فيصل : هاه ماخلصتي ؟
رزان: يعورك للحين ؟
فيصل : اي باقي اصلا يحرق
رزان : روح لا تتاخر عليهم وبعد شوي تعال انتظرك ورا الخيمه عشان احط لك كريم
فيصل : وش ابي بالكريم انا
رزان بحده : عشان يدك
فيصل : سمي تبين شي ؟
رزان : سلامتك
فيصل : انتبهي مرهه ثانيه
رزان : انت اللي انتبه
ضحك وطلع
-
الساعه 6 المغرب بعد ما مانوا على بعض
عند البنات
داليا : الحين تقعدون وش تسوون
روان : لبعد العشاء وبعد ماينامون الشيبان نقوم نضبط لنا جلسه ونجلس
داليا : ماتلعبون؟
هديل : الا تبون نقوم هناك؟
ديم : اي يلا امشوا
اشواق : بجيب القهوه والحلا
رزان قامت وقالت : جايه معاتس
اشواق مشت هي ورزان
والبنات اتجهوا لخيمة فاضيه
-
عند اشواق ورزان
اشواق : شفيتس كذا كانك متوتره
رزان : بقولتس شي
اشواق : قولي شفيه
رزان : اليوم يوم سوينا قهوه جاء فيصل يبي قهوه
وجلست اسوي لهم
اشواق : ايوه
رزان : وقبل يومين صار بينا موقف وعطاني شماغه وكذا تمازحنا بالكلام شوي
وصديت قلت ماني مسويه قهوه وماحسيت فيه الا وراي
اشواق : ليه شصار
رزان : الدله مالت علي وجاء هو بيخورها انكبت عليه وهي فايره مرهه
اشواق : تستهبلين والحين؟
رزان دمعت وقالت : يده توجعه وانا والله ماكان قصدي
اشواق : عادي يروحي بس وش سويتي
رزان : حطيتها بالطحين ومويه بارده بس ماشكى ابدا وانا اشوف الالم بعيونه وطلبت منه يجيني شوي عشان اشوف يده
اشواق : عندي كريم بيهديها ان شاء الله
رزان : بس اخاف يتألم وما يشكي
اشواق : كلهم يتألمون مايشكون لانها مرت عليهم ايام اكثر من وجع الحريق وماهزتهم الرجال ماتشكي لانه الموضوع بسيط عندهم انتي اذا احترقتي تتألمين وتشكين هم عندهم دلع وكذا جدي علمهم على عيشته قبل وللان يعلمهم شوفي الغرب الحين تحسين مايسوي شي وتحسينه مب رجال يلعب على بنات وماعنده حدود في اي شي ويسمي نفسه رجال رعد ولا ريان ولا فيصل ولا كلهم يخفون اللي داخلهم يبينونه لو كانوا لحالهم انا ريان يوم رحت له للمستشفى ماكان يتألم قدامي لانه لو تألم بتألم انا معه هو يعرف لذلك مايتألم فيصل ماتألم عشان ماتحسين بالذنب
رزان : فيه رجال من اللي قلتي عنهم؟
اشواق : هتان اخو ريوف
رزان : تشوفينه كذا؟
اشواق : ماكانوا يسولفون عنه هادي ومايحب يجتمع باحد ؟
رزان : حكمتي كذا
اشواق : ماحكم انا بس اقولتس فيه رجال مايشكون فيه رجال مايتحملون ع انفسهم شي ولا يعطون من انفسهم
رزان : فيصل يتألم بس عشان ماحس بالذنب ماكان يشكي ؟
اشواق : ايه
رزان : عطيني الكريم بناديه
اشواق : والعيال كلهم؟
رزان : ماقدر اتحمل لين يجيني من نفسه
اشواق دخلت خيمتها وطلعت لرزان الكريم
