يوم الجمعه الساعه 12
بالمقلط تحديدا
الجد مطلق :وبعديننن يعني من اكلم انا، العيال نايمين وماردوا
الجد مطلق :يعني بالعصا ؟
عز بصوت نايم: يبه خلنا تعبانين
الجد مطلق :والصلاه !
ريان وهو مغمض : هادمين لذه انتم حتى حلمي خربتوه
الجد مطلق: وشو تتحلم فيه؟
ريان شي حلو
الجد مطلق: قم اخلص لا اوريك شي حلو صدق
رعد اللي كان يسمع كلشي ومطنش کنه نايم
الجد مطلق: رعددد وقعد يكرر
رعد : هاه
الجد مطلق: وجعاه قوم اخلص
ريان : يجدي خلنا نحلم لا ننسى
رعد: ان كانه على اللي امس ف والله انا اللي بخرب نومك
ریان: توكل بس
الجد مطلق: يولدددد انت وياههه اخلصوا انا رايح اللي ما يجي وراي
العصا تلعب عليه
رعد: يلا يعيال قوموا
فيصل بنعاس : بناممم
رعد: قوم احسن لك
فيصل: انا والله بقوم وبعد شوي الا انام
سلطان: مو بيت جدك انظمه وقوانين
عز : هيه تراك زودتها ابوي ترا
سلطان : تو دریت
ذيب : والله لو مو سهرانين ماكان صار كل ذا
فيصل : انت السبب رايح جايب لنا قهوه وحلا تعالوا نسولف
ذيب بضحكه: الانسان يندم
الجد مطلق: وينكمممم
رعد: جايين جايين
وقاموا يتوضون
.
عند البنات كانوا صاحين وجالسين يتقهوون
هديل: اي ام اصفر ذي امس غبنتني
روان :انتي بس تحكمي بنظراتس لها
هديل: محد يقدر يتحكم بنظراته
اشواق :انا طول الوقت عند سحاب معطيني مهمه خاصه
بیان :مهمه خاصه؟؟ وشهي ومن مين
اشواق بتوتر : ولا شي منكم انتم قلتوا روحي معها
ليان :امس قهروني ليه يجيبون الوغدان
ديم بضحكه: امس ولد صغير غبني دفيته على امهه بغيت اطيح منه
روان : يويلي فضحتنا
هديل: صدق ليه ماجت فاتن امس
اشواق : توقعت تقولون لها
لیان: مدري ماجاء ببالي
اشواق : شرايكممم؟؟
البنات بصوت واحد : وشو
اشواق نطلع
ديم : بس وين
اشواق : نروح نتسوق ونتقهوى ونتعشى بعده نجي
ليان: تم بس منو يودينا
اشواق تفاهموا مع اخوانكم
بيان : بكلم سلطان،ودقت عليه
سلطان: هلا والله
بيان :هلافيك
سلطان : وين انتي من امس مختفيه
بيان: ابد من خلصنا من العزيمه نمنا على طول
سلطان : امري
بيان : نبي نروح نتسوق بعده نتقهوى وبعده نتعشى
سلطان : والله رعد وريان يمكن يبون يروحون اليوم يبون لهم شغله بشوفهم لتس
بيان :رد لي خبر
قفلت المكالمه
بیان : يقول يمكن يروحون رعد وريان
اشواق : اي تمام
دخلت عليهم رزان : السلام عليكم
الكل : وعليكم السلام
اشواق :شفيتس
رزان بتعب : والله مدري ضهري يوجعني من صحيت
اشواق : تعالي قدامي
رزان :طق لا
اشواق : مب طاقته
جت رزان قدام اشواق وقعدت اشواق تدلك لها ضهرها
رزان: اف جعلتس بعدي
اشواق: بضحكه امين
رزان حطت راسها على رجل اشواق وقعدوا يسولفون عن العزيمه وكذا
-
عند العيال بعد ماصلوا وخلصوا
سلطان : يعني اقولهم معاك؟
رعد: خلاص قولهم متى يبون وانا لي موضوع مع ريان بخلصه
واوديهم
سلطان : طيب
ريان : شتبي
رعد: مب هنا بنطلع نتمشى وبسولف
ريان : يلا اجل تبي الحين
رعد: يلا مشينا
قام هو ورعد وطلعوا
-
ببيت ابو هذال
ابتهال : والله انه كذا احسهم يع
سحاب : عاد انتي كلشي عندتس يع انتي شوفي نفستس بالاول
امتنان : والله انهم ناس يجننوون مرههه وصحيح الي عيبه بكتوفه
مايشوفه وانتي صراحه ي ابتهال كل ماشفتني ناس قلتي يع وانتي ماشفتي نفسك
ابتهال: ايه تدافعون عنهم وتسبون باختكم
ام هذال :لانتس ماشفتي عيوبتس
ابتهال: يمهه
ام هذال :وهذا الصدق
هذال: شفيكم
سحاب : اختك اللي مو شايفه احد بعينها
ليث: ليه شفيه
سحاب :امس عزيمتهم كانت تجنن وكانت اشواق عندنا وتسولف معنا
وتجنن سوالفها وونستنا واختك تقول احسهم يع وقاعده احاول افهمها لو على الاقل تطالع لوجهها بالمرايه تراك بشر زيك زيهم وفيه انسان جميل والجمال جمال الروح سيده ابتهال
ابتهال : لا بعد طقيني
سحاب: اقوم؟
ليث بضحكه: استهدي بالله
هذال: انا اقول شوفي نفستس بعدين تكلمي عن الناس
قامت ابتهال
ليث :وين
ابتهال: محد يجلس معاكم اصعد احسن لي
هذال بحده :اسمعيني زين من تصعدين قابلي المرايه وشوفي وش
فرقتس عنهم وعلى وش شايفه نفستس وشوفي وش فيهم مو فيتس
بتلقين اشياء واجد هم احسن منتس فيها
ابتهال: على وش حابينهم انتم
هذال: اصعدي فوق
راحت ابتهال وخلتهم
هذال: سحاب
سحاب : هلا
هذال: وش سويتوا امس ووش صار
سحاب: شفيك عدلت جلستك
هذال بضحكه :عشان استمتع بسوالفتس
سحاب : والله طول الوقت مع اشواق لانو العشاء لها ولنا ف ما تقدر
تشتغل
هذال : اي وش قلتوا وش سولفتوت
ليث : ما خبرك تحب ذي السوالف
هذال :حبيتها تو شتبي
سحاب : جلست تسولف وكذا بس تخيل طلعوا م عندها اهل
هذال :كيف ما عندها اهل
سحاب: يعني متوفين عندها اخو واحد وام واب توفوا بحادث وهم
جايين من الشرقيه للرياض
هذال :اح الله يكون بعونها
سحاب :وكانت متزوجه بدر وام بدر ما تحبها كذا ف كانت مشاكل
هذال :ايه
سحاب :وولد عمتها يزيد مسوي هو وصديقه صور فوتشوب لها
وراسلها لزوجها
هذال :احس يزيد ذا وراهه مصايب وماهو مع عيال خواله واجد عكس
اخوه الذيب
ليث :اي ماشاء الله على الذيب كنه هو الكبير
أنت تقرأ
نقطة لقـاء
Romantizmاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
