💫جنون الليدر💫

📜part 10📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء; 10

بقات كتفرج وكضحك معاه وهو بزز باش كيتبسم ليها معرف هادشي فين كان مخبي ليه بلاصت ميقابل خدمتو كيقابل برهوووشة باقا كتبول فالفراش..

”فمكــان آخـر“

فالمول وفمحال خاص بلباس البنات الصغار.. شادة ليه فيديه وكيختارو الحووايج وفنفس الوقت كيهضرو..

إلينا:مكملتيش ليا أش غيدير مع البنت

منصور:أش عندو ما يدير غيتكلف بيها بزز منو هو لي يتمها

إلينا:واش هو لي غيتكلف ببنت صغيرة لا ميمكنش تقدر فأي لحظة تعصبو يلوحها للكلاب ينهشو لحمها

منصور:نتي دابا كتهضري على الزعييم ’الليدر‘ أما أنا كنهضر على صاحبي نجم الدين لي كبرت معاه هو عندو واحد الجانب لي حنين خاص غا لي يحفر عليه

إلينا: الله يكون فعون هاد البنت مسكينة

بقاو مناقشين بأفكار معاكسة إلينا كتهضر على الليدر وعلى جانبو المظلم الطااغي ومنصور كيحاول يوضح ليها صورة نجم الدين لي كبر معاه قبل ميولي زعيم..
خداو لشهد كسيوات وشي حوايج لي يخصووها.. وتوجهو لوكالة العمل كانت كتسناهم تما المربية خادمة فنفس الوقت غدير زوج مهام بحكم الليدر معزيزش عليه قوة البشر..

ركبو فاللوطو تاع منصور (عندو حتى سيارة ميرسيديس)  وصل مرتو هي الأولى للدار وبعدها كمل طريقو لعند الليدر وهو كيوصي ويعااود فالمربية لي كان إسمها داليا باش مدير تاخطأ وإلا مصيرها الموت.. تا خلاها ترجف منووو قبل متشوفو..

وصلو لعند الليدر غير نزلو من السيارة لمحوه من الباب واقف تما شاد سجارة بيد واليد الأخرى فجيبو.. كيبوخ على خاطرو

توجهو عندو وهو كذالك لمحهم ولكن بقا وااقف فبلاصتو بشموخ..

لاح السجارة وحرك رااسو جيهت المربية

الليدر:هي هادي

منصور:واه

الليدر حرك ليها براسو باش تمشي للجردة ونطق:سيري راها كتلعب فالجردة.

تمات غادة وهو يوقفها منصور تا عطاها الشاصيات لي فيهم الحوايج..

منصور:بدلي ليها راه بالت فحوايجها

دليلة بقرف:علاش هي باقا كتبول أووف

الليدر خنزر:علاش نتي إيمتا قطعتي البول؟!

خلاها كتقفقف من صوتو الحرش لي باين عليه الغضب ومحرجة من هاد السؤال تا شافت منصور كيحرك ليها براسو باش تمشي..

داكشي لي دارت حنات راااسها ومشات وهي قلبها كيضرب وكتقول..

دليلة:أححح هاهو قاصح كيف ما كتبغي أداليا و الطولة و التجريدة  والوشااام غيي الله يجيبنا فالصواب وصافي (وعضات على شفتيها بشهوة)

تتمة غدا يا البنات نتوما عارفين اش كنديرو ديما.. نطلعو القصة بلايك وإشهار على الأقل وخليو أرائكم
بيزو💋