نقطة لقـاء

part 6

سحبها يزيد من ورا
وصار قدامها
نزلت راسها وقربت من عنده حضنت فروة ابوها
يزيد : وين رايحه؟
اشواق : اشرت على بوابة المزرعه
يزيد: قلت مافيه روحه هناك
مسكها ورجعها للجلسه
يزيد: خلك عاقله
فقدت اعصابها وبكت بقوه وهي عندهم
اشواق : وخر عني اكرهك وخررر مابيك مابيك مابيك تصرخ وتبكي اكرهكم نفسي بس انه حرام يناس والله ماسويت والله العظيم ماقد طلعت مع شخص مو محرم لي والله كل اللي صار ناس يتبلون علي انا بنت صغيره عانيت في حياتي فصلت من الجامعه وانغدرت باليوم اللي توفوا فيه اهلي وانخطفت باليوم
كلكم ماحب ولا واحد فيكم ولا بسامح اي احد منكم حرام عليكم ادميه والله ادميه كل واحد يمر يقط كلمه سند مافيه ولا تثق في احد يزيد ما خذني يعذبني
والله رفعت كم يدها هذي كلها منه ضهري فيه اثار كلها منه وجهي تغير كله منه انا اكرههه اكرهه عجزت اتقبل عجزت والله كليوم اروح واقول خلاص بذبح
اللي بعده وتعذبت ورجعت لكم ورجعت اسوا الايام
كان الكل ساكت ما تكلم
تركتهم ومشت لخيمة اهلها ولحقها يزيد
يزيد : اشواق
اشواق: هلا
يزيد: ان شفتك مره ثانيه تصرخين يويلك
اشواق : توكل
يزيد جاء بيمد يده وانصدم من مسكة يدها
يزيد : اي الكلبه
اشواق : والله ان مديتها اذبحك ترا يزيد يكفي اني متحملتك خلاص وخر عني اعتقني من اشوفك اكرهه المكان اللي انت فيه وخر ياخي ما عاد ابيك وافقت لاني فقدت الامل فيهم وجيت لك خلاص لا تخيب أملي فيك زياده اطلع برا ونام
عند العيال
نزل يده يزيد: من ينام معاك ؟
اشواق : لحالي
يزيد: ما تخافين؟
اشواق شسوي يعني لازم اعيش كذا لانه ذا الواقع
يزيد حن شوي : خلاص بجيب فراشي وانام هناك اشر على الزاويه
اشواق : كذا تمام
ابتسم يزيد لانها مستحيل تجرح احد وترضى بسرعه رغم اللي جاها
راح يزيد وجاب فراشه عندها
يزيد هاك حطيه بالزاويه
شالته اشواق وراحت لزاويه وقعدت تفرشه وتنفضه
مسكها يزيد من ورا
ما نخرشت زي كل مره لانها تعودت على مسكته ذي
اشواق: شفيك
یزید: اسف
ابتسمت اشواق: ع وشو ؟
یزید :مسويه غبيه ما تعرفين
اشواق : مسامحتك بس لا تعيدها
يزيد: ابشري ماجاء وقت النوم تبينا نطلع معاهم؟
اشواق : انا بنام انت كيفك
يزيد: شفيك زعلانه منهم
اشواق : مسوي ما تعرف والصور اللي،سكر فمها وهي تتكلم
سكتت وناظرت له
يزيد : انسي موضوع الصور
اشواق : ليه؟
لفها عليه صار قدامها وباب الخيمه وراهم
يزيد : لان انا ...
ماحست الا بصوت طلق نار ويزيد مرتخي وبيطيح عليها
اشواق : يزيددد
مسكته وسدحته لكن مانتبهت للي وراه
اشواق : يزيد تكفى شفيه
وكانت تسمع اصواتهم جايين
لكن ماحست الا بشي من وراها سكر فمها وتخدرت ونامت
دخلوا كلهم الخيمه
العمه رهف : يويلي ولدي وراحت عنده وجلست جهزوا السياره
راح ليزيد الجد مطلق شفيك منو اللي طلق عليك العمه رهف ماغيرها سوت عمايلها وهجت
الجد مطلق: منو تكلم ي يزيد
يزيد بصعوبه : انا يجدي
الجد مطلق: تكلم
يزيد بصعوبه : يجدي كل اللي صار اشواق مالها ذنب فيه
الجد مطلق: كيف؟؟
يزيد :الصور كلها فوتشوب وهي مالها ذنب باللي صار سامحوني
الجد مطلق: لعنة الله عليك وينها هي طيب
يزيد: جدي اشواق كانت هنا بس فيه احد اخذها ويمكن اللي اطلق النار ماشفته واشواق معاه جدي خاف اموت قول لها اني اسف وابيها تسامحني يجدي
والكل كان يسمع اللي صار
ریان: اههخ ودي اذبحه بس حالته صعبه
رعد : اقول اهجد امش نلحق اكيد انها قريبه من هنا
ريان :يلا
وراحوا يدورونها
لكن للاسف ماكان فيه اي اثر لها وودوا يزيد للمستشفى
-
بالجهه الثانيه
المتلثم :1: تمت المهمه متى بتصحى
المتلثم 2: شوي ان شاء الله
المتلثم 1 : وين بتوديها ؟
المتلثم 2: اكيد حبيبي بنزلك على الشارع ودق على اخوياك يجون ياخذونك
المتلثم 1 وانت ؟ وش ناوي عليه
المتلثم 2 بمسك خط لاي مدينه
المتلثم 1 : انتبه تنكشف ناوي تحجز فندق وكذا
المتلثم 2: لا بروح للبر
