نقطة لقـاء

part 46

فيصل : لا تزيديننن علي اقولك!!
اشواق : روح شوفها يلا
فيصل : تاكدي بكل الخيام
اشواق : وانت تحرك
فيصل : طيب اتصلي لو لقيتيها
اشواق : طيب
اتجهه فيصل للسياره ومشى وهو يدور عليها
واتجهت اشواق للخيام كلها ولا لقت لها اثرر
اتصلت اشواق ع فيصل
فيصل : هلا
اشواق : مو موجوده
فيصل سكر منها بعد مارد وكل يدور عليها ، شافها طايحه ووقف نزل وركض لها على طول مسكها بين يدينه وقال : رزان
شالها ونقلها للسياره وشغل النور وبدا يناديها ويكرر اسمها مسك مويه وبدا يمسح وجهها
فيصل شافها تتحرك ببطىء وقال : رزان
رزان :همم
فيصل : فيتس شي تحسين بشي؟
رزان استوعبت اللي صار وعدلت جلستها وهي تبتعد عن فيصل
فيصل : رزان وربي اسف ماتوقعت انتس خبله لذي الدرجه
رزان : لا يشيخ وتتركني وتروح وخبله فوقها تراك انت الخبل
فيصل : اعقبي لا اخليتس ترجعين مشي
رزان : ماتتوب انت
فيصل عدل جلسته وهو صاد قال : لا
مدت يدها بتفتح الباب وتنزل
مسك يدها وقال : امزح اهجدي
رزان : تعشيتوا ؟
فيصل : تفكر ببطنها
رزان : وماخليتوا لي صح
فيصل : محد فقدتس اصلا
رزان : كلهه منك والله يفيصل ان مارحت تجيب لي اكل الحين يويلك
فيصل : وش بتسوين
رزان بصراخ : يويلك وبس
مشى فيصل بالسياره والمزرعه وراه
رزان : يحمار وين رايح؟
فيصل : لا تسبين ،ورمى عليها شيلتها
رزان بدت تلبسها وهي ماتدري وين بتروح معه
رفع جواله ودق على اشواق
اشواق : هاه بشر لقيتها؟
فيصل : ايه
اشواق : وينكم
فيصل : مشوار واجي غطي مكاننا زين
اشواق : اوكيه بس انتبهوا
فيصل : سمي
سكر جواله وناظر لها وقال : منتي خايفه ؟
رزان : من وش ؟
فيصل : امي باخذتس لمكان لحالنا؟
رزان استغربت وقالت : ليه اخاف؟ ولد عمي انت ومابتسوي شي
فيصل ابتسم وقال : لا تثقين بأي احد فيه ناس خبيثه وفيه ناس طيبه مو تثقين على طول
رزان : ان شاء الله
مسك خط بالسياره ومعاه رزان اللي كانت هاديه جداً ولا اصدرت اي صوت
رزان : ملل الحين كم من المزرعه لين البيت
فيصل : 100 كيلو
رزان : كم يعني ؟
فيصل : تقريبا ساعه
رزان : طيب وين جوالي
فيصل بهدوء : على الطبلون
رزان : هذا جوالك
فيصل : خذيه دامتس ملانه
رزان ابتسمت وقالت : كم الرمز
فيصل : 2003
رزان : ذي مواليد منو اذا مب مواليدك
فيصل : شخص
رزان :بدت تقلب بالصور حقته وشافت صوره لهم وهم صغار
ضحكت خفيف وقالت : تجننن الصوره وش تسوي عندك ومن وين جبتها
فيصل : عندي ابوي مرسلها لي
رزان : تونس الصور حقتك اغلبها وحنا صغار
فيصل ابتسم وضل ساكت وهي تسولف له
دخلوا المدينه وبدت توضح من الانوار
ناظر لها فيصل وقال : غطي وجهتس
رزان تغطت وعدلت جلستها
فيصل : فيه شي بخاطرتس ؟
رزان : اوهه جايبني عشان العشاء
فيصل : عشان وش اجل
ضحكت رزان خفيف وقالت : شكرا
فيصل تقدم بسيارته عشان يطلب لها وقال : وش تبين ؟
رزان اشرت له على طلبها وقال : سمي
بدا يطلب لها وهي تناظر له
فيصل : بننتظر شوي تبين تجلسين ولا على طول نروح
رزان : عادي
فيصل استلم الطلب ومدهه لها وقال : تبين شي ثاني؟
رزان : لا
فيصل مشى ومسك خط للمزرعه على طول
بدت تاكل وتتابع بجواله اما هو ولع زقارته وبدا بهواجيس الطريق
-
بالمزرعه
داليا ناظرت لروان وقالت : وين اختس ؟ من كنا على العشاء ماشفتها
روان : اي والله صدق
هديل : علمي بها يوم قالت بتجيب اغراض وراحت مع اشواق
اشواق بتوتر : ايه قالت لي انها تعبانه وعطيتها علاج ونامت بخيمتي شوي وتصحى
روان : بقوم اصحيها يويلها من امي لو درت
اشواق جلست روان وقالت : خليها انا بصحيها بس شوي خل ترتاح بطنها توجعها
ديم : اشواق فيه شي؟
اشواق : شفيه يعني
قامت بانزعاج من الاسئله وقالت : بروح اصحيها
قامت واتجهت للخيمه عشان تدق على فيصل وفعلا رفعت جوالها وبدت تتصل
-
عند فيصل ورزان
كان الجوال بيدها وشافت الجوال يدق والاسم "ريان2"
رزان : فيصل ريان يدق شوف
فيصل رمى زقارته بهدوء وقال : يالخوافه اشواق ذي
مسك جواله ورد عليها
اشواق : وينكم بسرعه تعالوا!
