نقطة لقـاء

part 2

صباح جميل جدا بالمزرعه الساعة 9:00

الجد مطلق: العيال وين؟ ما يجون يفطرون؟
ابو احمد : لا يبه قعدناهم ما يقعدون
الجد مطلق : تلقاهم سهرانين كلمتي ما يعبرونها
ابو رعد : حتى انا وصيتهم بس مافيه فايده
ابو ريان : خلهم يستانسون بالسهرات ذي
افطروا وخلصوا
ابو احمد : يبه لازم نرجع للبيت
الجد مطلق : ليه وانا ابوك
ابو احمد : يبه دق علي بدر ولد منيف ي يبه يقولون يبي يكلمني بموضوع
الجد مطلق: طيب خل يقوله بالجوال وشوله نرجع
ابو احمد : يبه الموضوع خطبه
الجد مطلق : ايه ايه خلاص نرجع
ابو احمد : اجل ي نوره ورهف وصلوا الخبر للكل وخل يكفون اغراضهم
رهف ونوره : ابشر
صحوا الكل وكفوا الاغراض ومسكوا خط راجعين للديره
-
الساعة 2:00 الظهر
وصلوا
الجد مطلق: يعيال نزلوا كلشي فيه ناس اليوم بيجون
العيال بصوت واحد : ابشر
فيصل : انا داري ما يرجعنا الا عشان الرجال
عساف اقول شيل بس
دخلوا الاغراض
-
عند البنات
بدوا ينظفون البيت ويبخرون ويجهزون القهوة والشاي
وكل وحده راحت تاخذ شور بعد التعب
-
الساعه 8 الليل جو الضيوف
عند الرجال
العيال جالسين كلهم وذيب ومشاري يقهوون
الجد مطلق: ياهلا ومرحبا نورتوا المكان
ابو بدر : هلا بك منور باهله
الجد مطلق: قايل تبينا بموضوع امر يخوي
ابو بدر : والله جينا واحنا طالبين القرب منكم
الجد مطلق: هلا والله الساعه المباركه
ابو بدر : يبعدي نطلب يد كريمتكم اشواق لولدي بدر
العيال قاموا يتلافتون، ورعد عينه ع ريان
الجد مطلق: والله يشرفنا بس نشوف راي البنت بالاول ونرد لكم خبر
ابو بدر : حقها
طلع ريان ووراه رعد
رعد : ريان وقف
ريان : شتبي
رعد : وين بتذلف
ريان : بروح اقولها يرعد ماقدر
رعد : اسمع انت روح لها اوكيه بس قيس النبض شوي اوك؟
ريان :اوك
راح ريان لقاء اشواق برا جالسه
ریان : اشواق
اشواق : هلا
ريان : بقول شي
اشواق : قول بس اول جاء بدر؟
ريان : تعرفين؟
اشواق : وشو؟ انهم جايين يخطبون؟
ريان : ايه
اشواق : اي ادري المهم اذا جاي تسال اذا موافقه ولا ايه موافقه
ریان ماحس بنفسه ابد
ركض لرعد
مسكه رعد : شفيك؟
ريان برجفه يرعد تدري انه جاي يخطب وهي موافقه
رعد: منجدك؟؟؟
ریان : اي والله قبل لا اعترف لها قالت لي
رعد : خيره يخوي خيره
ريان : يعني راحت؟
رعد: نزل راسه بضيق وهو يشوف جسم ريان شلون يرجف
حضن رعد ريان
رعد: قسمه ونصيب يعيون اخوك
ريان بكى ولاول مرهه احد يشوفه وهو يبكي
طلع عساف وفهد وشافوا ريان
واجتمعوا حوله يواسونه
رجع احمد عند الرجال والكل يهلهل من وراه
ريان حس الدنيا فوقه قام من عندهم وراح لسيارته
رعد ريان وقف
ريان : خلاص يرعد لو جلست هنا بموت
رعد : اسمع خل ندخل شوي وبقولهم انه عندنا مهمه وبنسافر ونروح
انا وياك واغير جوك يولد لا تروح كذا
ريان : طيب مابي اقابل احد
رعد : بس امك بجيبها وسلم عليها قبل نروح
ریان : تمام
راح رعد داخل وجهز له اغراض هو وريان
وسلم ع جده والكل
رعد : وين ام ريان
ام ريان: هلا يرعد
رعد : ابيك شوي برا
طلعوا برا
ام ريان : هلا
