💫جنون الليدر💫

📜part 34📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء 34

جر معاه شهد خرج لبرا كيسوط و يضرب برجليه فالطوموبيل خلاها كتبكي فصمت بما انها طفلة مغتحملش منظر شي حد معصب او كيضرب حداها سمعها شهقات مشا تحنا عندها شدها من كتافها بشوية
نجم الدين: شش متبكيش مواقع والو
شهد بلا مترد عليه عنقاتو بجهد بقا غير كيشوف اول عنااااق ليه من بعد عناق ماماه حس بحنية هاد الطفلة لمهلة قلبو بقا كيدق عجبو كيفاش خايفة و مخشية فيه عجبو احساس يعنقك شي حد بريييئ حط يديه على شعرها كيطمأنها شهد غير حاطة راسها فعنقو و كتبكي حيت خايفة حيدها من عليه و قال
نجم الدين: متبقايش تبكي مواقع والو مم (مسح ليها عنيها)
شهد؛ و واخا
شدها من يديها طلعها فالسيارة و دار ليها السمطة شاف فيها لمهلة فعنيها الخضرين و سد الباب طلع حتى هو و كسيرا متوجه لدارو مدة قصيرة وصلو قدام الدار نزلها و خلاها مشات كتجري وقفات قدام الباب كتسناه يحل الباب غير حل الباب دخلات ديريكت للكوزينة نجم الدين تبعها
شهد ببرائة: واش ممكن دير ليا شكلاط فوسط الخبز
نجم الدين: واخاا شحال كتاكلي
شهد؛ حيت كنجوع
نجم الدين تبسم على هضرتها و باشر يوجد ليها لي بغات
🍁🍁 عند الزعيم رغد غير وصل للفيلا المخيفة ديالو نزل من طوموبيل دخل لدارو و لي كارد موراه بحال الكلاب الاوفياء جلس فواحد الكرسي معصب و وجهو حمر نطق بعصبية
رغد: بغيت تجيبوليا خبار ديك البنت لي كانت معاه شكون هي و اش كتجيه و كلشي التفاصيل (غوت) غدااا الصباااح نلقا المعلومات عندي
لي كارد: امرك (خرجو للبرا)
رغد بينو بين نفسو: مم دابا نشوفو التفرعين ديالك فين يوصلك الليدر
نطق هاد الكلام و جبد الغبرة بغبر مع راسو
وصل الليل المعروف بالهدوء نجم الدين تعشا هو و شهد سالاو جمع الماعن غسلهم على اخر يامو و صونا ل منصور عاود ليه كل ما وقع تعصب بزااف ولكن اش غيديرو من غير الى قرب ليهم اكيد ايكون مصيرو الموت 🔥
كمل و مشا جلس فالجردة حداه كاس دالقهوة و بيسي خدام منو و كيتواصل مع الزعماء شركاؤو و حتى الخطاف الى كان شي جديد حتى حس بشهد واقفة قدامو
شهد بملل: نجمي واخا تلعب معايا
نجم الدين لا مبالاة: خداام
شهد؛ نجمي عفاك معامن العب انا
نجم الدين تنهد و سد البيسي: اش بغيتي
شهد ببرائة: واش عفاك تلعب معايا
نجم الدين شاف فالساعة: خاصك دابا تنعسي
شهد: مجانيش النعاس غير لعبو شوية و نعسو انا وياك انجمي
نجم الدين: واااخا اش بغيتي تلعبي
شهد كتفكر: مممم نجمي عفاك دير ليا طيارة عفاك (بحماس كتنقز)
نجم الدين معصب: فف ياله حتى نمشيو للفوق
دخل للدار مشا شرب الما و عطا لشهد حتى هي شربات طلع لبيتو و تبعاتو من موراه جلس على السرير شاد فراسو حتى تحنات عندو كتركب عليه شهد
شهد: مالك انجمي مغلعبوش (بحزن)
نجم الدين ساط بعصبية و تسرح على السرير شهد فرحات حيدات سباطها و وقفات فوق السرير حدا رجليه كضحك و متحمسة طلعها على رجليه جاتو خفيفة بحال الريشة طلعها و هي كضحك بجهد
شهد: هههه نجمي عنداك طيحني ههه
نجم الدين شادها من يديها الصغار و كيشوف فيها كيف كضحك تبسم بجنب  و بقا كيهرها برجليه فكرشها و هي كضحك حتى حمارت و حبس
شهد: هههههه حبس انجمي ههه
نجم الدين حبس و حطها فجنبو كضحك حتى شبعات و تفوهات
شهد: ممم انعس انجمي تصبح على خير
نجم الدين لا رد بقا  ناعس و كيشوف فيها هي نعسات على يديه و دورات رجليها على كرشو النعسة المعتادة ديالها و نعساات غطاها و تغطا حتى هو و غفااو بزوج

يتبع...