نقطة لقـاء

part 22

اشواق تقدمت لعمتها وقالت : يزهاتس يعمه جبته لتس عشان عرس فهد ابتسمت العمه نوره وقامت وحضنت اشواق وضحكوا البنات وشاركوهم الحضن اشواق : خيررر عمتي ينشبه انتي وياها

هديل : امي !!

اشواق : وخري لا اهفتس

قامت العمه نوره تقيسه وتقدمت اشواق لعمتها رهف وعطتها واحد لونه بيج برضوا اكمامه مفتوحه ومليان خرز حضنتها عمتها رهف وباست راسها ضحكت اشواق وقالت : ملبوس العافية

يعمه

وراحت لجدتها وحضنتها وقالت جبت لتس جلابيه تعجبتس قدمتها لها بكيس وفتحتها الجده حصه وكانت كحليه مزينه بذهبي باست راس جدتها وقالت : الله لا يحرمني منكم الكل بصوت واحد : امين

طلعت اشواق كيسين وعطت ام ريان لونه بنفسجي غامق وقالت مطقمه باللون مع رزان اكمامه طويله وفيه خرز

وقدمت لام رعد وكانت كحليه مزينه بالخرز باللون الفضي

وانتهوا من تجهيزات عرس فهد وينتظرونه بفارق الصبر

...

اليوم الثاني بليل عشاء ابو هذال للجد مطلق وعياله واحفاده

عند عساف بغرفته يلبس بينزل للعيال تحت

فز على صوت معلن اتصال جواله ناظر وكان رقم غريب

اخذه ورد ووصله صوت مألوف له وهو يقول : السلام عليكم رد عساف بكل هدوء

: وعليكم السلام منو معاي ؟

ابتسم وقال : افا ما عرفتني انا ابوك يقليل المروه

عساف بكل برود قال : هلا يبه امر وش بغيت

ساهر ابتسم وقال : عرس فهد بعد يومين قلتوا لي ؟

عساف تنهد وقال : يبه شبتسوي شتبي مننا جاينا بعد كل ذي السنين

ساهر قال بحده : الله ياخذكم من عيال بنت عمكم عنست ولا احد جاها يخطبها

عساف : وحنا شكو بها الحين جاينا بعد كل ذي السنين وتبيها لفهد ساهر : ي انتي فهد واذا ماتبي انت بجي بكره واعفس عرس فهد على

روسكم

تنهد عساف بضيق وقال : خلاص اترك فهد يتهنى بزواجه وانا اتزوجها

ابتسم ساهر وقال : اي هذا ولدي

عساف : شرطي الوحيد ما تحضر عرس فهد ابدا ! ابتسم ساهر وقال : ابشر بس بعد عرس اخوك نتمم

