ابتهال : بنات كلكم بخير ؟
سحاب بألم صرخت وبدت تحس بمويتها
رعد شالها وركض للسياره وركضت معاه امتنان استوقفها هتان اللي قال بكل هدوء وعصبيه : حسابتس بعدين ركضت امتنان وركبت مع رعد واتجهوا على طول للمستشفى
هذال : هديل وين؟ يعيالل الفلاش بسرعه
هديل بهدو: هنا
حضنها هذال وقال : تحسين بشي؟
اشواق كانت تناظر وهي تتألم من كف ريان
ناظر ريان وسحبها لحضنه بادلته الحضن
بيان : ليان
ليان : هلا
بيان : امتنان وسحاب مع رعد وابتهال؟
ابتهال : موجوده
بيان : ريوف ودارين ؟
ريوف ودارين بصوت واحد: هنا
بيان : رزان وروان؟
رزان : موجودين
بيان : داليا؟
عم الصمت بالمكان لثواني والكل ركض يدور حول المكان
ركض عز للسياره ولقاها داخلها مغمى عليها
رفعها وشالها وطلع وهي بين يدينه
بدا يشوف الجروح لكن الحمدلله كانت من الصدمه مغمى عليها ولا فيه اي نزيف الا جروح بسيطه
جاب هتان السياره وصعد عز معاه داليا وانطلق للمستشفى
ريان دف اشواق بهدوء على عساف وقال : ابعدو
هذال : خطرهه انتبه
ريان : ابعدو بس
اشواق كانت حاطه وجهها على صدر عساف من الخوف على ريان لانه معصب ولا تقدر تسوي شي
حضنها عساف وهو ماسك ليان بيده الثانيه
كانت السياره مايله شوي قريب الطيحه
فهد : الناقه؟؟ وش نسوي بها
هذال : نجيب شيول
فارس : تشوف الساعه كم؟
مشاري : انادي صالح "عامل المزرعه"
فارس : اي ناده يلا
ركضوا مشاري وذيب ينادون صالح
ركب ريان السياره وشغلها
فارس : البريكك انتبهه
حاول ريان انه يعدل السياره بكل قوته ومعرفته بالسيارات والحمدلله قدر يعدلها كانت معدومه شوي من قدام بسبب الناقه
عساف ناظر لاشواق وقال : فكي عيونتس لا تخافين قدر لها
ناظرت اشواق وابتسمت من شافته ينزل بهدوء
ناظر لها وقال بحده : الكل يركب السياره
ركبوا البنات واتجهه ريان بالسياره للمزرعه وصالح مع العيال عند الناقه
ريان : ان شفت احد مرهه ثانيه يبي يسوق ولا يطري الموضوع يويله زين؟
الكل بصوت واحد: طيب
وقف عند بوابة المزرعه وقال : انزلوا
جت اشواق بتنزل ومسكها
اشواق : شفيه؟
ريان : خلتس ابيتس
نزلوا الكل وناظرت له بهدوء وقالت : هلا وشفيه؟
ريان : ماني راضي عليتس ترا وطلعتس بدون اذني ماتعجبني وانتي الحين اذا صار للبيبي شي بسببتس ترا
اشواق نزلت راسها بهدوء
ريان : اي بسببتس وش متوقعه يعني ؟
اشواق بهدوء : اسف مافكرت والله
ريان فلتت اعصابه وبدا يصارخ عليها
اشواق كانت ساكته وتناظر
قاطعته وهي تقول بصراخ : مافكرتت انا غبيه طيبب مافكرت نسيت وركبت معهم وبعدين ماصار شي الحمدلله..
بدا الصمت لثواني بعد ماضربها كف ،طال الصمت بينهم وهي تناظر له
ريان : بكرهه لو جاتس معوق ولا فيه شي قولي مافكرتت ولا ماصار شي
نزلت بهدوء بعد ماخلص كلامه
-
الساعه 5 الفجر
بعد مادفنوا الناقه وخلصوا منها واخذوا سيارة عز للتصليح
"عند ريان اللي كان يفكر
ناظر لجواله وشاف رعد داق عليه
رجع يدق عليه
رعد : هلا
ريان : هلا والله ابو متعب وش صار ؟
رعد : الحمدلله عدت على خير بس ولاده مبكره
ريان : الحمدلله على سلامتكم وش جابت
رعد : ولد ولله الحمد
ريان : الحمدلله بقوم ابشرهم بس وين عز عنك؟
رعد : موجود بس البنت فيه جرح براسها بسيط ومايمدي نقول لهم الحين
ريان : بقول للبنات يقولون انها معهم اهم شي تجي هنا متعافيه
رعد : حاول على مانجتمع كلنا ونقول لهم اللي صار
ريان : والناقه ؟
رعد : مدري وش نقول بس الله يسهلها
ريان : يلا فمان الله
رعد : فمان الله ، سكر رعد ودخل على سحاب
اما عز اتجهه لداليا
طق الباب
داليا بهدوء : منو؟
عز : انا عبدالعزيز
داليا : ادخل
دخل عز وكان منزل راسه : فيه شي يعورتس؟
داليا : لا
عز ناظر لها وقال : بنرجع الظهر مانبي احد يدري بالسالفه ذي ! حنا يالعيال بنفهم جدي
داليا : ان شاء الله
جلس عز على الكرسي ويطقطق بجواله
داليا : وين جوالي
عز : عندي
داليا : هاته
عز : لو تأدبتي بعطيتس الجوال
داليا : مالك دخل فيني
عز : وابوتس ؟ له دخل؟
داليا : ومن سمح لك تفتش
عز : كلشي واضح من برا مايحتاج افتش
داليا : مالك دخل اقووللك
عز بهدوء : اص ولا كلمه ابوتس لو درا له دخل اتوقع
داليا : وبتعلمه انت ماشاءالله
عز : اذا ماتعدلتي اكيد بعلمه
داليا : طيب بتعدل هاته
عز ضحك خفيف وقال : مو بالسهوله هذي !
