مناهل : اي مو خلصت سوالفي انا وصرت ماجتمع فيكم من بعد اللي صار
تقصد طلاق العمه نوره
انقهرت ديم من شافت وجهه امها وقالت : ايه مو كانت سوالفتس بس عن امي والحين فضيتي ما عندتس شي انتبهي لنفستس ولعمرتس ولا تحشرين نفستس
بسوالف غيرتس
العمه نوره : خلاص ي ديم
مناهل : لا خليها اي ترد قدام الناس لانها مو متربيه
هديل : تخسين وتعقبين تتكلمين عن تربية امي
مناهل : اسكتي يبنت واحشمي نفستس
هديل : الاشكال ذي مكانها مو بمجالسنا من غير مطرود تفضلي
مناهل : انا تطرديني ؟؟
العمه نوره : مناهل اقصري الشر واجلسي
مناهل : ايه يحريم انتبهوا انه بنات نوره مو متربيات والدليل قدامكم
دخلت اشواق ووراها روان وقالت : تخسين تتكلمين عن التربيه وانتي كذا صح اني ما عرفتس بس للاسف الاشكال ذي البيت ذا ما تطبه والباب يوسعتس انتي
والي معتس
مناهل شمرت اكمامه وقالت : اذا مو متربين انا اربيكم
ضربت الارض بالعصى الجده حصه وقالت : جايه تتهاوشين وببيتي تشمرين
اكمامتس على احفادي ؟
ريوف ببرود : يمه اجلسي
مناهل : لا بارك الله فيتس ذي حالتي وانتي جالسه طبيعي ؟
اشواق : تتكلمين عن تربيتنا وبكرتس جالسه ما دافعت عنتس تفضلي برا لو
سمحتي
طلعت مناهل منقهره ووراها البنات
-
عند الرجال
دخل ساهر وسلم على الرجال وانتبه له الجد مطلق وسكت بدون رد سلام حتى
ساهر رفع يده وقال : يرجال ، مسيتم بالخير اول شي وانا اعتذر اني قطعت عنكم هالمدهه واقدم اعتذاري لعمي مطلق باللي حصل بيني وبينه واطلب منكم
السماح وبكره عشاكم عندي واعتبروه اعتذاري لعمي مطلق وعياله وقليل بحقكم
والله
الجد مطلق ما قصرت
ابتسم عساف وقال بصوت واطي : والله وكلامي نفع
سلطان : اي كلام ؟
عساف : الليل نجتمع كلنا مع جدي وعمامي واقولكم السالفه
رعد : حياكم الله على العشاء يرجال
وقاموا الرجال بعد ماردوا لكن دق جوال ساهر معلن اتصال مناهل ورد وسمعها
وهي تصارخ وتقول : الحين تطلع !!! انا يطردوني ؟؟
ساهر ناظر لهتان اللي الجلسه مو عاجبته وواضح مره من نظراته وقال : هتان
! امك برا روح لها
ما صدق خبر انه يفتك منهم وطلع لامه ووصلها للبيت مع خواته
-
عند البنات
اشواق : لا ترد احسن
هديل : عساس نبيها ترد
العمه نوره : خلاص يبنات
اشواق : عميمه تضايقتي؟ اذا مضايقتس عادي اروح العن شكلها ضحكت
روان وقالت : معهم يعمه شقلتي؟
ضحكت العمه نوره وقالت : خلاص اسكتي انتي وياها الناس تتعشى
اشواق : سمي
بيان : الشاي جاهز
رزان : اذا خلصوا صبيه وانا اوزعه
طق الباب
ناظرت ديم وقالت : يالليل ذولا ما يخلصون
ليان : انا بفتحه اجلسوا
وفعلا قامت وفتحته وطلع عساف وقالت : هلا عساف
عساف : هلا والله باللي واحشتني
ليان ابتسمت وقالت : امك هنا
عساف : انا ابيها اصلا
جت العمه نوره وقالت : هلا عساف
عساف : يمه صار شي مستحيل تتخيلينه
العمه نوره : وشهو
مشت ليان وتركتهم لحالهم
عساف : ابوي موجود هنا
العمه نوره : ايه ادري عايلته جت
عساف : ايه قال تو بس شفيهم مشوا بدري
العمه نوره : سولفت عني وردوا عليها بنات عمك وانغثت ومشت حضنها وقال :
ضايقتك؟
العمه نوره : تخسي وتعقب
عساف : لبي ام فهد يناس
ضحكت العمه نوره وقالت : ايه وش صار
عساف : ابوي موجود للحين مشى عياله وبناته وزوجته واعتذر مننا
العمه نوره : اللي تقوله صدق ؟
عساف : اي والله وجدي مارد عليه وعزمنا على عشاء بكره
العمه نوره : ايه زين بس انتبهوا لانفسكم
عساف : سمي ، باس راسها ومشى ورجعت هي للبنات
-
الساعة 1 الليل
عساف وهذي هي كل السالفه
الجد مطلق: والله لو تنطبق السماء على الارض منت ماخذها
عساف : ادري برفضك يجد وانا مابيها اصلا
ابو رعد : لا تضايق نفسك ولو صار شي تعال قول لنا على طول يولدي
عساف : ابشر يخال
ابو ريان : خلاص تاخر الوقت
الجد مطلق : ايه بكره الكل يحضر هنا ونروح مع بعض للعشاء رعد : انا اقول مو كلنا
الجد مطلق: لا كلنا وحاس انه عنده شي
ریان : خلاص بكره كلنا هنا
الجد مطلق قام وقال : تصبحون على خير ولا تطولون
ابو رعد قام وسند ابوه وقال : تمسون على خير الكل بصوت واحد وانتم من اهل الخير
...
