💫جنون الليدر💫

📜part 42📜

⚡️جنون الـلـيـدر⚡️

الفصل 1:كسر طغي الزعيم🖤

🦋جزء 42:

هزها خرجوا من الدار  و كسيروا نيشان للديبو.

بعد دقائق معدودة وصلوو ونزلات شهد هي اللولة كتجري ولفات هاد البلاصة بزااف.. بان ليها الخطااف ومشاات كتجري عندوو وسلمات عليه بطريقتها.. مدات ليه يديه وهو ضرب فيها وبعدها مشات كتجري عاود طلعات للبيت لي كانو فيه الألعاب وبدات تلعب وتنقز نسات الضربة تاعها

نجم تبعها بخطى ثابتة ورزينة جلس كيف ديما فمكتبو كيقلب فشي ورااق ومركز تا سمع تنحنيحية مغريباش عليه هز راسو بالعرض البطيء لقااه غير هو منصور

نجم:أش كاين
منصور:تا گولها غا زوينة أصاحبي
نجم بمزاح:غا زوينة

منصور شاف فيه ديك شوفة تاع واش منيتك ونطق
منصور:الليدر وليتي كتعرف ضحك وأنا ما فخباريش
نجم خنزر:ميصلاحش معاكم هادشي نتوما، دابا لاش جاي ياك هاد الوقيتة كتكون كتكوي همم (وضحك)
منصور ضحك:المدام عيات أنا جيت نشووف الصغيرة كي بقات ما جايش عندك

وزاد عند شهد مخلي نجم كيضحك عليه..
دخل لعندها لقاها كتلعب وضحك غا بوحدها
منصور: الزوينة كتلعبي!
شهد بفرح:عمو جيتي فين هي طاتي إلينا
منصور:فالدار دابا تجي لعندك
قرب ليها وخربق شعرها
منصور:مبقاش فيك ديدي ياك
شهد:لا متقولش ليا ديدي أنا كبيرة هاداك سميتو جرح وراه مبقاش كيضرني
منصور ضحك بجهد: هه هاي هاااي وراه أنا لي صغير ماشي نتي
شهد : عمو نسولك
منصور:سولي القطة نشوف
شهد:هاداك الشرير القبيح لي كيخلع هاداك..
منصور قاطعها:رغد اه مالو
شهد:اه مغيبقا يجي ياك  ودوك صحابو الكباار الكحلين(كيلبسو الكحل زعما )
منصور قاطعها للمرة التانية بملل
:مااالهم
شهد:أمم مغيضربوش نجمي عاود حيت البارح (بحزن) ضربووه هناا (شارت بيديها لورا راسها)

منصور حط يدو على راسها كيطمأنها:لا لا مغيرجعووش متخافيش

تبسمات ليه وهو بقا معاها شوية وخرج عند نجم الدين كيهضرو فأمور الخدمة وعلى شهد تاهي.. ومن بعد ما مشا منصور رجع لعند مرتو يضرب معاها شي ماتشات..
سالا نجم خدمتو وجر شهد راجعين للدار تا بدات تطلب فييه وتلح عليه يديها لمدينة الملاهي

شهد:عافاك أنجمي ديني عاااافاك
نجم: معييتيش من الصباح ونتي كتلعبي را الجرحة غتحل ليك
شهد بحزن:عافااك ديني نلعب أنا ديما كنت كنبقا نطلب ماما بحال هاكا باش تديني ومكتبغييش
نجم بقلة حيلة:واخا يلاه
شهد غوتات:يااااااااي نتا أحسن شخص فهاد الدنيا كلها

#يتبع