💫جنون الليدر💫
الفصل2: هوس الزعيم بالصغيرة الفاتنة♥️🖇
🦋جزء 72:
صباح جديد 🌞
كتحل عينيها بالشوية وكتحك على راسها لي كيعطيها الحريق كتفكر شنو وقع معاها آخر شي عقلات عليه فاش هزها نجم الدين فالحفلة
ناضت بالشوية وملقاتش نجم حداها ناضت كتجر رجليها وكتقلب عليه تا لمحاتو فالكوزينة كيشوف من زاجها لي كيطل على الجردة وباينة فيه كيخمم
قربات ليه ونطقات بصوت خافت
شهد:نجمي!
تلفت عندها بالشوية ونطق ببرود:فقتي
شهد:أمم علاش مفيقتينيش
نجم:قلت نخليك ترتااحي السكرة جديدة عليك
شهد مفهماتش:كيفاش
نجم هز حاجبو:من إيمتا وليتي تشربي
شهد 😯:أناا؟؟ إيمتا شربت
نجم بجدية قاصحة':شهد آخر مرة سوا غلطتي ولا درتيها عن قصد منبغييش نشوفك فبحال داك الموقف مرة أخرى ولا اتوريك حاجة كتعجبكش
شهد خافت:صافي سمح ليا أنجمي معاقلة على والو والله ولكن مبقييتش نعاود
نجم:يلاه دوزي تفطري
تبسمات ليه وزادت قدامو تا وقفها ملي شد ليها يديها كيتفكر
نجم الدين:نسيت!
شهد:شنو
نجم الدين: داك الراجل لي سلمتي عليه البارح
شهد:مالو
نجم:من إيمتا وليتي تسلمي على الغرباء
شهد هزات كتافها:غي صواب وصافي
نجم شدها من كتافها وشاف ليها فعينها بعمق وتنهد:نساي الصواب نسااي كلشي متبقايش تسلمي على الرجال (بخفووت) تافقنا
شهد ببرائة:واخا أنجمي يكون غي خاطرك
نجم تبسم وباسها فرااسها بحنية:يخليلي لي كيسمع الهضرة
ضحات معاه ودازت فطرات خلاتو شاد البيسي تاعو فالصالون ودازت هي للبيت دوشات بالخف ولبسات عليها حويجاتها لي كانو عبارة ميني من الفوق كيبين كريشتها لي مكينااش أصلا ولكن بيضة كتشقشق.. مع سروال كحل وسبادغي بيضة خلات شعرها مطلوق على راحتو وهبطات بحيوية عند نجم الدين
سمع حسها وهز راسو شافها هكاك ونطق
نجم الدين: مالك
شهد بدلع:عرفتيي أنجمي!
نجم الدين:أ شنو
شهد:توحشت ثاائر يلاه نمشيو عندو
نجم الدين:توحشتيه!!
شهد:أه كيشتي شحال هادي ممشينا عندو مع الإمتحانات داكشي علاش
نجم:واخا يلاه نمشيو
شهد:ياااي بصح
نجم ضحك: زيدي يلاه الهبيلا
#يتبع
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