اشواق : باخذ القهوه واروح انتبهي لا تبطين
رزان : ان شاء الله
وطلعت على طول لقسم الرجال
ذيب : هيه نعم قلطتي
رزان : ذيب فيصل امه تبيه خل يجي
ذيب : طيب اطلعي يلا
رزان طلعت عند باب القسم تنتظره
-
عند الرجال
عز : والله الحمدلله سيارتي عاجبتني مو نفس بعض الناس
مشاري : اهمم شي انها سياره وبعدين ترا هي جوي
رعد : كلهم ماشاءالله اسكتوا
فارس : ماغير تسكت فيهم واذا هجد الوضع قلت سولفوا
عز : عساس راد عليه خل يولي
رعد : اصبر لي
دخل ذيب وقال : ابو نايف
ناظروا رعد وفيصل وسلطان
ذيب ناظر لرعد وقال : وش تبي انت ابو متعب
ضحكوا كلهم وقال رعد : منقهرين ماعندكم نفسي
فارس : يععع مو لايق
ضحكوا كلهم
سلطان : اخلص وش تبي
ذيب : فيصل خالتي تبيك
فيصل : اي خاله؟
ذيب : امك يغبي
قام فيصل وسحب ذيب من اذنه وهو مار
ذيب : وجعع يوجع ...
فيصل : اي كمل عشان ماكمل عليك
يزيد : حدك هذا ذيب
ذيب : كفوو
ضحكوا الكل وكملوا سوالف
-
عند فيصل كان يدندن ونسى رزان وموعدهم
طلع عند البوابه
رزان : فيصل ؟
فيصل التفت وقال : هلا ابوي
رزان : عمتي ماتبيك انا ابيك
فيصل : امري وش تبين
رزان : مو قلنا نلتقي ورا الخيمه؟
فيصل : يوههه نسيت
رزان : طيب تعال نروح
فيصل ناظر لذراعه اللي كانت ماسكتها رزان ابتسم وقال : وين تبين نروح
رزان : ورا الخيمه ماينفع الحين
فيصل : اجل امشي معي
رزان : وين؟
فيصل مسك ذراعها واتجهه لسيارته
ركبت وركبت هي من الجهه الثانيه
رزان : واضحه الاضاءه علينا
شغل سيارته واتجهه بالظلام شوي
فيصل : امري بغيتي شي
شغلت النور وبدت تتلمس الحرق بيدها
فيصل : ترا مايوجع لا تلومين نفستس
رزان كانت تحاول تهدي نفسها وبدت تحط من الكريم ع يده
دمعت يوم شافت اثر ورفعت راسها وتلاقت عيونها بعيونه دمعت وهي تشوف بعيونه الم
فيصل : لا يبنت
بكت ومسكت يده ، فيصل : عادي ماتوجعني شوفي
انهارت زياده من انه ينكر وماحس فيها الا دموعها تحرق صدره
ناظر لها وحس انه اوجعها بدون مايسوي شي
حضنها لصدره بهدوء
رزان بكت زياده وهي تتألم من المه
فيصل : خلاص بصدق بكلامي لا تبكين يبنت
رزان وهي تبكي قالت : تنكرر كل الالم اللي فيك ليهه
فيصل بضيق : عشان ماتحسين بالذنب افهمي
وخرت رزان وقالت : يعني كلام اشواق صدق ؟
فيصل : شكو اشواق
رزان مسحت دموعها وقالت : تتألم
فيصل وهي ينكر : اي شوي
فلتت اعصابها وقالت : قوللل الصدق
ضحك من صرختها وقال : قلته
رزان : فيصللل لا تنكر مابي تكذب علي
فيصل : عيونه
رزان : لا تكذب علي
فيصل وهو متعمد : ليه منو انتي مثلتس مثل غيرتس
رزان تضايقت وقالت : انا ماقصد بس..
