⚡️جنون الـلـيـدر⚡️
الفصل 1:كسر طغي الزعيم🖤
🦋جزء 48
...ركب فحالو غادي لوجهتو
وخلا نجم متبع لييه العين وتا عقلو خداام
من إيمتا ولاو يزعمو الرجاال ويجيو يطلبو منو الشرااكة!! امم زعاامة هي ولكن معليش هو نيت قبل باش يجيب خبارو
هز تيليفونو ودوز لمنصور ديك الساعة جاوبو
نجم:وا فين
منصور: هااحنا اش خبار شهد
نجم:تا كيفاش از**بي وليت نعيط ليك على الخدمة ونتا كتسول عليها
منصور: تهدن اصاحبي غا سولناك تا بغيتي تخرج ليا من تيليفون!
نجم:جي جي بارااكا من قوة الهضرة كنتسنااك فالديبو
وقطع!!
مشا نجم للمكتب ديالو كيقلب فشي وراق وكيبحث فالبيسي .. بعد مدة قصيرة وقف عليه منصور
منصور: مالك قبيلا فالتيليفون اش كاين!!
نجم هز حاجب:لا اجي ضربني
منصور هز حاجب ونطق بمزاح:غا جيتيني كبر مني
نجم:جلس باراكا من قوة الهضرة بغيتك تعرف ليا شي معلومات على واحد خونا
منصور:همم القضية فيها المعلوماات(بتكبر) إييه وشنو كنتي غدير بلا بيا
نجم: كنت غنقلب على شي واحد آخر
منصور 🙂: انا لي حمار باقي صابر علك
جبد من جيبو تيليفون وكمل هضرتو:عطيني سميتو
نجم:عيسى الأيوبي
منصور كتب سميتو وطلع لييه ملف مكانش عامر بزاف
منصور بإستغراب:واش دار ليك شي حاجة!!
نجم بإستهزاء:يدير!! لا راه بغا يولي شريك قالك هه وبكل ثقة فالنفس قالها
منصور دخلو الشك: ولكن هو معندو تا علاقة فهاد المجال يمكن جديد
نجم:امم جديد قلتي
منصور: وااه هه وما لقا معامن يبدا غا معاك
نجم:واخا نخليه يبدا ولكن موحال يكمل
منصور: واش شاك فشي حاجة زيد وضح ليا
نجم:منصوور نتا غير تبعو ليا نعول علييك
منصور: صافي كون هاني
تصافحو بشكل رجولي ومشا كل واحد فيهم من جهة منصوور لدارو .. ونجم طلع عند شهد
غير دخل للغرفة لقاها كتلعب
نجم:شهد يلاه نمشيو
شهد:أوو غنمشيو دابا باقي مساليت اللعب
نجم:تال الدار وكملي يلاه
شهد:امم واخاا
ناضت ومشات عندو شدات ليه فيديه وفاش بغا يزيد وقفاتو
شافيها باستغراب ونطق
نجم: مالك تاني
شهد بدلع:نجمي هزني
نجم:علاش مالك مهرسة
شهد دورات عينيها: لا لا ولكن هزني عافاك ودير ليا هوووبلاا
نجم ساط بنفاد صبر هزها ونطق بزز
نجم:هووبلا
شهد عبسات:لا ماشي هاكا
نجم: وشنو تاني
شهد: هزني الفووووق فمهتي
نجم فهمها:ااه بلاتي
شدها من خصرها وعلاها الفوووق
نجم:اووووبلااا
شهد بقات كضحك دينا كتشوف البنات كيديرووها ليهم وليديهم وهي أول مرة تجرب هاد الإحسااس.. بقات كضحك من اعماق قلبها وتا نجم الدين غا شافها كضحك هاكا تاهو ضحك تلقاائيا..
..يتبع..
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
