ريان بدون تردد : اي
ضحكت وجلست جنبه ،حطت راسه على صدرها وعدلت سدحته
غطته عدل وبدت تمسح على ضهره وتسمي عليه
نام بحضنها واستسلمت ع طول ونامت وهي جالسه
طق الباب بهدوء ومالقى اي رد ،دخل وشافها ضحك بهدوء وغطى وجهها وصورهم ،حط جواله بجيبه وحط يده ورا ضهرها بيعدل سدحتها لكن حس ريان وناظر له بهدوء
عز وهو متلطم ابتسم وقال : صح النوم
ريان فز من نومته وقال: وش تبي فيها ؟ ومن انت؟
ضحك عز وفك اللطمه وقال : شدعوه ماعرفتني من الصوت
ريان : اعذرني انخرشت
تقدم عز وباس راس ريان وقال : الحمدلله على سلامتك
ريان : الله يسلمك وشلونك
عز : بخير الحمدلله
ريان : وش تبي بها صدق ؟
عز : بعدل سدحتها وش ابي فيها
ريان : تمام
_____•••••_____
ببعد مرور يومين
بالجنوب
اشواق : ليه نحجز وشوله ؟
رعد : يشيخه نروح بالسياره نطول ع عشاء جدي
اشواق : الحين الظهر بجهز اغراضكم ونمشي بسياره مافيه حجز هنا وجدي يتعب اذا جاء خلونا نروح بسياره احسن
ريان : ايه بسياره احسن نوصل المغرب تقريبا على مانتجهز ننزل للعشاء
اشواق : اسف لكم بس العشاء عام
رعد : اجل خلاص نفس ماقلتوا
دخلوا عز وفهد وبيدهم الغدا
نزله وقامت اشواق تجهزه
عز : ايه متى نحجز ؟
رعد : نروح بسياره
عز : يوهه انا اللي اسوق مالي خلق
رعد : والله عاد تحمل
عز : الشكوى لله
جت اشواق وحطت الفطور وبدوا يفطرون
"بعد نص ساعه "
اشواق : كلشي جاهز
رعد : توكلنا ع الله
عز : بنادي العامل يشيل الاغراض وبسلم الشقه وروحوا للسياره
فهد : هات المفتاح
مد له عز وفعلا اتجهوا للسياره ونزل العامل الاغراض وتم تسليم الشقه
الترتيب عز السواق جنبه رعد وورا فهد وريان واشواق
-
ببيت الجد مطلق
ابو ريان : هاه وش صار
الجد مطلق : دق يقول جايين بسياره شكلهم مالقوا حجز ويوصلون حزة المغرب
ابو رعد : يوصلون بالسلامه
الجد مطلق : سلطان
سلطان : سم يجدي
الجد مطلق : من راح يجيب الذبايح ؟
سلطان : يزيد وعساف وفيصل وعمي فارس
الجد مطلق: ابطو رح قل للحريم يجهزون الاغراض نبي كلشي جاهز
سلطان : ابشر
وفعلا اتجهه سلطان للحريم
ام رعد : هلا يامي
سلطان : هلا فيتس يميمتي اغراضكم جاهزه؟ ناقص شي
ام ريان : سلطان قول لجدك خل يدق ع العيال ابطو مره
سلطان : ابشري وتبون شي اروح اجيب ؟
سحاب : سلطان لا هنت جيب خبز من الخباز وروب واجد وعلب مويه وخل يروح معاك احد
سلطان : ابشري يام متعب
بيان : هلا والله باخوي
ضحك سلطان وقال : توتس تجين؟
ضربت كتفه بيان وقالت :وجع رحب
سلطان حضنها وقال : هلا والله واحشتني اي ادري بعد شوي يجي الحب وتسحبين ع امي
بيان : حيوان شلون عرفت
ضحكوا وقال : الا ام متعب وين متعب
سحاب : موجود داخل
سلطان : بياني جيبيه
بيان : سحاب منو عنده ؟
سحاب : خليت روان
بيان : روح له بس روان هناك قولها تتغطى وادخل انا بساعد امي
ابتسم سلطان بداخله ودخل وفعلا لقاها قاعده تلعب معه وهو يستجيب لها
تنحنح سلطان وتغطت روان وقالت : هلا ادخل
دخل واتجهه لمتعب وشاله وبدا يبوس فيه ومتعب يضحك
سلطان باس راسه ورجعه لروان
ابتسمت روان وطلع سلطان يجيب اغراضهم
-
ببيت ساهر
العمه نوره : وينكم يعيال الغداء جاهز يلا عشان نلحق على العشاء ونعاون اهلي