عساف بضيق واضح جدا : على خير سكر عساف وانصدم من سمع بكى شخص وراه لف وشافها وياليته ماشافها كانت تبكي ودموعها على وجنتيها تقدم بيشرح لها الوضع لكن طلعت واختفت من قدامه طاح عساف يبكي بحرقه انه حرق قلبه وقلبها عشان اخوه واختها
-
عند بطلتنا
كانت تمشي بالممر لكن عاكستها ليان وهي تبكي وتركض لغرفتها جت بتوقفها لكن ما قدرت مشت لغرفتها وسمعت صوت بكى من غرفة اخوها عساف ركضت له ودخلت وقفلت وانصدمت من بكيه اللي من ولدت على ذي الدنيا ولا شافت
دمعه منه تقدمت له وقالت بهدوء عكس التساؤلات اللي داخلها : عساف ناظر لها بهدوء وحضنها وهي واقفه حاوطته بكل هدوء وسألته : شفيك ؟ والله احرق كل من قرب منك قولي يعيوني عساف بكى بكثره وقال بصوته الثقيل الباكي : هدمت حياتي وحياتها عشان اخوي واختها
اشواق ابتسمت وقالت : هد وعلمني السالفه وانا بروح لها يروحي لا تبكي على
طول
عساف : بنت عمي ي اشواق اشواق بحده : ماعليك بكلم ليان ومالك غيرها يروحي بس نخلص من العرس بكلم جدي تبشر يعيوني بس هد ولا تحسب انك لحالك قم نلبس عشان نروح لعشاء ابو هذال وانا اكلم لك ليان ولا تزعل مسحت دموعه وباست خده
وابتسمت له وقالت : يلا قوم
طلعت هي وتركته يتروش ويلبس واتجهت لغرفة ليان ...
...
ببيت ابو هذال
امتنان وهي تبخر : اخلصي ي ابتهال جايين ابتهال : ترا بدري اصبري بعدين ما باقي الا القهوه وبس حتى الحلا وصل ام هذال : روحي انتي وياها البسوا فساتين ناعمه وتمكيجوا بسرعه ركضوا امتنان وابتهال تكشخت ام هذال بدراعه لونها بيج وعليها خرز شوي وحطت لها روج ومسكره
دخل هذال وشاف امه : الله الله وش ذا الزين يميمتي
ضحكت ام هذال وقالت : بس خلاص
دخلوا ليث وابو هذال ونطق ليث وهو يقول : جميلهه مامتي وش ذي الحركات
ضحكت ام هذال عليهم وقالت بخجل : بس انت وياه
هذال حط يده على ذراع ابوه وغمز له وقال : ماخذ لك قمر يابه
قرصته ام هذال وقالت : اعقل يولد
ضحك هذال ونطق ابوه وهو يقول : ماشاء الله صدقت امي الله يرحمها يوم قالت
قمر
راحت ام هذال بدون ما ترد عليهم وهم يضحكون
...
نرجع لليان واشواق
ليان ببكي : عرفتي ؟
اشواق : والله ادري يعيوني بس انتي كوني معاه مو ضده عشان ما يضعف وانا بواجهه جدي وبقوله كلشي وجدي مستحييييل يخلي عساف يتزوجها وهو يحب
عساف ويبي له الخير وانتي اقرب لعساف منها فهمتيني ؟
ليان وهي تمسح دموعها : يعني مالهم دخل بيان وفهد !
اشواق : ايه
ليان : ما يتضررون؟
اشواق : لا ابدا بس اسندي عساف لا تجين ضده
ابتسمت ليان وحضنتها وقالت : يحظنا فيتس
اشواق ضحكت وقالت : ادري محظوظين يلا قومي بسرعه تاخرنا ليان طلعت لها لبس موف وبدت تلبس وتتمكيج طلعت اشواق لعساف
عساف : شصار
حطت يدها على كتفه وقالت : تم الموضوع وبتسندك لا تضعف وانا وراك وليانك
لا تكسرها يعساف
عساف : الله يكسرني ان كسرتها
اشواق : بسم الله عليكم بس يعني ترا ما تجهزنا انا وهي روح لهم وقولهم
يمشون وانا وهي نجي معاك
عساف : اوههه اشواق والله انتس كفوو
اشواق ضحكت وقالت : اضبطك يلا روح قولهم
نزل عساف وقال لجده وتفهم جده ومشوا الكل مخلين عساف واشواق وليان فقط بالبيت
-
ببيت ابو فاتن
جالسه لحالها بغرفتها دخل ابوها ورمى الجوال
ناظرت له وقال : خذيه ولا اشوفتس مراسلته ادري ان عنده دوره ترا والله ان
شفتس مراسلته جوالتس بينكسر قدامتس
ابتسمت فاتن وقالت : ابشر تقدمت وخذت جوالها وشافت مكالمات فائته كثييييره منه لكن للاسف ما تقدر على ابوها وتتمنى تسمع صوته لكن الدوره
ما تركته لها وكانت مدتها طويله الشهرين بالنسبه لها رفعت جوالها تتصل على صديقتها ترف وتتطمن على حب حياته "عزام" لكن وصلها * ان الجوال المطلوب
مغلق *
تنهدت بحزن وقامت تاخذ لها شور تعطي نفسها طاقه ايجابيه
...
ببيت ابو هذال
وصلوا الجد مطلق واحفاده
ابو هذال ارتفع صوته هو وعياله وهم يقولون : حياهم الله ، تو مانور البيت... رد الجد مطلق وقال : ابقاهم الله منو باهله هذال ابتسم ورد عليه وهو يقول : من الباب الثاني وفعلا راحوا الحريم واستقبلتهم ام هذال وبناتها سحاب وابتهال وامتنان
ابتسم رعد وقال : حريمنا
-
ببيت الجد مطلق ~