💫جنون الليدر💫

📜part 23📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء 23:

دازت ديك العشية روتينية ..

🍒فصبح الصباح فطياتو احداث جديدة 🍒

فاق نجم الدين هو اللول لقا راسو محصور بشهد عاود بعدها عليه ودخل للدوش قضا حاجتو و طرف حالتو و خرج لاوي عليه فوطة مشا للبلاكار هز تيشورت فالبيض و شورط فالكحل لبسهم و خرج من البيت لقا الفطور موجود فوق الطبلة جلس كياكل و يرشف من قهوتو حتى حس بيها وقفات ليه فوق الراس

داليا: صباح الخير موسيو نجم
نجم الدين معبرهاااش

داليا بتحلوين: كنعتاذر منك على البارح اموسيو اخر مرة تعاود سمح ليا عفااك
نجم الدين بلا ميشوف فيها نطق بتهديد: إلا قديتي غي عاودي
 
داليا بلعات ريقها: س سمح ليا
نجم بزز؛مسامحك

داليا فرحات: شكرا ليك
خلاتو يكمل فطورو و مشات للكوزينة كتضحك ضحكة انتصار هاها مسكينة

داليا: مم و دابا منين سمحتيلي أنا غنهنيك من ديك البرهوشة و غتكون لياا ا سي نجم
كملات كلامها لي كتحلم بييه و جبدات قرعة الشكلاط كتاكل فيها بالمغرفة اما نجم الدين كمل فطورو و خرج برا فيديه كاس دالقهوة و كارو كيبوخ منو مدة قصيرة سالا رجع الكاس لداخل لمح شهد هابطة من الدروج بقا واقف عمل يديه فجيابو و بقا كيشوف فيها حتى وصلات عندو
شهد علات راسها فيه: صباح الخير نجمي كيف صبحتي معدبتكش فالنعاس ياك
نجم الدين: لا جلسي تفطري
شهد جلسات على الكرسي بزز اما نجم الدين جلس صايب ليها فرماجة فوسط الخبز و كب ليها كاس ديال اتاي بقا كتاكل و تشرب اتاي على خاطرها حتى سالات جمعات يديها و قالت
شهد: الحمد لله شبعت
نجم الدين وقف و مشا جيهتها وقفها و شدها من يديها و خرجها معه للجردة جلس فكرسي و قابلها معاه (واقفة)
نجم الدين؛ انمشي لخدمتي حيت ميمكنش نضل فالدار نقابلك مغنتعطلش دغيا نجي ماديريش الصداع طلعي لبيتك لعبي و الى دارتلك اي حاجة قوليهالي فاش نجي
شهد: واش ميمكنش نمشي معاك والله ماندير الصداع ا نجمي غير نجلس و نشوف
نجم الدين بزعفة: اناا غنخدم فهمتي غنخدم طلعي لبيتك بقاي فيها حتى نرجع مغنتعطلش حتى لليل دغيا نجي (حسها بلي راها خايفة)
شهد: واخا انجمي
طلعات لبيتها كتجري على اساس تلعب اما هو وقف دخل الكوزينة لقا داليا كتغسل الماعن
نجم الدين بتحذير:واياااااك (فهماتو) انا غنمشي للخدمة شوية و  نرجع
داليا: وواخا اموسيو كون هاني (خلاتو خرج و ضحكت ضحكة شيطانية)

يتبع...