💫جنون الليدر💫

📜part43📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء  43

نجم الدين غير وجهتو لمدينة الملاهي عشان خاطر شهد ههه (بالمصرية) دازو من حدا واحد المول د الكسوة و شهد مع كانت مخرجة راسها من السرجم شافتو بقات متبعة العين و غير كتشوف نجم الدين شاف من المراية فين كتشوف بلاصا الطوموبيل و نزل نزلها معاه و توجه للمول خلاها غير كتنقز فرحانة دخلو للمول كان كبير و زوين طاغي عليه الون الغوز حيت فيه كسيوات بنيات صغار من 3 سنين ل 10 سنين دخل و شادها من يديها مشا لبلاصة معلقين فيها لباسات خلاها تختار على خاطرها ختارت زوج لباسات كيحمقو قنعات بييهم فلخر هو مشا ختارت ليها تيشورتات مع شورطات قصار كيحمقو و سبيبطات كلشي جمعو فعلبات خلص و خرج من المول دار داك الشي فالكوفر و ركب شهد دار ليها السمطة و توجهو لمدينة الملاهي
شهد فطريقهم: شكرا على حويجات نجمي زوينين
نجم الدين: بلا متشكريني ا شهدوتي هه (احح فين هي التخنزيرة فين)
خلا شهد كضحك حيت عجبها تغيرو معاهاا بزااف حسات باهتمام كينبع منو اي طفلة كتبغي الاهتمام و تبغي الحب من شي حد بعد دقائق وصلو قدام واحد مدينة ملاهي كبيرة و صوت الناس لي راكبين فالالعاب عالي كيغوتو نزلو من الطوموبيل و شد شهد من يديها و داخل بخطى ثابتة البنت لي كادوز كتبركك فيه هو مدايهاش فلعالم فقط كيشوف فين يركب شهد و هوما داخلين كيتمشاو و شهد فرحانة بانت ليه لعبة للصغار كادور وقف تما و شاف فشهد
نجم الدين: عجباتك
شهد: (كتنقز و تصفق) اه اه ركبني ههه
نجم الدين تبسم و صبر حتى كملات و ركبها بقات كتفحص ديك اللعبة و فرحانة بحكم عمرها شافت بحال هاد الالعاب فقط كتسمع بيهم و كتشوفهم فالتلفازة اللعبة عمرات بالاطفال بدات كادور و نجم الدين واقف متبسم و كيشوف ف شهد لي بدورها كتشوف فيه و فرحاانة البسمة مفارقاتش وجها البريئ نجم الدين جبد التيليفون من جيبو و دار فيديو لشهد و هي فالعبة و كضحك حتى سالات اللعبة حط التيليفون فجيبو و مشا نزلها و هي كضحك
شهد: ههه واو زوينة انجمي ديني لوحدة خراا (شارت بصبعها) هادي هادي عفاك
نجم الدين شاف فين كتشير كانت لعبة فيه اطفال ممسوكين بحبال وهوما كينقزو داها تما كان حبل خاوي طلعها و ربطها مزيان من خصرها و بدا كيجبد فيها و يطلق و هي كتعلى الفوق و كتغوت من الفرحة حتى سالا الوقت و نزلها دايخة و كضحك بقاو كيدورو لمحات شهد واحد كيبيع الصوفة (غزل البنات) نغزات نجم الدين ضحك عليها و مشا شرا ليها زوج وحدة فيد و لاخرى فيد بقا شادها غير من كتفها جلسو على واحد الكرسي و خلاها كتاكل و تبنن عجباتها بزاااف و هو غير متبع ليها العين بعويناتو الزرقين لي كيحمقو و تغوبيشتو لي واخا كيتبسم التغوبيشة حاضرة كملات شهد و شافت فيه فمها مطلس غوز بالسكر مسح ليها بصبعو شافتو مسح ليها السكر لي كان لاصق بصبعو شداتو و مصاتو خلاتو مخنزر حس باحساس فشكل من طفلة قدها جبد صبعو و هي كضحك مفاهمة والو تلفتات و هي تلمح أرجوحة كيلعبو فيها دراري صغار طلبات نجم الدين و مشات كتجري بغات تركب مقدراتش جا واحد الولد تقريبا فسن 10 سنوات ركبها (نجم الدين ملاحضش حيت جاه اتصال) بدا كيدفع بيها و هي غير كضحك حتى عيات و هبطها هنا نجم الدين علا عينو لقاها واقفة و داك الولد ماد يديه لجبهة شهد

يتبع...