جاء اليوم الثاني وهو تخرج حفيادات الجد مطلق من الجامعة كان الكل يجهز لهم وناوي الجد مطلق يسوي عشاء كبيرر جدا للبنات والقبيله كلها تحضر
-
ببيت الجد مطلق الساعه 8 تحديدا في غرفة هديل وديم
اشواق : اصبري باقي لي شوي
هديل : يمه يبنات ببكي
روان واشواق : ليه شفيتس
هديل : انتظر اليوم ذا من زمانين
اشواق : جاء الحمد لله
روان : اي والله الحماس مليونن
اشواق : الحين تجيتس سعادوه
روان : اي صح معنا ذي
اشواق : يبنات وربي فيه سالفه غابنتني بس ساكته عشان اذا جلسنا وهي معنا اكب العفش
هديل وهي تحط مسكره: يبوي ذي اذا شفتها ودي ادقها ووجهها يغث
اشواق ضحكت: تخيلت شكلتس
سحاب دخلت: هاه خلصتوا ؟
اشواق : الله تروحين ؟
سحاب : اي حبيبتي دامه حفلكم بجي
اشواق : شفتي سعاد جت؟
سحاب : شكلها ببيتس
روان تعجبيني: ما قلتي ببيتها
سحاب : تخسي يصير بيتها
هديل: سؤال ذي ليه احسها ماتبي تجي هنا
اشواق بضحكه: اي حبيبتي ما تبي تقابلني
روان: ليهه؟؟
اشواق : عشان سالفه بعدين اقولكم
ديم دخلت : ممكن تطلعون ابي غرفتي
سحاب : خليهمم اليوم الخريجات محد يكلمهم
دخلت رزان ما نكلم منو ؟؟؟
سحاب : الخريجات
بيان دخلت بسرعه وسكرت الباب
اشواق : شفيتس؟
هديل : يمه انجنيتي
بيان وهي تلقط النفس : بنات
روان :هلا شفيتس تكلمي
سحاب جابت مويه : امسكي واخلصي قولي شفيتس
دخلت ليان وسكرت الباب: :المهبوله
بیان :انخطبت
فزت روان
اشواق : هيههه خربتيهه
روان :پوهه نسيت المهم منو ؟
اشواق : منو
بيان بكت : مابي
قاموا لها البنات : شفيتس ؟ ، تكلمي ، يروحي لا تبكين ، قولي منو
بیان: واحد جاء من قرايبنا وابوي وافق
سحاب : رعد يدري؟
بيان: مايدري
اشواق : طيب فهد ؟
هديل: اخوي شكو
اشواق سكرت فمها
ديم : شفيه؟؟
اشواق : مافيه شي
لیان: بروح اجيب لتس رعد وسلطان وفيصل
بیان اخاف اتكلم
هديل: شسالفه
اشواق : فهد يحب بيان ارتحتي ؟
هديل: وانا اقول فهيد متغير
ديم دقت على فهد
فهد: هلا
ديم : وين انت
فهد: مع العيال شبغيتي
ديم : ابيك بموضوع ضروري جدا جدا
فهد :شتبين يام جدا جدا
دیم قصرت صوتها : عن بيان
فهد قام على طول : جايتس
دیم : ادري دامه عن بيان
سكر منها واتجهه للبيت
-
ببيت ابو عزام
جت لعزام دوره مدتها ثلاث ايام وراح
ترف وهي تكلم بفاتن يبنتي ثلاث ايام ويجي وان شاء الله نتكلم بالتجهيزات وكذا
فاتن : ان شاء الله احس للحين مو مصدقه ابوي موافق
ترف: الله يوفقكم
فاتن : شوي واكلمتس ابوي يبيني
ترف سكرت المكالمه
فاتن : هلا يبه
ابو فاتن :ابيتس بموضوع
فاتن: تفضل
ابو فاتن : انا اشوف ماله داعي تاخذين واحد برا قبيلتس ومجتمعتس وعاداتس وتقاليدتس
فاتن يبه خلاص انا كلمتك اكثر من مره وانت عطيت ابوهم كلمه خلاص ابو فاتن بحده : ما تاخذين واحد برا القبيله فاتن يبه هد وصل على النبي نتكلم طيب انت عطيت ابوه كلمه ابو فاتن : ما عطيته كلمه فاتن دمعت عيونها وطلع ابو فاتن وهو مو ناوي يعطيها لعزام فاتن رفعت الجوال ودقت على ترف
ترف: هلا
فاتن ببكي : الحقي ابوي رافض يقول ما بتتزوجينه
ترف : خلاص شفيتس هدي
فاتن مسحت دموعها : طيب يلا وش نسوي
ترف :انا ما بقوله انتي قولي
فاتن؛ وليش ان شاء الله
ترف: بيكفر فيني حبيبتي
فاتن : هم يكفر فيني لو قلت له
ترف :مشكله العصبيه والله
فاتن : طيب وش السوات
ترف: ننتظره لين يجي
فاتن: لا حبيبتي تبين عمي يعبي راس ابوي زياده
ترف: طيب شسوي ما معه جوال
فاتن : ضحكتيني اكيد مهرب
ترف: شدراني انا
فاتن : بسكر الحين واذا كلمتس دقي علي
ترف : طيب مع السلامه
سكرت المكالمه وانسدحت تفكر
وصل فهد عندهم
ديم : بكلمك بموضوع
فهد: اخلصي وش هو
دیم نزلت راسها : بيان ...