رعد : عمه بنروح لمهمه انا وريان وابيك تسلمين عليه قبل نمشي
ام ريان :وينه؟
جاء ريان وسلم ع امه
رعد : يلا مع السلامة سلمي ع الكل
ام ريان :يوصل
صعد رعد هو وريان ومسكوا خط للجنوب
-
مر اسبوع على روحتهم واشواق تجهز لعرسها العائلي والكل يجهز معها وحجزوا قاعه على قدهم وكلشي كان على قدهم ومافيه الا عايلة بدر وعايلة الجد مطلق
رجعوا ريان ورعد وريان متغيره ملامحه لكن كان ثابت ولا بين لاحد انه متضايق وقلبه بيطلع من مكانه
جاء اليوم الموعود وهو زواج بدر واشواق الساعة 5 العصر البنات بالصالون والعيال بالحلاق خلصوا الساعه 7 واتجهوا كلهم للقاعه ريان رفض يحضر لكن اقتنع بعد ما حاولوا معاه العيال
-
عند البنات قاعدين يصورون مع اشواق والكل دخل يصور معها من اهل المعرس واهلها
ودخلوا المعرس عليها والكل كان فرحان الا رعد حس بذنب لانه قال لريان لا تستعجل وتعترف
اخذها المعرس واتجهوا للفندق والاهل اتجهوا للبيت كان عرس خفيف لطيف وثقيل ع بعض القلوب
بالفندق وصلوا المعاريس بدر ساعد اشواق ونزلها ووصلوها للغرفه بدر بدلي بجيب اكل واجي هزت راسها بمعنى اوك
راح بدر وجاب عشاء وهي حاولت تفك الفستان واخيرا فكته ولبست بجامه جاء بدر وكان ابد مو مهتم
بدر : تعالي جبت الاكل
جت اشواق وجلست وكلوا والصمت سيد المكان
بدر : خلصت انا بروح انام
انصدمت اشواق من تصرفه بس سكتت
شالت الاكل ونظفت المكان، جت للفراش
بدر: بتنامين هنا ؟
اشواق باستغراب : وين يعني؟
بدر : حجزت لك غرفه
اشواق بضحكه خفيفه : زوجتك ولا اختك؟
بدر عدل جلسته : والله عاد ما يهمن انا حجزت لك غرفه وروحي نامي فيها وتراني مجبور اتزوجك وادري باللي فيك
اشواق : هيه عاد لا تحسب اني وافقت حباً فيك وافقت عساس رجال جاي يخطب وليه ارده وهو ابوه جدي يعرفه ويمدحه وبعدين وشوو اللي فيني يوم تقول ادري ؟
بدر : قصري حسك لا قسم بالله تزعلين
اشواق : انا بسكت الحين لكن لو مرت فتره بروح لابوي واقوله اللي صار
بدر : ان طلع شي والله لا ذبحك
اشواق: لا تحسب اني بخاف من كم تهديد منك لكن انا ابي تمر فتره عشان ما تفشل انا ويقولون فيني شي بدر كذا يعني
اشواق : ايه
طلعت اشواق وخلته وراحت للغرفه الثانيه وعلى طول نامت بدر قعد يفكر في كلامها وكلام يزيد وطارق واغلبه النوم وانتهى يوم فيه جهه سعيدة وجهه حزينه
-
صباح جديد بالفندق الساعه 11 الظهر
اشواق بندهه : بدر بدر بدر
بدر بصوت نايم :هاه
اشواق : قوممم تاخرنا على اهلنا
بدر : بنام ماني رايح
اشواق : طيب انا قومتك عشان توديني
بدر : وين اوديك؟
اشواق : لاهلي
بدر : واهلي ؟
اشواق : طيب ماقلت انت بنروح لهم
بدر : المهم ماني ناوي اروح
اشواق : طيب جاهزه قوم ودنن لاهلي
بدر: انتي تحنين واجد
اشواق : والله محد ضربك ع يدك قال تعال اخطب
بدر :هاه؟
اشواق : ولا شي بتقوم ؟
بدر : اوك قايم روحي للصاله
اشواق : ترا ان نمت بدق على اخوي
بدر: تهديد ذا؟
اشواق : لا بس قوم
طلعت اشواق وجلست بالصاله
بدر قعد يفكر : يالله الحين انا اشوفها مافيها شي ليه قايلين الكلام ذا
