💫جنون الليدر💫

📜part 58📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء 58:

خلا ليه يدو بلا صبع
صافي عيسى حس بالموت كتر عليه الألم بداو يتبدلو فيه الألوان وكيترعد بشكل ملحوظ
قرب منو الليدر وشدو من كول قاميجتو سااخط

الليدر:واش مغتگرش يا ولد القح**بة
عيسى كيترعد:عتقوني مبغيتش نموت كنطلبك مبغيتش نموت
الليدر: نتا باغي تلعب معايا وماباغيش الموت كي درتي ليها
عيسى:كح كحح غي سمح ليا عافاك

الليدر طلق منو صااعر وشاف فالخطاف ونطق
نجم:جيب ديك القرعة
الخطاف فرح تاهو عزيز عليه يشوف شي حد كيتعذب خصوصا لا كان خائن وبديك الطريقة.. مشا جاب واحد القرعة كان فيها ماء قاطع مركز غي ريحتو كدوخ و تخنق
عطاها لليدر هاد الأخير لي حلها وبعد وجهو

الليدر:هذا عقاب لي كيلعب معايا
وهز ديك القرعة خواها على رجلو تا تقطع دااك السروال وبدا كيبان لحمو المسلوخ اما هو صافي غوت بجهد تا طاارو الطيور لي حدا داك الديبو

الفوق كانت شهد فبيتها كتلعب وكتسمع الغوات لي طير منها النص تخبات فقنت البيت وبقات جالسة تا سمعات الغوتة اللخرة لي زرعات فيها الرعب
بلاما تحس ناضت كتسلت وبدات كتحل فالباب بالشوية

كان منصور واقف ورا الليدر غير لمح الباب من الفوق كيتحل وشهد كتخرج راسها مستكشفة للصوت منين جاي ..طلع هو كيجري دخلها وسد الباب

منصور: فين كنتي غادا
شهد بخوف:معرت شكون كيغوت
منصور:أجي ابابا اجي متخافيش يلاه نخرجو

جرها من يديها وخرجها من الجيهة اللورانية.. هاد الديبو عامر بالمداخل.. داها للسيارة ديالو ووقفو فالباب .. شعل ليها الموسيقى باش متسمعش باقي الغوات وجلس هو على اعصابو عارف نجم غيرونها ليوم مع داك يحيى الغدار

داخل الديبو .. باقي عيسى كيترجا فنجم

عيسى:رحمني الله يخليك
الليدر:نطق دغيا راه غير كتشحف فراسك

عيسى صافي عرف راسو غيموت واخا يسمح ليه كيفاش غيبقى بهاد الإعاقات كلها شاف تا عيا وحنا راسو كيبكي بحال شي ولية

عيسى:أهيء اعع هو لي سيفطني الله ياخد فيه الحق
الليدر هز حاجبو : هادشي كنت عارفو ولكن علاش
عيسى:بغا ممتلكاتك كاملين حيت نتا مبغيتيش تعوضو على الخسائر لي تسببو فيهم الخونة ديالك
الليدر:انا مكنعوضش الزو**اامل وهاحنا غنشوفو شكون غياخد ممتلكات لاخر

شاف نجم فالخطاف هاد الأخير لي فهمو وجبد من جنبو موس كبير وتقيل (عقلتو عليه) جاه من اللور وطير ليه راسو تا خلا غي الكسدة لي فوق الكرسي مربوطة وراسو حدا رجلين الليدر..
هاد الأخير لي شاف فيه بملل ومشا مزير على قبضتو وغادي حالفها فيحيى

خرج متوجه لطومبيلتو تا وقف عليه منصور باللوطو ودار ليه بيدو باش يطلع
تاهو داكشي لي دار طلع تا كيتفاجئ بشهد اللور
فهمو منصور ونطق

منصور:كنتي معمي بالغضب مشتينيش ايمتا هزيتها وخرجت
نجم حرك ليه راسو باش يمشي بلاما ينطق

تحرك منصور طاير غي وصلو لفيلا تاع يحيى لقاو رجال نجم صابقينهم ولكن على الظاهر ديك الڤيلا ما فيها حراسة

هبط نجم طالعة ليه القردة يلاه غيدخل وهو يلقا ورقة فالباب هزها كيقرا
°•بلاما تعذب راسك أمسيو نجم الجعفري غا تلقا غا البرد الداخل.. نتلاقاو مرة أخرى•°

نجم كمش الورقة وعلى ملامحو غضب واضح جبد من ظهرو مسدس وبدا كيتيري فالسما بدجر

شهد كانت كتشوف فيه وغي سمعات صوت الرصاص فلتات لمنصور وهبطات عند نجم كتجري وقربات منو بلاما تخاف شداتو من جاكيطتو كتجرو
كان معصب وغي شاف فيها لاحظ الخوف فعينيها المدمعين وفمها لي كيترعد .. لاح الفردي وهبط عندها ناسي غضبوو براائتها كتكسر طغيو ديما.. شدها من وجها
نجم:متبكيش انا معاك متخافيش
تلاحت عليه معنقااه بحالا مخبعة من الدنيا كاملة فحضنو

|•نهاية الفصل الأول:كسر طغي الزعيم•|

Bnat diro m3akom vote Bach 9issa tban 3and NASS lakhrin WO partagiwha m3a shabatkom 💗WO gololiya xhno ban likom HTA dB fi fasl 1 Diyal 9issa fi commentaire ,mzll fassl Tani WO HTA Hiya Ghadi ykon chakhda  FIH HTA Howa yalsh Bnat ❤️❤️