💫جنون الليدر💫
الفصل2: هوس الزعيم بالصغيرة الفاتنة♥️🖇
🦋الجزء 113;
من بعد ما نقا نجم الدين حالتو من وسخ يحيى عفوا دم يحيى خرج ركب السيارة مع منصور خلاو ثائر فالمستودع و قلعو متوجهين للسبيطار هاضرين فالطريق قررو ينساو امر يحيى و ميجي منو بما انه مات الله يرحمو
بعد مدة وصلو للسبيطار نزلو من السيارة بكل شموخ دخلو و مشاو للغرفة فين كايين شهد و الينا غير دخلو حلو الباب لقاوهم ضاحكين ناشطين كيتعاودو بيناتهم شهد غير شافت نجم الدين تمحات الابتسامة على فمها شافت فيه بخوف هو عرفها خايفة منو حيت شافتو كيف دار لدااك ماهر
دخلو تقدمو عندهم منصور شاف ف الينا و باسها فراسها
نجم الدين تبسم ل الينا؛ كيف بقيتي
الينا بادلاتو الابتسامة؛ الحمد لله خويا
شاف فشهد لي حاطة راسها قرر انه ياخدها للدار؛ شهد نمشيو للدار
شهد هزات راسها؛ ا و واخا تخليني شوية
نجم الدين؛ نمشيو نخليو طاطاك الينا ترتاح غدا و نرجعو عندها باش نخرجوها (شاف فمنصور) يااك امنصور
منصور؛ اه بصح
الينا؛ حبيبة سمعي الهضرة و غدا اجيو باش نمشي للدار معاكم واخا
شهد وقفات؛ واخا اطاطا
ناضت باست الينا و باست منصور و ودعاتهم و كذلك نجم الدين و خرجو من السبيطار واحد ما يدوي مع لاخر شدو طاكسي و توجهو للدار غير وصلو للفيلا دخلات شهد ديريكت للبيت اما نجم بقا من موراها تنهد و طلع من موراها جلس حداها فالسرير
نجم الدين بنبرة عالية؛ علاش كتهربي مني
شهد شافت فيه؛ قتلتيه
نجم الدين؛ اه علاش بغيتيه يبقى عايش
شهد بنبرة غالب عليها البكاء؛ علاش انجمي كتقتل هاا علااش خليه منو لي خلقو نتا غير خودو للقانون علااش كتقتل (كتبكي) علاش
نجم الدين شافها هكاك كيف خايفة منو قلبو ضرو عنقها عندو بقوة؛ حيت بكل سهولة ا شهودتي منبغيييش ولو نبشة تصيييبك لي خرب ليا ف روحي نخرب ليه ف روحو
شهد هزات عنيها فيه؛ عفاك
نجم الدين قاطعها؛ كنواعدك ميقيسك حتى مكروه من هنا الفوق واخا نساي لي شفتي و انا مابقيت انقتل حتى حد حيت دابا صافي كنواعدك مبقيت نقتل حتى واحد صافي
شهد؛ و واخا انجمي وعد ياك
نجم الدين؛ وعد
باسها فعنيها بحنية؛ يديك باقا كضرك
شهد: شوية و صافي انجمي
نجم الدين باسها فيديها؛ اتبرا لييك احبيبتي
غير نطق حبيبتي حسات بالسخونية طالعة معاها بالحشمة
حس بيها حشمات ناض متبسم توجه للدوش
#يتبع
VOUS LISEZ
💫جنون الليدر💫
حركة (أكشن)حصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