قام وبدل ملابسه
جاء لها : يلا نمشي ؟
اشواق : تبي فطور ؟
بدر : اذا فيه جاهز ايه
اشواق : طيب
قامت ونزلت عبايتها
وكانت لابسه فستان نيلي وكانت ملامحها تجذب لكن بدر كان مصدق الكلام اللي انقال عنها ومحتار بين كلامهم وكلامها وثقتها بنفسها
راحت تسوي له فطور وجهزته وجابته له
اشواق : شاي ولا حليب ؟
بدر : شاي
صبت له شاي وحطته قدامه
بدر اشواق
اشواق : هلا
بدر : خلاص خلاص
اشواق : كيفك
-
ببيت الجد مطلق
الكل صاحي
الجد مطلق : يعيال شوي ويجون الغدا جاهز ؟
رعد يجدي مشوين ذبحنا والحين يطبخونه الحريم
الجد مطلق: كفو يولدي قول لا يتاخرون
رعد : ابشر
-
بالفندق
بدر :خلصت انا اذا تبين تاكلين كولي
اشواق : لو ابي اكل سويت لي ولاني بحاجة فضلتك
بدر: تكلمي عدل
اشواق : انت حبيت نكون كذا ولك اللي تبيه
بدر : شيليه وبسرعه البسي بنمشي
اشواق شالته وودته للمطبخ ولبست عبايتها
وطلعوا واتجهوا لبيت الجد مطلق،وصلوا بعد مدهه
بدر : انزلي يلا
اشواق نزلت بدون لا تتكلم معاه ودخلت قبله
بدر : هيه هيه تعالي
اشواق : نعم
بدر : نعم تدخلين قبل زوجك
اشواق : احد يسوي كذا واسميه زوجي ذا عدوي
بدر : اشواق اعقلي لا والله اسوي شي ما يعجبك
اشواق : بدر خلصنا خلاص ليه كذا طبعك ما خبرك كذا
بدر سكت عنها،دخلت وتركته
بدر : ياربي الحين انا ادور الزله على اتفهه الاسباب عشان كلامهم
بس صدق وش يثبت ان كلامهم صدق بواجهه يزيد اليوم واساله
-
عند الحريم
اشواق دخلت وسلمت والكل رحب فيها
هديل: اشتقنا والله محد سوا لنا اكل اخر الليل
اشواق : ابشري اذا رضى بدر اضل هنا بنسهر الجده حصه ما يصير يبنتي هذا اول يوم لكم اشواق عادي يجده
دخل بدر وسلم على الرجال
يزيد : هلا هلا ببدر
بدر هلا بك بس ابيك بموضوع شوي
يزيد : ابشر
راحوا برا
يزيد : شفيك ؟
بدر : ابي اثبات انهم مزوجينها عشان انها كانت تطلع مع شباب
وابي اثبات انها مريضه بعد
يزيد : قصر حسك ومن وين اجيبلك دليل يعني ذا الكلام حقيقي
بدر : وتبيني اصدقك كذا ؟ البنت طول الوقت مقابلتني
وماتسوي شي بالجوال
يزيد : اي طيب تبي دليل؟
بدر : ايه
يزيد : بشوف الموضوع وارد لك خبر
بدر: يويلك ان طلع كذب كل اللي تسويه
يزيد : اقول توكل لا تمون واحترم نفسك
بدر : يصير خير
كان ذيب عند الباب ويسمع كلشي وانصدم لكن ما يقدر يتكلم لانه اخوه
دخل ذيب عند الرجال ودخلوا وراه يزيد وبدر
قلطوا الغدا وكلوا
-
الساعه 4:00 العصر الرجال كلهم ماشين وما بقى الا بدر مع العيال
بدر: يلا انا استاذن
يزيد :على وين ؟
بدر : بروح طولت والله
يزيد : عادي يولد استرح
بدر مارد عليه ،جلس يدق على اشواق ماترد عليه ويرسل لها ماترد
بدر : احمد
احمد : هلا
بدر :ابي اختك نادها
ريان مسك رعد
رعد : يولد اهجد
ريان : طيب ما قدر
رعد : انطم مو قلنا خلاص بتنساها
ريان: طيب
راح احمد ، دخل قسم الحريم
احمد : يولدددد
الجده حصه: مافيه احد ادخل
دخل احمد : اشواق وين؟
اشواق : هلا
احمد : زوجتس يبيتس
اشواق : قوله مشغوله
احمد :وين الشغل قاعده تسولفين
