💫جنون الليدر💫
✒️
الفصل2: هوس الزعيم بالصغيرة الفاتنة♥️🖇
🦋جزء 109:
صبح الصباح فاق نجم هو اللول لمح شهد لي مكمشة فيه باسها فراسها ووقف دار روتينو و قاد الفطور فوق الطابلة شرب قهوتو جبد واحد الورقة كتب عليها"انا غادي للخدمة فطري مغنتعطلش "
حطها فوق الطابلة و توجه للديبو.
مدازش بزااف د الوقت ووصل لقا الخطاف كيساينو.
نجم الدين:فين هو داك الكلب درتي داكشي لي قلت ليك ياك ؟
ثائر:أه ماي ليدر تهليت فيه
دخل للداخل لقا داك الشخص(نسميوه ماهر باش منتلفوش) معلق و الدمايات على وجهو . رمقو بنظرات قاسية وقرب ليه
نجم الدين عطاه كروشي لكرشو حتى بززق الدم.
نجم الدين:كيفاش تجرئتي تمد عليها يديك دوي الز***اامل
ماهر:(حس بالدوخة سخف بالعصا وبقا غير كيكح)كحح كحح انا غير كنفذ فالاوامر متآدينيش
نجم الدين: كتنفذ الأوامر ياك! وا عيط للقو*ا*د لي مسيفطك
قرب ليه الخطاف ونطق حدا ودنو
الخطاف:مي ليدر را شفت تيليفونو عندو علاقة مع يحيى هو لي سيفطو
هنا صافي الليدر جعر دار وراه لي لقاها كيهرسها وكيغوت كيفاش هاد الشماتة زعم علييه 9 سنوات وهو صابر صافي هنا النقطة لي فيضات الكأس مبقاش غيرحمو
نجم خدا من عند الخطاف التيليفون ومدو لماهر
نجم:شد عيط ليه وقوليه يجي عندك فباب الغابة يلااه
ماهر شدو وهو كيقفقف ميقدرش يرفض دوز الخط ليحيى لي جاوبو دغيا
ماهر:سي يحيى جي دابا لباب الغابة لي فطريق ***
يحيى:لا منقدرش نخرج واش نفذتي المهمة
ماهر:أ أجي لتما ونهضرو
(وقطع)
ورجع ليه نجم كيضرب فيه كيبرد جنونو
هنا دخلات شهد كتجري شافت داك الراجل فديك الحال تروعات نجم تلفت فاش سمع شي حد دخل شافها تصدم تقدم عندها
نجم الدين: كيفاش جيتي هنا
شهد كتشوف فماهر فديك الحالة وكتمتم:أ أ أنا عرفتك أتكون كتآدي هاد الراجل خديت طاكسي وجيت
نجم بغضب:علاش خرجتي بوحدك
شهد غوتات:ديه للبوليس يتفاهمو معاه لاش كتوسخ فيه يدك
نجم بصرامة:سيري للدار أنا غنتبعك ياله سيري
شهد:مغنمشيش تا نديك معايا
نجم حك على راسو بغضب ورجع شاف فيها: إلينا خرجات من العملية وكتسناك
شهد :بصحح!
حرك ليها راسو باه وشاف فثائر لي فهمو ومشا معاها وهي فرحات وتبعاتو غير بعدو باللوطو هز نجم الدين سلاحو وصوبو لراس ماهر جاب ليه الرصاصة بين عينيه وتلفت بلا مبالاة عند واحد من رجالو باش يمشيو للغابة
#يتبع
VOUS LISEZ
💫جنون الليدر💫
Actionحصرية على الواتباد 👑لحصريا ولأول مرة على شاشتكم 👑 #مكتملة .. قصة تحت عنوان 💫جنون الليدر💫 #حصريا قصة بنكهة خاصة ومخالفة على باقي القصص بحيت في أحداثها مقتطفات واقعية، كوميدية درامية رومانسية، العشق الهوس الجنون، البراءة، الخجل تفرشيييخ رجو...
