💫جنون الليدر💫

✒️part127✒️

💫جنون الليدر💫

✒️

الفصل2: هوس الزعيم بالصغيرة الفاتنة♥️🖇

الاجــزاء الاخـيـرة🧡🌺

🦋الجزء 127;

من بعد ما دوش ليها و تمنظر فملامح جسمها لي كيثيروه و يسيطيوه تحكم فراسو بززز  لوا عليها فوطة و خرجها من الدوش حطها فوق الناموسية و هي باقا كتدوي و كتقول شي هضرة ممفهوماش حيت باقا تحت تأثير الخمر توجه للبلاكار جبد ليها بيجامة فالقهوي سخونة جبد كلينكس عطاه ليها.
نجم الدين(حط ليها ديك البيجامة فوق الناموسية ) هاكي مسحي الماكياج .
شهد(شدات عندو داك كلينيكس بالزعفة بقات كتمسح فوجها و فمها و كدوي) آخخررر مرة تبقا تمشي لداك البار آخر مرة باقي تقرب ليك شي جحشة انحرها (خرجات فيه عينيها) وااش فهمتي اموسيو الجعفري.
نجم الدين(تبسم حيت كتغير عليه بقا غير كيشوف فيها و كيشوف فشفايفها لي كيتحركوا) لبسي هاد البيجامة بينما دوشت .
شهد(خنزرات فيه و هزات ديك البيجامة)
دخل هو للدوش غسل حالتو و طرفها خرج من الدوش لبس حوايجو لي عبارة على سورفيت و تكا حدا شهد لي غير بدلات حوايجها تخشات تحت المانطة.
نجم الدين(حط يدها على شعرها لي باقي فازك بالما كيدوز عليه) آخرر مرة تبقاي تشربي اااخرر مرة اشهد .
شهد(حنات راسها و عاودات علات فيه عينيها شدات ليه فيدو) صافي اخر مرة.
نجم الدين(غوبش) تواعديني ممم؟
شهد:(حطات رجلها وسط رجليه) كنواعدك انجمي .تبسمات تشجعات و حطات يديها على لحيتو كتشوف فيه و كتدقق فملامح وجهو قربات ليه و انفاسها ضربو فوجه نجم الدين لي غير كيشوف فيها اش غتصنع .
دورات يديها ورا عنقو غرزات ضفارها فشعرو خلاتو يقشعر و زادت تخشات فيه حتى ما بقا كيفصل بيناتهوم والو حطات شفايفها على شفايفو بحنية باستو بوسة خفيفة حيدات عليه شافت ليه فعينيه و عاودات باستو بدات كتبوس فيه بالخاطر نجم الدين حس بالسخونية كتنهش فيه دور يديه ورا خصرها كيبجغ فترمتها بشوية متجاوب معاها بقاو كيتباوسوا مدة حيد نجم الدين فمو على فمها و عاودات جبداتو لعندو كتبوس فيه بجهالة و حتى هو باسها بالجهد و عضها عضة خفيفة على شفايفها.
نجم الدين(كينهج و حاس بالسخونية خايف لا يغلط و يدير معاها شي حاجة) نعسي اشهد نعسي لا نصدقوا فشي حاجة.
شهد(ناضت من بلاصتها كلسات فوق حجرو ) انا بغييت نخرجوا فشي حاجة انجمي.
نجم الدين(غير كيشوف حيدها فوق حجرو و قربها لعندو باسها فراسها) ماشي دابا نعسي .
شهد(تبسمات و دورات رجليها فوق رجليه و تخشات فيه و نعسوا.)
صبح الصباح فاق نجم الدين هو اللول لمح شهد كيف مكمشة و ناعسة تفكر داكشي لي طرا بيناتهوم البارح تبسم باسها فخدها ناض من حداها دار روتينو هبط للكوزينة جمع داك الزاج لي طاح فالارض و نقا الحالة ووجد الفطور حطو فوق الطابلة.

يتبع...