
وقلبي نزعته خوف يزعج حروفك"
•
هذال: الله عليك صح لسانك
رعد: صح بدنك
ليث : ماشاء الله لا يكون اختي
رعد : يمكن
ليث : صح لسانك
رعد : صح بدنك
ریان اشر على رعد وقال :اسمع
رعد: اسلم
ريان :
"مادمت لي صاحب ترا الراس مرفوع
ماهمني طيب العرب من رداهم
مانت بمن اللي طيبهم شهر واسبوع
ومن عقبها تلبس بوادر جفاهم
تراك يا صاحبي لي نور وشموع
في وقت فيه ناس مدري شبلاهم "
رعد :
"أنا رفيقك وابن عمك وأنا خوك
وأنا عضيدك لو تجور الليالي
وأنا الوفا لو كل الأحباب خانوك
وأنا الوطن وأنا الديار الخوالي
وأنا اللذي مامل لو الخلق ملوك
وأنا اللذي يسمعك في كل حالي
وأنا العمام ان كان عمانك اعموك
وأنا الخوال ان خلخلوك الخوالي"
•
الكل يصفقون ويصفرون هذال: ماشاء الله صح لسانكم الله يحفظكم
رعد: صح بدنكم امين ریان امین صح بدنكم
اشواق طلعت من الاسطبل واتجهت عشان تقنع جدها
شافت جدها عند الباب
اشواق : جدي بكلمك بموضوع فاضي؟
الجد مطلق: اي قولي اللي عندتس
اشواق : ابي اشارك بمسابقه
الجد مطلق :وشهي يبنتي
اشواق : فروسیه
الجد مطلق: انتي تعرفين للخيل؟
اشواق : ايه يجدي وودي اني اشارك مع الادهم
الجد مطلق :خيل احمد ؟
اشواق : ايه يجدي وشقلت؟
الجد مطلق: كيف بتشاركين وشلون
اشواق : كلشي علي يجدي بس ابي الموافقه منك
الجد مطلق: مسابقه؟
اشواق : ايه يجدي
الجد مطلق :خلاص موافق بس شفتي ريان
اشواق : بشوفه من بعدك بس بعد الزواج بقوله
الجد مطلق: اي متى ماخلصتي كلشي وجاء وقت التسجيل قولي لي
اشواق : تبشر باست راسه ويده وراحت
:::::::::::::::::::
توقعاتكم للجاي ؟
(ادعموني بنجمه ولايك قراءة ممتعه ❤️❤️✨)