المتلثم 1 :ايه وقف هنا يلا بنزل ووقف له، رحلة ممتعه مع حبيبة القلب
ابتسم المتلثم 2: يلا مع السلامه
ومسك خط لمكان معين بالبر
-
بالمستشفى
طلع الدكتور من الغرفه
الجد مطلق: هاه وشصار
الدكتور : حالته كويسه بس لازم يرتاح شوي
الجد مطلق: الله يبشرك بالخير العمه رهف :يبه ابي اشوفه
الدكتور : ننقله لغرفه عاديه وتشوفوه الحين خل يرتاح
العمه رهف : يارب لك الحمد
الجد مطلق: بلغتوا الشرطه ؟
رعد: لا يجدي انت قلت اذا قلت لكم
الجد مطلق: بلغ يولدي ارسل بلاغ لهم
-
عند عائلة ابو بدر
ابو بدر: وين راح
ام بدر قالي عنده شغل برا وبيكلمنا
ابو بدر : وليهه ما يقولي لي ماني ابوهه
ام بدر :شفيك عادي عشان الشغل
فجر: يمهه
ام بدر :هاه شفيك مستعجله
فجر : يمه تو كنت اكلم ديم بنت نوره
ام بدر: طيب؟
فجر : تقول اشواق انخطفت من بينهم
ام بدر : والله ذي البنت مشكوك فيها
ابو بدر : اعقلي يمرههه لا تقولين كلام مو مثمنته
ام بدر : وانت شفيك لا يكون حنيت
ابو بدر : سكري الموضوع
-
ببيت الجد مطلق
فهد: ايه وشصار
بيان :دق رعد يقول انه حالته كويسه
فهد: ايه زين
بيان :بس صدق غثني تزوجها ويعرف انها ماعندها هالسوالف وما علمنا بالسالفه
فهد: ماعاش من يغثتس
ابتسمت بيان
فهد: يلا بروح انا لهم انتبهي لنفستس
بيان : وانت بعد
-
عند بطلتنا
حست وصحت لكن كانت دايخهه مرههه
اشواق: من انت؟
التفت لها : صحيتي؟
اشواق استوعبت اللي صار : يزيدد وينه؟؟؟
ابتسم : يمكن مات
اشواق : وانت مين؟
ناظر لها وهو متلثم : غريبه ما عرفتيني
اشواق : مدت يدها للثمه
مسك يدها
اشواق :بدر؟
بدر :عيوني
اشواق : ليه سويت كذا
بدر: عرفت الحقيقه
اشواق: اي حقيقه؟
بدر : حقيقة الصور
اشواق : طيب وين رايح؟
بدر :باخذك لمكان وبفهمك اللي صاير
اشواق : ماثق فيك
بدر : ما عليك وعد مني لك ما يقرب منك
اشواق : طيب واذا قلت برجع لهم
بدر : لا ذا احلمي به
اشواق: ليهه
بدر :انا احبك وهلي جيت اخطبك بس يزيد هو خرب كلشي وقال انك تطلعين مع عيال وسوالف كثير
اشواق : ليه سوا كذا ؟
بدر : مدري وقلت اني ماثق ابي دليل وهو جاب لي ذي الصور
اشواق : يعني كان يدري واخذني وهو يدري بالسالفه
بدر : ايه وجيت اخذك نعيش حياه ثانيه
اشواق: معاك؟
بدر: ايه
اشواق : بس انا ابيهم
بدر: خلاص احلمي انا خلاص بتزوجك
اشواق : بس انا على ذمة يزيد
بدر :نشوف لنا حل
اشواق هدت وحست براحه وقالت : متعود تمشي بطريق مظلم؟
بدر: ايه عادي
اشواق ابتسمت : وقطاع الطرق؟
بدر بضحكه : بالقصص ذول
اشواق : مو حقيقيين؟
بدر: لا
سكتت اشواق
بدر نزل على البر
اشواق :وين رايح ؟؟؟؟؟
بدر: المكان
اشواق : بدر امانه ارجع
بدر :شفيك خايفه
اشواق : يبدر اكرهه الظلام واكرهه اكون لحالي
بدر: انا معاك
اشواق : تكفى ارجع طلبتك
بدر: تبين نروح للشمال؟
اشواق: لا ابي اهلي
بدر :احلمي ي اشواق
اشواق : طيب اطلع من البر
سمع لها وطلع واتجهه للشمال
-
بالمستشفى
الجد مطلق: نقدر ندخل الحين
الدكتور : ايه
دخلت العمه رهف ونوره والجد مطلق والجده حصه وذيب
يزيد :شفيكم كذا ما عليكم ما فيه شي
العمه رهف: يوجعك شي ييمه
يزيد : لا يمه مافيه شي اشواق وين؟
العمه نوره : بلغنا الشرطه
يزيد :ياليتني شفت شي
سكتوا كلهم
-
بعد ساعه وصلوا للشمال وراح بدر يحجز فندق
وكان مو منتبه وهو يسوق ويناظر لاشواق اللي سانده على الباب وغافيه ماحس بنفسه الا اصوات بواري السيارات وصدم بشي كبيييير واخر شي شافه اشواق كانت داخل السياره وهي تنقلب قدام عينه وهو طايح على الارض لانه الدريشه كانت مفتوحه
-
ببيت الجد مطلق الساعه 3 العصر
الجد مطلق : يقولك مافيه اي اثر بالمدينه كله
ابو ريان: ي يبه وين بتروح يعني
يزيد: بكلم بدر
الجد مطلق: وبدر شدخله
يزيد: نشوف
دق يزيد على بدر لكن للاسف جواله مغلق
يزيد :جواله مغلق
الجد مطلق :بكلم ابو بدر واساله عن ولده
دق الجد مطلق على ابو بدر
ابو بدر : هلا والله ارحب
الجد مطلق: هلا فيك البقى
