نقطة لقـاء

part 32

اليوم الثاني صحوا بعد يوم متعب جدا
~ ببيت ريان ~
دق عليه رعد
حست اشواق على صوت الجوال وقامت شافت الاسم وقامت تصحي ريان الين
ما صحى وحطه على اذنه
ریان : همم
رعد: السلام عليكم وين؟
ريان : وعليكم السلام بالبيت شعندك
رعد : تعال للمقر
ريان : ليه فيه شي
رعد : عندنا مهمه بس والله انها خطره ولا ودي انك تروح معنا ويمكن نطول بس
اذا تبي الغي اسمك بحاول
ريان : لا ما عليه بجي معكم
رعد : واشواق يريان؟
ریان : شفيها اشواق ؟
رعد: ما بتوافق فكر فيها مستحيل تخليك تروح
ريان : ما عليك لا تسوي شي جاي انا
رعد : طيب ، سكر ريان وانتبه لاشواق وكانت متجهزه لدوامها وقالت : شفيه رعد
فيه شي صاير ؟
ریان : لا عن الشغل
اشواق : انتبه لنفسك فارس جاي وبطلع وقفل البيت وراك
ريان : ان شاء الله
اشواق : تبي اجهز لك قهوه ولا فطور
ریان : شاي وتوست
اشواق ابتسمت وقالت : ابشر
طلعت من الغرفه واتجهت للمطبخ وبدت تسوي له
دخل ريان المطبخ وكان جاهز لدوامه
عطته الشاي وحطت التوست على الفاين وقالت : اجلس كول تروح مع رعد ولا
بسيارتك؟
ریان : لا بروح بسيارتي
اشواق : خلاص لا تستعجل كول هنا
ریان : معتس فلوس ؟
اشواق : عندي بس حول لي زياده
ریان : كم؟ 500 تكفيتس ؟
اشواق : واجد حول 50 بس
مسك جواله ، طلعت اثنين مويه من الثلاجه وحطت وحده عنده وقالت : خذها
معاك
وصلت رساله نصيه على جوال اشواق شافته اشواق وقالت : انهبلت وربي
ضحك ريان بهدوء وقال : خليهم تحتاجينهم
اشواق : قلت 50 مو 5000 ریان : كم عندي اشواق
عطته نظره وقالت : خلاص وحده لا افصل عليك ريان ضحك وقال : سمي
ارسل جوال اشواق وقالت : بطلع فارس برا قام وباس خدها
اشواق ابتسمت وقالت : تبي نفسها ؟
ريان : ايهه
مشت وقالت بعبط : لاا
ريان وقف على الباب وقال : والله ما تطلعين الا تعطيني اشواق : يبزر خلاص
ريان : مالي دخل
باست خده وقالت : توكل اخذ اغراضه وطلع معها
...
ببيت الجد مطلق
كانوا الكل لابسين وبيروحون دواماتهم
عساف : جدي
الجد مطلق هلا
عساف : كلمني ابوي اليوم ويبيك بموضوع الجد مطلق اي وش قلت له
عساف : قلت له حياك جدي موجود عاد يمكن العصر يجي اتوقع
الجد مطلق: ان شاء الله
العمه نوره: ما قالك وش يبي ؟
ابتسم عساف وقال : لا والله ان شاء الله خير
العمه نوره : ان شاء الله
دق جوال عساف معلن اتصال احد ، ناظر وكان ابوه وقال : هذا هو يدق
الجد مطلق: رد عليه
رد عساف وقال : هلا يبه
ساهر : هلا بك شلونك؟
عساف : بخير الحمد لله
ساهر : اجي ان شاء الله العصر بس عندي طلب وانا ابوك
عساف : امر؟
ساهر : مايامر عليك عدو والله تعبان ولاني قادر اقوم وهتان وبتال طلعوا الصبح
مستعجلين على اشغالهم وخواتك ضلوا محد يوديهم
عساف : خلاص قولهم يتجهزون جايهم
ساهر : يلا دق علي اذا جيت
عساف : ابشر
سكر عساف وقال : من يروح معاي ؟
ليان بتسرع : انا
ناظر لها وابتسم وقال : يلا
ديم : انا وليان ورزان معك
رزان : انا ماداوم
ابو ريان : ليه فيتس شي ؟
رزان : لا يبه ملغيه المحاضره
ابو ريان : اجل خلاص نامي وارتاحي
عساف : انا برا
طلعت معاه ليان وراحت ديم تلبس العبايه
عساف بضحكه : شفيتس تسرعتي شوي شوي
ليان : شسوي حسيت اني غرت
عساف عقد حواجبه وقال : من منو ؟
ليان : من اللي بيروحون معك
عساف : ترا يحلون لي خواتي اهجدي
ليان : عيني عليك ترا
ضحك وركب وركبت وراه
عساف : اركبي ورا اخر شي
ليان باستغراب ليه
عساف : عشان خواتي يركبن هنا
ليان : وربي ان زعلتني وسويت خطا ما بكلمك خلاص اهجد
عساف : سمي يعيوني
ركبت ديم وقالت : شعندكم ؟؟
ليان : ابد مافيه شي
ديم : ايه عبالي
ليان : اسكتي لا اجيتس
ديم طنشتها وقالت : مو اشوفك تعطيهم وجه زياده
عساف : طلعت حتى ذي تغار
ديم : ليه منو غيري
عساف : محد
...