فهد: شفيها بيان اخلصي ؟
رفعت راسها ديم : انخطبت
فهد: نعمممم؟؟؟؟
ديم : اهدا انت الحين
فهد دخل على طول واتجهه لغرفتها على طول وكان بحالة جنون فتح غرفتها وما حصلها وطلع يدور
طلعت سحاب من الغرفه
وبقى يصدم فيها
سحاب : بسم الله
فهد لف على طول : وين بيان؟
سحاب : داخل
جاء بيدخل
سحاب : وين وين البنات داخل
فهد بعصبيه: ابيها بسرعهه
سحاب : وين تبيها ماهي محرم لك
فهد : خلها تجي بس بكلمها
سحاب : طيب
دخلت : بيان تعالي ورا الباب
جت بیان ورا الباب وراحت سحاب عند البنات
فهد: بیان
بيان بصوت باكي : هلا
فهد: منهو اللي جاي
بیان : واحد من قرايبنا
فهد : تبكين؟
بیان : فهد تكفى قولهم
فهد : خلاص طيب مسحي دموعتس وانا بكلم رعد
بيان: تكفى مو ياخذني منك تكفى يالفهد
فهد : والله العن ابوهه اللي ياخذتس ما عاش والله انتس لي ولا تحلين لغيري
بیان : هذا العشم فيك
جاء رعد وسلطان وفيصل
رعد: وش تسوي هنا ؟
فهد : بكلمكم بموضوع
رعد بنشوف بيان شعندها ونجيك
دخلوا على بيان
بیان بكت على طول
رعد: افاا منو عليتس شفيهه
اجتمعوا حولها
بيان : جاء واحد يخطبني
رعد حضنها : طيب وشو يبكي ؟
بیان : ما بيهه انا مابيه
فيصل: طيب خلاص ماتبينه
بيان : ابوي وافق
سلطان : مستحيل ابوي يوافق بدون لا يقول لنا
بيان ببكي : جاء وقال انه جاء واحد ووافقت عليهه
رعد : طيب خلاص امسحي دموعتس وش يبكي
بيان : قولوا لابوي مابيه انا مابيه
سلطان : طيب خلاص مسح دموعها
فيصل : ام دميعه وفري دموعتس بنكلمه
رعد: اهجد انت وياه مو على بيان
سلطان وفيصل: ابشر
دخلت ليان ومعها ابوها
ابو رعد: شفيكم مجتمعين
وخر سلطان عشان تبين بيان
ابو رعد: افا شفيتس تبكين يبنتي
بيان حضنته : يبه مابي اتزوج مابيه
ابو رعد: منهو ؟؟
بیان : مابيه ما بيهه يايبه مابي اتزوج
استوعب ابو رعد وضحك تحت صدمة الكل
رعد: يبه شفيك
ابو رعد: محد جاني بس قلتها كذا وصدقت بيان
بيان ضحكت وسط دموعها : صدق يبه ؟
سلطان : شف ذي المتناقضه
ليان وبيان حضنوا ابوهم
ابو رعد: يعني بالله بزوجتس واخوانتس ما يدرون ؟
فيصل : مدري عنها
رعد: يعيال يلا يبينا فهد
سلطان : اي صح
ابو رعد: وش يبي منكم
رعد: والله مدري بس بشوفه
ابو رعد: من يودي البنات للحفل ؟
رعد: انا وريان
ابو رعد: بسياره وحده؟
رعد: لا كل واحد بسياره هو معه الخريجات وانا جدي وامي وام ريان وعمي وعمتي نوره
ابو رعد: وانا جاي
رعد : ابشر ترا اذا خلصنا من فهد نمشي
ابو رعد: مو مشكلة
رعد : لينه روحي للبنات قولي ريان ينتظركم تحت
ليان : ابشر
طلعوا رعد وفيصل وسلطان واتجهوا لفهد
رعد: هلا شفيك
فهد : اجلسوا
جلسوا
رعد: هاه يلا تكلم
فهد : تدرون باللي جاي يخطب ؟
رعد: اللي جاء يخطب بيان؟
فهد: ايه
سلطان ايه ندري
فيصل غمز لرعد وسلطان
فهد : انتم موافقين؟
رعد: اي ماشاء الله رجال والنعم فيه