ريوف : عمه مانبي نروح بدري
العمه نوره : ليه يامي فشله وبعدين صرنا اهل
ريوف : خلاص يعني نتجهز من بعد الغداء
العمه نوره : اي يامي روحي نادي البنات وينهم تاخروا
صعدت ريوف وفعلا نادتهم
ساهر : الله وش ذا الطبخ الحلو
العمه نوره : الحين العيال يجون
ساهر :وش علي منهم
دخل هتان وقال : ميتت جوعع
العمه نوره غسل وتعال
جوا البنات وجلسوا
العمه نوره : ديم وين ؟
دارين : حرارتها مرتفعه جتني امس وعطيتها علاج ونامت عندي
العمه نوره : فيها شي؟
دارين : لا يمه تو قستها مو مرتفعه طبيعي
العمه نوره: طيب الساعه 4 انتم جاهزين طيب ؟
كيان : ليه وين نروح
العمه نوره : مو اهلي مسوين عشاء لاخوتس فهد ورعد وريان؟
كيان : اي صح نسيت
ساهر : مثل ماقالت نوره تجهزوا بدري عشان نروح نساعدهم
الكل رد بتفهم
دخل بتال
العمه نوره : شفيك؟
بتال : تو راجع من الجامعه منهد حيلي
ساهر : بدل وتعال
وفعلا راح بدل وبدا ياكل معاهم
-
الساعه 6 المغرب
الجد مطلق كان يشيك على الشغل باكمله
ابو ريان : اقام الامام امشوا نصلي وفعلا راحوا صلوا الجد مطلق واحفاده وعياله ورجعوا ومعهم ضيوف
سلطان دخل على طول وبدا يجهز القهوه واشر لمشاري يجيب التمر وراح مشاري وبدوا يقهوون وزادوا الضيوف وزاد الترحيب
-
عند ابطالنا
كانت اشواق غافيه ع كتف ريان
رعد : احس ابي اكل
ريان : اي والله بس ورانا العشاء
عز : فطاير ماتضر من البقاله
فهد : وجيب عصاير مو غازيات
عز : ماتنزلون ؟
ريان : انا مابي انزل بشوف اشواق
ناظر لها وابتسم مسك فكها بهدوء
وصحاها
ناظرت له اشواق وقالت : هلا
ريان : تبين شي من البقاله؟
اشواق : ايوه ابي مويه
ابتسم ريان وطلع صرافته وعطاها وقال : اشتري كلشي بخاطرتس وانزلي مع عز
ابتسمت اشواق
وفعلا وصلوا البقاله ونزلوا اشواق وعز وشرت اغراض لهم كلهم وعز شرا فطاير
اتجهوا للسياره
ضحك فهد وقال : قاشه العالم بنت ابوها
ريان ضرب كتفه وهو يضحك : كيفها خلها
ركبت اشواق وركب عز
ريان : اي وش جبتي لي ؟
اشواق :لكم كلكم جبت
ريان ضرب المرتبه بقهر
اشواق : شفيك
ريان : صح كلكم متزوجين الا عز
حط سماعات ولا تدرون كلكم حطوا
رعد : اي صح بكلمها اخذ سماعاته وبدا يكلم بسحاب
اما عز بدا يشغل شيلات واشياء وفهد كلم بيان
ريان : ايوه كذا
اشواق ضحكت
ريان باس خدها قوههه
وخلا راسها ع القزاز
اشواق : يحيوان الناس معنا استح
مسك فكها ورفع نقابها شوي وباس مبسمها بقوهه
مسكت اشواق بلوزته وهي تحاول توخره
مسك يدينها وثبتهم وكمل يبوس
وخرته بالقوه
ريان : حيوان صايره تقدرين لي
اشواق : وخر ع اهفك بالكيس
ريان : اح وتهددين ؟
اشواق : بتقهوى تبي ؟
ريان : ايه ابي
وبدوا يتقهوون كلهم وهم ع وشك الوصول
-
بعد مدهه دخلوا البيت من الباب الخلفي
جت بيان تركض وهي كاشفه نست ان ريان معهم
مسكها فهد وحضنها وقال : وراتس كاشفه منتي شايفه ريان
ضحكت بهدوء وقالت :نسيت
فهد : مابطوفها
حضنته بقوه وحضنها
رعد : يالاخ مالنا نصيب؟
تركته بيان وركضت لرعد تحضنه
ريان : الحمدلله قابلتها من زمان وشبعت بروح البس يهاوشكم جدي ان تاخرتوا
رعد : حيوان انقلع