ببيت ساهر
مناهل: والله لا اعلمه شغله اللي ما يستحي وانتم تخليتوا وبسرعه عشان تفاهه هتان : ماتخلينا بس من جينا وانتي تهاوشين بنكون معتس لو ما رحتي لخوالي
لان هناك مستحيييل اعيش
مناهل : وتبي امك تنذل ي هتان ؟
هتان : ان ضليتي هنا بصرف عليتس وان رحتي لخوالي ما عرفتس مناهل : هتانن!!! تراك تكلم امك هتان : انا قلت اللي عندي
ريوف : وانا مع هتان اذا بتضلين معانا بنكلم ابوي واذا ماتبين ماراح اروح لخوالي انا
مناهل : تكلمتي انتي ! والله ماربيتكم صح يقلع ابليستس مشوين الحريم قاموا
علي وانتي تتمكعين بالقهوه ولا قلتي شي ونوره طبعا حتى بنات اخوانها قاموا علي والله ماربيتكم صح والوم الناس تفو عليكم وعلى ابوكم
دخل ساهر وقال بصوت حاد : مناهل!!!
مناهل : شرفتي ساهر شرفت وافقوا يعطونك ولا ؟
ساهر : ما كلمتهم انا بس اعتذرت وبكره عشاء عندي لهم
مناهل : وتعزمهم يساهرر ؟؟؟؟ وهمم طردوني !؟؟
ساهر : اكيد غلطتي معهم
مناهل : لا والله ؟
ساهر : مستحيل يحطون عليتس الغلط وانتي ضيفتهم الا اذا كنتي مسويه
شي
دارین : اي والله يمه غلط اللي انتي قلتيه عنهم
مناهل : انتي اسكتي يبزر مالتس بسوالف الكبار
ساهر : تكلمي يدارين وش سوت امتس
مناهل : والله ان تكلمتي يويلتس
ساهر : تكلمي يبنتي
مناهل : والله اضربتس واخليتس بالغرفه واسحب كلشي
ساهر : تكلمي وعليتس الامان يبنتي والله ما تقرب
دارين : تكلمت بالنغزات وكلهم قاموا عليها وحتى جدتهم معهم
ساهر : ايوه ووشصار ؟
دارين : كنت بدافع بس امي تستحقها لانها غلطت
مناهل : يبنت الكلب !!!
ساهر بعصبيه : مناهل !!!! شيلي اغراضتس واطلعي برا
بتال : يبه الساعه 2 الليل وين بتروح !!
ساهر : انطم لا تروح معها
مناهل قامت وراحت فوق بدون اي كلمه
مسك بتال ابوه وقاله : يبه خلها لين بكره وتروح لخوالي الحين الوقت متاخري
يبه
ساهر : من تصحي توديها سمعت؟
بتال : سم يبه ابشر
ساهر : مابيها تحضر العشاء ابدا
بتال : والعشاء وش سالفته؟
ساهر : بتحضره انت وهتان وتقهوون
هتان : نعم؟؟؟ انا اقهويهم؟؟
ساهر بحده قال : وبنفس طيبه ولا والله طريقك طريق امك
صد هتان وما تكلم وقال بتال : خلاص ابشر يبه
ساهر : ريوف ودارين شوفوا اغراض البيت الناقصه وعطوها لهتان يجيبها
دارين وريوف بصوت واحد : ابشر
دارين : والعشاء ؟ ما نعرف نطبخه يبه
ساهر : ذبیحه مطبوخه برا
دارين : خلاص بكره بجهز الاغراض واجيب انا وهتان الاغراض الناقصه
هتان بحده : روحي مع بتال
دارين قالت بعبط : اصلا احسن
ساهر : روحي مع اللي تبين وهتان قلت بنفس طيبه اي خطاء منك بكره من
تصحى يحسب لك كلشي ولو غلط بسيط يويلك انضبط احسن لك لا اربيك من
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
