💫جنون الليدر💫

📜part 35📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء 35

صبح صباح جديد مع احداث جديدة فاق نجم الدين دار روتينو توجه لعند شهد لي ناعسة و مكمشة بحال شي جنين حط يدو على شعرها كيدوز عليه بتاسم لا اراديا بدا كيفيقها بشوية .
نجم الدين(كان ايقوليها البرهوشة مي غير رأيو و عيط عليها بسميتها):شهد فيقي خلاص .
شهد(كتحل فعويناتها و كتجبد فيديها و رجليها و كترمش بعويناتها الخضرين البريئين) مممم باقي الحال انجمي خليني نعس.
نجم الدين(مبغاش افيقها دابا حيت باقي الحال بكري و لكن ميمكنش اخليها فالدار سو غيضطر يديها معاه الخدمة دار راسو نايض من حداها و غيمشي): اههاه واخا نتي نعسي انا غنخرج نتسارا بوحدي و خليك نتي فالدار و غنشري بزاااف د الالعاب.
شهد(غير سمعات الالعاب فاقت بلهلا يطاريه ليها): بصااح انجمي صافي انا فقت مبقيتش غنعس(دلات شنايفها) غير ديني معاك.
نجم الدين(عارف منين يشدها تبسم): سيري غسلي وجهك و هبطي نفطرو باش نمشيو.
شهد(بقات كتنقز فوق الناموسية): يييس يسس غيكونوا عندي بزاااف د الالعاب(بدات كتحرك فيديها)
هبط نجم الدين قاد الفطور حطو فوق الطابلة تقدمات عندو شهد فطروا و لبسوا حوايجهوم خرجوا ركبوا فاللوطو متوجهين للديبو.
مدازش بزااف د الوقت ووصلوا هبط نجم و هبط معاه شهد شاد ليها فيديها متوجهين للديبو شافوه ليكارد لي مستفين تما حدروا راسهوم دخل للديبو طلع فالدروج حط شهد فواحد الغرفة فيها بزااف د الالعاب(كان وصا الخطاف باش اجيبهوم حيت علمو بانو غيبقا اجيب معاه شهد) دخلها تما شهد شافت الالعاب فرحات بزااف.
شهد(حاطا يديها على فمها )نجمي هادشي كلو ديالي؟
نجم الدين:(تبسم) اه الفنيكيشة كولشي ديالك(هبط لعندها حط يدو على كتافها) شوفي متخرجيش من هنا ويااك (شار ليها بصبعو) بقاي تلعبي بدوك الالعاب انا غنرجع دغيا تافقنا(مد ليها يديه باش ضرب فيها بمعنى تافقنا)
شهد(تبسمات و ضربات فكفو) تافقنا انجمي.
من بعد ما دخلها لداك البيت سد عليها و توجه لعند الخطاف بقاو كيدويو فأمور الخدمة.

فبلاصة خرا🖤
بالضبط ففيلا رغد الشوفة فيها تخليك تخلع كالس رغد فوق الفوتوي حاط رجل على رجل و سيكار فيديه و كاس د الشراب فوق الطابلة بقا كيفكر و كيخطط مع راسو اش ايدير باش ينتاقم من الليدر العدو ديالو .
حتى قاطع تفكيرو خطوات الكارد تقدم لعندو حاني راسو.
رغد(نطق بصوت خشن ): قدرتي تعرف شي حاجة يا ويلك و تجي بيديك خاويين.
رغد(هز عينيه شاف فيه بالزربة حيد عينو كيدوي بلاما يشوف فعينيه بطبيعة الحال حيت كاع ليكارد نتاعو كيخافوا منو) سيدي بالنسبة للبنت لي كانت مع الليدر فتأكدت بلي مكتجيه والو.
رغد:(كيفكر ) مممم وشكون تكون هاد البرهوشة؟ على اي غتمشي تقلب ليا واش داك الخائن الز*امل لي كان كيدي الفلوس و مكيجيبش لينا السلعة اتأكد ليا واش عندو شي عائلة دابا غبر من قدامي.
الكارد(حاني راسو): امرك سيدي و خرج من الدار.
رغد(كيدوي و كشاشو خارجين): غير بلاتي مغتبقاش فيكوم انقتلكوم و نشرب من دمكم كاملين(نزل على داك الكاس دقة وحدة و خبطو مع الارض)

يتبع...