عز : وانا انتظر احد يجيني شكلي بروح ابدل
حضنته بيان وقالت : اسفين
حضنها وقال : ماعليه بكره اتزوج وهي تحضني
ضحكوا كلهم وجت سحاب وبيدها متعب
رعد : هلا هلا بسحابي وهلا والله بمتعب
ابتسمت وتركهم عز وفهد وبيان دخلوا
ابتسمت وحضنته وقالت : ميته شوق والله
رعد : بسم الله عليتس تعالي بتروش وابدل تاخرنا ع جدي
سحاب : ابشر
وفعلا مشت معه بعد ماودت متعب للبنات
••-
عند بطلتنا
ساعدته بالسبوح وبدت تجهز اغراضه
طلع ولبس بمساعدة اشواق وبخرته وعطرته
ضحك ريان وقال : والله احبتس واموت فيتس
اشواق ابتسمت وقالت : يويلك من جدي تاخرت
ريان : يلا بنزل اسلم ع اهلي
اشواق بتجهز انا
ريان : يلا فمان الله
اشواق : انتبه لنفسك ولا تتحرك واجد لا تضغط ع رجلك
ريان : ابشري من عيوني وبعد
اشواق : سلامتك
ريان : بوسه؟
اشواق : توكل
ضحك وطلع
وبدت تتروش وتمكيجت ولبست فستان ازرق هادي وناعم ونزلت تسلم عليهم
-
الجده حصه : وين فهد ماشفته ؟
ام ريان : مابين لا هو ولا بيان
هديل دخلت وقالت : السلام عليكم
الكل بصوت واحد : وعليكم السلام
هديل : وين فهد ؟
الجده حصه: مانزل للحين ووين اهل زوجتس؟
هديل : هذول جوا
الجده حصه : روحي نادي فهد
هديل : ابشري
وصعدت تناديهم
لكن مافيه اي رد
شوي وردت بيان وقالت : هاه
هديل : وجعاه وينكم فضحتونا
فكت الباب وكان فهد منسدح
هديل : فضحتونا ماتوفرون اخلصوا جدي عصب
فهد : ودي اسلم عليك بس ماقدر
هديل : خلص وبعدين سلم علي
ضحك وقال : ابشري
وقام يتروش ونزلت هديل
وبدت بيان تتجهز من اول وجديد
-
العمه نوره : ريوف يامي شوفي ديم وين تاخرنا
راحت ريوف وشافت ديم وكانت تعبانه مرههه وحرارتها مرتفعه
نزلت ريوف بهدوء وقالت : عمه حرارتها مرتفعه وقلت لهتان يجهز السياره نروح للمستشفى
العمه نوره : انا اروح معها
ريوف : لا روحي مع ابوي لاهلتس وانا وهتان معها
ابتسمت العمه نوره واخذت البنات كلهم وراحوا مع ساهر لبيت الجد مطلق
-
هتان : يلا وينها ؟
ريوف : ماتقدر اصلا ومن امس نايمه حرارتها مرتفعه مرهه نار ، شافها هتان وسمى بالله وشالها بهدوء واتجهه للمستشفى
-
عند العمه نوره
دقت ع ريوف
ريوف : هلا عمه
العمه نوره : هاه شلونها ؟
ريوف :تو وصلنا المستشفى اشوف حالتها واتصل عليتس
العمه نوره : اوكيه لا تطولين
ريوف : ابشري
-
عند الرجال
كانوا مجتمعين احفاد الجد مطلق وهذال وليث وبتال
بتال : اي تو ود ديم للمستشفى
ليث فز وقال : ليه شفيها؟
ناظر له هذال وسكت ليث واستوعب
بتال : حرارتها مرتفعه مرهه وودوها
عساف : بروح لها
مسكه بتال وقال : ريوف وهتان معها تطمن
عساف : تمام ورجع يجلس
هذال ناظر لليث : شفيك فضحتنا؟
ليث : انا بروح لها الحين
هذال : اقول انثبر
ليث : تكفى يهذال بس بتطمن عليها واجيكم
هذال : تمام
وفعلا قام ليث بدون لا ينتبه احد ومشى للمستشفى
-
بالمستشفى
الدكتوره : حطيت لها مغذي وبصرف لها علاجات
هتان : تمام يعني زينه؟
الدكتوره : اي بخير ماعليها
دقت ريوف على العمه نوره وطمنتها
::::::::::::::::::::::::::
توقعاتكم للجاي ؟
ادعموني بنجمه ولايك قراءة ممتعه 🧡🧡✨
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