داليا : وشتبغى ؟
عز : ابغى رمزتس ولا بفتحه بطريقتي
داليا : مابعطيك تفهم انت!!!
عز : بتعطيني
داليا : مابعطي
عز بكل عصبيه اتجهه لها ومسك فكها كانت تحاول توخره لكنه اقوى منها حط الجوال قدام وجهها بهدوء ، فتح قفل الجوال وتركها
داليا: مب على كيفك انت !! جيب جوالي وربي ابلغ عليك
عزابتسم وقال : فات الاوان يحلوه نامي
بدت تحس بدوخه وانها ماتقدر تقاوم بسبب المنوم ونامت
ابتسم عز وبدا يناظر لجوالها ويحذف كل العيال اللي فيه والصور وغيرها دخل الالبوم وانصدم من جمالها وهي صغيره ويوم كبرت زاد جمالها حذف الصور اللي ماتحتاجهم بالالبوم وشال كلشي يذكرها بحساباتها وقفل الجوال وطلع
رعد : عز
عز : هلا
رعد: شفيك كذا فيه شي؟ البنت فيها شي
عز : لا مافيه شي تبي شي ؟
رعد : بطلع اجيب فطور
عز : شدعوه اجلس عند ام متعب انا بجيب
رعد : انتبه واذا تبي شي اتصل
عز : اوكيه
راح عز يجيب فطور ورعد رجع لسحاب
-
الجهه الثانيه
الجد مطلق: ماشاءالله الف مبروك
ابو رعد : الله يبارك فيك يبه
الجد مطلق: بنمشي اجل مانضل هنا
ابو ريان : لا مايطلعون اليوم
ريان : نجلس لين بكره
الجد مطلق: خير ان شاء الله
ابو ريان : يجهزون الفطور
الجد مطلق: نمنا متاخر شوي ارجعوا ناموا
رجعوا ينامون واتجهه ريان لخيمته
دخل الخيمه وسمع صوتها وهي تتنهد من كثر البكي جاء لها ولقاها راميه نفسها بتعب ونايمه وعيونها مليانه دموع
مسحهم بهدوء وباس راسها قام بدل وانسدح جنبها وحضنها له
-
عند فهد
بيان : انت وشتقصد يعني مب عاجبتك انا
فهد : ماقصد يعيون فهد انتي بس انتي يعني لازم تخافين على الي ببطنتس
بيان : هذول امهاتنا حملوا واشتغلوا ولا صار شي
فهد : جيل عن جيل يفرق مافيتس حيل انتي وترا برضوا عن حمل يفرق
بيان : طيب
فهد : ماعاد تركبين شي الا باذني
بيان : طيب
حضنها وناموا الكل
-
بعد مرور شهور
وبعد تمايم "نايف ولد رعد سمي جده "وتقدم فارس لغيداء وتمت الموافقه واهل الجد مطلق جايتهم ايام مليئه بالمناسبات مع تحديد عرس "ليان وعساف ، رزان وفيصل ، ، روان وسلطان وفارس وغيداء اللي كان عائلي فقط ، ليث وديم "
كبر بطن بطلتنا اللي كانت على اواخر الثامن تنتظر البنوته اللي محد كان يعرف جنسها غير امها وابوها
-
الساعه 4 العصر ببيت الجد مطلق
"عند البنات"
دخلت بطلتنا وهي شايله كيس كبير
اشواق : شيلوهه مني بسرعه
ركضت سحاب عشان تاخذه منها
سلمت عليهم اشواق وقالت : تو وصلت للبيت وجيت مع ريان
رزان : اشواق ترا والله مالبسه اذا مو نفس الشكل بالضبط
اشواق : اسكتي بس
فتحت الكيس وبدت تطلع الفساتين
اشواق ناظرت لرزان وقالت : ذا الفستان نفس الصوره قومي البسيه يمكن يبي شي عشان تودينه للخياط
روان اخذت فستانها وراحت تلبسه وكذلك هديل وديم وابتهال وبيان وليان
اشواق : مالي خلق انا
روان : تحركي يامي بتموتين الولد صرتي عجازه
اشواق : انثبري لا اعلم ريان
روان : خوفتيني يعني
اشواق : توكلي
جت هديل بفستانها الوردي الناعم والذرب وبطنها المنتفخه
::::::::::::::::::::
ادعموني بنجمه ولايك قراءة ممتعه 💗💗
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