فهد: لا توافقون
فيصل : ليه؟؟
فهد: انا ابيها وانا اقرب لها منه
رعد: كيف اقرب لها منه ؟؟
فهد : رعد انا ولد عمتها وانا ابيها من زمان بس قلت اصبر على ما يخلص ريان من عرسه
رعد: خلاص تعال كلم ابوي
فهد: مو تقولون وافقتوا
ضحك رعد: لا اصلا مافيه احد جاء بس ابوي يمزح مع بيان وصدقت
فهد : اللي تقوله صدق؟
رعد: اي
فهد: اجل بقوم اكلم خالي
فيصل : اقول اهجد اذا رجعوا البنات من الحفل كلمه
فهد : ان شاء الله
دخل عساف : ماشاء الله مجتمعين شعندكم على اخوي؟
سلطان : ابد نبي نضربه
عساف : تعقب انت وياه
رعد: اعقب
-
بنفس الوقت عند البنات
دخلت ليان : يبنات جاهزات؟
اشواق : شصار مع فهد وبيان ؟
ليان : كذب محد جاي ابوي يمزح مع بيان وصدقت
-
ضحكوا البنات
بيان : اسكتوا
هديل : جاهزين يلا
روان : انا واشواق وهديل وسعاد مع ريان ترا
اشواق : يلا اجل مشينا
واتجهوا البنات للحفل
-
الساعه 9 بالحفل تحديدا
بدا الحفل واتجهوا الخريجين والخريجات لاماكنهم ورحب عميد الجامعه بالحضور من اباء وامهات وكان اسعد يوم لكن شخص حاضر بدوا يقولون التخصصات ومراتب الشرف وكانوا بنات الجد مطلق متفوقين جدا جدا جدا
تخصص قانون من مرتبة الشرف الاولى : روان بنت ثامر ال مطلق
تخصص علوم الحاسب مرتبة الشرف الثانيه : هديل بنت جمال
تخصص طب مرتبة الشرف الأولى : اشواق بنت ناصر ال مطلق
طبعا صفق الجد مطلق واللي معاه بحرارة وكانوا فرحانين بانجاز البنات تقدمت اشواق تلقي كلمة : امسي عليكم بالخير جميعا شكرا لحضوركم وشكرا
لكل من حضر الحفل الختامي حبيت اقدم كلمة لابوي بمناسبة تخرجي ادعوا له بالرحمه
الكل صفق لها
اشواق : لقد فعلتها ي ابي فلتنم قرير العين فلتتفاخر بابنتك عند اهل السماء فقد رفعت اسمك عند اهل الارض ياقرة عين ابنتك ابنتك خريجه اليوم وبمرتبة الشرف الأولى التي لطالما حلمت ان اكون بها وكان قد شرفها حمل اسمك هذه
خطوة في مشوار الالف ميل شكرا لكم
رجعت و را
وتقدمت روان : شكرا لحضوركم جميعا واتمنى ان الله يوفق الجميع ويسعده
رجعت روان
والكل يصفق لهم انزلوا وراحوا يسلمون على اهلهم
ريان تقدم لاشواق : مبروك ماشاء الله
اشواق : يبارك فيك
سلمت على جدها وباست راسها حضنها عمها ابو رعد وام رعد سلمت عليها
وباركوا لهم
اشواق : يبارك فيكم
روان : الله يبارك فيكم
الجد مطلق: يلا يبناتي مشينا
وكل واحد اتجهه لسيارته وكانت سعاد غيرانهه لانها خريجه محد عبرها
ریان: اشواق تعالي قدام
اشواق : ليه ان شاء الله
ريان: تعالي وخر الاغراض وركبت اشواق قدام والباقي ورا
بدا ريان يشغل لهم اغاني
ریان :وش خاطركم به؟
روان: مشتهیه قهوه
ريان :تبشر الخريجه وانتي يا هديل ؟
هديل : مع روان
ریان: اشواق وش تبين انتي امري ؟
اشواق : مابي شي
ریان :لازم
اشواق : مع روان وهديل
ريان : ابشروا
سكت لثواني
