💫جنون الليدر💫

فصل 1:كسر طغي الزعيم🖤 جزء 1

⚡️جنون  الـلـيـدر⚡️

الفصل 1:كسر طغي الزعيم🖤

🦋جزء; 1

فمستودع كبيير وبالظبط فالطبق العلوي مكتب كبير منظم..بألوان رجولية متناسقة..

جالس شاد التيليفون فيديه وكيلعب بييه وهو كيشوف فنقطة وحدة بعينيه الحادين..

حتى رن تيليفونو..هاد المكالمة كيتسناها من الصباح..

نطق بصوت غليظ فيه ونطق هو الأول بدجر..

**:مبغيتش قوة الهضرة داروها واه لا!؟

المتصل:داروها

زير على فكو ونطق بغضب..
**:بغيت راسهم! يتلاح فالبحر ولي بقا تحت الأرض..تا عائلاتهم منبغيي يبقا منهم تا واحد، باش يتعلمو يلعبو مع الليدر*...

المتصل:الخائن الأول يين يدينا والتاني غيكون فدارو مع عائلتو نهجمو عليه ؟

الليدر بنبرة تهديد:بغيت من هنا لساعة ميبقا تا واحد منهم

وقطع عليه..

رجع راسو وتكا على الكرسي..كيخمم وطالع ليه الدم مكرهش ينوض دابا لي بان قداامو يزول ليه راسو من بلاصتو بسبب هاد البلان..ولكن جالس وسااكت حيت الغلط منوو هو لي مخدم معاه الشماايت..الليدر لي كلشي كيضرب ليه ألف حساب وحسااب جاو زووج شماايت لعبوها بيه.. كلشي دابا غيبقا يدوي عليه.. ويقووول
السلعة لي كيسيفط الليدر كتوسل نااقصة وماشي حيت غلطو فالعباار لاااا! الزعيييم (الليدر) هو لي كيخدم معاه الخونة..وهو كيكره الخيانة والخونة و الكذوب داك شي علاش ميشرفووش يلطخ يدو بدماء خونة كلف رجاالو.. رجالو لي خااص يعااود يورييهم وجهو الحقيقي رجاالو لي ولاا كيتجرأو وكيحاولو يطغااو عليه..

ولكن ماشي ساهل ليهم هو يهد الجبال وميتهدش

▪️فحي شعبي وفدار بسيطة مكونة من فراش قديم بزاف.. جالسة مراة فأواخر العشرينات كتصبغ ضفارها 💅🏻 وقدامها بنت فالثامنة من عمرها كتجري وتلعب غا بووحدها مكااين لي يتصوق ليها..
خرج رجل من الدوش لابس غير شورط وشاد فوطة كينشف عنقوو..
ياله غينطق تا سمعو صوت البااب كيتفرع..
المرأة لاحت كلشي من يديها وجراات عند بنتها دخلاتها لواحد البيت وخنزرااات فييها تا تخلعات أصلن كتخااف منها..

الأم:أوششش جلسي ومتنطقييش ولا غنسلخك ليووم..

البنت حركات رااسها باه وحطات يديها على فمها ببراائة..

سداات عليها ورجعات عند رااجلها تشوف شكون هاد الرجاال... وقفات وراه وكتشوف فيهم..

كانو تلاتة تاع الرجال واحد مترأسهم لي هو اليد الليمنة تاع الليدر.. لقبو هو *الخطاف* حيت كيخطف الرواح.. نطق بصوت خشن وبنبرة مستهزأة..

الخطاف:همم كنتي كدوش مبغيتيش تمشي مجونب

الخائن2:أشنو جيتو ديرو هنا خرجو خلعتو مرتي وبنتي الخدمة ماشي هنا..

#يتبع