ابو بدر :اعلومك
الجد مطلق: نحمد الله
ابو بدر: امر
الجد مطلق :الا وين ولدك بدر ندق عليه جواله مغلق
ابو بدر : والله من امس وانا ادق عليه جواله مغلق ويقول مسافر عنده شغل
الجد مطلق: متى راح طيب
ابو بدر : ليه وش صاير
الجد مطلق :متى راح
ابو بدر : والله يمكن من الساعه 7 الليل امس
الجد مطلق: اذا جاك اي خبر عنه بلغني
ابو بدر باستغراب : ابشر
سكر منه
يزيد: وش قال
الجد مطلق : يقول راح امس الساعه 7 الليل
-
بالشمال بعد ماصار الحادث نقلوهم للمستشفى وثنينهم بالعنايه
الرجال: طيب بدق على اخر رقم بجواله عاد الي يطلع بقوله يخبر اهله
ودق على الرقم وطلع ابو بدر
ابو بدر : هلا وينك يولد من امس ادق ماترد ليه وين ذلفت فشلتنا عند الناس
الرجال : الو يعم
ابو بدر :هلا من معي
الرجال : والله يعم مادري كيف اقولك بس
ابو بدر: قول
الرجال: والله يعم صاحب الجوال مسوي حادث ومعاه زوجته
ابو بدر: زوجته؟؟؟؟
الرجال باستغراب: اييه معاه بنت وكلهم حالتهم خطره بالعنايه
ابو بدر :وانتم وين
الرجال :بالشمال برسلك الموقع يعم
ابو بدر: هات رقمك وارسله
عطاه رقمه وارسل له الموقع وسكر المكالمه
ام بدر: شفيه وجهك
ابو بدر: بدر
ام بدر: شفيه بدر؟؟
ابو بدر: مسوي حادث ومعاه بنت
ام بدر :بنت؟؟؟؟؟
ابو بدر : انا ماهمني المشكله هي البنت لا يكون اشواق وهو اللي خاطفها
ام بدر :ماهمك الا اشواق وولدك ؟
ابو بدر : انا بمسك خط للشمال واشوف منو البنت
ام بدر :بجي معاك
فجر : امانه يبه حتى انا بجي ومريم معنا
ابو بدر :بسرعههه انا مستعجل
والكل قام وتجهزوا واتجهوا للشمال على طول
-
عند العيال
فيصل : بندخل نداهمه
سلطان :عشان ما يهفك
عز :يعيال انا مايسوي لي شي عمه يحترمني غصب
سلطان :من امس ماطلع حتى ساحب على الدوام
عساف : واحد اثنين ثلاثه وداهموا غرفة رعد
رعد: وجعاهههه
عساف بضحكه: توجع العدو
رعد: شعندكم
عز : من امس ما طلعت ونبي نشوف شفيك
رعد: يهمك ؟
عز: طبعا
رعد :رماه بالفاين
عز: احترمني عمك
رعد :بكره ان شاء الله
ریان :شتسوون هنا
رعد: داهموني فجاءه عبالهم مسوي مصيبه
سلطان: رعد
رعد: هاه شتبون اطلعوا ،جلسوا على سريره
رعد: احد قالكم استراحه ؟
دخلوا ذيب ومشاري : الله مجتمعين
فيصل لف عليهم : اقلطوا
سحبه رعد من ورا
فيصل : يولد نمزحح فكك
رعد: اعقل
فيصل : سم
عز : صار شي على السالفه؟
رعد: لا
عز : سمعت ابوي يقول انه مكلم ابو بدر يقوله بدر سافر امس وطلع من البيت
من الساعه 7
رعد: ما توقع بدر
ريان: ودي امسك يزيد واذبحه
فهد بضحكه : سوها بتذبحك خالتي رهف
رعد: احسه صار عاقل
ذيب : مدري متغير
فيصل : انت العاقل
رعد: ذي سبه ولا وش
فيصل : مدحه يخوي
رعد: ايه اشوا
-
بالمستشفى
وصلوا اهل ابو بدر، ارسل للرجال انه جاء
الرجال: هلا يعمي
ابو بدر :هلا وينهم؟
الرجال : الدكتور داخل
ابو بدر : اعذرني يولدي ما سلمت ولا شي
الرجال: ولو يعم
ابو بدر : انت من هنا ؟
الرجال : لا بالله من الرياض بس جيت هنا شغل لي انا واهلي
ابو بدر : عرفنا عليك
الرجال: انا هذال يعم شفت الحادث ونزلت انا واختي ساعدناهم
ابو بدر: عاشت الاسامي يولدي
ام بدر: وين اختك
البنت: هلا يخاله
ام بدر : هلا يمي شصار
البنت : والله يخاله البنت اللي معاه كانت بالسياره لكن هو طلع منها لان
الدريشه مفتوحه والبنت داخل السياره وحالة الاثنين خطره
ام بدر: يويلي لو تموت يحطون اللوم على ولدي
البنت : انا اسمي سحاب يخاله اذا تبين شي ناديني
ام بدر: يعيوني انتي مابغى شي تسلمين
سحاب : ولو يخاله
طلع الدكتور
ابو بدر: هاه شصار يدكتور
الدكتور : انت منو
ابو بدر : انا ابو الولد
الدكتور : والله حالته صعبه يعني بس البنت
ابو بدر : شفيها البنت؟
الدكتور : دخلت غيبوبه مو معروف کم مدتها
ابو بدر : عادي اشوفها ؟
الدكتور : ما نقدر
ابو بدر : بس شكلها ابي اعرفها مين
الدكتور : تعال معاي
ابو بدر قام وراح معاه
-
تعريف عائله هذال

