💫جنون الليدر💫

📜part 49📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء  49

شافها كضحك هاكاك تا هو ضحك تلقائيا و بقا كيدور بيها .
شهد(كضحك): ههههه صافي انجمي هبطني فيا الدوخة .
هبطها و تحنا لمستواها صافي بقيتي على خاطرك مم(تبسم)
شهد:(ومأت ليه براسها): اه انجمي
نجم:(مد ليها يدو باش تشد فيها): ايوا يلاه خاصنا نمشيو للدار
شهد(دلات شنايفها و شدات فصبعو الكبير بيديها الصغيورين بدات كضرب برجليها فالارض بمعنى لا منمشيوش) عافاااك انجمي بقا معايا نلعب انا وياااك كاينين بزاااف د الالعاب و الا مشيت للدار مغنلقاش باش نلعب(كتشوف فيه بعويناتها الخضرين و كترجاه بيهوم) عافففاااك انجمي
نجم(ساط بملل): واخا سيري جيبي الالعاب ديالك ندويهوم للدار
شهد:يييس (عنقاتو من رجليه)نتا احسن نجم فالعالم
نجم الدين تبسم لا اردايا و بقا متبع ليها العين حتا ختافات على انضارو.
مشات شهد للبيت لي فيها الالعاب خذات واحد نونوس كبير وشي مونيكات كبلاتهوم و تمات غادا لعند نجم.
نجم الدين(شاف داك نونوس لي هازا كبير عليها شدو من عندها و شدها من يدها)
ركبوا فاللوطو متوجهيين للدار مدازش بزااف د الوقت وصلوا هبطات شهد من اللوطو كتجري وقفات حدا الباب كتساين امتا يجي .
تقدم لعندها حل الباب بالسوارت سبقاتو شهد كتجري و شعرها كيتطاير فالسما .
سد الباب توجه للكوزينة خذا كاس د الما نزل عليه و جبد البيسي ديالو كيبقشش فيه.
حتا جات عندو شهد.
شهد:نجمي اجي لعب معايا
نجم الدين(حط يدو على خدها): عندي الخدمة الفنيكيشة (شعكك ليها شعرها لعبي نتي واخا)
شهد(قتانعات بهضرتو و مشات تلعب بالالعاب لي جابت من الدييو)
نجم الدين باقي كيطلع و يهبط فالبيسي و كيقلب على المعلومات لي ايوصلوه لعيسى الايوبي بقا هكاك مدة .
غربات الدنيا ووصل الليل حس براسو عيان سد داك البيسي و تكا براسو على الفوتوي حتا جات عندو شهد.
شهد: نجمي فيا الجوع.
نجم الدين(عارف انو ايجيها الجوع ) هزها غادي بيها للكوزينة حطها فوق البوطاجي.
نجم الدين: اش بغيتي نطيبو مم؟
شهد:(سرطات ريقها): بغييت بيتزا.
نجم الدين(حل الثلاجة لقاها كتصفر مكاينش داكشي لي ايحتاج باش اقادها) نصاوب ليك شي حاجة خرا من غير البيتزا
شهد(دورات راسها يمين شمال بمعنى لااا هزات كتافها): لا انا بغيت بيتزا.
نجم الدين:(هبطها من فوق البوطاجي):واخااا اجي معايا غنديك تاكلي بيتزا على برا فكرة مزيانة ياك مم؟
شهد(تبسمات و فرحاات): وااه انجمي
هزها غادي بيها للبيت لبس ليها كسيوة حد الركبة فالكحل مع ليبة فالبيض و سباط بلا مشط ليها شعرها و قادو ليها.
لبس هو سروال كحل مع قميجة كحلة(عزيز عليه الكحل) مع مكانة رش ريحتو.
هز معاه شهد خرجو من الفيلا حطها فاللوطو قاد ليها السمطة و كسيرا لوجهتو

يتبع..