فيصل : يلا قريبين
اشواق : استعجلوا ترا بدوا يلاحظون
فيصل : ان شاء الله قريبين حنا
اشواق : اذا وصلتوا هي خل تجي لخيمتي بسرعه
فيصل : سمي
سكر منها
ومرت ربع ساعه وصلوا وقالها تنزل لخيمة اشواق
اتجهت رزان للخيمه وهو للعيال
اشواق : زين جيتي نزلي وخلتس طبيعيه
رزان بدت تعدل بشكلها واتجهوا للبنات
داليا : انا جوي بالسيارات الجمس الاسود
اشواق : وصلتوا للسيارات ماشاءالله
هديل : ايه والله طلعت تونس
ضربتها داليا خفيف وقالت : شقصدتس
ضحكوا الكل وقالت هديل : ولا شي
اشواق : الجمس اتوقع نفس حقت عز؟
داليا : شفتها وانا جايه حقت عز هي ؟
بيان : ايه حقته مدري وش اسمها عاد
داليا : تبون نفلها؟
هديل : اي والله طفش
داليا : اعرف اسوق انا بس بشرط
اشواق : وشو ؟
داليا وهي تعدل جلستها : تجيبون سيارة عبدالعزيز
رزان : تستهبلين بيعيي
ريوف: تكفون اقنعوهه مليناا
اشواق : بروح انا بس اذا جبته اجلس قدام ترا
الكل : تم
قامت اشواق واتجهت لعمها
-
الجهه الثانيه
ريان : هلا بامييي وحياتي وقلبيي انتي
اشواق ابتسمت وحضنته
ريان : ايوه وش تبين جايه هنا ولر احد شافتس
اشواق : يالغيور ابي عز
ريان : وش تبين فيه ترا لازم اعرف
اشواق : البنات يبونه مو انا
ريان : ايوه شنو يبون
اشواق : مدري
ضحك وحضنها وقال : ماتبين تعلمين زوجتس ؟
اشواق بعبط : نوو
باس خدها ودخل ينادي عز
جاء عز وقال : نعم وش تبين؟
اشواق : تكلم بأدب
عز : ابي اعرف انا عمتس ولا انتي
اشواق : انا
عز مشى وقال : توكلي
اشواق : امزح انتت عمييي وتاج راسي بعد
عز : ادب يحلوه وش تبين
اشواق : اسمع داليا بنت كامل تعرف تسوق زين
عز : ايوه
اشواق : ونبي سيارتك نفتر هنا بس
عز : ليه مو سيارة زوجتس
اشواق : سيارتك احسن شفيك
عز : انتبهي لها
اشواق : هات المفتاح
عز وهو ماسكه :لا تنافخين
اشواق خذته وهجت وقالت : توكل
عز : مصيرتس جايه
راحت اشواق وقالت : جبتهه
صفقوا البنات وقاموا على طول لسيارة عز
اشواق : اناااا قدام
داليا : ورا انتي وياها اشواق هي اللي جابت المفتاح
اشواق ركبت قدام والباقي ورا ورزان وديم وليان باحضانهم
اشواق : لو اني منكم ماركب اضيق على نفسي
ليان : راكبه راكبه لو فوق السياره
ديم ورزان : صحح والله ماننزل
داليا شغلت السياره والبنات متحمسات
اشواق : اصبري ، شغلت البلوتوث وشبكت وبدت تحط اغاني ومنطربين مرهه
داليا بدت تمشي بالسياره شوي شوي وكانت حذره
اشواق : ليه ماتشغلين النور
داليا : يشوفون
كانت تمشي بهدوء الين انطربوا مرهه وبدت تسرع بسيارة عز
-
بالجهه الثانيه عند العيال
فيصل : تسمعون ؟
هذال : احس اني اتوهم ولا اسمعه من مشوين
رعد : صوت سيارة عز ولا يتهيأ لي
ريان : الله اكبر مافيه سيارة غير حقت عز تلقاه حق اللي حولنا كملوا لعب
يزيد : بطلع اشوف
فارس قام معه
-
عند البنات
كانت مطفيه النور وتمشي وصدمت بشي كبير ماحسبت حسابه ابدا
صرخوا البنات وطلعوا بسهوله من السياره والموقف كان قدام عيون فارس ويزيد الي كانت تبعد السياره عنهم 3 كيلو
فارس صرخ بصوت مرهعب وقال : يعياللل
طلع عز ووراه العيال كلهم
ركضوا للسياره
ولمح ريان اشواق اللي كانت مو متضرره ابدا الا جرح بيدها خفيف
ركض لها وقبل لا تبرر ماحست بيده الا معلمه على خدها
مسكها وبدا ينفضها ويتسأل
عساف مسك اشواق ورفعها وقال لريان : وكسرر يددد لا تمد يدك عليها
بكت اشواق وسحبها ريان وقال : مالك دخل بيني وبينها
ليان بهدوء : عساف
ناظر لها وشافها تتألم ونسى اشواق وركض يرفعها
يزيد : الناقه
الكل ناظر وقال : هاه؟؟
يزيد : صدمت بشبك جدي والناقه ماتت
عز : السياره يكلابب !!
ابتهال : بنات كلكم بخير ؟
سحاب بألم صرخت وبدت تحس بمويتها
رعد  شالها وركض للسياره وركضت  معاه امتنان استوقفها هتان اللي قال بكل هدوء وعصبيه : حسابتس بعدين ركضت امتنان وركبت مع رعد واتجهوا على طول للمستشفى
::::::::::::::::::::::
(ادعموني بنجمه ولايك قراءة ممتعه 🧡🧡)