- ابو هذال ( ناجي ) عصبي بس حنون على بناته متقاعد عمره 52

-ام هذال (منی) طيبه و الكل يحبها و صادقه عمرها 49

-هذال ولدهم الكبير عسكري ملازم اول عصبي برضو و انفعالي لكن طيب
عمره 26

- سحاب عمره 24 لطيفه و تحب الكل ربة منزل

-ليث حنون حنون بشكلل كبير يدرس جامعه اخر سنه تخصص قانون عمره
23

- ابتهال متناقضه و متکبره و شايفه نفسها و عصبيه عمرها 21

-امتنان اخر العنقود سوسه فعلا وحساسه مره و طيبه عمرها 19
-
ببيت الجد مطلق
الجد مطلق: جوالي يدق شف منهو يرعد
رعد: جدي هذا ابو بدر
الجد مطلق: هاته
فتح المكالمه وحطه سبيكر
الجد مطلق: هلا يابو بدر
ابو بدر بضيق : هلابك
الجد مطلق: شفيك عسى ماشر
ابو بدر : والله مدري وش اقولك
الجد مطلق: شصاير؟
ابو بدر: بدر سوا حادث بالشمال واحنا الحين بالشمال
الجد مطلق: وشفيه الحين
ابو بدر :حالته خطره
الجد مطلق: الله يقومه بالسلامة
ابو بدر : الله يسلمك بس
الجد مطلق: وش بس
ابو بدر: كانت معاه اشواق
::::::::::::::::::::::::
ادعموني بنجمه ولايك قراءة ممتعه 💗✨