ببيت ساهر
ريوف : البسي عبايتس وانتي ساكته !
جنان : خير طيب مابي الحين نمشي
دارين : الرجال وراه دوام وما هو فاضي لتس خلصي
كيان : طيب مانبي نحضر الحصه الاولى وابي قهوه بعد
ريوف : وتتشرطين بعد روحي البسي عبايتس لا انادي ابوي
جنان : والله الا اقوله
دارين : بموتس وربي اعلم ابوي
كيان : علميه
دق رقم على جوال دارين
ردت وقالت : هلا والله
عساف : السلام عليكم
دارين : وعليكم السلام عساف؟
عساف : اي اطلعوا انا برا
دارين : يلا
سكرت المكالمه ونزلوا كلهم وطلعت ريوف تودي سلمان عند ابوها
~ بالسياره ~
ركبوا البنات كلهم وسلموا على عساف
عساف : اخباركم؟
دارین : بخير الحمد لله
عساف وين مدارسكم
كيان : انا ودارين وازيان وجنان بنفس المبنى بيننا باب
عساف : المبنى الكبير حق المدرسه
كيان : اي هو
عساف اشر على ريوف وقال: وانتي ؟
ريوف : بالجامعه العلميه
عساف : تبون شي قبل المدرسه
جنان : ابي تمر الكوفي باخذ قهوه
عساف : ان شاء الله
مدت يدها ليان من ورا المرتبه وقرصت يد عساف
ضحك وكمل طريقه للكوفي وبعد مدهه وصل واخذ كوفي للكل
جابهم واعطاهم للبنات
ناظر لازيان وقال : ما يصير لتس قهوه بنروح البقاله طيب؟
ابتسمت وقالت بهدوء : طيب
سقط عند البقاله ونزل واخذ ازيان معه وجاب برضوا للكل
ركبب ازيان السياره ومد اكياس الدارين
دارين وشذا
عساف : فسحه عطي جنان وكيان وخذي انتي ، ناظر لريوف وقال : تاكلين
فسحه؟
هزت راسها بنفي ، مد لها 50 وقال : ان شاء الله يكفيتس ، رفضت تاخذ
واجبرها
عم الهدوء بالسياره واتجهه عساف للمبنى
شهقت دارین
عساف : شفيه؟؟
ديم : شفيكم
دارين : ليه جايبه جوالتس تبينه يتصدر لاخر السنه ؟؟
کیان : دايم اجيبه واعطيه لابوي اذا وصلت المدرسه
دارين : ابوي الحين حنا مو معه
كيان : خلاص باخذه المدرسه
ريوف : هاتيه بسرعه
كيان : لا ما بعطيتس بترجعين متاخر
عساف : منو يردكم اليوم ؟
دارین : مدري ما توقع ابوي
عساف : متى تطلعون
دارين : 12:30
عساف : خلاص هاتيه وانا اطلع 12 بجيكم
دارين : يعطيك العافيه ما قصرت
عساف مد يده
ومدت له الجوال كيان
حطه بجيبه ونزلهم لمدرستهم
وكمل للجامعه
دیم : اي جامعه انتي ؟
ريوف : العلميه ؟
ديم : اللي عند المول
ريوف : ايه
ليان : ايوه يعني معانا
وصل للجامعه عساف ونزلوا البنات
-
عند رعد وريان
رعد : يريان فكر فيها
ريان : شلون ما عندها احد بفهم
رعد : انا لو صار شي لي زوجتي وولدي عند اهلهم ما عليهم شي اشواق يريان
اشواق
ریان: ان شاء الله راجع شفيك تتفاول
رعد : يريان لا تجي معنا
ريان : من زمان انا ابي اطلع بمهمه ويوم جت ارفض ماني رافض وبروح ان
شاء الله
رعد : ما ينفع معك انت
ریان متى نطلع ؟
رعد : العصر نحرك
ريان : الساعه 11 اشواق تطلع بروح اكلمها
رعد : الحين 10:40 روح لها وخذها انت
ريان : يلا اجل استأذن
رعد : موفق
...
عند عساف الساعه 12