اشواق تعمدت تحسس سعاد انه ناسيها وقالت بصوت عالي ريان ترا سعاد ما سالتها
ريان : اي صح سعاد وش بغيتي؟
سعاد : ولا شي
وقف ريان عند الكوفي وطلب لهم قهوه
ریان نزل وراح ورا وجاب كياس متشابهات
وركب
ريان : امسكيهم
مسكتهم اشواق
جاب القهوه ريان اخذ طلب روان وحط معاه كيس : هاتس رواني مبروك تخرجتس يعيون اخوتس
روان ببكي : شكرا ريانن ما تقصر
ريان : بدينا خلاص لا تبكين بعدين بعدين
روان : الله يخليك لنا
ریان : امين مسك قهوة هديل وكيس ومده لها مبروك تخرجتس وعقبال الوظيفه
هديل ابتسمت : شكرا ما قصرت
ريان : ولو
مسك قهوة سعاد واخذ كيس وعطاها مبروك التخرج عقبال الوظيفه
سعاد بدون نفس: شكرا
ريان :العفو
مسك قهوة اشواق وكيسين وقدمهم لها مبروك تخرجتس يروحي عقبال الوظيفه
باس راسها
اشواق ابتسمت : ما تقصر يعطيك العافية
ريان :ولو تستاهلين كل خير
اشواق : تستاهل الطيب
وصلوا البيت بعد مده والكل فاجئهم وسوا حفله بسيطه بينهم وقدموا هداياهم
-
الساعه 2 الليل
كانوا جالسين روان وهديل واشواق وسحاب بغرفة اشواق يسولفون
اشواق : احسها انقهرت ودها تموتني
هديل : اي شفتها
سحاب : الله يبعدها عنتس
اشواق : امین
روان: يبنات ماني مستوعبه اني خلصت خلاص
اشواق : يمههه مدري بكره العشاء ترا لازم ننام
هديل : اقول خلينا نسهر
اشواق :اي صح بياكلونها بيان وليان وديم ورزان وسحاب هنا مالنا دخل
سحاب : والله انتس ما تستحين بس دامكم متخرجين تم بنشيل العزيمه حنا
هديل : طبعا
سحاب : عقبال الزواج
روان : انتي شتبين كل الناس تقول عقبال الوظيفه الا انتي
هديل : اي والله صادقه
اشواق : انا مالي دخل متزوجه
روان : طلعي اللي بقلبتس
سحاب : واضح عندي شي صح؟
اشواق : مرههه واضح
هديل: طلعي يلا
سحاب : بس
روان: لا بس ولا شي طلعي لا يجيتس كف يخليتس تطلعين كل اللي عندتس
سحاب : اسمعوا دام مافيه احد بيننا بقولها لتس بصراحه يهديل
هديل : انا ا؟؟؟
روان: الحمد لله يربي مو انا
سحاب : ايه انتي
هديل : وانا وش دخلني
سحاب : الصراحه اخوي هذال شافتس بالعرس بلغلط والله والنظره الاولى له وقال انه معجب فيتس ويبيتس ان كنتي موافقه بيجي ويتقدم لتس وان كنتي رافضه ف استري على ما واجهتي ولا يبي احد يدري
اشواق : الله الله عندنا ناس معجبه جديده
قرصتها هديل
اشواق بالم : يعور يكلبه
هديل : هذال؟؟
سحاب : ايه هذال شفيتس
هديل : والله والنعم فيه بس
سحاب: بس ايش
هديل : خل يجي يكلم اهلي
سحاب : موافقه؟؟؟!
هديل بخجل: اي
اشواق : ماشاء الله عشنا يهديللل
روان : الله يونسسس
سحاب قامت
اشواق: وین
سحاب : ببشر هذال
اشواق : اي روحي
وفعلا راحت واستانس هذال
وانتهى يوم سعيد جدا جدا للجد مطلق وعايلته
::::::::::::::::::::::::
ادعموني بنجمه ولايك قراءة ممتعه 🤍✨
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
