عند بيت ساهر
مناهل : وانت قاعد تفكر بكلام بزر؟؟؟
ساهر : عساف مب ببزر عيالتس كلهم بزران شوفي هتان عساف اصغر منه وعساف اسمه بكل مجلس تلقينه واحفاد الجد مطلق كلهم بكل مجلس تسمعين بهم وانتي اكيد رحتي مجالس حريم وسمعتي مناهل : مو معقوله يساهر بعد كل ذي السنين تردها لتس
ساهر : ايه اردها وارد عيالي لي واذا مو عاجبتس اطلعي انتي
مناهل : وعيالي ؟
ساهر : اهتميتي بهم الحين ؟
مناهل : اقصد عيالي وين بيروحون ؟
ساهر : عيالتس ذا بيتهم!
مناهل : اجل اذا رجعت نوره مالي جلسه معك
ساهر : يعني تبين الطلاق يمناهل؟
مناهل : اللي مايبيني مابيه
ساهر استغفر وقام
لكن استوقفته دارين وهي تقول يبه استهد بالله شفيك على امي
ساهر : افهمي منها بعدين تعالي تكلمي عندي
ركضت دارين عند امها تفهم السالفه لكن ناظرت مناهل وقالت : ابوتس مايبيني
وبيرجع بنت الكلب
دارين : منو بنت الكلب ؟
لف ساهر بقوه ورمى على مناهل العقال وقالت : تضربني انا عشان نوره !
سحرتك انا ادري
دارين : يبه شفيك هد وانتي يمه ما يصير تقولين للمره كذا
مناهل دفت دارين ودخلوا كل عيالها وبناتها
بتال : شصاير؟
هتان : شفيكم؟
مناهل : ابوكم بيرجع زوجته الاولى وانا رافضه
هتان : بس ؟
انصدمت مناهل من بروده وقالت : وجع ان شاء الله وش بس بكره لو رجعوا
البيت كله ازعاج
دارين : اي ازعاج ترا حنا اللي عندنا اخوان صغار مو هم
مناهل : انتي انطمي
ريوف : يبه رجاءً لا مانبيهم
بتال : عساس بياخذ رايتس
جنان : وهو صادق
ساهر : محد له دخل
مناهل تخصرت وقالت : انا قلت اذا بتجي مالي جلسه هنا
ساهر : مالي دخل فيتس واللي يبي مع امه يلا
راحت ريوف جنب امها وهتان معها ووقفوا بتال ودارين بالنص ساهر : اها ترا امكم بتروح لخوالكم ولا عاد بتجي معاي واللي يروح معها ترا ماني ابوه ولا اعرفه وانتم تعرفون معاملة خالاتكم وخوالكم لكم خل احد يعطيكم مصروف ويصرف عليكم وخل احد يسدد لكل واحد شبكه لكم كل شهر والسيارات الي عندكم باسمي الكل تراجع ووخروا عن امهم اللي كانت مجرد
اسم ام ماهتمت فيهم ابدا انصدمت مناهل من تخلوا عنها بسهوله
...
بالبيت
بعد ماستأذن ريان من فارس انه بياخذ اشواق معه ووافق فارس وطلعت اشواق مع ريان اشواق اخذت نفس بعد ما بدلت وخلصت شافت غرفه مفتوحه اخر الممر وفيه
صوت طالع منها
راحت لها وشافت ريان فيها وابتسمت وقالت : شفيه شتسوي
ريان : قاعد اطلع اوراق مابيها
دخلت اشواق الغرفه وشافتها وكانت جميله
اشواق : تجنن زي المكتبه وش الكتب ذي
ریان : احب الفصحى وسويت لي مكتب هنا
اشواق : انا اقرا بعض مرات
ريان مسك فكها وقال : بعطيتس كتاب واقري اللي يعجبتس
اشواق ابتسمت وقالت : يلا
خذته منه وفتحته وقالت : الله يجننن ذا خلاص لي
ريان ضحك وقال : بسم الله ما شفتيه
اشواق : فيه اللي احبهم
ريان نزل اللي بيده وسند على الطاوله وقال : سمعينا يلا
اشواق ابتسمت وقالت :
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
