💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 90;
من بعد مدة ديال الطريق شهد طلبات نجم الدين يوصلها لعند إلينا داك الشي لي دار وصلها للدار عند إلينا مبغاش يحكر عليها غير وصلو حدا باب الفيلا نزلات بلا مدوي معاه حلات ليها الينا عنقاتها و طلعاتها للبيت اما منصور خرج عند نجم الدين شاف حالتو معجباتوش ركب معااه القدام
منصور؛ شنو درتي
نجم الدين: خايفها متسمحش ليا
منصور: ميمكنش متسمحلش لييك نتا الخيال ديالها ملي كانت صغيرة خاصها وقت ا نجم
نجم الدين تنهد: واخاا انخليها على خاطرها حتى يتحرق قلبي يولي رماد داك الساعة تسمح ليا
منصور ضحك: ناري اصاحبي هه وليني مجنون (رتب على كتفو)
نجم الدين: جنون يقبسوك
منصور: ههه وا سير للمستودع سير
نجم الدين توجه للمستودع و فطريقو صونا ل ثائر باش يتبعهم عندهم بزاف ما يدار
مكملاش ربع ساعة وصلو بفضل السرعة لي كيسوقو بيها لقاو الخطاف عاد وصل حتى هو دخلو للديبو مجموعين تقول غا عصابة بديك التجريدة و الطولة 🤤
جلسو على طاولة بثلاتة
نجم الدين؛ هاد الشي ماشي صدفة
منصور: كيفاش
نجم الدين مخنزر و كيهضر مغزز؛ ميمكنش فنهار يوقع كاع هاد الشي نتشد و يخطفو شهد
ثائر مخنزر: الليلة يكون عندك الخبار و كنعتاذر منك ماي ليدر
الليدر: هادي فاتت ا ثائر
منصور: فاش نعرفو داك الساعة حسابو ايكون عسييير
الليدر عيونو بحال الجمرة: عسيييير (سكت شوية) معرفتوش ديك الفيلا ديالمن
الخطاف: نو ماي ليدر مقلبتش مغير انهم جابو ليا سيارتي ولكن انمشي ونتأكد
الليدر: اك
💔💔عند شهد حاطة راسها على صدر الينا لي كدوز ليها على شعرها
إلينا: متفكريش بزااف ا شهد راه باين اش غاديري
شهد؛ مقادراش اطاطا اناا مكنبغيش حاجة بسيطة تمسو لياا هو الحياة ديالي ملي عاقلة على راسي ولكن لي عرفت مساهلش عليا عفاك اطاطا الينا عاونيني
إلينا: شهد حبيبتي نقوليك واحد الحاجة فالاول فاش جابك نجم الدين لدارو انا قلت كيف غادي يدير يتعامل معااك كيف غيدير يربيك و يهتم بييك ولكن فلخر فاش شفتو كيف كيخاف عليك و كيف كيتعامل معااك بدلت رأييي فيه كليا حاولي تشوفي الجانب الإيجابي لي فيه
شهد تنهدات: معرفتش اطاطا حايرة بيني و بين راسي
#يتبع
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