فيصل : بس وش
رزان : تراااا ماتهمني زينن!! لا انت ولا غيرك
فيصل ببرود : زين
انقهرت ونزلت تمشي مشي رغم ان المسافه قريبه بس كان اصوات الكلاب وظلام مملي المكان
مشى فيصل بالسياره من عندها
وانصدمت من تصرفه
فيصل : بتمشين لحالتس ولا تخافين؟
رزان وهي منقهره : بمشي لحالي
فيصل دخل راسه واتجهه للمزرعه
رزان كانت خايفه مرههه لكن تحاول ماتبين
ركضت بسرعه وكان ظلام وطاحت بخيشه شوي مرتفعه
خافت واغمى عليها من الخوف
-
عند فيصل
حس فيه شي بداخله لكن طنش ودخل عند العيال
ريان : وين رحت
فيصل : جبت كم شغله لامي وجيت
رعد : اونو ماجبت ؟ مشتهي نلعب
فهد : انا اخبر عندي
عساف : اللي عندهم؟
مشاري : وين انا اروح اجيبها
فهد : بتلقاها يمكن بالسياره
طلع مشاري لقسم الحريم كونه السياره عند خيمة فهد
اشواق : مشاري صح؟
مشاري بالظلام : ايه امري تبين ريان؟
ضحكت اشواق وقالت : ابيه بكل وقت
مشاري بمزح : لا ماراح اناديه
اشواق : العشاء نادهم يشيلون
مشاري : ان شاء الله
اتجهه للسيارة واخذ الاونو واتجهه لهم عشان يشيلون العشاء
جاء فيصل
ناظرت اشواق واستغربت
فيصل : هات اشيله
اشواق : يلا باقي الخبز دقايق
شالوا كلشي واتجهوا يتعشون وكذلك البنات واشواق هي الوحيده اللي انتبهت لاختفاء رزان
بعد مرور نص ساعه كانوا يشيلون بالعشاء
اشواق خافت تقول لريان وتصير مشكله بينه وبين فيصل وقررت انها تتصرف بنفسها
شافت فيصل يغسل يدينه
فيصل : الصابون وين؟
اشواق : بالجهه الثانيه
مشى فيصل ومشت وراه اشواق
فيصل : وينه؟
اشواق : فيصل وين رزان؟
فيصل : انا شكو فيها
اشواق : فيصل ادري بكل شي وين رزان!!
فيصل : ليه ماجتكم؟؟
اشواق : لا ماجت وينها؟؟ متى اخر مرهه علمك فيها ؟ ترا يويلك لو مسوي لها شي
فيصل وخر اشواق عنه بهدوء وقال : مو صاير شي
اشواق : اجل وينها حضرتك؟
فيصل : احترمي نفستس
اشواق : تستهبل صح؟ تدري ريان ولا غيره لو فقدوها وش يصير ؟ بتطلع انت منظرك غلط بينهم خلص يلا وينها
فيصل : اخذتها بالسياره بعيد شوي عشان تداوي يدي
اشواق : ايه وش صار؟
فيصل : تهاوشنا وخليتها ترجع مشي
اشواق : بالظلام؟
فيصل : ايه؟
اشواق : تستهبل انت ؟؟ والحين ماندري وينها انت ماتامن البر يفيصل انت رجال هي بنت ماتفهم!!! ماتعرف شي هي يمكن ناشافت داب ولدغتها ولا غيره !!
فيصل : لا تزيدين علي
اشواق : فيصل هي وثقت فيك لدرجة انها بعدت عن المزرعه بكبرها معك لحالك لا تجنني ! هي مافكرت انك تسوي لها شي
فيصل : لا تزيديننن علي اقولك!!
اشواق : روح شوفها يلا
فيصل : تاكدي بكل الخيام
اشواق : وانت تحرك
فيصل : طيب اتصلي لو لقيتيها
اشواق : طيب
::::::::::::::::::::::::::::::::::::::
(ادعموني بنجمه ولايك قراءة ممتعه 🧡🧡)
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
