💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 81;
ثائر بقات فيه نوعا ما
ثائر: شش متخافيش مغنآديكش سيري خرجي فحالك هنا مبقا حد
البنت زادت كتبكي: اهئ م معندي فيين نمشي معندي حتى بلاص اهئ
الليدر شاف راسهم تعطلو عطاه اشارة يجيبها معااه و داك الشي لي دار ثائر شدها من يديها و خداها معااهم عارضات فالاول ولكن واعدها انه مغيآديهاش ركبو السيارة و توجهو للدار ديال نجم الدين طريق كلها شهد ساكتة مكدويش و ديك البنت غير كتبكي فصمت خايفة على حياتها حيت لي دوزوه عليها فديك الدار ماشي قليل
غير وصلو نزل نجم الدين هو الاول نزل شهد شدها من يديها نتراتها ببطئ خلاتو متعجب من تصرفها حل باب الفيلا و دخلات توجهات لبيتها الليدر تلفت لصحابو لقاهم متعافرين مع ديك البنت تنزل
نجم الدين: نزلي متخافي من والو
البنت منزلاتش تكمشات فراسها كترجف
الليدر شاف فالخطاف: خودها للمستودع حتى تكون مزيانة و داك الساعة تمشي لدارها و الوطو ديالك سيفط شي واحد من ليكادر يجيبها
الخطاف مقادرش مزال يهز راسو داك الشي لي دار ركب فسيارة نجم الدين و مشا متوجه للمستودع اما منصور بغا يخليهم بحدهم يرتاحو مشا لدارو حتى هو من بعد ما سلم على نجم و شكرو
نجم الدين تنهد و طلع للبيت سمع حس الشرشارة عرفها كدوش
شهد فالدوش كدوش و تبكي فصمت و هضرة يحيى كتكرر فراسها حسات براسها طولات خرجات لابسة بينوار بلا متهز راسها فنجم الدين هزات ملابسها و دخلات للدوش لبسات و نشفات شعرها و خرجات جلسات فالسرير
نجم الدين مبقاش قادر على صمتها حيت خلعاتو عليها؛ شهد مالكي
شهد لا رد
نجم الدين جلس حداها و حط يديه على شعرها: شهد هضري معايااا مالكي
شهد: والو
نجم الدين بنبرة عالية: شهد اخر مرة نسولك ماالكي علاش مكدويش معاياا دابا نتي بخير و حتى مخلوق مغيعاود يقرب ليييك
شهد بلا متحس: كاين نتا
نجم الدين: شنو زعما
شهد شافت فيه بعيون مدمعين؛ علاش قتلتيهم
نجم الدين: شكون ا شهد
شهد كتبكي؛ ماما و بابا علاش قتلتيهم ها (وقفات) علاش اش دارو ليك علاش مقلتيهاش لياا دابا انا مع قتااال هاا اتقتلني حتى انا يااك حتى انا (ضربات فصدرها) هااني قتلنيي يااله قتلنيييي اهئ قتلنيييي
نجم الدين وقف مخلوع عليها شد فيديها: شهد شوفي جلسي نشرح لييك
شهد تنترات: بعد مني وعمرك تقيس فياا انا حسبتك كلشي فحيااتي كنحس بييك نتا حاجة كتخصني ديالي بوحدي لدرجة منقدرش نتفرق علييك ولو دقيقة وحدة كنتخنق فلخر نتا قتال اهئ اهئ علااش قتلتهم
نجم الدين تعصب: شهد شوفي متعصبينيش عفاك انا منين كنتي صغيرة عتارفت لييك و قتليك علاش قتلتهم راك معقلتيش
شهد طاحت للارض: سكت اهئ سكت اههئ اهئ يا ربي علاااااش 💔
#يتبع
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