اشواق : ما فهمت شيبي؟
احمد : مدري قال بمشي
اشواق : طيب
احمد : تراه بالحوش
اشواق : طيب
طلعت اشواق للحوش سحبها بدر من ذراعها
اشواق وجع نزل يدك
بدر: ليه ماتردين؟
اشواق وخرته عنها : كيفي ما برد
بدر :وشو كيفك انا زوجك
اشواق :منت زوجي فيه زوج يسوي سواتك
بدر : ترا انا اللي متحملك ولا واحد ياخذ وحده قليلة ادب
جاه كف من اشواق سوا هدوء لثواني
دفها بدر ع الجدار
اشواق: لا تمد يدك لا قسم بالله اجمع عليك اهلي
بدر: منو انتي تمدين يدك علي
اشواق : والله يبدر أنك لتندم ع حركتك وكلامك وروحه ماني رايحه
معاك اذلف
بدر مسكها بقوه وكان يرجف من العصبيه
اشواق : وخرر عني
بدر : بتعترفين اذا وخرت
اشواق : بوش اعترف
بدر باللي سويتيه عشان اهلك زوجوك
اشواق: انت مريض؟ شقاعد تخربط
بدر : قولي الصدق ي اشواق
اشواق ماسويت شي ووخر يلا
بدر :يعني مسويه؟
اشواق : انت مريض والله روح تعالج
بدر : ليه تتهربين؟
اشواق : يهوه ماتهرب بس انت زودتها بكلامك لو يدري ابوي يقلب
عليك الدنيا
جت بتمشي وسحبها من شعرها وطاحت على ضهرها على حافة العتبه
بدر توتر خاف تصيح ويطلعون له العيال
بدر: اشواق فيك شي؟
اشواق اول مره احد يمد يده عليها وكانت شوي وتنفجر ومعصبه
ماحس بدر الا واحد سحبه من وراه وقاعد يصارخ بوجهه
طلعوا كل العيال له وقامت اشواق
ريان ماسك بدر من رقبته
بدر :مالك دخل باللي بيني وبينها
ریان: انت ماخذها زوجه مو عشان تضرب فيها
بدر : نزل يدك ومالك دخل
رعد سحب ريان
رعد: اشواق شسالفه
اشواق وهي تناظر لبدر: رعد السالفه انه بدر
رعد : بدر شنو شفيه
بدر : ولاشي محد له دخل
رعد: تكلمي
اشواق لا خلاص ولا شي بدر يلا مشينا
احمد مسك اشواق
اشواق : هلا
احمد : انا معاك تكلمي
اشواق : شفيك مافيه شي
احمد : اوكيه انتبهي لنفسك
هزت راسها بمعنى اوك
وطلعت مع بدر ركبت السياره واتجهوا للبيت والصمت سيد المكان
قاطع الصمت بدر : ليه ماتكلمتي
اشواق : مالك دخل
بدر :طيب اعتذر تعورتي؟
اشواق : ممكن تسكت ؟
بدر :خلاص عاد ترا زودتيها
اشواق لفت عليه : والله ان ماسكت بموتك هنا واللي ناقل لك الكلام
كذاب ولاعب بعقلك ونسى يقولك اني مو صاحيه وان مديت يدك علي
والله اني اكسرها
بدر: هيه احترمي نفسك
اشواق : سوق وانت ساكت
-
عند يزيد بغرفته
يزيد: اقولك يبي ادله
طارق : ما عليك يولد بضبطك بس ابي صور لها
يزيد : وكيف اجيب صور لها
طارق : خذ جوال وحده من البنات وقول بكلم وخذ صور من الجوال
يزيد : مع انها صعبه المهمه بس ابشر
طارق : استعجل
يزيد : ابشر
قام يزيد فتح باب غرفته شاف ديم تمشي بالممر
يزيد : ديم
ديم : هلا
يزيد : ما عليتس امر ابي جوالتس جوالي تحت بغرفة جدي وجدي نايم
ديم : وش تبي به
يزيد : بكلم واحد من ربعي نطلع لاني ملان
ديم : هاك انتظرك هنا
اخذه ودخل داخل
سكر باب غرفته ونقل صور اشواق بجواله
مرت 10 دقايق
طقت ديم الباب
يزيد : يلا يلا
فك الباب : هاك الجوال شكرا
ديم : العفو
سكر باب غرفته وراح يكلم طارق
:::::::::::::::::::::
ادعموني بنجمه ولايك يحبايبي ❤️❤️